Faisaient le guet

granz et vileiDS, et ses gens navrez et oucis, si corne il est dit par desus, ne unques riens ne fu osté ne de celé meison ne d'autres par le conte, s'armeures non dont il trova petit, et celés meesmes li furent bailliées par ceus qui es estoient.

[Manchette 5), — Quinta querela Gaillardi de Soler. — Apres se plaint Gaiilarz de[u] conte de ce que , tôt ne eust il esté a Bordeaus quant la raeslée fu, ne pluseurs autres de ses amis, nepurquant il n'osèrent venir en la vile après la meslée, dont le conte seisit leur biens e les geta de la vile e deu pooir le Roi.

Responsio quinte querele. — De ce que Gaiilarz dist que lui et autres qui n'estoient pas en la cité quant la meslée fu feite, que le conte les achaça hors de la terre le Roi et luer biens prist en sa mein, et que le conte une partie de ceus qui estoient en la cité prest de droit prandre et de droit feire et estre a son comandemant, geta hors de la terre le roi et prist luer biens, ne ne porent revenir ne luer biens avoir, se par reeinçons non, respont le conte que il iist savoir et crier que toz cels qui a la peis et a la foi le roi voudroient estre venissent arrière seuremant et droit fesanz, Gaiilarz ni autre venir n'i voudrent, et por ce le conte prist luer biens par destrece en sa mein.

{Manchette 6). Sexta querela Gaillardi. — Apres se plaint Gaiilarz de ce qu'il dit que mulz estoient en la vile presz de droit prendre et de droit fere, et le conte les geta hors de la vile et prist leur biens, ne unques puis ne porent riens recovrer ne en la vile entrer jusque a tant qu'il se furent reeins.

[En marge : Registratum in parvo rotulo.]

Responsio VP querele, — Les autres que dient qui estoient en la cité prez de feire droit et de prandre, por ce qu'il estoient coupable deu mesfeit. Tan les mist hors de la cité les uns de luer volante meesmes, por ce que, se meslée sordist autre foiz en la vile, que Tan ne cuidast qu'ele ne fust meue par eus; les autres, parce qu'il avoient esté tant parçoners du mesfeit et estoient si haïz qu'il ne peussent en nule maneire demorer en la vile sanz péril de luer cors; et les autres por ce que, se il demorassent en la vile, a peine fust la cité sanz descort et sanz contenz, kar autrefoiz avoient-il meue noise et meslée en la vile. Et ce que le conte prist deu lor ne fu pas por rapeler les en la cité, mes por esmande des trespas qu'il avoient feiz. — De ce que Gaiilarz dit que son peire fu menez au chastel de Roker, bien est voirs que menez i fu, mes unques ne fu en fers, ne ça ne la, ne en liens.

{Af anche tte 7). — Septima querela Gaillardi. — Apres se plaint Gaiilarz de ce que, quant R. son père fu malades en la prison e en liens, le conte ne le volt douer a mainlever très-

qu'il fu guériz, e pur ce fu morz en la prison, e après saisi tote sa terre e toz ses autres biens.

Responsio VIP querele. — De ce que il dit que son peire requist que il fust meinlevés quant il fu malades, et que il morut en la prison por ce qu'il ne fu meinlevés et por mauveises noveles qu'il oï de ses amis, dit le conte que bien est voirs que Rustain requist que l'an preist Gaillart son fiU en ostatgeporlui, et Gaillart meesmes en vint parler au conte a Bordeus par le conduit le conte qui por ce le manda, en tele maneire que, si son peire morut, que Gaillarz fust délivres, et le conte li outroia; et quant Gaillarz dust aler mètre sei en ostatge por délivrer son peire, il s'an ala a Fronçac ou P, son freire et ou plusors de ses amis, et se mist ou chastel contre le roi aveques les enemis le roi, et ilueques fu trovez quant li chas tiens fu randuz. Et quant Gaillarz fu a Fronçac, Rustein morut ; et sa mort est plus a reter a son fiU que ne se vont ostatger, qu'a nuil autre, se a nuil est a reter; kar, se Rustein fust loiaus hom, plus li deust grever la desloiauté que ses filz fist d'estre contre le roi, et de ce qu'il ne le vont ostatger, que autres noveles. Quant Rostain fu morz, le conte prist toz les biens qui apartenoent a la partie son fil Gailart et P, son freire, por ce qu'il estoient apertemant contre la foi le roi, et des biens a la famé Rustein ne prist riens.

