SCÈNE I. — SULPICE, LOYS, RICHARD, LE TRÉSORIER
SULPICE
Monsieur, soyez un peu plus doux, Quel profit pourriez vous avoir Quand vous le feriez à sçavoir A la justice?
Loys
C'est tout un Le profit est à tous commun.
Richard
Çà, çà, monsieur le Trésorier, Vous en porterez le collier, Et ce pour juste récompense D'avoir pillé l'argent de France.
Sulpice Il se soumet à tout accord.
Richard
Par Dieu, je seray le plus fort, Vous viendrez aussi quant-et-quanl, Car vous en faisiez le payment En son nom, m'aidant à tromper Vous ne me pouvez eschaper Que ne vous face mille ennuis.
Le Trésorier
Escoutez moy, Seigneur Loys, Vous sçavez que j'ai faict avance :
Sera-ce donc la récompense
Que pour moy vous voulez choisir, Après vous avoir faict plaisir?
Auriez-vous bien donc le couraige De m'empêcher en ce voyage, Considéré que mon affaire, Me contraint comme nécessaire Pour le profit de nostre Prince?
Richard
Vous estes subject à la pince, C'est cela qui gaste le tout.
Lovs
Encor' en aurons-nous le bout; Richard, fais ce que je commande.
Le Trésorier
Seigneur Lovs je ne demande Sinon avoir appoinctement Avecque vous.
Richard
Premièrement Il fault venir en la prison.
Le Trésorier
Je vous feray toute raison,
Si vous faictes un tour honneste.
Richard
Cela n'est que laver la teste
De l'asne qui est aux Bons-hommes.
Loys
Voicy grand cas, tant que nous sommes N'aurons pouvoir de le mener Au palais pour l'emprisonner,
Richard
Chargez le moy comme une balle Sus le dos, ou comme une malle, Puis nous aurons vostre courtault Qui le mènera aussi tost Que commandé.
Sulpice
Submettez vous, Et puis Monsieur sera plus doux.
Le Trésorier
A celle fin d'en voir le bout, Je suis content de perdre tout.
J'ay payé le quartier passé, Encore vous ay-je avancé Celuy qui vient, pour avoir paix Avecque vous, Monsieur, je fais Comme si n'eussiez rien reçeu.
Sulpice
Vrayrnent vous ne serez deçeu Par ce moyen, et de ma part J'en donray le vin à Richard :
Et si désire faire plus.
Loys
Vous dictes bien : mais les escuz Que la Constante tient encor' Pour avoir une chesne d'or?
Ces escuz vous seront rendus, Et d'autant d'autres despendus, Pour nous resjouir tous ensemble.
io9
LA TRÉSOUIÈRE SULPICE
C'est un bon parti ce me semble.
Richard
Le vin que vous avez promis A Richard, n'est-il pas donc mis Parmi le marché?
SULPICE
Si est bien, Je vous le veux donner du mien.
Richard
Mais j'ayme bien mieux dans ma main Le voir que d'attendre à demain :
Car je sçay bien que les promesses De leur naturel sont traîtresses :
Parquoy si voulez paix à moy Foncez83 argent.
Sulpice
Ha, par ma foy, Vous l'aurez, car c'est la raison.
Loys
Entrons doncques en la maison Affin de ravoir ma quictance :
Car je veux du tout asseurance.
