III. -GARDE DE LA TRANCHÉE PAR LES COLONELLES EMPLOYÉES À LA CREUSER
De par les Prevosis des Marchans et Eschevins de la ville de Paris.
Sur les advertissemens qui ont esté donnez des desseings et entreprinses que les ennemys l'ont à l’encontre de ceste ville de Paris pour en surprendre les faulxbourgs du costé de l’Université, est ordonné que les trenchées qui environnent les faulxbourgs Sainct Germain, Sainct Jacques, Sainct Marcel et Sainct Victor, seront gardées par les bourgeois de ladicte Ville, desquels sera par chacun jour conduict le nombre jusques à seize compagnies, qui est une compagnie de chacun quartier, pour faire ladicle garde à commencer de ce jourd’huy six heures du soir, pour y estre en garde jusqu’au lendemain une heure après midy, eL ainsi conséquemment par chacun joui1, sans que ceulx qui sont à ladicte garde la puissent délaisser ny en partir jusqu’à ce qu’elles soient levées par celles qui entreront nouvellement en garde, lesquelles auront leur rendez-vous tant pour s’assembler en ladicte Ville que pour faire ladicte garde aux faulxbourgs selon l’ordre qui ensuit :
Assavoir les quaires compagnies que fourniront Messieurs les Colonelz de Grand’Rue,
Coste Blanche,
Dufresnoys,
Passart,
s assembleront en la halle aux draps, et leur rendez-vous pour la dicte garde seront les trenchées du faulxbourg Sainct-Victor.
Les quatre compagnies de Messieurs les Colonelz Blanc-Mesnil,
Dufour,
Boursier ,
Tronseau,
s’assembleront au cloître Sainct-Merry, et leur rendez-vous pour faire ladicte garde, seront les trenchées du faulxbourg Sainct Jacques et Sainct Michel.
Les quatre compagnies des quartiers de Messieurs les Colonelz De Nully,
Champromp,
Midorge,
L’Huillier,
s’assembleront à la place de Grève, et leur rendez-vous pour faire ladicte garde seront les trenchées du faulxbourg Sainct Marcel.
Les quatre compagnies de Messieurs les Colonels Daubray,
Gompan,
PlGNERON ,
Feillet,
s’assembleront au quay des Augustins, et leur rendez-vous pour faire la dicte garde seront les trenchées du faulxbourg Sainct Germain
Lesquels départemens ont esté ballotez et tirez au sort en présence desdietz sieurs Colonels, selon qu il est déclaré cy dessus, et est ordonné que avec les dictes quatre compagnies de bourgeois entrera en garde une des compagnies de chacun desdietz faulxbourgs.
Lequel présent règlement sera entretenu jusqu’à ce que aultrement y ait esté pourveu et ordonné.
l'aict au Bureau delà Ville en l’assemblée desdielz Colonels, le quatorzième jour de juin l’an mil cinq cens quatre vingt neuf.
Pareil règlement que celui ci-dessus a esté envoyé à chacun des seize colonels de ceste Ville.
(Archives nationales, H 1789, f°35i r°.)
IV. - BARRICADE DE FUTAILLES, POUR FORTIFIER LA TRANCHÉE. De pur les Prévost des Marchans et Eschevins de la ville de Paris.
Il est enjoinct au premier des sergents ou archers de la dicte Ville, prins avec eulx tel nombre d’aullres archers qu’il appartiendra, se transporter en toute dilligence es maisons de tous les hostelhers, cabaretiers et marchans de vins, qui y verront bon estre et esquelles ilz sçauront y avoir quantité de futailles a gueullebée, es quelles vous arresterez jusques à la quantité de deux mille pièces, pour estre admenées es magasins qui seront pour ce ordonnez es faulxbourgs Sainct Germain, Sainct Jacques et Sainct Marcel, et servir aux barricades nécessaires pour la conservation des trenche'es et advenues desdielz faulxbourgs, dont nous sera cy-après fait payement, selon le prix qu’en sera faict par lesdietz commis, ou par lesdietz sieurs Prévost des Marchans et Eschevins.
Faict au Bureau de la Ville, le second jour de juillet 11. vc. quatre vingt neuf.
Pareil mandement a esté délivré à trois diverses personnes pour iceulx mestre à exécution selon le contenu en iceluy. (Archives nationales, H 1789, f° 363 r°.)
