GUILLAUME COQUILLART (1421 ?— 1510 P

[•SV H. pp. 162, 3.]

s’ensuyvent les nouveaulx droitz.

Frisques mignons, bruyans enfans,

Monde nouveau, gens triumphans,

Peuple tout confit en ymages,

Parfaitz ouvriers, grans maistres Jehans, Tousjours pensans, veillans, songeans A bastir quelques haulx ouvrages,

Farouches, privez et ramaiges,

Humains, courtois, begnins, sauvages, Dissimulateurs, inventeurs,

Cueurs actifz et saffres couraiges,

Laissez bourgades et villages,

Affin d’estre noz auditeurs.

Venez, venez, sophistiqueurs,

Gens instruits, plaisans topiqueurs,

Rempliz de cautelles latentes,

Expers, habilles decliqueurs,

Orateurs, grans rhétoriqueurs Garnis de langues esclatantes;

Aprenés noz modes fringantes Et noz parolles élégantes,

Noz raisons, noz termes juristes.

Nos sciences vous sont duisantes Et noz traditives plaisantes,

Et noz enseignemens bien mistes.

Venez, pompans, bruyans légistes ;

Médecins et ypocratistes,

Laissez voz saulces et voz moustardes.

Venez, mignons curialistes,

Musiciens et organistes,

Et laissez voz harpes lombardes ;

Archiers, laissez voz halebardes;

Specimens of French Liter attire .

Canonniers, laissez voz bombardes; Piétons, laissez voler voz picques ; Mignons, laissez chevaulx et bardes,

Voz grans bastons, voz becs d’oustardes; Sophistes, laissez voz logiques;

Ystoriens, laissez croniques ;

Gouverneurs, laissez politiques; Conseilliers, laissez voz rapors;

Orateurs, laissez rhétoriques;

Advocatz, laissez voz praticques ; Generaulx, laissez voz trésors;

Baillifz, laissez voz grans ressors,

Voz fins, voz limites, vos bors; Capitaines, laissez conquestes;

Laissez, conseilz, faveurs et pors;

Tous 3ultres pensemens soyent mors, Jusques en la fin de ces festes; Procureurs, laissez les requestes:

Commissaires, laissez enquestes;

Ma science est trop plus prisée.

Ouvrez voz yeulx, fendés voz testes, Oyez noz sciences honnestes,

Puis que l’heure y est disposée.

Venez, la Simple et la Rusée,

Qui avez la Court abusée ;

Venez, on vous enseignera.

La cause eust esté terminée Entre vous deux; mais ceste année Je cuide qu’elle surcerra,

Une aultre fois on y pensera.

Escoutez doncques ce qu’on dira, Aprenez, soyez clergeresses :

Quelque mot vous y servira Quant l’arrest se prononcera D’entre vous aultres plaideresses.

Puis que on voit noz anciens droitz Casser, adnuller, pervertir,

Henri Bande.

Par la confusion des loys,

Et que je apperçoys et congnoys Que, pour trainacer le patin,

Il est de grans clers en françoys Qui ne sont que asnes en latin, Lesquelz sont vestus de satin Et ont or, argent et joyaulx,

Advisé me suis au matin De vous lire des droytz nouveaulx , Droytz nouveaulx, droytz especiaulx, Droys dont on use par exprès.

Ce ne sont pas droytz fériaulx,

Les droys de la porte Baudais,

Nenny, non ; ce sont droytz tous frais, Droytz de maintenir bref et court Par les mondains du temps qui court.

Et n’y ayt si sot, ne si lourd,

Si nyaiz, ne si mal basty,

Pour faire du gros, du demy lourd,

Qui ne use des droytz du jourd’huy !

Et en effect, de ces droytz cy Toute la première rubriche,

C’est De Jure naturali,

Du Droit Naturel; je me y fiche.