SCÈNE III. — JULIEN, L'ADVOCAT

Julien

Sçavez-vous quoy. Monsieur, il fault.

Puis qu'il est question d'assault, Se monstrer homme vertueux.

La fortune ayde aux amoureux.

L'Advocàt

Je sen mon courage et ma force Qui de plus en plus se renforce; Je sen l'amour audacieux Affronter les plus furieux.

Aussi Jupin, époinçonné, A quelque fois abandonné Et son tonnerre et son orage Pour, à son désireux courage.

Par un pareil esbatement, Donner le doulx contentement; Et, sous un habit estranger.

Il se sentit encourager, Façonnant son grand fils Hercule.

Et jamais l'amour ne recule :

Car tous] ours il sçait inventer Mille moyens pour contenter Son appétit : puis une dame, Cognoissant l'amoureuse flamme Qui tormente et brusle le cueur De son fidèle serviteur, Inventera mille moyens Pour adoulcir les durs liens De son martyre.

Julien

Estes-vous seur, Vous qui en estes l'agresseur.

D'acquérir ce jourdhuy victoire?

Au moms faictes-le nous acroire, Quand ores il n'en seroit rien.

L'Advocat

Non, non, car je m'asseure bien Que, si je puis entrer dedans.

Il y aura du passetemps Ou par amour, ou par contrainte.

Julien

Il n'est que la première pinte Qui couste plus que tout le reste.

Quant est de ma part, je proteste Qu'en tel endroit j'aviserois De faire au mieux que je pourrois.

Aussi je m' eh rapporté à vousj

LES ESBAHIS

Je croy bien que les premiers coups Seront dangereux.

L'Advocat

Julien, N'as-tu point veu l'Italien Passer par là?

Julien

Qui? ce forfante?

Par dieu il y pert son attente, Je l'en incague^', ce coion; C'est le plaisir de Marion :

Elle y prend tout son passetemps.

L'Advocat

Si sera-il des malcontens, Si une fois je l'y attrape.

Julien

Pour le moins auray-je sa cappe Et sa tocque, c'est pour le moins.

Dont il sera en coups de poins Recompensé.

L'Advocat

Mais, Julien, Laissons là cet Italien.