CANTIQUE DE LA TROUPE

l'homme heureux au monde Qui dessus Dieu se fonde, El en fait son rampart :

Laissant tous ces hautains.

Et tant sages mondains S'esgarer à Tescart.

Poureté ni richesse Nempesche irî ne blesse D'un fidèle le cœur.

Quoy qu'il soit tormenté, Et mille fois tenté»

Le fidèle est ueinqueur.

Ce grand Dieu qui le meine, Au plus fort de sa peine, En prend un si grand soin, Qu'il le nient redresser Estant prest de glisser.

En son plus grand besoin.

Cela peut-on cognoistre D Abraham nostre maistre :

Car tant plus on l'assaut Et deçà et delà, Tant moins de peur il a, Et moins le cœur lui faut.

Il a laissé sa terre, Faim lui a fait la guerre, En Egypte est uenu.

Sara il uoit soudain Rauie de la main D'un grand Roy incognu.

A Dieu fait sa demande.

Soudain le Roy le mande, Et sa femme lui rend :

Le prie de uuider, Abraham sans tarder.

Autre uoye entreprend.

Mais durant ceste fuitte, Son bien si bien profite, Que pour s'entretenir.

De Loth il se départ :

Pour ce qu'en mesme part Deux ne pouuoyent tenir.

Vue guerre soudaine Entre neuf Rois se meine. Parmi ces grans combats, Loth perd auec les siens Sa franchise et ses biens :

Cinq Rois sont mis à bas.

Nostre maistre fidelle Oyant ceste nouuelle Viuement le poursuit, Les atteint et desfaict.

N'ayant d'hommes de faict.

Que trois cens dix et huit.

Leur arrache leur proye, La disme au prestre paye, A chacun fait raison.

Puis de tous hautement Loué tresiustement.

Retourne en sa maison.

Or parmi sa famille N auoit-il fils ne fille.

Sara qui cela uoid, Ne pouuant conceuoir, Lui fait mesmes auoir Agar qui la seruoit.

DAgar donc nostre maisire Ismael se uid naistre.

Treize ans ainsi passa, Voyant deuant ses yeux Aller de bien en mieux Les biens qu'il amassa.

Lors pour signifiance De la saincte alliance Du Seigneur et de nous, Autant petits que grans, Jusqu'aux petits enfants Circoncis ftismes tous.

ISAAC

Mes amis, Dieu se monstre à nous Si bon, si gracieux, si doux.

Que iamais ie ne lui demande Chose tant soit petite ou grande, Que ie ne me uoye accordé Trop plus que ie n'ay demandé, l'auoy comme sauez, uouloir.

De nous suture, à fin d'aller uoir :

Mais uoici mon père qui uient,.

ABRAHAM sortant auec Sara,

Mais tant y a qu'il appartient, Quand Dieu nous enîoint une chose^ Que nous ayons Ta bouche ciose, Sans estriuer aucunement Contre son sainct commandement, -s. S!il commande, il faut obéir.

SARA

le nous prie ne uous esbahir Si le cas bien fascheux ie trouue.

ABRAHAM

Au besoin le bon cœur s'esprouve.

SARA

Il est uray : mais en premier lieu > Sachez donc le uouloir de Dieu.

Nous auons cest enfant seulet, Qui est encores tout foiblet :

Auquel gist toute Tasseurance De nostre si grande espérance.

Mais en Dieu.

SARA

Mais laissez-moy dire.

ABRAHAM

Dieu se peut-il iamais desdire?

Partant asseuree soyez

Que Dieu le garde, et me croyez.

sarâ« Mais Dieu ueut-il qu'on le hazarde?

ABRAHAM

Hazardé n'est point que Dieu garde.

SARA

le me doute de quelque cas.

ABRAHAM

Quant à moy ie n'en doute pas.

SARA

C'est quelque entreprise secretie.

ABRAHAM

Mais telle qu'elle est, Dieu Ta faicte.

SARA

Au moins si nous sauiez où c'est.

ABRAHAM

Bien tost le sauray, si Dieu plaist.

SARA

Il n'ira iamais iusques là.

ABRAHAM

Dieu pouruoira à tout cela..

SARA

Mais les cliemîns sont dangereux.

ABRAHAM

Qui meurt suiuant Dieu, est heureux.

SARA

S'il meurt, nous uoila demeurez.

ABRAHAM

Les morts de Dieu sont asseurez.

SARA

Mieux uaut sacrifier ici.

ABRAHAM

Mais Dieu ne le ueut pas ainsi.

SARA

Or sus puis que faire le faut»

le prie au grand Seigneur d'en haut, Mon seigneur, que sa saincte grâce Tousiours compagnie nous face :

Adieu mon fils.

ISAAC

Adieu ma mçre.

SARA

Suiuez bien tousiours uosti'e père, Mon ami, et seruez bien Dieu :

Afin que bien tost en ce lieu Puissiez en santé reuenir.

