THE CHAR AC TE R OF WOMEN

Sa cervelle est de vif argent,

Qui ne peult arrester en place,

Son penser est moulin à vent

Qui de tous ventz meult une espace ;

Ce qu’il luy plaist fault qu’il se face.

Je le sçay par expérience,

Rien n’y sert user de menasse,

Encor moins user de science.

La femme a pour vertu le vice,

Pour doulceur elle est rigoureuse.

Pour subtil sens elle a malice,

Pour raison elle est cauteleuse;

Jehan du Pontalais.

Pour moins que rien elle est fumeuse, Pour proufïït el faict son plaisir,

Par vice se tient précieuse Pour mieulx ses amoureux choisir.

La femme dit qu’elle gouverne Tout l’hostel de ce qu’elle file;

Le mary despend en taverne Tout ce qu’il peult gaigner en ville; Par son parler se faict habille D’amasser bien en la maison ;

Plus faict labour seulle que mille,

Par quoy s’el faict tout, c’est raison.

Par son tencer l’homme assourdit, L’homme faict fol por son hault braire, L’homme par crier aveuglist,

Car force luy est veille faire;

Tous ses cinq sens luy fault retraire Tant le faict martyr à l’estroit ; Tousjours le sert de metz contraire S’il veult du chault, il a du froid.