SCENE VI

HEMON, CREON.

Creon continue.

Ne dissimulez point la douleur qui vous presse , Elle est juste en l'amant qui perd une maistresse ; Mais, d'autre part, Hemon, elle est injuste aussi En un fils qui, bien né, de son père a soucy. Et qui, sage, espousant son amour et sa haine, Se fait de ses désirs une loy souveraine.

Hemon.

Ayant l'honneur que j'ay d'estre sorty de vous, Vostre interest, Monsieur, sur tout autre m'est doux; J'ay tous les sentimens que mon devoir m'ordonne. Je tiens de vostre sang et de vostre couronne, Et, sans me départir de leur authorité, Ne puis rien espouser que vostre volonté.