À PROPOS DES TRAVAUX DE LA GRANDE GALERIE DU LOUVRE

Du a 4 juillet 1600.

A la requeste de Guillaume Marchant, Pierre Ghambiche, Françoys Petit, Pierre Guillain, Robert Marquelel et Isaye Fournier, maistres maçons, associez au marché de la maçonnerie et construction de la grand gallerie qui doibt aller du chasleau du Louvre au pallais des Thuilleries, sera sommé et faict commandemens aux trésoriers des bastimens de leur payer promptement la somme de troys mil cens deux escus quarente solz, pour le parfournissement de l’esgallité du payement de la somme qui leur a deub estre payée depuis le premier apvril jusques y compris la sepmaine fynie le sabmedy, quinziesme du présent mois de juillet, esgallement par chacune sepmaine, selon le contenu au con tract de ce faict et passé le septiesme mars dernier; sy mieulx ils n’ayment leur paier promptement la somme de dix huict cens trente trois escus vingt solz, faisant le reste de la somme de trois mil six cens soixante six escus deux tiers, escheuz le dernier juing dernier passé, et continuer par chacune sepmaine, le tout selon qu’il a esté convenu par autre déclaration faicte ledict jour septiesme mars dernier; déclarant qu’à faulte de ce faire ilz entendent que les promesses et obligations faictes ledict jour septiesme mars demeurent nulles, comme il est convenu par iceulx, pour n’avoir moyen d’en satisfaire de leur part, à faulte de leur fournir les deniers aux ternies qui auroient esté accordez; avec protestation d’en donner advis au Roy, à ce que la demeure et faulte ne leur soict imputée par Sa Magesté.

Aujourd’huy, dacte de ces présentes, à la requeste des dessus nommez, les notaires du Roy, nostre Sire, en son Chastelet de Paris, soubzsignez, se sont, accompagnez desdicts Ghambiche, Petit, Guillain, Marquelet et Fournier, tant pour eulx que Isaye, transportez au domicile de maistre Jehan Jacquelin, trésorier des bastimens du Roy, en parlant sa personne en sondict domicile, auquel lesdicls notaires ont faict les sommations et interpellations contenues et déclarées de l’autre part, ad ce qu’il n’en prétende cause d’ignorance; et auquel j’ay laissé copie tant des marchez que déclaration faielz avec Sa Magesté; dont et de laquelle présente sommation et déclaration lesdicts Chambiche et consorts ont requis et demandé lettres auxdicts notaires à eulx octroyé le présent acte pour leur servir et valloir en temps et lieu ce que de raison. Ce fut faict et passé en la maison dudict Jacquelin , sise à Paris, rue Sainte-Avoye, le XXIIIe jour de juillet après midy, l’an Mil six cens.

Jacquelin, P. Giiambiges, Guillain, F. Petit, R. Marquelet, Fournier, Le Roy, De Briguet.