X. chevaliers n'éust o lui, Et ses frères que moût amoit
Dusques au Roi en vint tôt droit, Si le salua erroment, Et li Roit deboinairement Li a dit: " Jehan, bien viegnies, " De vostre aventure sui lies.
" La novele m'a l'on contée ; " Vostre amie avés espousée " Qui au premier fu vostre dame. 4920
" — Sire, on vous dist voir, par m ame, " Par sa grant deboinaireté " M'a geté hors de la durté " Qui en moi éust la mort mise " Se pité n'eust pour moi prise.
" Mais à vous vieng, comme à signeur " A qui je doi foi et honneur; " Si vous pri que vous envoies " À Osenefort, et proiiés
CAMD. SOC. Z
" Mon signeur, se mal cuer nous porte, 4930
" Pour pitié, que il s'en déporte ;
" Se fait li ai desavenant
" Je l'ai fait sur moi desfendant.
" En si faire le m'estevoit
" Ou à morir me convenoit;
" D'autre part il m'abandonna
" Gluant de lui parti et donna
" Congié, se je mais revenisse,
" Hardiement du sien préisse.
'^ De chou le voel moût merciier ; 494.0
" Si li respondi sans targier,
" Se Dieu plaist, encore revenroie
" Et encore del sien prendroie.
" De çou li ai couvent tenu ;
" Car il m'est ainsi avenu
" Que j'ai sa fille à femme prise
" Et à grant grief en France mise,
" Car autrement fuisse je mors ;
" Car en li gist tous mes confors.
" Or vous pri que vous li priiés 4950
" Que s'il en est vers moi iriés,
" Que son maltalent nous pardoinst
" Et sa grasce et s'amour nous doinst.
" Après vous pri c'a Pentecouste,
" Oii mainte grant feste s'aj ouste,
" Voelliés à Dant-Martin venir.
" Cel jour vaurrai feste tenir,
" Se il vous plaist, itant vous quier
" Que vous me faites chevalier
AND JEHAN OF DAMMARTIN. l7l
" Et mes trois frères, qui ci sont, AdGO
" Qui moût grant convoitise en ont; " Se il vous plaist, rois clcl)oinaires, " Voelle vous plaire cis afaircs."
Li Rois respont : " Jehan, amis, " Tant a Dix en vous de bien mis " Que de vostre honour ne me duel.
" Vostre requeste faire voel, " Et encor, pour vostre avantage, " Vous doing à tous * jors en hommage " La vile dont portés le non 4970
" Dammartin aurés de mon don.
" Or voel que vous en soiiés quens " Failli aurds, qui vous ert buens, " Et Monmeliant de desus ; " Vj. mile livres vaut et plus, " La tere que j'ai chi nommée " En la lettre sera ditée " Ki en Engletere en ira.
" Mes séaus li tiemoignera
" Que de Dammartin estes sires. 4980
" Jà puis ne devra avoir ires " Se vous avés sa fille prise, *' Car ele est en bon lieu mise."
Jehans l'entent, tant en est liés Qu'à jenous li va dusk'as pies ; Le soller li eust baisié.
Mais li Rois l'a à mont drecié.
* This word is repeated in the MS.
Errant son homage pris a
De la tere qu'il devisa ;
Et en après l'en a saisi 4990
D'un gant, dont il se dessaisi;
Folie Jehan demenast
Se il le Roi n'en merciast.
Li sens que Dieus eut en li mis
Li fist avoir des bons amis.
Li Rois a apelé isnel
Celui qui portoit son seel,
Si li dist k'il seelera
Tex lettres com Jehans voira ;
Une chartre de la conté, 5000
Dont il li a faite bonté ;
Et une lettres de priiere
Vers le père à s'amie chiere.
Fait fu puis ke li Rois l'ot dit,
Tost fu seelé et escrit ;
Puis apela .ij. chevaliers,
Qui erent de ses consilliers.
Si leur a dit qu'il s'en iront
Vers Engletere, et porteront
Ses lettres à Osenefort ; 5010
Le conte dient c'a bon port
Est sa fille en France venue.
Car des bons ert plus chier tenue ;
Et s'est de Dammartin contesse.
" Dites li bien qu'il s'esleeche,
" Que sa fille est bien assenée."
Li chevaliers qui il agrée
Dient que deboinairement
Feront le sien commandement,
Car de l'onour Jehan sunt lie. 5020
Or vous seront li non noncie
De cliiaus qui i furent tramis :
Li uns ot non mesire Guis,
Li secons mesire Guillaumes ;
N^en avoit pas trois el roiaume
Qui un message miex féissent
Pour paine que il i méissent.
Leur oirre apparellent le soir.
Car au matin vaurront mouvoir.
A tant ala souper li Rois, 5030
Qui moût fu sages et courtois.
Jehans, qui ot le cors metable Servi devant lui à le table ; Et si frères, qui au Roi sont.
Reservent aval et amont.
Assés eurent à grant fuison Bons vins, bone chars, bons poissons.
Après souper dusk'à la nuit Alerent sur Saine en déduit.
En Jehan n'eut que ensignier, 5040
Moût seut la nuit bel compaignier Les chevaliers Guillaume et Gui, Qui en message iront pour lui.
Quant il fu tans couchier alerent ; Au matin plus ne sejornerent Guillaume et Guis, ançois s'esvellent.
Si se huchent et appareillent.
Leur garçon et leur eseuiers
Sans arreste troussent lor sommiers ;
Et Jelians et ses compaignons 5050
Furent jà montés es arçons.
Car aler veut un peu leur voie
Pour faire compaignie et joie.
A tant acuellent lour cemin :
De Paris issirent matin.
Parmi Saint-Denis chevaucerent
Dusk'à Luisarces ne finerent.
Où leur disners estoit jà quis.
Car .j. leur keu, qui en ert duis,
Avoient devant envoiié, 5060
Qui leur eut tout apparillié,
Disner eurent à leur talent.
Après disner ne furent lent,
Ançois acuellirent leur voie.
Et Jehans encor leur convoie
Tant que de Luisarces issirent,
Tantost com furent hors, dont dirent
À Jehan, li dui chevalier,
Par amours, qu'il s'en voist arrier.
Jehans leur dist quant il leur plest 5070
D'aus se partira sans arrest ;
Atant a Robin apelé.
Qui eut cheval bien enselé.
Si li dist que sans arrester
Voist avoec aus dusk'à la mer,
Et die au maronier loial
Que il les passe outre sans mal.
