SCÈNE II. — RICHARD, LOYS

Richard

Monsieur, il est prest à partir, Et ne reste plus que quictance Pour vostre debte et pour l'avance :

Car l'argent est desja tout prest.

Loys Combien prent-il pour l'intérest?

JACQUES G RÉ V IX Si

Richard

Vingt-cinq escus sur le payment, .Et autant sur l'avancement.

Loys C'est trop vrayment de la moytié.

Richard

Encor' si n'estoit l'amitié D'un sien voisin, il ne pourroit Vous en bailler.

Et ce seroit Un tour duquel la repentance Suivroit de bien près la vengeance.

Retiendroit-il ainsi mon bien?

Richard

Monsieur, encor' n'y prend il rien, C'est un marchant, comme j'ay dict.

Loys

Pardieu il a pauvre crédit A ce presteur.

Richard

Voylà que c'est :

Les amis sont à interest, Encore se fault-il haster.

Loys

Or puis-qu'il en fault eschapper Voylà l'autre quictance encor'.

S3 LA TRÉSORIÈKE

Richard

C'est mon, 2 8 mais de la chaine d'or Que demande la damoiselle?

Loys

Je n'en sçache point d'assez belle :

Délivre luy cinquante escus Pour en acheter une, ou plus, S'il est mestier, la récompense Que je prétends vault la despence :

Au demourant haste le pas.

[// sort.]

Les escadrons et les combas N'eurent oncque si grand'puissance Que Monsieur n'y feit résistance :

Et maintenant une beauté Triomphe de sa liberté.

Encor' vraiment la Damoiselle, Quant tout est dict, n'est pas si belle : Toutesfois je ne la déprise :

Car on dict que la marchandise Qui plaist est à demy vendue.

Je crain que ma voix entendue Ne soit entrée en la cervelle De ceste rapporte-nouvelle, Qui m'attend là devant la porte :

Car vrayment elle est assez sotte Pour le rapporte à Constante.