SCÈNE III. — LOYS, RICHARD, THOMAS, LE TRÉSORIER. SULPICE

Loys Çà, çà, tous en armes.

Richard

Ils ont affaire à des gendarmes, Ils le cognoistront par effect.

JACQUES GRÉVIN IOO

Thomas

Monsieur, ce ne seroit mal faict

De prendre en main quelque rondelle.

Xon, non, je n'ay que faire d'elle, Elle pense donc que je prise Davantage sa marchandise Que mon honneur : je ne suis plus De ceux qui donnent des escuz Pour m' entretenir en sa grâce :

Je suis d'une trop noble race.

Thomas

Je veux faire provision Maintenant d'un bon morion Pour couvrir le hault de ma teste.

Loys

Me penseroit elle tant beste • Que voulsisse endurer tel sort?.

Le Trésorier

Sire Sulpice, quel effort !

Que veult dire ccste entreprise?

Sulpice

Possible quelque noise esprise

Entre eux : car tousjours ces souldars

Ont querelles en toutes pars.

Le Trésorier

Entrons dedans,

Sulpice

Fermez vostre huys.

Je cognoy le seigneur Loys,

Je croy qu'il ne me cherche pas.

Richard

Monsieur, monsieur, hastons le pas, Le Trésorier est à la porte.

Loys

Çà, çà, faites moy bonne escorte; Qu'on me lui fende les naseaux.

Richard

Je veux comme des bécasseaux Enfiler ceste Trésorière, Le Trésorier, la chambrière, Pour merque qu'une telle injure N'est impunie.

Thomas

Et moy je jure Que le premier par moy trouvé Demourera sur le pavé, Protenotaire et Boniface.

Le Trésorier

Sire Sulpice, il nous menasse.

Hélas, mon dieu ! je suis perdu.

Thomas

Le Trésorier m'a entendu, Il heurte pour entrer dedans.

Sulpice

Ils sont armez jusques aux dens, Et si chascun son baston porte.

Le Trésorier

Ne veult-on poinct ouvrir la porte?

Me laisserez vous massacrer?

Thomas

Il est en grand peine d'entrer, Pousons dedans, armet en teste.

Loys

Sus, que chascun de vous s'apreste De faire maintenant devoir.

Richard

Je lui feray bien à sçavoir A ce gentil Protenotaire, Qu'il n'a pas maintenant affaire A un pédante de collège.

Thomas Il est pris, il s'est mis au piège.

Loys Sus, sus, dedans, enfoncez l'huys.

Richard

Il me semble à voir que je suis A l'assault de quelque rampart.

Enfonçons l'huis de part en part, Nous sommes sur noz ennemis.