CORIOLANUS AND HIS MOTHER

Elle prit sa belle fille et ses enfans quand et elle, et avec toutes les autres Dames Romaines s’en alla droit au camp des Volsques, lesquelz eurent eulx-mesmes une compassion meslée de révérence quand ils la veirent de manière qu’il n’y eut personne d’eulx qui luy ozast rien dire. Or estoit lors Martius assis en son tribunal, avec les marques de souverain Capitaine, et de tout loing qu’il apperceut venir des femmes, s’esmerveilla que ce pouvoit estre ; mais peu après recognoissant sa femme qui marchoit la première, il voulut du commencement persévérer en son obstinée et inflexible rigueur; mais à la fin, vaincu de l’affection 10 naturelle, estant tout esmeu de les voir, il ne peut avoir le cœur si dur que de les attendre en son siège; ains en descendant plus viste que le pas, leur alla au devant, et baisa sa mère la première, et la teint assez longuement embrassée, puis sa femme et ses petits enfans, ne se pouvant plus tenir que les chauldes larmes ne luy vinssent aux yeux, ny se garder de leur faire caresses, ains se laissant aller à l’affection du sang, ne plus ne moins qu’à la force d’un impétueux torrent.

Mais après qu’il leur eut assez faict d’amiable recueil, et qu’il apperceut que sa mère Volumnia vouloit commencer à luy parler, 20 il appella les principaux du conseil des Volsques pour ouyr ce qu’elle proposerait, puis elle parla en ceste manière: ‘Tu peux assez cognoistre de toy mesme, mon filz, encore que nous ne t’en dissions rien, à voir noz accoustremens, et l’estât auquel sont noz pauvres corps, quelle a esté nostre vie en la maison depuis que tu en es dehors : mais considère encore maintenant combien plus mal heureuses et plus infortunées nous sommes icy venues que toutes les femmes du monde, attendu que ce qui est à toutes les autres le plus doulx à voir, la fortune nous l’a rendu le plus effroyable, faisant voir à moy mon filz, et à celle-ci son mary, 30

S périmé ns of French Literature.

assiégeant les murailles de son propre pais, tellement que ce qui est à toutes autres le souverain reconfort en leurs adversitez, de prier et invoquer les Dieux à leur secours, c’est ce qui nous met en plus grande perplexité, pource que nous ne leur sçaurions demander en noz prières victoire à nostre pais et préservation de ta vie tout ensemble, ains toutes les plus griefves malédictions que sçauroit imaginer contre nous un ennemy sont nécessairement encloses en noz oraisons, pource qu’il est force à ta femme et à tes enfans qu’ilz soyent privez de l’un des deux, ou de toy, ou de leurs pais: car quant à moy, je ne suis pas délibérée d’attendre que la fortune, moy vivante, décide l’issue de ceste guerre : car si je ne te puis persuader que tu vueilles plus tost bien faire à toutes les deux parties, que d’en ruiner et destruire l’une, en préférant amitié et concorde aux misères et calamitez de la guerre, je veux bien que tu saches et le tienes pour asseuré que tu n iras jamais assaillir ny combattre ton païs que premièrement tu ne passes par dessus le corps de celle qui t’a mis en ce monde, et ne doy point différer jusques à voir le jour, ou que mon filz prisonnier soit mené en triumphe par ses citoyens, ou que luy mesme triumphe de son païs. Or si ainsi estoit que je te requisse de sauver ton païs en destruisant les Volsques, ce te seroit certainement une délibération trop malaisée à résoudre : car comme il n’est point licite de ruiner son païs, aussi n’est-il point juste de trahir ceulx qui se sont fiez en toy. Mais ce que je te demande est une délivrance de maulx, laquelle est également profitable et salutaire à l’un et à l’autre peuple, mais plus honorable aux Volsques, pource qu’il semblera qu’ayans la victoiie en main, ilz nous auront de grâce donné deux souverains biens, la paix et l’amitié, encore qu’ilz n’en prennent pas moins pour eulx, duquel tu seras principal autheur, s’il se fait ; et, s’il ne se fait, tu en auras seul le reproche et le blasme total envers l’une et 1 autre des parties : ainsi estant l’issue de la guerre incertaine, cela néantmoins est bien tout certain que, si tu en demoures vaincueur, il t’en restera ce profit que tu en seras estimé la peste et la ruine de ton païs : et si tu es vaincu, on dira que pour un appétit de venger tes propres injures tu auras esté cause de très griefves calamitez à ceulx qui t’avoient humainement et amiable-

Jacques Amyot.

ment recueilly.’ Martius escouta ces paroles de Volumnia sa mère sans l’interrompre, et après qu’elle eut achevé de dire demoura lontemps tout picqué sans luy respondre. Parquoy elle reprit la parole et recommencea à luy dire. ‘ Que ne me respons-tu, mon filz ? Estimes tu qu’il soit licite de concéder tout à son ire et à son appétit de vengeance, et non honeste de condescendre et incliner aux prières de sa mère en si grandes choses? et cuides tu qu’il soit convenable à un grand personnage, se souvenir des torts qu’on luy a faits et des injures passées, et que ce ne soit point acte d’homme de bien et de grand cueur, io recognoistre les bienfaicts que reçoyvent les enfans de leurs pères et mères en leur portant honneur et révérence? Si n’y a il homme en ce monde qui deust mieux observer tous les poincts de gratitude que toy, veu que tu poursuis si asprement une ingratitude : et si y a davantage, que tu as jà fait payer à ton pais de grandes amendes pour les torts que Ion t’y a faits, et n’as encore fait aucune recognoissance à ta mère ; pourtant seroit il plus honeste que sans autre contrainte j’impétrasse de toy une requeste si juste et si raisonnable. Mais puis que par raison je ne le te puis persuader, à quel besoing espargne-je plus, et 20 differe-je la dernière espérance?’ En disant ces paroles elle se jetta elle mesme, avec sa femme et ses enfans, à ses pieds. Ce que Martius ne pouvant supporter, la releva tout aussi tost en s’escriant : ‘ O Mère que m’as tu faict ?’ et en luy serrant estroittement la main droite: ‘Ha,’ dit-il, ‘mère, tu as vaincu une victoire heureuse pour ton pays, mais bien malheureuse et mortelle pour ton filz, car je m’en revois vaincu par toy seule.’ Ces paroles dittes en public, il parla un peu à part à sa mère et à sa femme et puis les laissa retourner en la ville ; car ainsi l’en prièrent elles. Et si tost que la nuict fut passée, le lendemain au 30 matin ramena les Volsques en leurs maisons, n’estans pas tous d’une mesme opinion, ny d’une mesme affection.