Et râpasse à leur revenir,
Et puis voelle avoec aus venir
A Dant-Martin à Pentecouste, 5080
Et ne le laist, pour riens qu'il couste.
Robin s respont bien li dira,
Volentiers avoec aus ira,
Atant prist Jehans le congié.
Mais ançois lour ot moût priié
Son signour dient de par lui.
Qu'il li prie, pour Dieu, merci ;
Il dient que bien li diront.
Atant départent, si s'en vont
Li dui chevalier vers la mer, 5090
Et Jehans où il doit amer.
De Dant-Martin prendent la voie.
Mais les frères devant envoie
Pour apparillier le doignon
Dont li Rois li avoit fait don.
De chevaucer se hastent tant
C'a Blonde sont venu bâtant.
Si li ont tout dit et conté
L'amour, l'onnour et la bonté
Que li Rois ot faite Jehan. 5100
Ne li firent par grant ahan
Quant il li dient que contes se
Ert de Dammartin, sans promesse.
Et que li Rois en Engleterre
A envoiiet pour sa pais querre,
Et qu'à Pentecouste venroit
Et tous chevaliers les feroit.
Quant Blonde entend! ces noveles, Saciés que moût li furent bêles :
Moût doucement Dieu en mercie, 5110
Car bien set qu'il li fait aïe.
Ele a si grant joie à son cuer Que tous anuis a jeté fuer,* Et li frère Jehan alerent El cliastel, et si saluèrent Celui qui i ert pour le Roy ; Courtoisement et sans desroi Li ot de par le Roi baillie Une lettre ; et cil l'a saisie,
Et voit dedens que li Rois mande 5120
Qu'à Jehan de Dammartin rende Toute la vile et le castel.
Et il si fist qu'il l'en est bel.
Tost fu la nouvele espandue Et parmi la vile séue Que la vile est Jehan donnée, Moût leur plaist à tous et agrée.
Car il estoit de tous amés, Partans sera sires clamés.
A tant vint el chastel Jehans, 5130
Qui estoit biaus et nés et grans.
S'amie à l 'encontre li court Quant le vit venir en la court.
Et Jehan s de ses bras le t lie.
Plus de .XXX. fois l'a baisie.
* MS. puer. f f Sic.
Puis s'en entrèrent en la sale,
Qui n'estoit mie orde ne sale.
Le souper eurent apresté
Li keus, qui s'estoient hasté,
Après souper dusqu'à la nuit r)140
Se sont esbatu en déduit.
Puis vont couchier quant il fu tans.
Et celé nuit conta Jehans
À s'amie de tex noveles
Q,ui li furent plaisans et bêles.
Tant ont matere de parler
Et tant d'amours pour manovrer
Que se trois nuis en une fuissent.
Déjouer anuié ne fuissent.
Moût leur plaist, moût leur atalente 5 1 50
Li jus qu'amors leur représente.
Contre le jour, en grant soûlas,
Se dormirent tout bras à bras.
Ainsi dusk^à tierce dormirent.
Dont se levèrent et vestirent.
Puis si alerent au moustier
Pour escouter le Dieu mestier.
Moût erent bien en Dieu créant
S'en eurent avantage grant,
Car Dieus crut leur amour tous jors 5160
Et monteploia leur honours.
Sages est qui à lui se tient,
Nus biens n'est se de Dieu ne vient.
Quant il eurent la messe oïe,
Jehans ne vaut atargier mie ;
CAMD. soc. 2 A
Ains manda parens et cousins,
Et ensement tous les voisins,
Qu'à Pentecouste, sans demeur,
Viegnent à lui pour faire honneur,
Avoec aus et filles et famés. 5170
Tant manda chevaliers et dames
Que quant il seront venu tuit
Grant joie i ara et grant bruit.
Après a Jehan s pourvéus.
Ne veut mie estre decéus,
Ciaus qui serviront à sa feste.
Ses keus, ses boutilliers apreste.
Ses fouriers et ses panetiers.
Bien seut deviser lor mestiers
Com cil qui de bien ert apris, 5180
Par son sens se mist en haut pris.
Ains que Pentecouste venist
Li païs maint présent li fist :
Li uns cras bues, li autres pors.
De maintes pars eut grans apors.
Et volaille et venison
Pourvit tant qu'il en eut foison.
Moût a fait faire grant atour ;
Or n'atent mais fors que le jour
De Pentecouste, qui est près. 5190
Mais de lui le conte vous lès :
Un petit m^estuet que je cont
Des .ij. chevaliers, qui s'en vont
Outre la mer en Engleterre
La pais Jehan et Blonde querre.
Li contes dist que la journée Que Jehans fist d'aus dessevrée Dusques à Clermont cevaucliicrent Et celé nuit i herljegierent.
Lendemain jurent à Corbie, 5200
Une vile bien aaisie.
A Heding jurent au tiers jour.
Mais n'i fisent par lonc séjour ; Tant esploitierent leur besoingne Au .iiij. jour vinrent à Bouloingne, En l'ostel Jehan descendirent Pour çou que nul mille ur n'i virent Et Robins à la mer ala.
Tant a quis, dechà et de là, Qu'il a le maronier veu, 5210
Qui grant mestier leur ot eu.
Moût fu lies quant il le perçut, Li maroniers tost le connut.
Li uns de l'autre a joie eue, De par son maistre le salue Robins, et puis li a retrait La requeste que il li fait.
Qu'il soit a sa chevalerie, Et que il past, à sa navie.
Les .ij. messages chevaliers. 5220
Li maroniers dist volentiers.
Qui moût est lies del mandement ; Atant s'en vienent erranment Là où li chevalier estoient, Qui à lour ostel s'aaisoient.
Robins leur dist : " Ves chi celui " Q,ui vous passera sans anui." Li chevalier furent moût lie Quant si tost fu apparillie.
A tant fu la viande preste, 5230
Si souperent, sans longue arreste, Et puis couchier dusques au jour Qu'il se levèrent sans séjour, laus et leur harnas tout souef En alerent dusk'à la nef ; Adont n'a Robins plus targié, Ançois leur demanda congié.
Il li donnent et si li prient Que il die lour maistre bien Del message ne se dout rien. 5240
Robins dist que bien le dira, De chevaucer dont s'atiraj Ne fina ne soir ne matin Devant qu'il vint à Dant-Martin.
A son signeur, qui mult fu sages, A dit noveles des messages, Et du raaronnier, qui venra, Avoec aus riens ne le tenra.
