QUE VILLON FEIT A LA REQUESTE DE SA MERE, POUR PRIER NOSTRE-DAME

Dame des cieulx, régente terrienne, Emperière des infernaulx palux, Recevez-moy, vostre humble chrestienne, Que comprinse soye entre voz esleuz, Ce non obstant qu’oncques rien ne valuz.

Les biens de vous, ma dame et ma maistresse, Sont trop plus grans que ne suis pécheresse ; Sans lesquelz biens âme ne peult mérir, 20 N’entrer ès cieulz, je n’en suis menteresse : En ceste foy, je vueil vivre et mourir.

A vostre filz, dictes que je suis sienne :

De luy soyent mes pechez aboluz:

Qu'il me pardonne, comme à l’Egyptienne, Ou comme il feit au clerc Théophilus, Lequel par vous fut quitte et absoluz, Combien qu’il eust au diable faict promesse.

Preservez-moy, que point ne face cesse, Vierge, portant, sans rompure encourir, 30

François Villon.

Le sacrement qu’on célèbre à la messe:

En ceste foy, je vueil vivre et mourir.

Femme je suis povrette et ancienne, Ne riens ne scay; oncques lettre ne leuz; Au monstier voy, dont suis parroissienne, Paradis painct, où sont harpes et luz, Et ung enfer où damnez sont boulluz :

L’ung me faict paour; l’autre, joye et liesse. La joye avoir fais-moy, haulce déesse, À qui pecheurs doivent tous recourir, Comblez de foy, sans faincte ne paresse :

En ceste foy, je vueil vivre et mourir.

Envoi.

Vous portastes, Vierge digne princesse,

Jésus regnant, qui n’a ne fin, ne cesse.

Le tout-puissant, prenant nostre foiblesse Laissa les cieulx, et nous vint secourir Offrist à mort sa très chère jeunesse:

Nostre Seigneur tel est, tel le confesse ; En ceste foy, je vueil vivre et mourir.