POUR CLORIS

\ /ous qui pour le prix d'une pomme

Vinstes monstrer aux yeux d'un homme Ce que vous aviez de plus beau, Venez voir Cloris languissante, Et par quelque secret nouveau Chassez le mal qui la tourmente.

Remettez des traicts et des charmes Dans ses yeux au lieu de ces larmes Que nous en voyons degouster.

Rendez luy ses roses nouvelles Et ce qu'elle eust peu vous prester Pour vous rendre encore plus belles.

Autrement vous nous feriez croire Que pour luy desrober sa gloire Vous luy desrobez sa santé, Et que pour contenter l'envie Que vous portez à sa beauté, Vous attentez contre sa vie.

Mais une si grande malice Tournant à vostre préjudice La feroit monter dans les cieux, Où les doux attraits de sa face Vous faisant mespriser des Dieux La feroit seoir en vostre place.

Faites donc par quelque allégeance Qu'elle vous laisse en asseurance Là haut entre les immortels, Et sans luy faire plus la guerre Laissez la jouir des autels Que vous aviez dessus la terre.

ï^â/isS&^â^^«iSï;l^^^^^^gïS&^