Moût en sunt lie Jelians et Blonde ; Et li message en mer parfonde 5250
Entrèrent dedens le vaissel, Qui outre les mena isnel ; A Douvre, pour voir le vous di, Disnerent à droit niiedi.
AND JEHAN OF DAMMARTIN. i8l
Li maronicrs en mer demeure,
Et dist que il atendra l'eure
Que là revenir devront.
Li messagicr atant s'en vont.
Par plains et par haus bos plains d'ombres
Chevauchierent duskes à Londres. 5260
En .ij. jours de la mer i vinrent ;
Mais lueques lonc séjour ne firent,
Une nuit en la vile jurent.
Lendemain, quant le jor connurent,
Remontèrent sur leur chevaus.
Et chevaucent tant mons et vaus
À .vi. lieuwes d'Osenefort.
Jurent la nuit, ne homme mort
Ne sanlerent mie au matin.
Et accuellirent leur chemin. 5270
En la vile ains tierce en entrèrent
Et à un bourgois demandèrent.
Qui sot parler françois moût bel,
Se li quens est en son castel.
Li bourgois leur dist : " Oil voir.^'
Adont font leur chevaus movoir
Tant qu'el castel en sunt venu.
Tost furent leur estrier tenu
D'escuiers ki jus assamblerent.
Pour çou que François leur samblerent 5 280
Pensent que noveles orront.
Leur palefFrois establés ont.
Leur escuiers et leur maisnie,
Tost leur fu la table ensignie.
Et li messagier lès à lés En sont el grant palais aies.
Le conte trouvèrent parlant De sa fille à un sien amant.
Atant es-vous les .ij. messages:
Mesire Guillaumes fu sages, 5290
Si prist la parole sur lui :
' Sire, dist il, de par celui
Qui est Sires poesteis ' Vous mande salus Loeys, ' Qui de France est sires clamés ; •' Et cil dont vous estes amés, Vostre genres et vostre fille '^ Qui nostre pais pas n'a ville ' Pour çou se dedens est entrée,
Car au tesmoing de la contrée 5300
' Ele a tant biauté et bonté ' Que ne poroit estre conté, ' Et Jehans parest si courtois ' Qu'il n'i a son per en Artois.
' Tant set li Rois en aus de bien ' Qu'il ne veut souffrir pour rien ' Que vous aiiés vers aus descort.
' Se Jehans a sans vostre acort ' Prise celé dont est amés
Par droit n'en doit estre blasmés ; 5310
' Ce leur a fait force d'amour Dont ont eue grant ardour.
Or vous mandent, par amistié, Que vous aiiés d'aus deus pitié.
" Et li rois de France vous mande
" Que il a fait Ti aus offrande
" De la conté de Dant-Martin.
" Foi que doi Dieu et Saint Martin,
" Saisir l'en vi et faire hommage
" Et encor de tant vous fas sage. 5320
" Tant a li bons Rois Jehan chier
" Que il le fera chevalier
" À Pentecouste, ù il n'a gueres,
" Et avoecques lui ses .iij. frères.
" Or vous mandent il et li Rois
" Que vous aiiés cuer si courtois
" Que vous ne portés maltalent
" Ciaus qui de bien faire ont talent.
" Et pour vous faire plus certain
" Ves-ci les lettres en ma main 5330
" Que mesires à vous envoie."
Li quens les prent, si les desploie
Lire set bien, les a léues.
Toutes teles les a véues
Com li chevalier ont conté,
Es-le vous en joie monté.
Or ot li quens çou ki li plest, Si a respondu sans arrest :
" Signour moût avés courtois Roi ; " Ne me mande mie desroi, 5340
" Mais moût grant deboinaireté " Et je ferai sa volenté.
" Puisque ma fille est espousée " Cruex seroit la dessevrée.
" Grant amour leur a ce fait faire.
" En grant péril leur convint traire
" Hors du païs, si corn j'entans,
'' À la mer en ot grant ahans.
" Si si prouva, c'oï conter,
*' Que lui tierc en fist .c. douter. 535 0
" Ses cors tous seus, en une nuit,
" En tua plus de .xviii.
" Bien li doit valoir, ce me samble,
*' Ses sens et sa prouece ensamble.
" Onques puis que je Poï dire
" De cuer je ne li portai ire,
" Et se jour ore li portaisse
" Pour vostre Roi li pardonaisse,
" Qui tant a el cuer gentillece
'* Que de ma fille fait contesse. 5360
" Si m^aït Dix, point ne m'en duel,
" De joie avoec vous aler voel.
" A sa chevalerie irai
" Ne la puis ne m'en partirai
" D'avoec aus, mais toute ma vie
" Serai mais en leur compaignie ;
" Jamais n'aurons vie rebourse,
" Tous jors mais serons d'une borse.
*' Bien soiiés vous andoi venu :
" Avoec moi estes retenu 5370
" Dusk'à tant c'apparillié ert
" La voie que à moi affiert.
" Si à point la voie tenron
" C'a Pentecouste là seron.
Atant .ij. escuiers apiele :
" En la chambre, les la capielc, " Fait-il, ces chevaliers nicués, " Et d'aus bien servir vous penés." Il respondent à son commant.
En la chambre vont liemant 5380
Li chevalier aus deshouser, Et li quens, sans plus reposer, Leur a envoiié deus hanas, N'ot si rices dusk'à Baudas ; En cascun avoit .x. mars d'or.
Après leur envoia encor D'escarlate robes entières Et bonnes fouréures chieres.
De ces robes leur cors vestirent.
Et après de la cambre issirent. 5390
El palais revinrent au conte.
Qui grans deboinaireté donte.
Moût l'ont durement merciié De chou qu'il lour ot envoiié.
Entretant fu li diners près, Si s'assirent. Mais ki leur mes Vous vaurroit conter et retraire.
Trop grant conte i converroit faire, Assés eurent mes delitables ; Après disner ostent les tables. 5400
Trois jors, sans grief et sans mesaise, Sejornerent à mult grant aaise Li message et en dedens Fu li quens de cuer entendans
CAMD. soc. 2 B
A faire son oirre aprester
Car luec ne veut plus arrester.
Chevaliers manda dusk'à .xxx.
Qui od lui iront sans atente.
Chevaus de pris, ne biaus sommiers,
Cargiés de soie et de deniers 5410
Ne vaut laissier que il péust
Que bien .iiij.^'^ n'en éust.
