I DANSONS

Las! vous estes bien malheureux,

Se n'avez suffisance, Car j'avons pour nous resjouir

Pleine vinée en France.

Boys tortu, nous te remercions D'avoir si bien fructifié; Nous avons pour escu le poinsson De bon vin tout purifié ; Nous avons vivres à plaisir,

Bleds en grande habondauce ; Car j'avons pour nous resjouir

Pleine vinée en France.

Où sont ces gallants altérés Qui boivent si très- volontiers, Vins sont en tous lieux affrétez A ung liard ou à deux deniers; Venez-y tous, bons pionniers,

Et faictes diligence, Car j'avons pour nous resjouir

Pleine vinée en France.

Rendons grâces au divin Roy Qui nous a donné tant de biens, Car de deux ans, comme je croy, Nous n'y aurons faulte de riens, Veu que sans luy ne pouvons riens;

Faisons luy révérence, Car j'avons pour nous resjouir

Pleine vinée en France.

Dieu doint au noble roy Françoys Joye et bonne prospérité, Et à tous bons princes courtoys Avoir paix et tranquillité,

Bonne amour et fidélité Sans avoir différence,

Car j 'avons pour nous resjouir Pleine vinée en France.

Demandons à Dieu paradis, Plus aultre chose ne nous fault, Et le servons en faicts et dis, Si nous voulons monter là haut ; Ainsi nous aurons sans déffault

Paradis sans doubtance, Car j 'avons pour nous resjouyr

Pleine vinée en France.