GANTIQVE D'ABRAHAM ET DE SARA
Or sus donc commençons.
Et le los annonçons Du grand Dieu souuerain.
Tout ce qu'eusmes iamais.
Et aurons désormais.
Ne uient que de sa main.
C'est lui qui des hauts cieux Le grand tour spacieux Entretient de la haut :
Dont le cours asseuré, Est si bien mesuré.
Que iamais il ne faut.
Il fait l'esté bruslant :
Il fait rhyver tremblant :
Terre et mer il conduit :
La pluye et le beau temps, L'automne et le printemps, Et le iour et la nuict.
Làs, Seigneur qu'estions-nous, Que nous as entre tous * Choisis et retenus?
Et contre les meschans Par uilles et par champs, Si long temps maintenus ?
Tiré nous as des lieux Tous remplis de faux dieux, Vsant de tes bontez :
Et de mille dangers, Parmi les estrangers, Tousiours nous as iettez.
En nostre grand besoin Egypte a eu le soin De nous entretenir :
Puis contraint a esté Pharaon despité.
De nous laisser uenir.
Quatre rois furieux Desia uictorieux Âuons mis ù l'enuers :
Du sang de ces meschans.
Nous auons ueu les champs Tous rouges et couuers.
De Dieu ce bien nous nient :
Car de nous luy souuient, Comme de ses amis.
Lui donc nous donnera Lorsque temps en sera.
Tout ce qu'il a promis.
A nous et nos enfants, En honneur triomphans Ceste terre appartient*:
Dieu nous Ta dit ainsi, Et le croyons aussi :
Car sa promesse il tient.
Tremblez donques peruers, Qui par tout Tuniuers Estes si dru semez :
Et qui nous estes faits Mille dieux contrefaits, Q'en nain nous reclamez.
Et toy Seigneur uray Dieu, Sors un iour de ton lieu.
Que nous soyons uengez De tous tes ennemis :
Et qu'a néant soyent mis, Les dieux qu'ils ont forgez.
ABRAHAM
Or SUS Sara, le grand Dieu nous bénie, A celle fin que durant ceste uie Pour tant de biens que lui seul nous otlroye, A le seruir chacun de nous s'employe.
Retirons-nous, et sur tout prenons garde A nostre fils que trop ne se bazarde, Par fréquenter tant de mal-heureux hommes, Parmi lesquels uous uoyez que nous sommes.
Vn uaisseau neuf tient l'odeur longuement.
Dont abbreuué il est premièrement.
Quoy qu'un enfant soit de bonne nature, 11 est perdu sans bonne nourriture.
SARA
Monsieur i'espere en faire mon deuoir.
Et pour autant qu'en lui nous deuons uoir De nostre Dieu le uouloir accompli, Seure ie suis qu'il prendra si bon pli, Et le Seigneur si bien le bénira, Qu'a son honneur le tout se conduira.
SATAN en habit de moine.
le uay, ieuien, iour et nuici îe trauaille, . Et m'est aduis en quelque part que i'aille, Que ie ne pers ma peine aucunement.
Règne le Dieu en son haut firmament, Mais pour le moins la terre est toute ù moy.
Et n'en déplaise ù Dieu ni à sa Loy.
Dieu est aux deux par les siens honoré :
Des miens le suis en la terre adoré.
Dieu est au ciel : et bien, le suis en terre.
Dieu fait la paix, et moy ie fay la guerre.
Dieu règne en haut ; et bien, ie règne en bas,
Dieu fait la paix, et ie fay les débats.
Dieu a créé et la terre et les cieux :
l'ay bien plus faict : car i'ay créé les dieux.
Dieu est serui de ses Anges luisans.
Ne sont aussi mes anges reluisans?
Il n'y a pas iusques à mes pourceaux,
A qui ie n'aye enchâssé les museaux.
Tous ces paillards, ces gourmans, ces yurongnes,
Qu'on uoit reluire auec leurs rouges trongnes,
Portants saphirs et rubis des plus fins,
Sont mes supposts, sont mes urais chérubins.
Dieu ne fit onc chose tant soit parfaicte.
Qui soit égale à celui qui l'a faite :
Mais moy i'ay fait, dont uanter ie me puis.
Beaucoup de gens pires que ie ne suis.
Car quant à moy ie croy, et say tresbien
Qu'il est un Dieu, et que ie ne uaux rien :
Mais l'en say bien à qui totalement,
l'ay renuersé le faux entendement.
Si que les uns (qui est un cas commun)
Aiment trop mieux seruir mille dieux qu'un :
Les autres ont fantasie certaine.
Que de ce Dieu l'opinion est uaine.
Voila comment depuis l'homme premier,
Heureusement i'ay suiui ce mestier.
