AUTRE PAR JACQUES GREVIN

Ici, sous ceste tombe close

Passant, enserré je repose Avec les autres trespassez :

Moy (dis-je) issu de noble race Et d'une maison dont la grâce Fait que mon nom se monstre assez.

Je suis Du Bellay, et Poëte :

Tu as cognoissance parfaite (Comme je pense) de mon nom :

Ces vers que je donne à la France Te donneront ferme asseurance, Si je suis bon Poëte ou non.

Or tout seulement je désire,

Que de moy je te puisse dire,

Que j'ay esté devotieux,

Et que d'une bouche animée

Je n'ay touché là renommée

T>c ceux qui ont aimé les cieux.

Aussi si la foy Chrestienne

Te touche au cœur, qu'il te souvienre

EPITAPHES

De n'empescher mon doux repos ; Garde qu'une langue menteuse N'offence ceste gloire heureuse Compagne à mon ame et mes os.