[Manchette 8). — Octava querela Gaillardi, — Apres se plaint Gaillarz de ce que le conte ne li volt rendre le chastel de Belin que son père li ot preste, dont le conte li bailla ses letres de rendre li a certein terme.

Respo7isio VHP querele, — Le chastel de Belin dut randre le conte a Rustain a un certein terme *, on a son eir qui fust en la foi nostre segnur le roi ; dedanz cest terme, Rustein morut, et por ce que Gaillart qui estoit son eir n'estoit mie en la foi nostre segnur le roi, ains fu apertemant encontre nostre segnur le roi a Fronçac, icelui chastel et totes les rantes li cuens seisi et prist.

[Manchette 9)- — Nona querela Gaillardi, — Apres se plaint Gaillarz de ce que riens ne pout recovrer des biens son père dont il e son frère peussent estre sostenu tresquatant qu'il se fu reeins iij™ mars.

Responsio IX^ querele, — A ce que Gaillarz dit que li ne si ami ne porent recouvrer luer biens tresques a tant qu'il se furent reeins trois mile mars, dit le conte qu'il fuirent por luer trespas et por luer mesfeiz, et bien luer offri que, se il volaent atandre jutgemant, que il volontiers luer delivreroit

1. Au terme de ses sept ans de garde, Clairembault, 1188, fol. 15.

luer biens toz, et il ne voutrent, mes antrerent en fin, et le conte la reçut si corne bien pot feire. Et dit le conte que se il volaent randre li les chouses qu'il luer randi et les eissues qu'il en out puis eues et atendre jutgemant, il auroit conseil de leisser la lin mes que il fust bien seurs de ce.

[Manchette 10). — Décima querela Gaillardi de Soler. — Apres se plaint Gaillarz de ce que, quant son père fist a savoir au roi en plainnent [sic) sa prison e tant de griés que le conte avoit fet a lui e a ses amis, et le roi manda au conte par ses letres qu'il délivrast cels qu'il tenoit en prison et rapelast cels qu'il avoit chacez de la vile e leur rendist leur biens, le conte par le comandemant le roi n'en volt riens fere; pur ce Gaillarz meesmes e son frère e autres alerent en Angleterre pur els plaindre; e le roi, qui fu deceut par le mandemant le conte e W. Reymond Colom, prist aucuns de els, s[cilicet] W. Arn. Monader, P. deu Soler, Bidau Conte,* e les tinst en prison en la tor de Londres; en la fin, le roi les deslivra au conte', e il les mist en prison en la terre le roi de France, e coe les greva plus que les griés devant diz.

Responsio X° querele. — De ce que Gaillarz dit que le conte ne luer vont randre luer biens au mandemant le roi, ne remetre les en la cité ne délivrer cens qu'il tenoit pris, le conte dit que, si le rois li manda ce, cil déçurent le roi et son conseil et le firent antandre faus, et bien i parut que quant Gaillarz et ses autres amis vindrent en Engleterre, nostre segnur le roi qui la vérité sot comant il s'estoient contenu les prist; et, quant il orent esté longuemant en prison, li rois les randi au conte a feire an sa volante come ceus qui s'estoient forfeiz vers lui, c'est a savoir P. du Soler, W. Arn. Moneder, et Bidal Conte ; et le conte les tint la ou il cuidot bien feire tant qu'il orent feit fin de luer mesfez. Et bien dit le conte que, se il manda riens d'eus au roi por quoi il les prist, il ne l'en mande unques se vérité non, ne nuil domatge il n'orent que il n'an deussent avoir eu pis ; et bien le puest l'an entandre par ce qui desus est dit.

[Manchette 11), — Undecima querela Gaillardi de Soler*, — Apres se plaint Gailard de coe qe Guillaume de Seint Aubin e son serjant furent occis de lor enemis, la ou il demorerent hors de la vile sor l'aseurement le conte.

Responsio XP querele. — De la mort W. de Saint-Aubin

1. Cf. charte du 27 novembre 1249 délivrée au nom du roi à Clarendon (Rot. claus., anno 34°).