Sic

78 GUILLAUME FILLASTRE

annuum non excedunt obtinente canonice prout obtines de presenti super defectu natalium quem pateris de presbitero et moniali ordinem sancti Benedicti expresse professa genitus, ut eo non obstantibus dignitatem abbatialem et quodcumque beneficium ecclesiasticum per monachos dicti ordinis gubernari consuetum etiam si dignitas prioratus prepositura aut decanatus conventualis existat et ad illud consueverit quis per electionem assumi eique cura immineat animarum si sibi alios canonice consecrentur vel assumereris, aut eligereris ad illa recipere et retinere ipsamque dignitatem abbatialem in spiritualibus et temporalibus regere et gubernare illique preesse libere et licite valeas apostolica fuit auctoritate dispensatum premissorum meritorum tuorum intuitu favore prosequi gratie specialis. Volumus et apostolica tibi auctoritate concedimus favore prosequi gracie specialis volumus et apostolica tibi auctoritate concedimus quod tu in quibuscumque beneficialibus graciis seu assequendis dignitatibus et aliis beneficiis quibuscumque super quibus ut prefertur tecum extitit dispensatum, nec non dispensationibus tibi per nos vel sedem apostolicam quomodolibet concedendis, ac perte seu pro te a nobis vel ab eadem sede seu alias impetrandis, nullam de defectu et dispensatione premissas mentionem facere tenearis, quodque ipse gracie et dispensaciones predicta inefficaces subrreticie aut invalide minime sint censende aut valeant reputari non obstantibus defectu predicto ac Pictavensis concilii et quibusvis aliis apostolicis nostrisque constitutionibus et ordinacionibus illis presertim quibus inter cetera voluimus et etiam ordinavimus quod per quancumque signatam per nos sub quacumque verborum forma etiam motu proprio super concessione seu dispensacione pro quibuscumque illegitimis cujuscumque gradus ordinis vel nobilitatis existitur, ut videlicet de defectu natalium quem paterentur in graciis sibi factis vel faciendis nullam tenerentur facere mentionem de cetero faciendam littere super concessione vel dispensacione nullatenus expedirentur. Et si forsan expedirentur quo ad hoc nullius exis-

UNIVERSITY

ne. |

terent roboris vel momenti quibus hac vice dumtaxat derrogamus ceterisque contrariis quibuscumque. Nulli ergo omnino hominum liceat hanc paginam nostre voluntatis concessionis et derogationis infringere vel ei ausu temerario contraire ; si quis autem hoc attemptare presumpserit indignacionem omnipotentis Dei et beatorum Petri et Pauli se noverit incursurum. Datum Rome apud sanctos apostolos tertiodecimo kal. Augusti, pontificatus nostri anno tertiodecimo. Ceterum ut earumdem litterarum tenore predictus sit insertus omnimodam rei seu facti certitudinem faciat apostolica auctoritate decernimus et illud idem robur ac eam vim eumdemque vigore dictus tenor per omnia habeat que haberent originales littere supradicte et eadem prorsus eidem tenori fides adhibeatur quandocumque et ubicumque in judicio vel alibi ubi fuerit exhibitus vel ostensus ei stetur firmiter in omnibus sicut eisdem originalibus litteris staretur si forent exhibite vel ostense. Per hoc autem nullum jus de novo acquiri volumus sed antiquum si quod habes tantummodo conservari. Nulli ergo etc. nostre constitucionis et voluntatis infringere etc. Si quis etc. Datum Rome apud sanctum Petrum. Anno M.CCCCLX®quinto idib. octobris anno tertio.

M. Anna.

J. DE Marris. E. De Poris.

Arch. Vaticano, Pi Il Reg. 503, f 313".

Légittimacion de Messire Guillaume, évesque de Tournay (par le duc de Bourgogne).

