AMBROISE PARE

[S. HY. p. 239.]

VOYAGE DE PARPIGNAN. 1543.

Quelque temps aprés Monsieur de Rohan me mena en poste avec luy au camp de Parpignan: estant là les ennemis firent une sortie, et vindrent enclotier trois pièces de nostre artillerie, 12 où 20 ils furent repoussez jusques près Ja porte de la ville. Ce qui ne fut sans qu’il y eust beaucoup de tuez et blessez, entre les autres Monsieur de Brissac (qui lors estoit grand maistre de I’artillerie) qui receut un coup d’arquebuse à l’espaule. S’en retournant à sa tente tous les blessez le suivirent, espérans estre pensez des chirurgiens qui le devoient penser. Estant arrivé à la tente, et posé sur son lict, la balle fut cherchée par trois ou quatre chirurgiens les plus experts de l’armée, lequels ne la peuvent trouver, et disoient estre entrée dedans le corps. Enfin il m’appella, pour sçavoir si je pourrois estre plus habile qu’eux, pource qu’il 30

Ambroise Paré. ’ 99

m'avoit cogneu en Piémont. Incontinent je le fis lever de dessus son lict, et luy dis qu'il se mit en mesme situation qu'il estoit lorsque il fut blessé. Ce qu'il fit et print un javelot entre ses mains, tout ainsi qu’alors il avoit une picque pour combattre. Je posay la main autour de sa plage, et trouvay la balle en la chair, faisant une petite tumeur sous l’omoplate : l'ayant trouvée, je Jeur monstray l'endroit où elle estoit, et fut tirée par M. Nicole Lauernaut, chirurgien de Monsieur le Dauphin qui estoit Lieutenant du Roy en cette armée: toutesfois l'honneur m'en demeura pour l'avoir trouvée. Je veis une chose de grande remarque: c’est qu'un soldat donna en ma présence un coup de halebarde sur la teste de l'un de ses compagnons, pénétrant jusques à Ja cavité du ventricule senestre du cerveau, sans qu'il tombast en terre. Cestuy qu'il frappe, disoit qu'il avoit entendu l'avoir pippé au dez, et avoit tiré de luy une grande somme d'argent, ‘et estoit coustumier de pipper. On m'appella pour le penser: ce que je fis, comme par acquit, sçachant que bientost il devoit mourir. L'ayant pensé, il s'en retourna tout seul en sa loge, où il y avoit pour le moins deux cens pas de distance: je dis à un de ses compagnons qu’il envoyast quérir un Prestre pour dis- 20 poser des affaires de son âme, il luy en bailla un qui l'accompagna jusques au dernier souspir. Le lendemain le malade m'envoya quérir par sa gougue habillée en garçon pour le penser: ce que je ne voulus, craignant qu'il ne mourust entre mes mains, Et pour m'en défaire, je luy dis qu'il ne falloit lever son appareil que le troisième jour, d'autant qu'il mouroit, sans plus ytoucher, Le troisième jour il me vint trouver tout chancelant, en ma tente, accompagné de sa garce, et me pria affectueusement de le penser: et me monstra une bourse où il y pouvoit avoir cent ou six vingts pièces d’or, et qu’il me contenteroit à 30 mawolonté. Pour tout cela néantmoins je ne laissois de dif. férer à lever son appareil, craignant qu'il ne mourut sur l'heure, Certains Gentils-hommes me prièrent de l'aller penser: ce que je fis & leur requeste, mais en le pensant, il mourut entre mes mains en convulsion. Or ce Prestre l'accompagne jusques à la ‘mort, qui se saisit de la bourse, de peur qu'un autre ne la print, disant qu'il en diroit des Messes pour sa pauvre ime. Davantage Ha

il s’empara de ses hardes, et de tout le reste. J’ay récité cette histoire comme chose monstrueuse, que le soldat ayant receu ce grand coup ne tomba en terre, et oratiocina jusque à la mort. Tost après le camp fut rompu pour plusieurs causes : l’une que nous fusmes advertis qu’il estoit entré quatre compagnies d’Espagnols dans Parpignan: l’autre, que la peste commencoit fort à nostre camp: et nous fut dit par gens du pays, qu’en bref il se seroit un grand desbordement de la mer, qui nous pourroit tous noyer : et le présage qu’ils en avoient, estoit un bien grand vent matin, qui s’effleua de sorte qu’il ne demeura une seule tente qui ne fust rompue et renversée par terre, quelque diligence et force qu’on y peut mettre: et les cuisines estans toutes descouvertes, le vent effleuoit les poussières et sables qui saloient et saulpoudroient nos viandes, de façon qu’on n’en pouvoit manger, et nous les falloit faire cuire en pots et autres vaisseaux couverts. Or nous ne décampasmes pas de si bonne heure, qu’il n’y eust beaucoup de charrettes et charretiers, mulets, et muletiers, submergez en la mer avec grande perte de bagage. Le camp rompu, je m'en revins à Paris.