Sagina super quo sederit, immundum erit
| 10. Et quidquid sub eo fuerit * , qui fluxum seminis patitur, pollutum erit usque ad vesperum. Qui portaverit horum aliquid , lavabit vestimenta sua : et ipse lotus aqua immundus erit usque ad vesperum.
11. Omnis , quem tetigerit qui talis est , non lotis ante manibus, lavabit vestimenta sua :et lotus aqua immundus erit usque ad vesperum.
12. Vas fictile quod tetigerit, confringetur ; vas autem ligneum lavabitur aqua.
13. Si sanatus fuerit qui hujuscemodi sustinet passionem, numerabit septem diebus post emundationem sui , et lotis vestibus et toto corpore in aquis viventibus, erit mundus.
14. Die autem octavo sumet duos turtures , aut duos pullos columbæ , et veniet in eonspeetum Domini ad ostium tabernaculi, testimonii, dabitque eos sacerdoti :
15. Qui faciet * unum pro peccato, et alterum in holocaustum : rogabitque pro eo coram Domino, ut emundetur a fluxu seminis sui.
16. Vir de quo egreditur semen coitus, lavabit aqua omne corpus suum : et immundus erit usque ad vesperum.
17. Vestem et pellem, quam habuerit, lavabit aqua, et immunda erit usque ad vesperum.
18. Mulier, cum qua coierit, lavabitur aqua, et immunda erit usque ad vesperum.
19. Mulier, quæ redeunte mense * patitur fluxum sanguinis, septem diebus separabitur.
20. Omnis qui tetigerit eam, immundus erit usque ad vesperum :
21. Et in quo dormierit vel sederit* diebus separationis suæ, polluetur.
22. Qui tetigerit leetum ejus, lavabit vestimenta sua : et ipse lotus aqua , immundus erit usque ad vesperum.
23. Omne vas, super quo illa sederit, quisquis attigerit, lavabit vestimenta sua : et ipse lotus aqua, pollutus erit usque ad vesperum.
24. Si coierit eum ea vir tempore sanguinis menstrualis, immundus erit septem diebus: et omne stratum, in quo dormierit , polluetur.
25. Mulier, quæ patitur multis diebus fluxum sanguinis non in tempore menstruali, vel quæ post menstruum sanguinem fluere non cessat , quamdiu subjacet huie passioni, immunda erit quasi sit in tempore menstruo :
26. Omne stratum, in quo dormierit, et vas in quo sederit , pollutum erit :