Phelippe, par la grâce de Dieu, duc de Bourgoingne, de Lothier, de

N UNIVERSITY

80 GUILLAUME FILLASTRE

Brabant et de Lembourg, conte de Flandres, d'Artois, de Bourgoingne, Palatin, de Haynnau, de Hollande, de Zellande, et de Namur, marquis du Saint Empire, seigneur de Frise, de Salins et de Malines, savoir faisons à tous présens et avenir, Nous, avoir receu la supplicacion de Révérend Père en Dieu nostre amé et féal conseillier Guillaume, évesque de Tournay, chief de nostre conseil en l'absence de nostre chancellier, contenant que dez le temps de son enfance, il fut ordenez et renduz religieux de l’ordre monseigneur Saint Benoist, et depuis mis aux estudes où il s'est honnestement maintenuz et gouverner, tellement que par sa diligence et bon estude il a acquis science et receu le degré de docteur en droit canon et autrement, en manière que par ces moïens il a esté en son temps pourveuz de pluseurs prelatures, dignitez et bénéfices, priorez, abbaïez et éveschiez tant en ce royaume comme dehors et derrenièrement de l’eveschié dudit lieu de Tournay avecques l’abbaye de Saint-Bertin en nostre ville de Saint-Omer qu'il tenoit par avant. Et pour ce, des biens qu'il a euz et acquis aux causes dessus dictes et aussi par son service et que il pourra avoir et acquérir d'oresenavant, disposeroit voulentiers tant pour le salut de son âme comme à ses parens et amis ausquelx il est et pourra estre tenuz ou temps avenir ; mais obstant ce que il est illégitime, procréé et né de couple illicite et deffendue, il doubte, combien que lui comme religieux, par concession et ottroy appostoliques à lui faiz, puist faire testament, il ne puist en noz pays et seignouries disposer de ses biens sans avoir et obtenu de nous nostre grâce et légitimacion, requérans humblement iceulx. Pour ce est-il que Nous, oye la supplicacion de nostre dit conseillier Guillaume, évesque de Tournay, considérans que par ses mérites et la grande recommendacion de sa personne en sens, prudence, loyaulté, science et bonne diligence il a esté promeuz ausdictes dignitez, prélatures et bénéfices et que pour ces causes l'avons ordené et constitué chief de nostre Conseil en absence de nostre dit chancellier, et pour les bons et aggréables services qu'il

DN UNIVERSITY

nous a faiz et désire faire, comme de ce sommes adcertenez, icelui Guillaume, évesque de Tournay, nostre conseillier de nostre certaine science, auctorité, puissance et grâce espécial avons légitimé et légitimons et le défault de sa nativité, encouru par le vice de nature et couple illicite, avons pour ses mérites et recommendacion de ses vertus, aboli et effacé, abolissons et effaçons du tout par ces présentes, voulans et lui ottroïans de nostre dicte grâce que comme personne légitime et habile, il puist de tous les biens qu'il a desjà acquis et qu'il acquerra ou temps avenir, par testament ou autrement ordener et disposer ainsi que bon lui semblera. Sauf et réservé les biens par lui acquis et acquérir qu’il a donnez ou donra au prouffit de l’église et pour l'accroissement du service divin. Voulans aussi et lui ottroïans que d’oresenavant il soit tenuz et réputez pour personne légitime et que après son trespas ceulx de son lignagne procréez ou à procréer en loyal mariage lui puissent succéder par droit de hoirrie en tous sesdits biens meubles et immeubles acquis et à acquérir et qui luy sont escheuz ou escherront, tout ainsi qu'’ilz feissent ou peussent faire se ilz feust nez et procréez en loyal mariage, réservé ceulx qu’il aura acquis et donnez pour l’église et service divin comme dit est: sans ce que, soubz umbre dudit deffault de sa nativité, nous où noz successeurs y puissions ou doyons demander ou réclamer aucun droit ou temps avenir, ne que il soit tenus de faire autre déclaracion ou spécificacion de ses père et mère desquelz nous sommes assez advertiz et dont, pour certaines causes à ce nous mouvans, nous ne voulons autre déclaracion estre faicte. Et en oultre, avons ledit suppliant, de nostre plus ample grâce, affranchi et exempté, affranchissons et exemptons et mettons hors de la coustume et droit d’aubenage, main-morte, biens vacans ou espaves dont on use en aucuns noz pays et seignouries en quelque lieu que ce soit: nonobstant quelxconques constitucions, ordenances, statuz, droiz, usages et coustumes de lieux et de pays à ce contraire. Sans ce que ledit suppliant, nostre conseillier, soit pour

