ORGANISATION DES TRAVAUX, D’APRÈS LES REGISTRES DU BUREAU DE LA VILLE

1 6 mars 1 553.

I.- ARTICLES ENVOYÉES PAR MONSEIGNEUR LE CONNESTABLE CONTENANT LA FORME ET MANIÈRE QUE MESS" DE LA VILLE DE SOISSONS ONT TENU A LA FORTIFFICATION DE LEUR VILLE, POUR IGEULX NOUS RÉGLER, DONT LA TENEUR ENSUYT :

Pour ce que toutes choses se doibvent faire avec réglé et ordre, ou il ne s’ensuyt que confusion, semble que, sur le faict de la fortiffication de la ville de Soissons, seroit bon d’y procéder ainsy qu’il s’ensuyt :

C’est asçavoir : quant aux porteurs de terre, les faire porter au milieu de hottes, ainsy que Ion faict à présent près Noslre-Dame-des-Vignes, en distribuans mereaulx, ainsy qu’on a commancé, et en fault faire un milier et plus, qui se distribueront par cinq cens, et après que les premiers cinq cens seront distribuez et rapportez, y aura homme commis pour les tailler et

compter, sçavoir s’il y aura eu faulte ou nom, pour obvier aux tromperies des gens malins qui en pourroient cacher, affin d’avoir plus tost faict leur cinq cens, comme desja ilz ont faict.

Item, fauldra diviser iesdicts porteurs par cinquantaine et centaine, et faire faire des petites bannières de diverses coulleures, comme une de toille blanche, l’autre rouge, et toutes lesquelles seront mises et opposées au dessous de chacune cinquantaine et centaine, affin que chacun puisse veoir son enseigne et soy retirer à l’atelier de sadicte Lnc ou Cne, pour y besongner et aussy pour y estre payé au jour que l’on payera les ouvriers.

Item. Affin que tout puisse se bien régler à la besongne, fauldra séparer les hommes des femmes, les femmes des enfants, et mettre les fortz avec les fortz, les moyens avec les moyens, et les foibles avec les foibles, ensemble et en divers ateliers que pourra.

Item, fauldra faire faire bottes de diverses sortes raisonnablement et icelles distribuer, les plus grandes aux fors, les moyennes aux moyens, et les petites aux foibles et enffans, et s’il s’en trouvent aucuns qui, par tromperie ou malice, ayent changé leurs bottes, les fauldra coriger, pugnir et priver de la compaignée des autres, affin qu’ilzy prennent exemple; et sera bon de faire marquer lesdites hottes à la marque de la Ville.

Item, et ainsi en fauldra faire des mal conditionnez, blasphémateurs, monopoleurs et querelleurs.

Item, seroil bon que tous, tant hommes que femmes etenïïans, portassent au milieu, chacun pour tel pris qu’il seroit advisé, affin d’éviter la peine qu’on a de les chasser avant, et feront trop plus daventage qu’ilz ne font.

Item, semble qu’il suffira que lesdictz ouvriers soient payés deux foys la sepmaine, c’est asçavoir le mercredy et samedy à desjuner. Et affin d'avoir plus tost faict la distribution, pourra l'argentier bailler argent aux cinquanteniers et centeniers, ou à tels qu’il luy plaira, pour payer ceulx qui sont de leur cinquantaine. A ce joins deux commis à veoir besongner lesdictz ouvriers, et ung greffier qui appellera et marquera ceulx qui auront esté payez, et à cesle fin fauldra tous les jours enregistrer les ouvriers.

Item, fauldra à chacune cinquantaine ou centaine ung homme pour esclairer et veoir si lesdictz ouvriers porteront hottes raisonnables, et si, en reprenant iceulx hottiers et ouvriers de leurs faultes, ilz prenoient querelles contre iceulx qui seroient en ce cas, les fauldra punir et priver de la compaignée, le Lout affin de nourir paix et que chacun face son debvoir sans querelle.

Item, fault faire mettre une potence ou carquant, prez et au dessus desdietz ouvriers, sur les fossez et rempartz de ladicte ville, pour y pugnir et donner craincte ausdietz ouvriers et malfaiteurs.

Item, et affin que ce qui diet est se puisse bien commencer et mieulx achever, fault prier Celluy qui a esté le commencement et la lin de toutes bonnes choses, pour la grâce duquel obtenir, sera bon de faire célébrer, tous les jours ouvriers, une messe en l’église des Cordeliers, prez du grand marché et desdicts rampars, en laquelle se trouveront Iesdicts ouvriers, laquelle se dira à la demye pour six heures. Et affin que iceulx ouvriers se y puissent trouver, l’on enverra ung homme sonnant le tabourin parmy la ville et les faulxbourgs, qui se partira, à la demye pour cinq, et se rendera à ladicte demye heure pour six du matin, au devant de l’église desdietz Cordeliers, tousjours sonnant son diet tabourin, jusques à ce que ladicte demye heure pour six soit sonnée; puys cessera. Et inconlinant l’on tintera la cloche, et ne cessera de lousjours sonner jusques «à ce que ladicte messe soit celebrée; puys recommencera ledict tabourin à sonner, et s’en yra droict aux rempars, lequel sonneront iceulx ouvriers, chacun après le porteur de son enseigne jusqu’à leur actelier, puis par Greffier appelez et mis en besongne, et pareillement sonnera ledict tabourin à l’heure de desjuner et disner, et pour le retour d’apres

disner el soupper, el encores quant on les appellera pour Pailler argent, qui sera deux foys la sepmaine, c est assavoir le mercredi et samedi , comme dict est cy dessus.

(Archives nationales, II 1782, fol. ii4 à 11C.)