THE TRICKS OF TRADE

Et toutesfois on auroit tort (à mon jugement) de dire que ceux qui se meslent des draps de soye n’eussent autant d’esprit que ceux qui se meslent des draps de laine ; car aucontraire je croy que d’autant que les fils que manient ceux-là sont plus déliez que ceux qui sont maniez par ceux-ci, leur esprit aussi est plus délié et subtil pour trouver des finesses et tromperies.

Et premièrement comme les marchands de drap embourrent le drap, aussi sçavent bien ceux-ci traimer leur velours de filosèle, qui est quasi en la soye ce qu’est la bourre en la laine. 20 Voire ay-je entendu qu’aucuns ne sont traimés que de fil. Mais ils ont un avantage que les faiseurs de drap de laine n’ont pas : c’est que par l’eau qu’ils leur donnent, ils les font sembler avoir beaucoup plus de corps qu’ils n’ont. Et s’ils sçavent bien faire leurs besongnes alentour du velours par le moyen de l’eau, encore mieux les sçavent faire autour du satin. Quant au tafetas, on ne luy baille pas seulement l’eau qui fait qu’on y soit trompé, mais on trouve le moyen de faire que celuy à deux fils semble estre de quatre, celuy de quatre paroisse de six : celuy de six, de huict : celuy de huict, de douze : de 30 sorte que pour dix aunes de tafetas qui est vrayement à gros

Pierre de Ronsard.

grain, faict comm’il appartient, s’en vendent dix pièces de contrefaict. Aussi faut noter que comme nous avons dict que la sarge de Florence qui se vend ailleurs, à ceux qui ne s’y congnoissent point signifie sarge de Florence, à ceux qui s’y entendent signifie sarge faicte à la façon de Florence : ainsi le satin qu’on appelle de Bruges, est une hapelourde pour ceux qui n’en ont de long temps manié jamais, ou ne s’en souviennent plus: car à ceux-ci c’est satin, aux autres c’est satin de Bruges. Mais ce peu d’advertissemens suffira pour mettre en train ceux qui sçauront mieux descouvrir telles im- 10 postures, pour estre eux-mesmes du mestier. Car je sçay qu’entre ceux d’un mesme estât et d’une mesme vacation il y a tousjours des uns et des autres : et qu’ainsi soit, il a bien falu que je me sois adressé à des gens de bien pour descouvrir plusieurs secrets de leur art. Et pourtant je proteste n’avoir entendu de parler en général en ce que j’ay dict ci-dessus, et pareillement de ne l’entendre ainsi en ce que je diray ci-après.