Locutus est Dominus ad Moisen, dicens

2. Loquere ad omnem cætum filiorum Israël , et dices ad eos: Sancti estote, quia ego sanetus sum, Dominus Deus vester.

3. Unusquisque patrem suum , et matrem suam timeat. Sabbata mea custodite. Ego Dominus Deus vester.

4. Nolite converti ad idola, nec deos conflatiles faciatis vobis. Ego Dominus Deus vester.

5. Si immolaveritis hostiam pacificorum Domino ut sit placabilis *,

6. Eo die quo fuerit immolata, comedetis eam , et die altero : quidquid autem residuum fuerit in diem tertium , igne comburetis.

7. Si quis post biduum comederit ex ea , profanus erit , et impietatis reus :

8. Portabitque iniquitatem suam , quia Sanetum Domini polluit , et peribit anima illa de populo suo.

9. Cüm messueris segetes terre tum, non tondebis usque ad solum superficiem terræ * : nec remanentes spicas colliges.

10. Neque in vinea tua racemos et grana decidentia congregabis, sed pauperibus et peregrinis carpenda dimittes. Ego Dominus Deus vester.

11. Non facietis furtum. Non mentiemini , nec dezipiet unusquisque proximum suum.

12. Non perjurabis in nomine meo *, nec pollues nomen Dei tui. Ego Dominus.

13. Non facies calumniam proximo tuo, nec vi opprimes eum *. Non morabitur opus mercenarii tui apud te usque mane.

14. Non maledices surdo , nee eoram cæco pones offendiculum: sed timebis Dominum Deum tuum, quia ego sum Dominus.