El poursuiuray, quoy qu'en doiue aduenir, Tant que pourray cesl habit maintenir.
Habit encor* en ce monde incognu.
Mais qui sera un iour si bien cognu, Qu'il n'y aura ne uille ne uillage, Qui ne le uoye à son tresgrand dommage.
froc, ô froc tant de maux tu feras, Et tant d'abus en plein iour couuriras.
Ce froc, ce froc un iour cognu sera.
Et tant de maux au monde apportera.
Que si n'estoit l'enuie dont i'abonde, Fauroy* pitié moy-mesme de ce monde.
Car moy qui suis de tous meschans le pire, En le portant moi-mesme ie m'empire :
Or se feront ces choses en leurs temps, Mais maintenant assaillir ie pretens Vn Abraham, lequel seul sur la 'terre Auec les siens, m'ose faire la guerre.
De faict, ie Tay maintefois assailli.
Mais i'ay tousiours à mon uouloir failli :
Et ne uis onc uieillard mieux résistant. Mais il aura des assauts tant et tant.
Qu'en brief sera, au moins comme i'espere.
Du rang de ceux desquels ie suis le père.
Vray est qu'il a au uray Dieu sa fiance, Vray est qu'il a du uray Dieu l'alliance.
Vray est que Dieu luy a promis merueilles, El desia fait des choses nompareilles :
Mais quoy? s'il n'a ferme perseuerance, Que luy jiourra seruir son espérance?
le feray tant de tours et ça et là, Que ie rompray Tasseurance qu'il a.
De deux enfans qu'il a, l'un ie ne crains :
L'autre à grand peine eschapper a mes mains.
La mère est femme : et quant aux seruiteurs, Sont simples gens, sont bien poures pasteui*s, Bien peu rusez encontre mes cautelles.
Or ie m'en uay employer peines telles A les auoir, que ie suis bien trompé Si le plus fin n'est bien tost attrapé.
ABRAHAM ressortant de la maison,
Quoy que ie die, ou que ie face, ^ Rien n'y a dont ie ne me lasse.
Tant me soit l'affaire agréable :
Telle est ma nature damnable.
Mais sur tout ie me mesconlente.
De moy-mesme : et fort me tormenie, Veu que Dieu iamais ne se fasche De m'aider : par quoy ie me tasche A ne me fascher point aussi De recognoistre sa merci.
Autant de bouche que de cœur.
l'ange.
Abraham, Abraham.
ABRAHAM
Seigneur, Me voici.
l'ange.
Ton fils bien aimé, Ton fils unique Isaac nommé.
Par toy soit mené iusqu'au lieu Surnommé la Myrrhe de Dieu.
Là deuant moy tu l'offriras, Et tout entier le brusleras, Au mont que ie te montreray.
ABRAHAM
X Brusler ! brusler ! ie le feray.
Mais mon Dieu, si ceste nouuelle.
Me semble fascheuse et nouuelle.
Seigneur, me pardonneras-tu?
Hélas, donne-moy la uertu D'accomplir ce commandement.
Hà bien cognoy ie ouuertement, Qu'enuers moy lu es courroucé.
Làs, Seigneur, ie t'ay offensé.
Dieu qui as faict ciel et terre, A qui ueux-tu faire la guerre?
Me ueux-tu donc mettre si bas?
Helas, mon fils, hélas , helas !
Par quel bout doy-ie commencer?
La chose uaut bien le penser.
Troupe de bergers sortans de la maison d'Abraham.
DEMIE TROUPE
Amis, il est temps, cerne semble, Que nous retournions tous ensemble Vers nos compagnons.
DEMIE TROUPE
le le ueux.
Car si nous sommes auec eux, Ils en seront plus asseurez.
ISAAC
Hola, ie nous pri demeurez.
Comment? me laissez-uous ainsi?
TROUPE
Isaac, demeurez ici :
Autrement monsieur uostre père, Ou bien madame uostre mère En pourroyent estre mal coniens.
Il uiendra quelque iour le temps Que nous serez grand, si Dieu plaist.
Et lors nous cognoistrez que c est De garder aux champs les troupeaux, En danger par monts et par uaux.
De tant de bestes dangereuses, Sortans des forests ombrageuses.
ISAÂG.
Pensez-uous aussi que uoulusse Départir deuant que le seusse Si mon père ainsi le uoudroit?
TROUPE
Aussi faut-il en tout endroict, Qu'un fils honneste et bien appris, Quelque cas qu'il ait entrepris, A père et à mère obéisse.
ISAAG.
le n'y faudray point que ie puisse, Et fust-ce iusques au mourir.
Mais tandis que ie uay courir lusqu'à mon père, pour cognoistre Quelle sa uolonté peut estre, Voulez-uous pas m'attendre ici?
TROUPE
Aliez, nous le ferons ainsi.
