COMÉDIE

ENTREPARLEURS

JOSSE, Marchand. PANTHALÉONÉ, Italien.

MARION, Lavandière. MAGD ALÊNE, Fille de Gérard.

ANTHOINE, Serviteur. CLAUDE, Macquerelle.

L'ADVOCAT. GÉRARD, Marchand.

LE GENTILHOMME. AGNÈS, Femme de Josse.

JULIEN, Serviteur.

Avant- Jeu

Je ne suis pas icy venu Pour vous conter par 1-e menu Le discours de la Comédie, Car se seroit oster l'envie Que chacun de vous doit avoir De nous entendre et de nous voir, Attendant qu'elle soit parfaicte.

Je vien de la part du Poëte Lequel vous remonstre par moy.

Ce qui plus le tient en esmoy :

Le premier poinct, c*est qu'on endure Ces estourdis, faisans Mercure

JACQUES GRÊVIN ii(

De chasque bois mal raboté, Pour servir l'Université.

Une grand'troupe mal choisie Se joue de la poësie, Et impudente, rimassant, A cor-et-cry va pourchassant Geste Déesse tant prisée, Dont ils font naistre la risée :

Car, comme nouveaux basteleurs, Afin d'enrichir les fureurs De leurs tragédies farcées, Ou leurs farces moralisées, Pour la foiblesse de leurs reins, A trompettes et tabourins, Et gros mots qu'on ne peult entendre, Ils se sont essaiez de rendre.

Et mouvoir au dedans du cœur Du plus attentif auditeur Une pitié, une misère, Au lieu qu'un bon vers le doit faire.

L'autre poinct qui m'a faict venir, Est pour vous faire souvenir De ceste plaincte, qui fut faicte N'aguère encontre le Poëte, Pour la rancune et le soucy Des dames de ce quartier cy, Qui, pour estre un peu trop friandes, Feront six plats de deux viandes; Et alors qu'on n'y pense pas.

D'un rien elles feront grand cas :

Car, quand le Poëte pense faire Quelque chose pour vous complaire.

Elles prennent opinion Que c'est à leur intention, Et que tousjours on parle d'elles, Si aux Comédies nouvelles On a possible décoijivert

LES ESBAJilS

Un lieu de la place Maubert.

Et voylà, ce que je propose

Fait que froidement il dispose.

Par ses vers, le gentil discours

De ces tant heureuses amours,

Dont toutefois il eut envie

De composer la Comédie

Que vous aurez présentement;

Mais il n'a pas tant seulement

Osé mettre en escript la rue

Où il a ceste affaire veue.

Craignant leur donner quelque ennuy :

Ce nonobstant, j'ai sceu de luy.

Comme une chose bien secrette.

Que ceste Comédie est faicte

Sur le discours de quelque amour,

Qui s'est conduit au carefour

De Sainct Sevrin; mais je vous prie,

D'autant que vous avez envie

D'estre secrets, de tenir coy.

Car je voy cy derrière moy

Le sire Josse : que personne

Ne face que trop il soubçonne :

Car notez qu'il est fiancé;

Pourtant qu'il a tousjours pensé

Que madame Agnès estoit morte;

Mais il fera, avant qu'il sorte

De ce lieu, que sommairement

Vous cognoistrez tout son torment^s.