SCÈNE II. — JULIEN, LE GENTILHOMME, L'ADVOCAT
Julien
Non, non, monsieur, il pert le temps.
Il en a beau estre fâché, C'est tout autant de dépesché; Qu'il en quitte hardiment sa part.
Car j'ay veu le sire Gérard, Qui en parloit au rôtisseur.
Vous pouvez bien en estre seur Et le tenir pour tout certain; Car tout au plus tard, dès demain Elle aura Josse pour mari.
Le Gentilhomme
Par dieu, j'en suis autant marri Que luy-mesme; car, quoy que soit Tout le malheur qu'il en reçoit, Je le pense m'appartenir :
Mais ne le voy ci pas venir?
Il nous fault trouver le moyen De le dépestrer du lien Duquel il est si fort estraint.
L'Advocat
L'impatience me contraint De penser à toute autre chose Qu'au but lequel je me propose.
Le Gentilhomme
Et bien, cousin, que dit le cueur?
Fault-il que l'amour soit vainqueur De votre liberté? Comment?
Ne sçavez vous point autrement Commander à vostre appétit?
Il vous fault petit à petit Estaindre ce feu attizé.
L'Advocat
Ha cousin ! qu'il vous est aisé, Cependant qu'estes en santé, De conseiller un tormenté !
Mais si aviez à vostre tour Esprouvé que c'est de l'amour Comme j'ay faict, je ne dy rien.
Le Gentilhomme
Laissons cela, je l'enten bien :
Mais vous devez aussi penser Que, pour mieux vous récompenser Du tour qu'a fait ceste cruelle, C'est de ne tenir conte d'elle, Ainsi comme elle faict de vous, Et faire or-avant comme nous, Les choisir au jour la journée.
L'Advocat
Ha, cousin ! elle est trop bien née Pour l'oublier si promptement.
Je me plaisois en mon forment, Voyant une telle beauté Triompher de ma liberté.
Le Gentilhomme
Je le confesse, et n'eust esté L'amour et la fidélité Que nous avons entre nous deux, Moy mesme, j'en fusse amoureux;
Mais, depuis qu'elle est fiancée, L'affection est effacée; Il fault chercher son avanture En autre lieu.
L'Advocat
Ha point, je jure Que toujours son servant seray, Et que jamais n'alumeray Dans mon cueur autres estincelles.
Le Gentilhomme
Si en trouve Ion d'aussi belles.
Pensez que d'une autre beauté Vous pouvez estre surmonté, Et qu'on peult gaigner vostre cueur Pour vous rendre encor serviteur D'une autre dame; et si pensez Qu'il y en a encore assez Dedans Paris qui voudroient bien Estre des vostres. Hé combien Elles se sentiroient heureuses, Si quelques flammes amoureuses Eschauffoient vostre liberté, Faicte serve de leur beauté; Jamais ne receutes que peine Poursuyvant vostre Madalêne.
Ores fasché, ores pensif, Ores hâté, ores tardif, Le jour mourant cinquante fois Pour son amour, et toutefois, Si, vous regardant d'un bon œil, Elle vous monstroit quelque accueil, Il estoit de peu de durée; La volonté mal asseurée Vous en monstroit assez l'issue.
I4l LES ESBAH1S
L'Advocat
Cousin, tant plus je m'esvertue De luy résister vaillaimment, Plus je sens croistre mon tonnent; Au demeurant, je délibère De mourir en telle misère.
Julien
Il n'ha garde de la lascher, Car si bien luy sceut attacher A gros clous d'amour sa pensée, Qu'ores qu'elle feut eslancée En pleine mer à voile et rames, Si est-ce que ces chaudes fiâmes La repousseroient sur le port En dépit de tout autre effort.
Le Gentilhomme
Or, puis que desjà ceste dame, Qui vous a beu le sang et l'âme, Vous a donté, trouvons moyen D'y parvenir.
L'Advocat
Mais, Julien.
Qu'est-ce qu'en dit la Lavandière?
Julien
Tousjours une instante prière Au nom de vostre Madelon, Et dit que le père félon L'avoit par menaces contrainte, Et qu'ore une longue complainte Démonstre assez la repentance Qu'elle fait pour son inconstance, S'estimant d'alitant misérable.
Le Gentilhomme
Il est temps de fermer l'estable Quand les chevaux s'en sont fuis.
Elle en endure assez d'ennuis; Mais il fault seulement chercher Le moyen de tout empescher Et embrouiller tout' leur affaire.
L'Advocat Ouy bien, si tu le pou vois faire.
Julien
Laissez, je le feray moymesme :
Quand la maladie est extrême,
On use de médicamens
Commodes aux plus forts tormens.
Mais, si jamais un bon moyen
Fust inventé par Julien,
Or je le veux faire à sçavoir.
Je veux bien monstrer quel pouvoir
J'ay en cela, et quelle envie
J'ay de servir toute ma vie
Cestuy auquel je doy service;
Il n'est chose que je ne feisse
En cest affaire, et le mérite
A plus entreprendre m'incite,
Monstrant que je veux tousjours estre
Serviable à un si bon maistre,
Pour le tirer d'un tel lien.
L'Advocat
Et je t'asseurc, Julien, Que, si je reçoy jouissance De Madelon, la récompence
LES ESBAHIS
Que tu en recevras de moy Tesmoignera quelle est la foy Que je t'avoy promis à l'heure Que tu entras en mon demeure.
Julien
Aussi la libéralité
Incite la fidélité
D'un serviteur obéissant.
Mais, avant qu'estre jouissant,
Laissons la promesse dernière.
Tant seulement la Lavandière
Me peult à cet' heure servir.
L'Advocat
S'il ne tient que de la ravir, Je hasarderay mon honneur.
Il ne fault point de ravisseur Quand la partie en est contente.
Et, quant à cela, je me vante D'en venir aussitost à bout Qu'homme de mon estât.
Le Gentilhomme
Le tout Est maintenant entre ses mains.
Julien
Laissez moy faire; pour le moins, Si le conseil ne me défault, Il en aura le premier sault, Pour le loyer de son amour.
Le Gentilhomme
Va, Julien, et, au retour, Passe chez Claude, pour sçavoir
JACQUES GRÉÏIN l j 4
Si je ne pourray rien avoir :
Je rn'esbahy qu'ell' ne revient.
Julien
Toujours l'aveugle se souvient De son baston, et le nocher, Après le choc d'un gros rocher, Racompte le danger des vens; Le bouvier, revenu des champs.
Parle de ses bœufs; le gendarme, Eschappé d'une forte alarme, Conte ses plaies rapportées; Le berger des brebis contées Retient le nombre. Or tourne chance, Celuy n'a pas faict qui commence.
J'ay de la besongne taillée Pour Marion bien es veillée; Mais ce qui plus me réconforte, C'est qu'elle est bien la plus accorte Et d'une aussi belle venue, Pour livrer une garce nue, Que femme qui soit à Paris.
Je m'en rapporte à ces maris Qui ont esprouvé, bien souvent, Quelle marchandise elle vent; Et, en tant qu'elle est lavandière, Elle blanchit la pièce entière; Puis, vrayment, qui en un besoing, La trouveroit en quelque coing, Encore feroit-il conscience De ne la prendre en patience, Tout au fin moins pour l'esprouver.
Mais, baste, il me la fault trouver.
Quoy qu'il en soit, c'est maintenant, Si tu as de l'entendement, Julien, qu'il te fault mettre ordre A cet avanturenx désordre.
145 LES ESBAHIS
