THE FIRST OF MAY

Laissons le lit et le sommeil Ceste journée :

Pour nous, l’Aurore au front vermeil Est desja née.

Or, que le cicl est le plus gay, En ce gracieus mois de may, Aimons, mignonne ; Contentons nostre ardent désir :

En ce monde n'a du plaisir Qui ne s’en donne. 10

Viens, belle, viens te pourmener Dans ce bocage, Entens les oiseaus jargonner De leur ramage.

Mais escoute comme, sur tous, Le rossignol est le plus dous, Sans qu'il se lasse.

Oublions tout deuil, tout ennuy, Pour nous resjouyr comme luy:

Le temps se passe. 20

Ce vieillard contraire aus amans, Des aisles porte, Et en fuyant nos meilleurs ans, Bien loing emporte.

Quand ridée un jour tu seras, Mélancholique, tu diras:

J'estoy peu sage, Qui n’usoy point de la beauté Que si tost le temps a osté De mon visage. 30

Fean Passerat. 75

Laissons ce regret et ce pleur

A la vieillesse ; Jeunes, il faut cueillir la fleur

De la jeunesse.

Or que le ciel est le plus gay, En ce gracieus mois de may

Aimons, mignonne ; Contentons nostre ardent désir ; En ce monde n’a du plaisir,

Qui ne s’en donne. 10