À PROPOS DES TRAVAUX DE LA GRANDE GALERIE DU LOUVRE

Du 26 juillet 1 600.

A la requestede Guillaume Marchant , Pierre Chambiche, François Petit, Pierre Guillain, Robert Marquelct et Isaye Fournier, maistres maçons associez au marché de la maçonnerye et construction de la grande gallerie qui [doibl] aller du clmsteau du Louvre au pallais des Thuilleries, sera remonstré à messire ÎNicollas de Harlay, chevalier, sieur de Sancy, conseiller du Roy en ses conseilz d’Estal et privé, et superintendant de ses bastimens, noble homme Jehan de Fourcy, sieur de Ghésy, aussi conseiller du Roy, trésorier général de France à Paris, intendant desdicts bastimens, et noble homme Jehan de Donon, aussy trésorier du Roy et controlleur général de sesdiefz bastimens, que ilz ont promis faire et parfaire, dans la fin de ceste année, les ouvrages de maçonnerye déclarés ès actes laictz et passez le VIIe du moys de mars dernier, avec lesdictes pièces, à la charge de leur faire fournir la somme de vingt neuf mil escus aux termes convenus; ce que le trésorier ne tient compte de faire, mesmement pour le terme escheu le dernier juing dernier passé, quelques interpellations et sommations qui luy ayent esté faictes; au moyen de quoy supplyent lesdietz sieurs donner promptement ordre à leur payement, leur desnoncer le reflus du trésorier, et déclarent qu’à faulte de y satisfaire promptement ilz entendent que les promesses et obligations demeurent nulles, selon que il est convenu par icelles; et d’en donner advis au Roy, à ce que la demeure et faulte ne leur soict imputée par Sa Magesté.

Aujourd’liuy, dacle de ces présentes, à la requeste des dessus nomez, les notaires du Roy, nostre Sire, en son Chastelet de Paris, soubzsignez, se sont, accompagnez desdielz Chambiche, Petit, Guillain, Marquelet et Fournier, transportez à l’hostel et domicilie desdietz sieurs de Sancy, de Chézy et de Donon devant nomez, en parlant à la personne dudict sieur de Sancy, auquel lesdietz notaires ont faict entendre les remontrances, déclarations et protestations de l’autre part déclarées, ad ce qu’ilz n’en prétendent cause d'ignorance. Ledict sieur de Sancy a faict response qu’il a entendu que dans cejourd’huy le trésorier les doibt paier, et que, pour cela, ils 11e debvoient point faire la présente sommation; dont et de laquelle lesdietz dessus nomez ont requis et demandé le présent acte, à eulx octroyé en la maison dudict sieur de Sancy, le XXVIe jour de juillet de l’an Mil six cens, avant midy.

N. Harlay, P. Chamriges, F. Petit, Guillain, R. Marquelet, Fournier, Le Roy , De Briguet.