SULLY ON ST, BARTHOLOME W’S DAY

Pour commencer le discours de ce qui vous arriva le vingtquatriesme jour d’aoust, et dire aussi quelques choses des ad- 30 ventures du Roy vostre maistre, et du prince de Gondé, nous

Specimens of French Liter attire.

vous ramentevrons ce que nous vous en avons oüy conter, à sçavoir : que vous ayant fait dessein d’aller faire vostre cour ce jour-là, vous vous estiez couché la veille de bonne heure, et que sur les trois heures du matin, vous vous resveillastes au bruit de plusieurs cris de peuples, et des allarmes que l’on sonnoit dans tous les clochers. Le sieur de Sainct-Julien, vostre gouverneur, et vostre valet de chambre, qui s’estoient aussi esveillez au bruit, estans sortis de vostre logis, pour apprendre ce que c’estoit, n’y rentrèrent point, et n’avez-vous jamais sceu ce qu’ils estoient devenus. De sorte qu’estant réduit vous seul io dans vostre chambre, et vostre hoste, qui estoit de la religion, vous pressant d aller avec luy a la messe, afin de guarenter sa vie et sa maison de saccagement, vous vous résolustes d’essayer à vous sauver dans le collège de Bourgongne. Pour ce faire, vous pristes vostre robbe d’escolier, un livre soubs vostre bras, et vous mistes en chemin. Par les rues, vous rencontrastes trois corps de garde, l’un à celle de Sainct-Jacques, un autre, à celle de la Harpe, et l’autre, à l’issuë du cloistre Sainct- Benoist. Au premier, ayant esté arresté et rudoyé par ceux de la garde, un d’entr’eux prenant vostre livre, et voyant que 20 (de bon-heur pour vous) c’estoit de grosses heures, vous fit passer: ce qui vous servit de passe-port aux autres. En allant vous vistes enfoncer, et piller des maisons, massacrer hommes, femmes et enfans: avec les cris de tue, tuë, ô huguenot, ô huguenot: ce qui vous faisoit souhaitter avec impatience d’estre arrivé à la porte du collège, où enfin Dieu vous accompagna, sans qu’il vous fust arrivé autre mal que la peur. A l’abord le portier vous refusa deux fois l’entrée de la porte ; mais enfin, moyennant quatre testons que vous luy donnastes, il alla dire au principal, nommé la Faye, que vous estiez à la 30 porte, et ce que vous demandiez; lequel aussitost meu de compassion (estant vostre particulier amy) vous vint faire entrer, empesché toutes fois de ce qu’il feroit de vous, à cause de deux ecclésiastiques qui estoient dans sa chambre, et qui disoient y avoir dessein formé de tuer tous les huguenots, jusques aux enfans à la mammelle, et ce à l’exemple des Vespres Siciliennes. Neantmoins, par pitié, ce bon personnage vous mit dans une

Maximilien de Béthune.

izi

chambre fort secrette, dans laquelle personne n’entra que son valet, qui vous y portait des vivres, et vous y servit trois jours durant, au bout desquels il se fit une publication de par le Roy, portant deffences de plus tuer ny saccager personne. Auquel temps, deux archers de la garde, sujets de monsieur vostre père, l’un nommé Ferrières et l’autre la Vie ville, vindrent avec leurs hocquetons et halebardes à ce collège pour s’enquérir de vos nouvelles, et les mander à monsieur vostre père, qui estoit fort en peine de vous, duquel vous receustes une lettre trois jours après par laquelle il vous mandoit de demeurer à Paris, et d’y 10 continuer vos estudes comme auparavant ; et pour ce faire, il jugeoit bien qu’il vous faudroit aller à la messe, à quoy il vous falioit résoudre aussi bien qu’avoit fait vostre maistre et beaucoup d’autres, et que surtout il vouloit que vous courrussiez toutes les fortunes de ce prince jusqu’à la mort, afin que l’on ne vous pûst reprocher de l’avoir quitté en son adversité : à quoy vous vous rendistes si soigneux, que vous en acquistes l’estime d’un chacun.

Or, pour vous parler de son adventure, nous vous avons ouy dire que, deux heures devant le jour, ils furent resveillez luy 20 et le prince de Condé, par grand nombre d’archers de la garde, qui entrèrent effrontément dans leurs chambres, et leur firent commandement de par le Roy de s’habiller et le venir trouver sans espées ; ce qu’ils furent contraints de faire, et, en sortans de leurs chambres, virent percer de leurs gentils-hommes de plusieurs coups de halebardes. Ayans esté présentez au roy Charles, il les receut avec un visage farouche et des yeux ardens de courroux ; et après plusieurs blasphesmes, injures et reproches de luy avoir fait la guerre, il leur commanda de quitter leur belle religion, qu’ils avoient prise pour servir de prétexte 30 à leur rébellion ; et sur quelques refus qu’ils firent de changer leur religion, il entra en une furieuse colère, puis leur dit qu’il ne vouloit plus estre contredit en ses volontez par ses subjets ; mais que par leur exemple les autres apprissent à le révérer comme estant l’image de Dieu, et à n’estre plus ennemis des images de sa mère. Et, après plusieurs menaces et injures, leur commanda d’aller à la messe, ou qu’il leur ferait faire leur

Specimens of French L i ter attire.

procès, comme estans criminels de lèze-majesté divine et humaine ; et leur furent ces paroles réitérées tant de fois, que finalement ils cédèrent à la force, sans que ceste obéyssance aveugle rendist leur condition beaucoup meilleure, sinon par boutades, et selon les caprices de la Cour, tantost ce prince estant traitté comme libre, et lors des domestiques avoient liberté de le venir servir (à quoy vous vous rangiez soigneusement), et tantost comme prisonnier et criminel, et lors vous estiez tous chassez ; mais, en quelque condition que vous fussiez, vous preniez tousjours le temps de continuer vos estudes, io sur tout de l’histoire (de laquelle vous faisiez desjà de extraits, tant pour les mœurs que les choses naturelles) et des mathématiques, lesquelles occupations faisoient paroistre vostre inclination à la vertu.