Moitié sommiers l'autre cevaus,
Dix tant dras d'or et tant cendaus.
Et tant esterlin monnée,
Et tant ermine conrée,
I fist trousser et emmaler;
Tous jors mais devra * on parler
Des biaus presens que il en fist.
Quant tout fu apresté, si dist 5420
As messagers, quant il vaurront,
Que à la voie se metront.
De ce t leur fu durement bel,
Si li respondirent isnel
Que bien estoit de mouvoir tans.
Li quens, qui ne savoit le tans
Ne l'eure de son revenir.
Ne se fist pas pour fol tenir,
Ains laissa en tel main sa terre
Que nus n'i conquist riens par guerre; 5430
Puis s'en parti, à grant déport,
A un matin, d'Osenefort.
• MS. deva. f MS. ne.
Avoec lui .XXX. chevaliers
Et plus de .Ix. escuicrs,
Ne chevaucent pas com vilain.
Li chevalier tout ont lorains
Et seles tout d^une manière,
De camelin pour la pourrière
Avoient clokes paringaus,
Fourrées de vermeus cendaus. 5440
Bien samble que à feste voisent.
Car en chevauçant se revoisent,
Li uns de biaus contes conter,
Li autres de cançons canter.
Ne vous voel conter leur jornées :
Tant sont aie nions et valées Qu'il sont dusk'à la mer venu.
Lonc séjour n'i ont pas tenu.
Car li maroniers les pourvit.
En une bone nef qu'il vit 5450
Fist mettre sommiers et destriers, Roncins, palefrois et deniers ; Et en sa nef, qui mult ert fort, Mist le conte du Senefort Et toute sa gent avoec lui.
Quant li messagier li contèrent La response que il troverent Au conte, ki s'est mis à voie.
Pour Jehan faire honeur et joie.
Moût en fu li maroniers lies 5460
Et vint au conte moût haities.
Si li conta la grant mervelle
Dont li quens* forment s'esmervelle
Cornent Jehans t estoit passés :
*' Certes bien dut estre lassés,
" Respont li quens, moût ot mescief,
" Ma fille passa à grant grief.
^' Et pour tant que vous li aidastes
" Et que la vie leur sauvastes
^' Vous doing .1. mars d'argent ;" 5470
Che fu au maronier mult gent.
Entre tex mox tant nagié ont
Que à Bouloigne arrivé sont.
De la mer issent au rivage
Sans encombrier et sans damage ;
Firent hors traire leur chevaus
Et l'autre harnas avoec aus.
Li keu, sans plus lonc respit prendre,
Vont en la vile l'ostel prendre ;
Pris l'ont si bel, il n'i ot el 5480
Qu'après celui n'i ot autel.
Li quens i vint et sa gent toute.
Dont moût estoit bêle la route ;
Mains hom en laissa sa besoigne
Pour aus veoir parmi Bouloigne.
Et li quens à l'ostel descent:
A son descendre plus de cent,
Les .ij. chevaliers avoec lui,
Mesire Guillaume o li Gui.
* MS. Jehans. f MS. li qtiens.
AND JEHAN OF DAlVrMARTlN. 189
Icil dui près le compaiguoient, 5490
Car du conte moût bien estoient.
Que pour Jehan, que pour le Roi,
Les honeroit autant con soi.
Quant leur hueses furent hostées,
Leur tables furent aprestées.
Si souperent à grant délit,
Après çou furent fait leur lit,
Enderaentiers qu'il escouterent
Menesterex, qui vielerent,
Car sans tel jent mie n'estoient. 5500
Demie dousaine en avoient.
Qui moût levir firent de déduis.
Tant se devisent qu'il fu nuis.
Dont vont coucher dusqu'al demain
Que il se levèrent bien matin.
Celé nuit moût à aise furent, Mais au matin ne se recrurent; Ainçois au cemin se remirent.
Et le maronier monter firent Sur .j. palefroi que li quens 5510
Li eut donné, qui moût ert bons.
Là u volt il avoit jà mis L'argent qui en mer fu pramis.
Ains puis ce jour ne fu fors rices.
Ne li convient puis» estre chiches.
Nainqvies puis ne fu maroniers Fors quant ses signeurs droituriers, Li quens u Jehans vaut passer ; Si bien seut leur amour brasser
Que puis tous les jours de sa vie 5520
Fu, en lour ostel, de maisnie.
Son avoir mist en bonnes mains,
Si s'en parti qu'il ne pot ains.
Ain s disner le conte rataint,
Qui de cevauchier ne se faint.
A Monsteruel cel jour disnerent
Et p\ns dusk'à Heding alerent.
A lendemain, au point du jour
Remontèrent tout sans séjour.
Adont vinrent li dui message 5530
Au conte et de çou li font sage :
" Sire, dist Mesires Guillaumes,
" Vous estes entrés ou roiame
" Dont vous ferés mainte gent lies ;
" Dusqu'à Clermont n'a, ce savés,
" Que deus journées bien aisieues,
" Et se n'a de là que .x. lieues
" Dusques là où sera la feste.
" Venredi venrés sans arreste
" À Clermont tout droit à la nuit, 5540
" Et lendemain, si ert la nuit
" De Pentecouste, et tant vous di
" Que che jour, ains de miedi,
" Porrés* veoir Jehan et Blonde,
" Qui seront li plus lie del monde
" Quant il sauront vostre venue.
" Ne puet trop tost estre séue
* MS. portés.
" Novele dont puet venir joie.
" Si vous prions que ceste voie
" Nous laissiés devant vous coiticr 5550
" Pour vostre fille rehaitier
" Et Jehan ; car grant joie aront
" Quant vostre venue saront."
Li quens respont que moût li plest,
Dont prendent congié sans arrest
Li dui chevalier maintenant,
Puis s'en partent esperonant.
Avoec aus va li maroniers,
À envis demourast arrier ;
Escuiers pour aus servir mainent. 5560
Celé journée tant se painent
Et tant alerent mons et vaus,
N'espargnièrent pas lour cevax,
Que de deus journées font une.
Ains qu'à la nuit levast la lune
Vinrent à l'ostel à Clermont,
Dont li chastiaus siet en .j. mont.
Celé nuit illuec reposèrent
Et lendemain matin levèrent.
Si chevaucent grant aléure ; 5570
Tant ont coitié l'ambléure
Qu'il sont venu, ains bonne pieche,
À Dant-Martin que il fust tierce.
