XLV

Injustice,

frauldes.

preingne le juste gaing ne émolument honnesle; en oultre, en tant que le prince prent illec de gaing, il s'ensuit et est de nécessité que la communaulté y ait du dommaige. Quelconque chose, dit Aristote, que le Prince face ou préjudice ou dommaige de la communaulté est injustice et fait tyrannique et non pas réal, et s'il disoit, comme soullent les Tyrans mentir, qu’il convertit iceluy gaing en l’utilité publique, il n’est à croire à luy ne à son seul dit, car par ceste mesme raison, il me pourroit oster ma robbe, ou autre chose, et dire qu’il auroit incsticr ou besoing d'icelle, pour le commun proffît; car, selon ce que dit l’Apostre, il n’est licite de mal faire affin que bien en adviengne. Ainsi donc, par ceste raison, nulle chose ne se doit laide ment oster d’aucun , pour icelle faindre despendre en usaige pitoyable et ausmones. Et, en oultre, se le prince peult, de droit, une simple raulacion de monnoie et là prandre aucun gaing, par pareille raison, il peut faire plus grande mulacion et prandre plus grant gaing et icelle mutacion faire plusieurs foiz, et par ce, attraire à soy plusieurs emolumens, et puis encores faire mutacion composée et par elle augmenter plus grant gaing, selon les manières cy dessus touchées. Et est vray semblable que la chose procederoit par telle manière, que le Prince, ou ses successeurs, de leur propre mouvement, ou par leur cause lier, actendu que telle chose leur seroil licite de faire : car nature humaine est lousjours encline et preste à augmenter Richesses à