MESSER GASTER

En icelluy jour Pantagruel descendit en une isle admirable entre toutes aultres, tant à cause de l’assiete que du gouverneur d’icelle. Elle de tous coustez pour le commencement estoit scabreuse, pierreuse, montueuse, infertile, mal plaisante à l'œil, trés difficile aux pieds, et peu moins inaccessible que le mons du Daulphiné, ainsi dict pource qu’il est en forme d’un potiron, et de toute memoire persone surmonter ne l’a peu fors Doyac, conducteur de l'artillerie du roy Charles huyctiéme, lequel avecques engins mirificques y monta, et au dessus trouva un vieil bélier. C’estoit à diviner qui là transporté l’avoit. Aulcuns le dirent estant jeune aignelet par quelque aigle ou duc chauant la ravy s’estre entre les buissons saulvé. Surmontans la difficulté de l'entrée à peine bien grande, et non sans suer, trouvasmes le dessus du mons tant plaisant, tant fertile, tant salubre et délicieux, que je pensoys estre le vray jardin et paradis terrestre, de la situation duquel tant disputent et labourent les bons théologiens. Mais Pantagruel nous affermoit la estre le manoir de Areté (c'est Vertus), par Hésiode descript, sans toutesfoys prejudice de plus saine opinion.

Le gouverneur d’icelle estoit messere Gaster, premier maistre és ars de ce monde. Si croyez que le feu soit le grand maistre des ars, comme escript Ciceron, vous errez et vous faictez tord. Car Ciceron ne le creut oncques. Si croyez que Mercure soit premier inventeur des ars, comme jadis croyoient nos antiques druides, vous fourvoyez grandement. La sentence du satyricque est vraye, qui dict messere Gaster estre de tous ars le maistre. Avecques icelluy pacificquement résidoit la bonne dame Penie, aultrement dicte Souffreté, mère des neuf muses, de laquelle jadis en compaignie de Porus, seigneur de Abondance, nous nasquit Amour, le noble enfant médiateur du ciel et de la terre, comme atteste Platon in Symposio. A ce chevaleureux roy force

appela la femme qui couchoit auprès d’eux, pour allumer de la chandelle, pource qu’elles étoient toutes éteintes, mais elle ne s’osa lever. Or incontinent sentit le seigneur de Grignaux, qu’on lui 6toit la couverture de dessus lui, et ouit un fort grand bruit de tables et tréteaux et escabelles, qui tomboient en la chambre qui dura jusques au jour, et fut plus faché ledit seigneur de perdre son repos que de peur de l'esprit, car jamais ne crut que ce fût un esprit. La nuit ensuivant, se délibéra de prendre cet esprit, et, un peu aprés qu’il fut couché, fit semblant de ronfler trés-fort, et mit la main tout ouverte près son visage. Ainsi qu’il attendoit cet esprit, sentit quelque chose approcher de lui. Parquoi ronfla plus fort qu’il n’avoit accoutumé, dont l'esprit s’apprivoisa si fort, qu’il lui bailla un grand soufflet, Et tout à l’instant print, ledit seigneur de Grignaux, la main dessus son visage, criant à la femme: Je tiens l'esprit ! laquelle incontinent se leva et alluma de la chandelle, et trouvèrent que c’étoit la chambriére qui couchoit en leur chambre, laquelle, se mettant à genoux, leur demanda pardon et leur promit confesser vérité, qui étoit que l’amour qu’elle avoit longuement portée à un serviteur de léans, lui avoit fait entreprendre ce beau mystère, pour chasser hors la maison maitre et maîtresse, afin qu’eux deux, qui en avoient toute la garde, eussent moyen de faire grande chère, ce qu'ils faisoient quand ils étoient tout seuls. Monsieur de Grignaux, qui étoit homme assez rude, commanda qu’ils fussent battus, en sorte qu’il leur souvint à jamais de l'esprit, ce qui fut fait, puis chassés dehors, et, par ce moyen, fut délivrée la maison du tourment des esprits, qui, deux ans durant, avoient joué leur rôle.