El castel au perron descendent
Et à aler amont attendent.
Jehans et Blonde revenoient Del moustier o\x oï avoient
Le service de ce haut Roi
En qui il n'a point de desroi.
Sans arrest les a connéus 5580
Jehans quant il les a véus.
Si keurt vers aus et les acole ;
Meut doucement à aus parole
Et leur demande ques noveles.
Il respondent bonnes et bêles :
Li quens d'Osenefort vient chi.
Legierement aurés merci,
Car plus vous aime que riens née ;
Sa fille tient à bien donnée.
Véoir vous vient à grant noblois : 5590
N'a tant vaillant li quens de Blois
Com li trésor vaut qu'il amaine.
Sa route n'est mie vilaine,
Ain s i a .xxx. chevaliers
Et plus de .Ix. escuiers.
Tant palefroi et tant sommier.
Et tant garniraent bon et chier
Que la grans plentés si m'encombre
Que n'en savons dire le nombre.
Vers nous n'a mie esté escars, 5600
Nous .ij. a donné d'or .x. mars
Et bêles robes et parans,
Ains teles n'orent nos parans.
Mais soiiés lies, ne remanra
Que demain, ains midi venra.
" Jehan, ce dist li maroniers,
" Je vous redoi moût merchiier.
" Car .1. mars m'a donnés.
" Bien m'a les biens guerredonnés " Que je vous fis au passer eh a. 5610
" Or soiiés lies car il vient cha, Jehans et Blonde ont escouté Çou que li message ont conté ; Or est doublée leur grant joie.
Si liet en sont que ne poroie Dire la joie que il ont.
Les chevaliers festoiiés ont.
Et le maronier ensement Que il amoient durement.
Or est Blonde rasséurée 5620
Quant à son père ert acordée.
La novele tost s'estendi Parmi la vile et espandi Que li pères leur dame vient, Dist Puns à l'autre : " Or nous convient '' Faire la vile netoiier." Qui donques veist desploiier Toilles de lin et couvrir rues Si dru que nus n'i voit les nues ; Et es costés par les fenestres 5630
Pendre tant couvertoirs aestres, Tant drap d'or et tant d'escarlate, Qui ne sont pas fourré de nate.
Mais de vair, de gris et d'ermine.
Entour Dammartin n'eut mescine, Vallet, ne bourgois ne bourgoise, A qui li quers moût ne renvoise CAMD. soc. 2 c
Quant il voient tele leur vile :
" Ceste feste n'est mie à guile,
" Font cil qui voient l'apparoil, 5640
" Car moût erent en grant tooil."
Les jens Jehan d'apparillier
Delès la tour, en un vergier,
I ont maint pavillon drecié ;
Li autre se sont adrecié,
Selonc çou qu'il estoit mestier.
À apparillier son mestier
Diex ! com Robins s'en entremet.
Dont son cuer à son pooir met
À chou que trestout voist à droit. 5650
Tex variés est peu orendroit,
Ançois en la taverne iroient
Ou au bordel, k'il ne metroient
Leur cuer en loialment servir ;
Penset on mais bien desservir.
Robins tex estre ne vaut mie ;
Ains servi si ne l'en vint mie
Anui, ne mal, ne avantages.
Ainsi s'amonte qui est sages.
Tout ce jour furent en esvel 5660
À Dant-Martin pour l'appareil.
A lendemain, au point du jour,
Recomencièrent leur labour,
La matinée une grant pièce.
Tout eurent fait ains qu'il fu tierce.
Si tost com tierce fu passée.
De toutes pars est amassée
AND JEHAN OF DAM^fARTIN. 195
La gent qui i doivent venir.
Qui dont oïst chevax henir,
Cars desteler, dames descendre 5670
Et ces ostex partout pourprendre ;
Et menesterex assambler
Mervelles li péust sembler.
Jehans contre le Roi ala,
Et li chevalier qui sont là,
Et Blonde sur un palefFroy
Qui n'estoit mie plains d'effroy ;
Hors de la vile rencontrèrent,
Moût doucement le saluèrent.
Mesmement la bêle Blonde, 5680
Qui ert la plus sage du monde,
Li fist de cuer si lie samblant
Que il est bien au Roi samblant
Qu'ele n'a el monde pareille;
De sa grant biauté s'esmervelle.
Quant il eut le Roi conjoï Si ot de la Roine oï Qu'ele venoit à mult grant route ; A itant del Roi se desroute Jehans et Blonde, et vont à celé 5690
Qui o li ot mainte pucele ; En sa route ot cars plus de .xx.
Atant es-vous Blonde qui vint ; La Roine le voit venir. Son careton fait coi tenir, Blonde fist avoec li entrer.
Je ne vous saroie conter
Des femmes la bêle acointance.
Moût furent tost d'une voellance ;
Et Jehans de chà et de là, 5700
De route en route s'en ala.
Dames et chevaliers salue.
Et cil qui avoient tenue
La route au conte,* en Engleterre,
Vinrent au Roi sans respit querre ;
Si li contèrent, sans délai,
Tout ainsi com je conté l'ai,
La response qu'il respondi
Et que il venroit ains midi.
Li Rois en fu lies durement; 5710
Jehan apela erranment
Et dist qu'il ira contre lui
Et tous les autres avoec lui ;
Jehans durement l'en mercie.
Adont ont la vile laissie.
Et la Roïne qui le seut
Du père Blonde grant joie eut.
Ses cars a fait tous retorner.
Car contre lui vaurra aler.
Qui dont véist par les conrois 5720
Tourner chevax et palefrois
Où chevalier ert séant,
Il deist bien, ce vous créant.
Que de chevaliers sont .ij. mile,
Estre les bourgois de la vile,
• MS. Roi.
Qui tuit estoient issu hors,
Par le congic sa dame lors
Blonde sur son palefroi monte;
Plus de .XXX. dames, par conte.
Pour sa compaignie montèrent; 5730
En cevauçant cançons canterent
Et li chevalier respondoient ;
Ainsi le petit pas aloient
Contre celui qui ne demeure.
Car jà ne cuide veoir Teure
Qu'il soit venus à Dant-Martin.
De Clermont fu mus au matin ;
Si chevaucha la matinée.
Un pars devant tierce passée
Apreceues les grans routes 5740
Qui contre lui venoient toutes.
De la joie qu'il demenoient
Trestuit li plain retentissoient ;
Li quens les voit, à ses jens dit
Qu'aine mais si bêle gent ne vit.
