TROISIÈME ET SUIV1NTE JOURNÉE
Commenceront à travailler les bourgeois des quartiers :
Blanc-Mesnil. — Sainct-Martin-des-Champs, soubz la colonnelle de Monsieur du Blanc- Mesnil, yront ou envoyeront travailler à la première pointe le long de la riviere, audict Préaux-Clercz.
Chaîneront. — Les bourgeois du quartier de Sainct-Gervais, soubz la colonnelle de Monsieur de Champront, yront ou envoyeront travailler à la première espaule et boullevert qui sera faict au mittan du Pré-aux-Clercz, près les maneuvres du sieur du Blanc-Mesnil.
Grand-Rue. — Les bourgeois du quartier des Sainctz-Ynocents, soubz la colonnelle de Monsieur de Grand-Rue, yront ou envoyeront travailler au mesme endroict, à l’aultre espaule , près les maneuvres du quartier du sieur de Champront.
Passant. Les bourgeois du quartier de Sainct-Germain-l’Auxerrois, soubz la colonnelle de
Monsieur Passart, yront ou envoyeront travailler à l’espaule qui regarde le moulin du Pré-aux- Clercz, près les maneuvres du quartier du sieur de Grand-Rue.
Fcillet. — Les bourgeois du Sainct-Esprit, soubz la colonnelle de Monsieur Fcillet, yront ou envoyeront travailler contre la butte dudict moulin du Pré-aux-Clercz, près les maneuvres du quartier de Monsieur Passart.
Et quant aux aultres quartiers, ilz yront ou envoyeront travailler, l’un après Taultre, au fossé de la Tournelle et le long du college du cardinal Le Moyne, de trois jours l’un, asçavoir :
Tronçon. — Le premier jour, le quartier du Sépulchre, soubz la colonnelle de Monsieur Tronçon.
Midorge. — Le deuxième, le quartier Sainct-înthoine , soubz la colonnelle de Monsieur Midorge.
Nuily. — Le troisiesme,, le quartier de Sainct-Jehan en Grève, soubz la colonnelle de Monsieur de Nuily.
Quant aux bourgeois et habitans des faulxbourgs, ilz yront ou envoyeront travailler ausdictes fortiflj cations, en l’ordre qui ensuict, asçavoir :
Ceux du faulxbourg Sainct-Germain yront audict Pré-aux-Clercs, au lieu et attelier qui leur sera donné a part, et yront le premier jour en compaignie.
Le deuxiesme, aultre compaignie.
Le troisiesme, deux aultres compaignies, telles que le colonnel ordonnera.
Pour le regard des habitans des aultres faulxbourgs du costé de PUniversité, ilz yront ou envoyeront ausdictes fortifications en lieulx et ordre qui s ensuict, asçavoir:
Ceulx du faulxbourg Sainct-Jacques travailleront de trois jours en trois jours, l’un après l’aultre, en trois bandes, selon le département qu’en lerontles cappitaines dudict faulxbourgs, et yront à la trenchée qui se fera tout le long dudict faulxbourg par le dehors, du costé de Nostre-Dame-des-Champs.
Les faulxbourgs Sainct-Marcel et Sainct-Viclor yront aussy ou envoyeront travailler ausdictes fortifications de trois jours en trois jours, asçavoir:
Ceulx de Sainct-Viclor la première journée.
Ceulx de Sainct-Marcel , des paroisses Sainct-Hypolite et Sainct-Marlin, comprins le cloistre de chanoynes, une aultre journée.
Ceulx du faulxbourg de la paroisse Sainct-Medard une aultre journée, tous au moulin de la Cheville, et près le moulin de Coullebarbe, et ailleurs es dictz faulxbourgs ou il leur sera monstre .
Auquel service et advancement de la dicte fortification, chacun des manans et habitans desdictes Ville et faulxbourgs sera tenu d’employer fidellement et en toute dilligence et envoyer leurs hommes garniz de hottes, pelles et pics, par tiers s’il est possible, et seront tenuz les quarteniers, cinquanteniers et diziniers d’y vaquer incessamment et pour cest effect se tenir près des cappitaines desdictes dizaines pour ensemblement ou séparément laire plus particullièrement advertir chacuns de leurs bourgeois du debvoir où ilz se doibvent mettre et leur nottilTier les- lieux où leurs manœuvres se doibvent rendre par chacun jour et l’heure qu’ilz doibvent partir et entrer en besongne selon qu’il est déclaré cy-dessus et leront oultre audict faict tout ce qu’il appartiendra et sera requis pour ladicte fortilïîcation de la Ville et laulxbourgs, et feront aussy scavoir à tous lesdictz bourgeois que ceulx qui se trouveront aussy défaillans à l’appel qui se fera chacun jour et n’envoyeront à leur tour leurs hommes auxdicles fortifications seront condampnez chacun en vingt sols parisis d’amende et aussy qu’ilz n’aient à donner aux manœuvres qu’ilz loueront et retiendront pour leur servir auxdicles fortiilications plus grand sallaire que de vu solz par jour pour chacun homme manœuvre, et feront lesdictz sieurs colonels délivrer coppie du présent reglement à chacun des cappitaines qui sont sous leurs charges afin qu’ilz y puissent avoir recours et s’en servir quand besoing sera.
Faict au Bureau de ladicte ville de Paris, le pénultième jour de novembre l’an mil cinq cens quatre vingt neuf. (Archives nationales, II 1789, fol. 5o5 et suiv.)
