BALLADE DES DAMES DU TEMPS FADIS

Dictes-moy où, n’en quel pays, Est Flora, la belle Romaine; Archipiada, ne Thais, Qui fut sa cousine germaine ; Echo, parlant, quand bruyt on maine, De sus riviére ou sus estan, Qui beauté eut trop plus qu’humaine?

Mais où sont les neiges d’antan?

Où est la très sage Hélois, Pour qui fut chastré et puis moyne 10 Pierre Esbaillart à Sainct-Denys (Pour son amour eut cest essoyne) ?

Semblablement, où est la royne Qui commanda que Buridan Fut jetté en ung sac en Seine? ...

Mais où sont les neiges d’antan?

La royne blanche comme ung lys, Qui chantoit à voix de sereine ; Berthe au grand pied, Biétris, Allys; Harembourges, qui tint le Mayne,

Et Jehanne, la bonne Lorraine, Qu’Anglois bruslérent 4 Rouen; Où sont-ilz, Vierge souveraine?...

Mais où sont les neiges d'antan?

Envoi.

Prince, n’enquérez, de sepmaine, Où elles sont, ne de cest an, 10 Que ce refrain ne vous remaine:

Mais où sont les neiges d’antan?