II. -LE POiNT-ROUGE

i° Vacation du Bureau de la Ville pour donner l’alignement de la construction du pont de

bois traversant la rivière, depuis le faubourg Saint-Germain jusque vis-a-vis des Tuileries.

De par les Prévost des marchans et Eschevins de la Ville de Paris.

11 est ordonné au maistre des œuvres de maçonnerie et charpenterie de la Ville, et aux maistres des ponts d’icelle, d’eux trouver vendredy prochain une attendant deux heures précises en l’hostel de la Ville, pour, avec nous, aller donner l’allignement pour la construction d’un pont de bois sur la rivière, traversant depuis le faulxbourg Sainct Germain jusques viz à viz ou ès environs des Thuilleries. Faict au bureau de la Ville le mercredy unziesme jour de Febvrier mil six cens trente deulx.

L’an mil six cens trente deux, le vendredy treiziesme jour de Febvrier de relevée, nous, Christophe Sanguin, seigneur de Livry, conseiller du Roy, nostre sire, en ses conseils d’eslat et privé, président de sa court de Parlement, en la cinquiesme chambre des enquestes d’icelle, Prévost des marchans, Jehan Pépin, Claude Lestourneau, Philippes le Gaigneulx et Nicolas de Poix, Eschevins de la ville de Paris, pour l’exécution de nostre ordonnance du mercredy unziesme de ce moys, estant au bas de la requeste à nous présentée par mc Pierre Pidou, entrepreneur de la construction d’un pont de bois sur la rivière traversant depuis le faulxbourg Sainct Germain jusques viz à viz et un peu au dessoubz du gros pavillon de la gallerie du Louvre, et en conséquence de l’alignement cy-devant donné par noz prédécesseurs pour la dicte construction de pont, nous sommes, avec m® Gabriel Payen, procureur du Roy et de la Ville, et Guillaume Clement, greffier d’icelle, assistez de Augustin Guillain et Simon de Baillou, maistre des œuvres de maçonnerie et charpenterie de ladicte Ville, de Nicolas Bourguillot et Nicolas Ramet, maistres des ponts d’icelle, transportez sur le bord de la rivière esdielz faulxbourgs S. Germain proche et au dessoubz de la Thuillerie, où eslans y aurions trouvé ledict Pidou, qui nous a remonstré que, cy devant et dès le cinquiesme jour de septembre mil six cens vingt

3Zi5

APPENDICES ET PIÈCES JUSTIFICATIVES, cinq, noz prédécesseurs baillèrent l’allignement pour bastir un pont de bois sur la rivière depuis la rue descendant de la Charité, pour venir respondre dans la ville à l’endroit de la Gallerie du Louvre, viz à viz le balcon.

Mais, par le traicté nouveau qu’il a faict avec le Roy, il est obligé de faire planter ledict pont d’un droict allignement, depuis le lieu proche et au dessoubz de la Thuillerie, pour traverser ladicte rivière , jusques à viz à viz la six ou septiesme croisée de ladicte gallerie du Louvre, requérant qu’il nous pleust luy donner l’allignement pour faire ledict pont audict lieu cv dessus, laissant la place au dessoubz pour faire un pont de pierres, à l’opposite de la rue qui sépare ledict gros pavillon et les Thuilleries, lors et quand il plaira à sadicte Majesté. Ce que nous luy aurions accordé et de faict aurions au mesmc instant enjoinct ausdictz mcs des œuvres et des ponls de voir et visiter ladicte rivière à l'endroict où ledict Pidou entend faire faire ledict pont, et, y estant faict, s’il n’empeschera non plus à la navigation que celuy que l’on voulloit faire respondant dans la ville, et dont noz prédécesseurs avoient baillé l’allignement dès le cinquiesme septembre mil six cens vingt cinq.

Lesquels mcs des ponls ont dict que, au lieu où l’on veut à présent planter ledict pont, il incommodera moings la navigation que s il eust esté faict plus haut, respondant dans la ville, parce qu’il sera plus esloigné du Pont Neuf et oultre qu’il sera tiré d’une droicte ligne.

Ce faict, lesdictz mM des œuvres et des ponls ont, en nosdictes présences et desdicts procureur du Roy et grefiier de la Ville, veu et visité ladicte rivière et exactement considéré le cours d’icelle, et nous ont à l’instant dict et rapporté et tel est leur advis, que ledict pont de bois se peut commodément planter et poser sur ladicte rivière, scavoir du costé dudict faulxbourgSaincl Germain, vis à viz le Pré aux Clercs, à l’endroicL de deux picolz fichez dans terre sur le bord de la rivière et proche et au dessoubz de ladicte Thuillerie, et, dudict endroict, traverser ladicte rivière de droicte ligne, sans ply ny coulde, jusques au bord d’icelle entre la Porte Neufve et ledict gros Pavillon de ladicte gallerie du Louvre, dont le milieu d’iceluy pont sera assis à l’opposite de la sixiesme croisée de ladicte gallerie, à commencer, la première à celle attenante ledict Pavillon, et continuer vers la Porte Neufve; en quoy faisant, le chemin de la navigation ne sera empesché, pourveu que, lors que l’on plantera les paslées des pieulx, lesdictz mes des ponls et quelques marchons voicturiers y seroient appeliez pour reigler et désigner les haulleurs et largeurs des grandes arches qu’il conviendra laisser, tant d’un costé que d’autre de la rivière, pour servir à ladicte navigation et au passage des basleaux montons ou avallans.

Après lequel rapport et sur ce ouy ledict procureur du Roy et de la ville, avons permis et permettons audict sieur Pidou de faire faire ladicte construction du pont, suivant la volonté et intention de Sa Majesté, et le faire poser sur la rivière aux lieux etendroicts déclarez au présent allignement et aux charges et conditions y déclarées.

Faict les an et jour que dessus, et ont lesdictz Paien, Guillain, Ramet et Rourguillot, signé en la minutie des présentes avec mesdiclz sieurs de la Ville. (Arch. nat. , H i8o3, fol. Ù3Ù r°.)

2° Etablissement d’une pompe sur le Pont-Rouge.

De par les Prévost des marchons et Eschevins de la Ville de Paris.

Il est ordonné aux maistres des ponts de ladicte Ville, ou l’un d’eux, de choisir l’une des arches du pont de bois, construit devant la gallerie du Louvre, la moins incommode pour la navigation, pour l’eslévation des eaues nouvelles de la pompe ordonnée par sa Majesté estre faicte

pour la respendre aux lieux et endroiclz, ainsy que disposera m° Pierre Pidou, entrepreneur

dudict pont.

Faict au Bureau de la Ville, le mardy vingtiesme jour de juillet mil six cens trente deux. (Arcli. nat., H i8o3, fol. Ù71 r°.)