A BANDIT' S CONFESSIONS

Messieurs, je ne sçay pourquoi on m’a député pour porter la parole en si bonne compagnie, pour toute la noblesse de nostre party. 11 faut bien dire qu’il y a quelque chose de divin en la saincte Union, puisque par son moyen, de commissaire d’artillerie assez malotru, je suis devenu gentilhomme, et gouverneur d’une belle forteresse : voire que je me puis esgaler aux plus 20 grands, et suis un jour pour monter bien haut à reculons, ou autrement. J’ay bien ocasion de vous suivre, monsieur le lieutenant, et faire service à la noble assemblée, à bis ou à blancq, à tort ou à droit, puisque tous les pauvres prestres, moynes et gens de bien, dévots, catholiques, m’apportent des chandelles, et m’adorent comme un sainct Macabée du temps passé. C’est pourquoy je me donne au plus viste des diables, que si aucun de mon gouvernement s’ingère à parler de paix, je le courray comme un loup gris : vive la guerre ! il n’est que d’en avoir, de quelque part qu’il vienne. Je voy je ne sçai quels dégoustez 30 de nostre noblesse qui parlent de conserver la religion et l’Estat

Satyre Ménippée.

tout ensemble : et que les Espagnols perdront à la fin l’un et l’autre si on les laisse faire : quant à moy je n’entends point tout cela : pourveu que je lève tousjours les tailles, et qu’on me paye bien mes appointements, il ne me chaut que deviendra le pape, ny sa femme. Je suis après mes intelligences pour prendre Noyon : si j’en puis venir à bout, je seray évesque de la ville et des champs, et feray la moue à ceux de Compïègne. Cependant je courray la vache et le manant, tant que je pourray : et n’y aura paysan, laboureur ny marchand autour de moy, et à dix lieues à la ronde, qui ne passe par mes mains, et qui ne me paye 10 taille ou rançon. Je sçay des inventions pour les faire venir à raison : je leur donne le frontal de corde liée en cordelière : je les pends par les aisselles, je leur chauffe les pieds d’une pelle rouge, je les mets aux fers et aux ceps : je les enferme en un four, en un coffre percé plein d’eau : je les pends en chapon rosty : je les fouette d’estrivières : je les sale : je les fais jeusner : je les attache estenduz dedans un van : bref j’ay mille gentils moyens pour tirer la quinte-essence de leurs bourses et avoir leur substance pour les rendre bélistres à jamais, eux et toute leur race. Que m’en soucie je, pourveu que j’en aye ? 20 Qu’on ne me parle point là-dessus du poinct d’honneur, je ne sçais que c’est ; il y en a qui se vantent d’estre descenduz de ces vieux chevaliers françois qui chassèrent les Sarrazins d’Espagne et remirent le roy Pierre en son royaume : les autres se disent estre de la race de ceux qui allèrent conquérir la terre saincte avec Sainct-Loys: les autres de ceux qui ont remis les papes en leur siège par plusieurs fois, ou qui ont chassé les Anglois de France et les Bourguignons de la Picardie: ou qui ont passé les monts aux conquestes de Naples et de Milan, que le roy d’Espagne a usurpé sur nous : il ne me chaut de tous ces 30 tiltres sans panchartes ni d’armoiries, tymbrées ou non tymbrées : je veux estre vilain de quatre races, pourveu que je reçoive tousjours les tailles, sans rendre compte : je n’ay point leu les livres ny les histoires et annales de France, et n’ay que faire de sçavoir s’il est vray qu’il y ait eu des paladins et chevaliers de la Table-Ronde qui ne faisoyent profession que d’honneur et de deffendre leur roy et leur pays, et fussent plustost

morts que de recevoir un reproche, ou souffrir qu’on eust faict tort à quelqu’un : j’ay ouy conter à ma grand-mère, en portant vendre son beurre au marché, qu’il y a eu autrefois un Gaston de Foix, un comte de Dunois, un La Hire, un Poton, un capitaine Bayart, et autres qui avoyent faict rage pour ce poinct d’honneur, et pour acquérir gloire aux François; je me recommande à leurs bonnes grâces pour ce regard. J’ay bonne espée, et bon pistolet : et n’y a sergent ny prévost des mareschaux qui m’osast adjourner : advienne qui pourra, il me suffit d’être bon catholique: la justice n’est pas faicte pour les gentils-hommes io comme moy : je prendrai les vaches et les poules de mon voisin quand il me plaira : je lèverai ses terres, je les renfermeray avec les miennes dedans mon clos, et si n’en oserait grommeler : tout sera à ma bienséance : je ne souffriray point que mes subjets payent de taille, sinon à moy: et vous conseille, messieurs les nobles, d’en faire tous ainsi. Aussi bien n’y a il que les trésoriers et financiers qui s’en engraissent, et usent de la substance du peuple, comme des choux de leur jardin.