STANCES DU QUATRIESME CHANT

\A iSERABLE inclination

Que d'avoir tant d'aflfection Pour ce Sexe foible et muable Qui ne sçait que c'est d'en avoir, Et qui ne le peut pas sçavoir Tant le Ciel l'en fist incapable !

Quand je vay pensant à cela Je veux grand mal à ccluy-Ià, Celuy, dis-je, qui, sans prudence, (Ainsy puis-je bien l'estimer) Oza premièrement nommer Du nom de femme la Constance.

Aussy vrayment quiconque il soit, Il paroist qu'il ne cognoissoit Leur ame incapable de flame Ou de fidélité, sinon Qu'il vouloit leur donner au Nom Ce qu'elles n'ont jamais en l'Ame.

Celuy soit tousjours tourmenté Qui pouvant vivre en liberté D'un tel cordage s'enchevestre :

Bien est indigne de tout heur Quand il se rend leur serviteur Celuy qui peut estre son maistre.

Elles ayment en nous pourtant De voir un courage constant Sans sçavoir que c'est de Constance :

Un pauvre aveugle loue ainsy La clarté, sans sçavoir aussy Que c'en est par expérience.

Avec tant et tant de souspirs

Et tant d'impatiants désirs

Ces inconstantes dissimulent,

Le jurant mesme par serment

De brusler éternellement

Dans le feu dont elles nous bruslent.

Elles jurent l'Eternité,

Comme si leur capacité

Pouvoit comprendre telle chose,

Veu que leur foible entendement

N'a d'amour pour plus qu'un moment,

Tant d'elles le change dispose.

Incensez, nous nous amusons Ou plustost nous nous abusons De la foy qu'elles nous assurent, De la foy, leur trompeur apas :

Et c'est croire à ce qui n'est pas Que croire à la foy qu'elles jurent»

Leurs légères affections, Leur humeur et leurs actions Nous le font assez bien paroistre, Car enfin elles n'en ont point, Et nous nous trompons en ce point Par faute de les recognoistre.

De quel œil cognoistrions nous Une humeur qui change à tous coups Et qui n'est sans plus qu'inconstance > La raison n'y voit gueres bien, Encores n'y voit elle rien Qu'avec l'œil de la deffiance.

Mériter d'elles quelque bien, C'est ce qui ne nous sert de rien, Et c'est ce qui plus me despite Que mériter bien en aymant, Ce soit le seul empeschement D'obtenir ce que l'on mérite.