Ses gens mie ne s'en descordent ;
Mais à son dit moût bien s'acordent.
Bien set li quens qu'en ceste voie
Vienent tuit pour lui faire joie.
Tant chevaucierent, ce me semble, 5750
Que l'une route à l'autre assamble.
Tost seut li Rois que li quens fu Et au conte tost dit refu Qui fu li Rois ne la Roine.
Là n'eut pas samblant de haine,
Mais d'acointance et d'amistié.
De .ij. pars descendent à pie Li Rois et cil qui o lui sont Le conte moût bienviegné ont.
" Biau sire quens, ce dist li Rois, 5760
*' Moût avés or fait que courtois " De venir en nostre païs. " Pour peur de vous esbahis " Estoit vostre fille et vos genres, " Qui ne sont mie ore des menres ; " Car pour leur sens et leur bonté " Leur ai donné une conté.
*' Se il se sont vers vous mesfait " Force d^amors leur a che fait, " Merci vous en crient andous." 5770
Adont se misent à jenous S^ fille et Jehans devant lui, Jointes mains li crient merci :
" Sire, pour Dieu, ce li dist Blonde, " Jamais n'eusse joie el monde *' Se mes amis fust par moi mors, " Ains que de moi éust confors, " Dut-il morir, bien le saciés.
" Or nous a tant amours sachiés " Que nous sommes andui d'un cuer; 5780
" Tous anuis avons jeté fuer ^ " Se nous poons à chief venir " De vostre voloir maintenir.
" — Sire, pour Dieu, ce dist Jehans, " S'il vous plaist prendre amende mens • MS. puer.
" De riens que je mesfait vous aie
" Je me mec en vostre manaie.
" Car s'a la mort me metiiés
" Pis faire ne me poriiés
" Que m'éust fait la départie 5790
" De moi et de ma douce amie.
" Car tout çou m'a fait force faire,
" Ou à mort me convenist traire.
" Gluant à li servir me méistes
" En péril de mort me meistes ;
" Mais par la francise de li
" M'a jeté hors de tout anui,
" Se nous vostre gré avions
" Riens plus ne demanderions,
" Si vous pri que vous nous portés 5800
" Bon cuer et del vous déportés."
Li quens respont : " Or vous levés
" De çou durement me grevés
" Que tant à jenillons vous voi ;
" Se ce n'estoit fors pour le Roi
" Qui de ceste acorde me prie,
" Ne l'escondiroie-ge mie.
" Tous courons de cuer vous pardoing
" Et quanques j'ai vous abandoing."
A tant les lieve et si les baise, 5810
Dont leur cuers durement aaise.
Et pour les .ij. sereurs Jehan
Et les .iij. frères, en cest an
N'auroie conté la manière.
Ne le biau samblant, ne la ciere
Qu'il s'entrefont jus la Roine, Ne mist mie entr'aus la haine, Mais amour et miséricorde De tous courous a fait acorde.
Atant es chevaus remontèrent 5820
Ne de chevaucier ne finerent Devant qu'il entrent en la vile, Où il avoit plus de .x. mile, De bourgoises bien acesmées.
Qui les routes ont saluées, Le Roi leur signeur, la Roine.
Là oïssiés mainte buisine, Maint moinel et maint tabour, Et maint grant cor Sarrazinour ; Mainte cytole et mainte muse. 5830
N'est mervelle se on i muse.
Ces courtines, ces estruraens, Ces autres apparillemens, Ces trompes que devant aus vont.
Ces danses que li vallet font, Tant estrumens devans aus sone Que toute la vile en ressone.
D'erbe vert estoient jonchies Parmi la vile les chauchies.
En tel soûlas et en tel joie 5840
Ont tant maintenue leur joie Qu'el castel, au perron, descendent :
Plus de .iiij^. leur mains tendent À destriers leur signeur tenir, Dont véissiés sales emplir.
Es chambres et es garderobes
Vont les clames cangicr leur robes.
Et li chevalier el paies.
Li disners, qui ne fu pas lais
Fu es pavillons aprestés. 5850
Adont ne sont plus arrestés :
Li trompeur li auwe trompèrent,
Li chevalier là s'aiinerent.
Es pavillons es vous le Roi
Qui tenoit Blonde par le doi.
Et la Roïne tint le conte.
Après aus venoient, sans conte.
Chevaliers, dames et puceles,
Prestres, clers, bourgois, damoiseles
Li Rois prist le conte u laver. 5860
Ce ne li doit mie grever, Car il n'en valoit mie mains ; Après aus lavèrent leur mains Les dames et li chevalier, Li Rois fist le conte mengier A sa table, et Blonde lès lui.
Et la Roine, sans anui, Rapela chiaus qui mix li sirent ; Après communalment s'assirent À un disner tant n'en vi mes. 5870
Adont aporta on les mes.
Plus en i eut de .xij. paire, Autre mention n'en voel faire.
Jehans et si frère servirent ; Partout servent, partout porvirent CAMD. soc. 2 D
Qu'il ne fausist riens à nului,
Avant leur tourna à anui
Que les napes fuissent ostées,
Ne qu'eussent leur mains lavées ;
Mais quant il lavées les eurent 5880
Li ménestrel vieler keurent.
Et Jehans pour chevaliers estre
S'ala en un peu d'euwe mètre ;
Et ses frères et autres vint,
Et Ici vaut chevaliers devint, Ensi pleut au Roi et au conte,
.xxiiij. furent par conte.
Quant un petit lavé se sont, D'unes cotes vestu se sont.
Après les robes linges blanques, 5890
Li quens cousi Jehan ses mances.
Puis mist à son col un mantel.
Et Blonde s'entremist moût bel.
De ses frères apparillier.
A la nuit alèrent viUier Si com drois fu à sainte eglize, Où il eut en parement mise Mainte courtine bonne et bêle.
Devant tous les nouviaus viele Uns menestereus toute nuit 5900
Pour çou que il ne leur anuit.
Li Rois et toute l'autre gent A qui il estoit bel et gent.
En biaus lis bien fais se coucierent ; Et cil qui vaudrent compaignierent
La nuit les nouviaus chevaliers.
Moût fu li luminaires chiers,
Qui toute nuit art devant aus.
Li quens ne se mut d'avoec aus.
Ne sa fille. Duskes au jour 5910
Firent avoec Jehan séjour ;
Et Jehans Dieu moût mercia
De l'onnour que faite li a.
