PSALM XLIII

Revenge moy, pren la querelle De moy, Seigneur, par ta mercy,

Contre la gent faulse et cruelle;

De l’homme rempli de cautelle Et en sa malice endurcy Délivre moy aussi.

Las! mon Dieu, tu es ma puissance: 20

Pourquoy t’enfuys me reboutant?

Pourquoy permectz qu’en desplaisance Je chemine, soubz la nuysance De mon adversaire qui tant Me va persécutant?

A ce coup ta lumière luyse,

Et ta foy véritable tien.

Chascune d’elles me conduyse En ton sainct nom, et m’introduyse Jusques au tabernacle tien 3°

Avec humble maintien.

Là dedans prendray hardiesse D’aller de Dieu jusqu’à l’autel,

Au Dieu de ma joye et liesse,

Et sur la harpe chanteresse Confesseray qu’il n’est Dieu tel Que toy, Dieu immortel.

Mon cueur, pourquoy t’esbahis ores?

Pourquoy te debatz dedans moy ?

Attens le Dieu que tu adores,

Car grâces luy rendray encores,

Dont il m’aura mis hors d’esmoy Comme mon Dieu et Roi.