PRÉFACE DE LA DEUXIÈME ÉDITION

de la Franciade

J'ay, Lecteur, à la façon d'Apelle, exposé mon ouvrage au public, afin d'entendre le jugement et l'arrest d'un chacun, qu'aussi volontairement je reçoy, que je le pense estre candidement prononcé. Et ne suis point si opiniastre, que je ne vueille au premier admonnestement d'un homme docte, non passionné, et bien versé en la poésie, recevoir toute amiable correction : car ce n'est pas vice de s'amender, mais c'est extrême malice de persister en son péché. Pour ce, par le conseil de mes plus doctes amis j'ay changé, mué, abrégé, alongé beaucoup de lieux en ma Franciade pour la rendre plus parfaicte et lu y donner sa dernière main. Et voudrois de toute alïection que nos François daignassent faire le semblable, nous ne verrions ta^nt d'ouvrages avortez, lesquels, pour n'oser endurer la lime et parfaicte polissure, n'aportent que des-honneur à l'ouvrier, et à nostre France une mauvaise réputation.

ODE La Nymphe de France parle

Je suis des Dieux la fille aisnée De cent lauriers environnée, La bonne Nymphe des François, Qui d'armes et d'hommes féconde Ay tousjours fait trembler le monde Soubs la puissance de mes lois.

Mon heur ne porte point d'envie A l'Afrique ny à l'Asie, Tant abondante je me voy En chasteaux, en ports, et en villes : Et mes terres sont si fertiles.

Que les Gieux sont jaloux de moy.

C'est moy qui ay donné naissance A tant de monarques de France, A Clovis, à Charles le Grand, Et à ce Charles que j'honore, Qui me commande et qui redore Ce siècle, qui de luy dépend.

Sous luy je me voy bien traittée.

Sous luy ma gloire est augmentée, Sous luy j'ay reveu la clarté.

Par la conduite de sa mère. Qui m'a d'une longue misère Remise en douce liberté.

C'est ceste Royne qui tressage, Me sauvant au fort de l'orage.

Lors que plus j'attendois la mort.

Comme un Astre m'est apparue.

Et, faisant dissiper la nuë, A conduit ma Nef à bon port :

A qui l'on doit mille Colosses, Mille termes taillez en bosses.

Mille temples, et la nommer Des François la mère éternelle, Et d'une pompe solennelle Tous les ans sa teste chommer.

C'est moy qui n'a gueres lit naistre.

Ce grand Henry, qui fut mon maistre, Monarque aux armes non pareil.

Et son fils Henry, qui l'égale En force, en vertu martiale.

Des François le second soleil :

Qui tient soubs luy (race divine) L'iieureuse province Angevine, Dont le front et les bras guerriers Et les belliqueuses espées Sont orgueilleuses de Trophées Et de Palmes et de Lauriers.

C'est ce Henry qui sa jeunesse Toute bouillante de prouesse A nourrie entre les dangers, Victorieux en trois battailles, Foudre des superbes murailles.

Et la frayeur des estrangers.

Nul mieux que luy n'a sceu entendre Les conseils de sa Mère et prendre Les armes pour ayder son Roy, Son Frère (amitié charitable).

Qui d'âge en âge mémorable Aux frères servira de loy .

Aussi le Ciel qui tout dispense Luy a donné pour recompense L'heur qu'autre Prince n'avoit eu, Et d'avantage luy ordonne Le grand sceptre de la Polonne Pour le loyer de sa vertu :

Afin que l'un sa force estande

Sur la France, et l'autre commande Aux peuples sous l'ourse escartez, Et que toute l'Europe craigne Geste race de Charlemaigne, Deux grands Monarques indontez.

0 Polonne chevaleureuse,

Trois et quatre fois bien heureuse D'avoir si sagement esleu Ce Duc pour régir ta Province.

Si le Ciel n'avoit point de Prince, Le Ciel mesme l'eust bien voulu.

^00 «lEUVRES DE HONSARD

En telle commune allégresse Je n'ay peu celer ma liesse, Sans la faire en public sortir :

Toutefois dans le cueur je pleure, Et peu sans faut que je ne meure, Le voyant proche de partir.

J'avois mes principales Filles,

Nymphes des Terres et des Villes, Gonduittes icy pour vanter Sa vertu des Gieux aprouvée.

Mais de dueil la voix enrouée Ne leur a permis de chanter.

Pource, mes compaignes loyales.

Destournez vos faces royales Vers ce Duc des peuples vainqueur :

Par dehors montrez au visage Publiquement le tesmoignage Qu'au dedans vous portez au cueur.

Su' doncq que chacune s'avance :

Par signes, par dons, et par dance, Faittes luy toutes à sçavoir Qu'il vous osta de servitude, Et que jamais l'ingratitude N'effacera vostre devoir.

(Août 1573).