SCENE PREMIERE

HERODE

s'éiicillant en sursaut.

FANTOSME injurieux qui troubles mon repos, Ne renouuelle plus tes insolens propos; Va dans Tombre éternelle, ombre pleine d'enuie, Et ne te mesle pas de censurer ma vie :

le suis assez sçauant en l'art de bien régner,

Sans que ton vain courroux me le viene enseigner,

Et i'ay trop seurement affermy mon Empire

Pour craindre les malheurs que tu me viens prédire.

le donnera}' bon ordre à tous les accidens.

Qui n'estans point preueus perdent les imprudens.

Mais quoy? le front me sue, et ie suis hors d'haleine; Mon ame en ce repos a trouué tant de peine A se desabuser d'vne fascheuse erreur.

Que l'en suis tout émeu de colère et d'horreur. Hola!

Pherore paroist auec le Capitaine des Gardes.