De tant com croist sa signourie,
De tant Jehans plus s'umelie.
Si tost cora la nuis fu passée.
Et il parçurent la journée,
Une messe firent canter,
Puis se vont tantost reposer,
Pour ce k'il soient mains grevés. 5920
Tant dormirent que fu levés
Li solaus, qui maine le jour,
Dont se levèrent, sans demour
Li Rois et tuit li chevalier ;
Se relevèrent sans targier.
Jà fu tans de la messe oïr :
Et Blonde, qui fait esjoïr
Ciaus qui en li metent leur ex,
Quant il ne pueent avoir mex,
S'est celui jour si bel parée, 5930
Et de si grant biauté pueplée,
Que tout aussi com li solax
Quant il lieve au matin vermax
Et il esclarcist Pair ombrage.
Tout aussi la bêle, la sage
Esclarcist les lix entour li.
Tant sauroie dire de li.
De sa biauté, de sa bonté Que jamais n'aroie conté.
Ne doit mais estre nului grief 5940
Se ma matère m aine à cief :
Tuit et toutes vont al servuise C'on fait cel jour en sainte eglize.
Quant on eut la messe cantée A Jehan a chainte l'espée Li Rois, qui chevalier le fist.
Et après el col li assist Une colée ; et ensement Fist à ses* frères errament.
Onques mais ne vous dis lor nons, 5950
Or le dirai car c'est raisons.
Li premiers après Jehan nés Fu tous jours sages et sénés.
Et fors, et legiers, et apers. Et s'eut non mesire Robers.
Li autres ne fu pas si grans.
Qui eut non mesire Tristans.
Li mainsnés fu et fors et fiers S'eut non mesire Manessiers.
Ciaus a fait chevaliers li Rois, 5960
Qui moût fu sages et courtois ; Et pour leur amour plus de .xx.
Tout leur donna quanqu'il convint.
* MS. asscs.
Puis retournent es pavillons,
Car de disner cstoit saisons.
Si s'assisent, après laver :
Nus ne tint celui à aver
Qui tel disner leur ot fait faire.
De char i avoit tante paire
Que je n'en sai dire le nombre ; 5970
La multitude m'en encombre
De pors, de bues, de venoisons.
De voleilles, de poissons.
Et voient mes à grant plenté
Et bons vins à leur volenté.
Mesire Jehan lès li Roi Sist cel jour et si frère o soi.
Et o la Roïne sist Blonde, Qui ert la plus bêle du monde.
Li servant par laiens randonnent, 5980
A chascun mes les trompes sonnent.
Dames i avoit, qui servoient ; De dras d'or parées estoient.
Devant cascun mes vont cantant.
Partout avoit de joie tant.
Qu'il estoit à cascun avis Tel joie ne vit mais hom vis.
Mais ce fu encore noiens.
Quant on eut mengié par laiens Si commença tel mélodie 5990
Que plus bêle ne fu oïe :
Li pavillon retentissoient Des estrumens qui i estoient.
Quant un peu escouté les eurent
Les dames à caroler queurent :
Là eut mainte dame parée,
Là eut mainte cançon cantée.
Là eut, à grans remuemens,
Cangié mains apparillemens.
Plus bêle carole ne fu. 6000
Quant ele fin a vespres fu,
Si les alèrent escouter.
Après vespres revont souper,
Après souper dusk'à la nuit
Remenèrent joie et déduit.
Qui dont véist les tors de cire
Par les pavillon tire à tire,
Ne quidast mie par samblance
C'on pesast la cire à balance,
Ains sambloit que pour noent fust ; 6010
Comment que la nuis orbe fust
Entour au véoient bien cler.
Avant fu près de l'ajourner
Que les caroles derompissent.
Mais en la fin se départissent
Ne peurent pas durer tous jours,
Tuit vont jesir tant qu'il fu jors.
Celé nuit fist Jehans de celé Dame, qui estoit damoisele ; De tous déduis sont à la voie, 6020
Tous jours plus et plus sont en joie.
Comment qu'il leur déust grever Les convint au matin lever
Pour chiaus qui volrent congié prendre ;
Mesire Jehans volt mont tendre
A aus priier, mais ne poet estre,
Chascuns volt r'aler en son estre.
A grant paine retint le Roy
Et la Roine avocques soi.
Et li quens à ciaus qui s'en vont, 6030
Selonc chou qui valent et sont.
Donne joiaus de mainte guise.
Dont cascuns l'aime moût et prise.
Le Roi retinrent .iiij. jors :
Moût fu deduisans leur sejors,
Es riAneres vont as faucons
Et es fores as venoisons.
Au bon conte de Senefort
Pria li Rois qu'il se déport
En ses fores, en ses castiaus, 6040
De tout veut qu'il soit damoisiaus.
Li quens durement l'en mercie,
Et dist que jamais en sa vie
De son genre ne partira 5
D'aaige est, avoec lui sera
Quant il vaurra en ceste tere,
Quant il vaurra en Engletere ;
Moût fu lies mesire Jehans
Quant il de çou fu entendans.
Et Dieus ! que Blonde en ot grant joie, 6050
Qui voit que ses pères s'otroie
À tout quanques il vaurront faire.
Riens ne li péust autant plaire.
Au chinquime jour, au matin.
Se départi de Dant-Martin
Li Rois Loeys et sa gent.
Ce ne fu mie bel ne gent
As .ij. contes, car s'il peïssent
Moût volentiers le retenissent.
Trois lieuves loing le convoiièrent ; 6060
Li novel chevalier, qui erent
Frère la conte, o lui s'en vont,
Car de sa menie esté ont
Tant comme il furent escuier,
Aussi furent-il chevalier.
Tant que bien leur guerredonna
Femmes et tere leur donna.
Dont il furent riche et manant.
Et tous jours à leur frère aidant.
Li dui conte et avoec aus Blonde 6O70
Au milleur roi ki fust u monde
Prendent congié, et il leur done.
Et son pooir leur abandonne.
A tant départent, si s'en vont,
A Dant-Martin revenu sont,
Et li Rois s'en va à Corbuel.
Mais de lui parler plus ne voel.
As .ij amans voel retorner,
Qui ont loisir de séj orner
En feste, en déduit et en joie ; 6080
Nus ne les het ne ne gerroie.
A Dant-Martin sunt li dui comte.
D'un ostel sont et d'un seul conte.
Ce que l'un plaist et atalente Li autres tantost li présente.