Voila, ie ne me puis tenir, Isaac, que ie ne uous baise.

ISAAC

Ma mère, qu'il ne uous desplaise, le nous ueux faire une requeste.

SARA

Dites, mon ami, ie suis preste A raccorder.

ISAAC

le uous supplie D'oster ceste mélancolie.

Mais, s'il uous plaist, ne plourez point, le reuiendray en meilleur poinct, le uous pri' de ne uous fascher.

ABRAHAM

Enfans, il uous faudra marcher Pour le moins six bonnes iournees^ Voila nos charges ordonnées, Et tout ce qui fait de besoin.

TROUPE

Sire, laissez-nous en le soin, Tant seulement commandez-nous.

ABRAHAM

Or sus, Dieu soit auec nous.

Ce grand Dieu qui par sa bonté lusques ici nous a esté Tant propice et tant secourable.

Soit à nous et moy fauorable.

Quoy qu'il y ait, monstrez-uous sage.

Fespere que nostre uoyage Heureusement se parfera.

SARA

Las, ie ne say quand ce sera Que reuoir ie uous pourray tous.

Le Seigneur soit aueques uous.

ISAAC

Adieu ma mère.

ABRAHAM

Adieu.

TROUPE

Adieu.

ABRAHAM

Or SUS départons de ce lieu.

SATAN

Mais n'est-ce pas pour enrager, Moy qui fais un chacun ranger, Qui say tirer le monde à moy.

Ne faisant signe que du doy :

Moy qui renuerse et trouble tout.

Ne puis pourtant uenir à bout / De ce faux uieillard obstiné. ' Quelque assaut qu'on lui ait donné, Le uoila parti de ce lieu.

Et tout prest d'obéir à Dieu, Quoy que le cas soit fort estrange.

Mais au fort, soit que son cœur change, Ou qu'il sacrifie en effect, Ce que ie prétends sera fait.

S'il sacrifie, Isaac mourra.

Et mon cœur deliuré sera De la frayeur, qu'en sa personne La promesse de Dieu me donne.

S'il change de cœur> ie puis dire Que i'ay tout ce que ie désire :

Et uoila le poinct où ie tasche.

Car si une fois il se fasche D'obéir au Dieu tout-puissant, Le uoila désobéissant,,

36 TRAGEDrET

Banni de Dieu et de sa grâce.

Voila le poinct que ie pourchasse.

Sus donc mon froc, courons après, Pour le combattre de plus près.

PAVSE.

Enfans, uoici arriué le tiers iowv Que nous marchons sans auoir fait seiour Que bien petit : reposer il nous faut.

Car quant à moy, ie ueux monter plus haut Auec Isaac, iusqu'en un certain lieu, Qui m'a esté enseigné de mou Dieu.

Là ie feray sacrifice et prière, Comme il requiert : demourez donc derrière, Et nous gardez de marcher plus auant.

Mais nous, mon fils Isaac, passez deuant :

Car le Seigneur requiert uostre présence.

TROUPE

Puis que telle est, Sire, uostre défense.

Nous demeurrons.

ABRAHAM

Baillez-lui ce fardeau, Et ie prendray le feu et le Cousteau.

Bien tost serons de retour, si Dieu plaist.

Mais cependant, sauez-uous bien que c'est?

Pi'iez bien Dieu et pour nous ei pour uous, Helas l'en ay,/ ^ '

TROUPE

Ainsi le ferons-nous.

ABRAHAM

Autant besoin qu'eut onc poure personne.

Adieu uous di.

TROUPE

Adieu.

DEMIE TROUPE

Mais ie m'estonne Très grandement.

DEMIE TROUPE

Et moy aussi.

DEMIE TROUPE

Et moy.

Comment? De uoir en tel esmoy, Cil qui si bien a résisté A tant de maux qu'il a porté.

DEMIE TROUPE

De dire qu'il craigne la guerre, Estant en ceste estrange terre,

Il n'y auroit point de raison.

Car nous sauons, qu'une saison Abimelech qui est seigneur Du pays, lui fit cest honneur De le oiâter, et prier Qu'à lui se daîgnast allier, De sorte qu'en solennité L'accord de paix fut arresté.

Au surplus, quant à son mesnage.

Que peut-il auoir dauantage ?

DEMIE TROUPE

11 uit en paix et en repos, Il est uieil, mais il est dispos.

DEMIE TROUPE

Il n'a qu'un fils, mon Dieu sait quel .:

Au monde il n'en est point de tel.

Son bestail tellement foisonne, Qu'il semble à uoir que Dieu lui donne Encores plus qu'il ne souhaite.

DEMIE TROUPE

Il n'y a chose tant parfaite.

Qu'il n'y ait tousiours à redire, le prie à Dieu qu'il le retire Bien tost de la peine où il est.

DEMIE TROUPE

Ainsi le face, s'il lui plaist.

DEMIE TROUPE

Quoy qu'il y ait, ie présuppose Que ce soit quelque grande chose.