HESITATION OF THE ROYALISTS BEFORE ARCQUES

Ces nouvelles ayant en peu de jours esté portées par toute la France, le Parlement qui estoit à Tours, alarmé d’ailleurs des entreprises et des menées des Ligueux qui l’environnoient de tous costez, et de la crainte qu’il avoit que La Chastre ne tirast le cardinal de Bourbon, en prit si fort l’alarme qu’il dépescha au Roy Paul Huraut de Valégran, Maistre des Requestes, et depuis Archévesque d’Aix, par lequel il luy proposoit, qu’il ne voyoit plus qu’un expédient pour sauver l’estât, mais dont il avoit désiré son advis premier que de l’avancer. C’estoit que comme autrefois on avoit veu à Rome deux Princes 10 associez au gouvernement de l’Empire, ainsi dans cette occasion l’Oncle et le Neveu régnassent conjointement, l’un ayant la conduite des affaires, l’autre celle des armes, et tous deux rallians les Religions ensemble. Les capitaines de son armée, les Religionnaires mesmes, dont le courage endurcy par les coups de la fortune ne rebroussoit pas facilement contre le danger, comparant les forces de son ennemy avec les siennes, ne voyoient pas bien quel expédient les pourroit tirer de ce péril, et appréhendoient extrêmement pour le salut du Roy, duquel dépendoit celuy de tout l’estât. De sorte que dans un 20 conseil qu’il tint le cinquième de Septembre, la pluspart concluoient que laissant ses troupes à terre fortifiés dans des postes, où elles pourroient aisément soustenir les attaques de l’ennemy, et attendre les renforts qui luy dévoient arriver, il mist sa personne sacrée en seureté, et qu’il s’embarquast au plustost pour prendre la route d’Angleterre, ou de la Rochelle, de peur que s’il tardoit davantage, il ne se trouvast investy par mer aussi bien que par terre — ce que les vaisseaux que le Duc de Parme avoit tous prests pourroient faire bien aisément, avec les barques qui descendoient de Roüen en très-grande quantité. Us ap- 30 puyoient cet advis de tant de fortes considérations que le Roy

mesme commençoit a s’ébranler, quand le Mareschal de Biron, qui avoit entendu ce discours avec dédain, fasché qu’il fist plus d’impression qu’il ne devoit, prit la parole, et d’une voix animée de cholère dit au Roy : ‘ C’est donc tout de bon, Sire, que l’on vous conseille de monter sur mer, comme s’il n’y avoit point d’autre moyen de conserver vostre Royaume que de le quitter. Si vous n’estiez pas en France, il faudroit percer au travers de tous les hazards et de tous les obstacles du monde pour y venir: et maintenant que vous y estes, on voudrait que vous en sortissiez! et vos amis seraient d’advis que vous 10 fassiez de vostre bon gré, ce que le plus grand effort de vos ennemis ne vous sçauroit contraindre de faire. En l’estât que sont les choses, sortir de France seulement pour vingt quatre heures, c’est s’en bannir pour jamais. On peut bien dire que vos espérances s en iront au vent avec le vaisseau qui vous emportera ; et il ne faut parler point de retour, il serait aussi impossible que de la mort à la vie. Le péril, au reste, n’est pas si grand qu’on vous le dépeint. Ceux qui nous pensent envelopper sont, ou ceux mesmes que nous avons tenus enfermez si laschement dans Paris, ou gens qui ne valent pas mieux, et 20 qui auront plus d’affaires entr’eux-mesmes que contre nous. Enfin, Sire, nous sommes en France, il nous y faut enterrer; il s’agit d’un Royaume, il faut l’emporter, ou y perdre la vie!

Et quand mesme il n’y aurait point d’autre seureté pour vostre sacrée personne que la fuite, je sçay bien que vous aymeriez mieux mille fois mourir de pied ferme que de vous sauver par ce moyen. Vostre Majesté ne soffriroit jamais qu’on dist, qu un cadet de la maison de Lorraine luy aurait fait perdre terre, encore moins qu’on la vist mendier à la porte d’un Prince estranger. Non, non, Sire, il n’y a ny couronne ny 30 honneur pour vous delà la mer : si vous allez au devant du secours d’Angleterre il reculera, si vous vous présentez au port de la Rochelle en homme qui se sauve, vous n’y trouverez que des reproches et du mépris. Je ne puis croire pour moy, que vous deviez plustost fier vostre personne à l’inconstance des flots et à la mercy de l’estranger, qu’à tant de braves gentils-hommes et tant de vieux soldats qui sont prests de

Jecat François Sarrasin.

luy servir de rempart et de boucliers : et je suis trop serviteur de V. M. pour luy dissimuler, que si elle cherchoit sa seureté ailleurs que dans leur vertu, ils seroient obligez de chercher la leur dans un autre party que dans le sien.’ Par de semblables paroles le Mareschal ferma la bouche à ceux qui avoient ouvert cet advis : et le Roy, donc le courage suivoit tousjours les plus hardies résolutions, et se déterminoit facilement dans les plus pressantes rencontres, se résolut d’attendre l’ennemy dans un poste advantageux, tel que je vay vous le descrire. IG