Bonne vie et honeste mainent, Et de Diu honerer se paincnt.
Meisniement la bêle Blonde Fu de tous mauvais visées monde, Ains de mauvaistié n'eut envie ; G090
Tours jors se tient en bonnie vie Avoeques son ami loial, Plain de tous biens et vuit de mal.
Au cbief de l'an ses ij. sereurs Maria à .ij. grans signeurs ; L'ains née au conte de Saint Pol, Que on ne tenoit mie à fol ; Uns siens frères prist la mainsnée, Qui ricement fu mariée.
Robin et son bon maronnier 7000
Revaut ensement marier.
A Dant-Martin eut .ij. bourgoises, Qui furent rices et courtoises ; N'estoient pas de cuer vilaines, Disnes sont d'estre castelaines ; Suers germaines andeus estoient, Mult grant tere et grant mueble avoient. De ces .ij. fist le mariage, De l'ainée à Robin le sage.
Et la mainée au maronnier, 7^10
Du sien leur donna maint denier ; Et maistre de son ostel furent, Qu'ains de sirvir ne se recrurent.
CAMD. soc. 2 E
Puis ot li quens de bêle Blonde
Quatre enfans les plus biaus du monde,
Dont il vint puis grant avantage
Et grant lionour à leur lignage.
Quant il eurent à Dant-Martin
Esté .ij. ans soir et matin,
Si râlèrent veoir leur tere 7t>20
D'Osenefort en Engletere ;
A joie i furent requelli.
Li quens d'Osenefort vesqui
Avoec sa fille bien .x. ans,
Cora preudom et de cuer joians.
Et bien .xxx. ans, après sa mort,
Fu Jehans quens du Senefort
Et de Dant-Martin en Gouele.
.Ij. contés out et femme bêle ;
Moût de bien furent entr'aus deus, 7030
Onques ne seurent estre seus.
Tous jours eurent bêle maisnie.
Et selon Dieu bien ensignie.
Les povres nonains relevèrent.
Les povres femes marièrent;
As bons ki vaurrent honour quere
Douèrent et deniers et tere ;
Moût honourèrent sainte eglize.
Ne feissent en une guise
Vilenie n'outrecuidance, 7040
Tous jors furent d^une acordance.
Tant leur otria Dix de biens,
Que leur amours, pour nule riens,
N'amenuisa ne ne descrut,
Ainçois mouteplia et crut.
Tant s'entramercnt de bon cuer,
Gluainques U uns l'autre à nul fuer
Ne fist l'autre qui li grevast ;
Et s'uns anuis lour alevast
Li autres si le confortoit 70^0
Que souef son anui portoit.
Bien furent des rois dont il tinrent,
Loialment vers aus se maintinrent.
De tout le commun amé furent.
Vers aus firent ce que il durent ;
Pitex furent vers povre gent,
Del leur donerent larguement.
Quant en France manoir venoient
Tout le païs lie en faisoient,
Et Engletere ensement. 7^60
En ce point furent longuement,
Tant que Dix, qui sera sans fin,
Les fist venir à bone fin.
Par ce romans poront entendre Tuit cil qui lor cuer vaurront tendre A honeur, et honte laissier, Que cascuns se devroit plaissier Et travillier et cors et cuer A çou que il vigne en haut fuer.
Entendes bien en quel manière, 707'^
J'entens que cascuns honeur quiere :
Je n'entens pas par usurer.
Mais par son sens à mesurer
Et servir deboinairement, Et à soi tenir loialment, Et à estre courtois et dous, Et à savoir estre avoec tous, Et à porter bonne parole ; Car cil, à escient, s'afole,
Ou li mauvaise corages tire 70^0
Tant qu'il s'entrement de médire.
Tant a mauvaise compaignie En homme, qui est de tel vie.
Qui tel langue a, li maus feus l'arde Que plus est poignans que laisarde ; Après qui veut en haut monter, Son cors et son cuer dooit douter A estre atrempés, et soi taire Duskes à tant qu'il doie plaire.
Et si doit deboinaires estre. 7090
Et se il avient qu'il ait mestre.
Il doit aprendre son corage.
Car ensi le font tuit li sage.
S'il voit son maistre bon et fin, Bien le sive dusk'en la fin ; Et s'il le voit trop mescréant, Saciés, pour voir le vous créant, Ke sagement s'en doit retraire Et soi garder de son afaire.
Ne pour service ne l'ait nus. 7100
Ice dont il est plus tenus.
C'est à Dieu cremir et amer, Et à haïr le mal amer,
Qui laisseroit Diu pour nului,
Trop fol serjant aroit en lui ;
Car nus ne poct venir pour rien
Se Dix ne li consent à bien.
Toutes amours fait bon tenir
Dont on puet à bon cief venir ;
Et s'on aquiert aucue cose 711*'
On doit avoir en son cuer close
La volentc de bien despendre.
Car cascuns, pour voir, doit entendre
Que riens del mont n'est hiretages.
Bien le puet aquerre li sages,
Et après bien mètre le doit.
Autrement ne mètre le doit
A cose ki soit à che monde.
Car il en carroit en tel monde
Qu'en infer en seroit jetés, / 1 20
Où il aroit sans fin durtés.
Jehans conquist par son savoir
S'amie et grant plenté d'avoir,
Mais en tere riens n'emportèrent
Fors çou que pour Dieu en donnèrent ;
Il ouvrèrent si comme il durent
Qu'aine de bien faire ne recrurent.
Or si pregnent garde li sage,
Car à bon port vient qui bien nage ;
C'est pechiés d'estre trop oisseus. ^^SO
Or soit donques cascuns viseus
De bien despendre et bien aquerre,
Qu'anemis ne nous mete en serre.
Mal prie cil qui lui oublie.
Pour CDU n'oblierai-ge mie
Que je ne vous pri et requier
Que vous voelliés à Dieu priier
Que Phelippe de Reim gart
Et de paradis li doinst part.
Car ce fu cil qui s'enliraa 7140
Tant que il ce conte trouva.
Ci faut de Jehan et de Blonde.
Ains n'eut plus vrais amans el monde,
Ne jà n'aura, si com j'espoir,
Je n'en sai plus au dire voir.
EXPLICIT de JEHAN ET DE BLONDE.
RETURNTO the circulation desk of any University of California Library
or to the
NORTHERN REGIONAL LIBRARY FACILITY
University of California
Richmond Field Station, BIdg. 400
1301 South 46th Street
Richmond, CA 94804-4698