82 GUILLAUME FILLASTRE

les causes dessusdictes ou aucunes d’icelles, tenuz paier à nous ou à nosdits successeurs aucune finance, ores ou pour le temps aveni: laquelle finance, Nous, pour la loenge et recommendacion de ses vertuz, mérites et services dessusdits, lui avons, de nostre grâce, donnée remise et quittée, donnons, quittons et remettons par ces mesmes présentes, voulans qu’il en soit du tout tenuz quitte et paisible. Si donnons en mandement à noz amez et féaulx les gens des Chambres de noz Comptes et à tous noz justiciers et autres officiers ou à leurs lieuxtenans présens et avenir et à chascun d’eulx si comme à lui appartiendra, que, de nostre dicte grâce, légittimacion, exempcion, et affranchissement, don, ottroy et quittance, facent, seuffrent et laissent ledit suppliant nostre conseillier, ses hoirs et successeurs dessusdits joïr et user plainement et paisiblement, sans les traveillier, molestier ou empeschier autrement au contraire: nonobstant quelxconques ordenances faictes ou à faire sur la restrinction des dons de nostre demaine et de telles finances, lesquelles ne voulons préjudicier à l’effect et vertu de ces présentes et quelxconques paines et astrictions apposées pour la conservation d’icelles ordenances, par sèrement, privation d'office, d'amende ou autrement dont nous tendrons et dèsmaintenant tenons quant à ce nosdictes gens des Comptes, noz justiciers et autres noz officiers et chascun d’eulx ausquelx ce peut ou pourra touchier, en nous obéissant ou cas présent, pour quittes, absolz et deschargiez, et nonobstant aussi quelxconques lettres, mandemens ou deffences à ce contraires. Et afin que ce soit chose ferme et estable à tousjours, nous avons fait mettre nostre scel de secret à ces mesmes présentes. Sauf en autres choses nostre droit et l’autruy en toutes. Donné à Paris, le xxiu* jour de septembre, lan de grâce mil CCCC soixante et ung. Ainsi signé : Par monseigneur le Duc, le Sire de Croy, conte de Porcian et autres présens, J. Micer.

Archives du Nord. Chambre des Comptes

de Lille. Art. B. 1608: 13° Registre des Chartes : folios 47 v° et 48.

B tize : Go: gle

Légitimation par Louis XI, 1461.

Congedium et facultas testandi pro Guillelmo episcopo Tornacensi.

Loys, par la grace de Dieu, roy de France, savoir faisons a tous présens et a venir nous avoir receue la dévote supplicacion de religieuse personne notre amé et feal conseiller Guillaume a présent evesque de Tournay, natif de notre royaume, contenant que des le temps de son enfance il fut ordonné et réduit religieux de lordre monseigneur saint Benoist et depuis mis aux estudes ou il sest honnestement maintenu et gouverné telement que par sa diligence et bonne estude il a acquis science et receu le degre de docteur en decret et aultrement telement que par ses moiens il a este en son temps pourvueu de plusieurs prelatures, dignitez et beneffices, priorez, abbayes et eveschiez tant en notre royaume comme dehors et derrenierement de l’eveschie dudit lieu de Tournay avec l’abbaye de sainct Bertin en Sainct Omer quil tenoit paravant en notre dit royaume et pour ce des biens quil a euz et acquis aux causes dessusdites et aussi pour son service et que il pourra avoir et acquérir doresenavant disposeroit voulentiers tant pour le salut de son ame comme a ses parens et amiz ausquelz il est et pourra estre tenu ou temps a venir, mais obstant ce quil est illégitime procréé et né de coupple illicite et defendue il doubte combien que luy comme religieux par concession et octroy appostolicques à luy faiz peust faire testament il ne peust en notre dit royaume disposer de ses biens sans avoir et obtenir de nous notre grace et légitimacion requiert humblement iceulx. Pour ce est-il que nous, oye la supplicacion de notre dit conseiller Guillaume, evesque de Tournay, considerans quil nous a fait le serment de feaulté qui estoit tenu nous faire a cause du temporel dudit eveschié et que à ce

ON UNIVERSITY

84 GUILLAUME FILLASTRE

lavons benignement receu et comme il appartient ; considerans aussi que par ses merites et la grande recommendacion de sa personne en sens, preudance, loiaulté science et bonne diligence il a este promeu ausdites dignitez et prelatures et que pour ces causes notre tres chier et tres ami oncle le duc de Bourgoigne la ordonne et constitue chief de son conseil en absence de son chancelier et pour les bons et agréables services quil nous a faiz et desire faire comme de ce sommes acertennez icellui Guillaume evesque de Tournay de notre certaine science, plaine puissance et grace especial avons légitimé et légitimons es le desfault de sa nativité encouru par vice de nature et coupple illicite avons pour ses merites et recommandacion de ses vertuz aboly et effacie, abolissons et effaçons du tout par ces présentes voulans et lui octroyans de notre dite grâce que comme personne légitime et habile, il puisse de tous les biens qu’il a desia acquis et quil acquerra ou temps avenir par testament ou aultrement ordonner et dispocer ainsi que bon lui semblera sauf et réservé les biens par lui acquis et a acquerir quil a donnez ou donera au prouffit de l’eglise et pour l’accroissement du service divin, voulans aussi et lui octroyans que doresenavant il soit tenu et repputé pour personne légitime et que apres son trespas ceulx de son lignaige procreez ou a procréer en loial mariage lui puissent succéder par droit de hoirrie en tous ses biens, meubles et immeubles, acquis et a acquerir et qui lui sont écheuz ou écherront tout ainsi quilz foissent ou peussent faire se il fust né et procréé en loyal mariage reservez ceux quil aura acquis ou donnez pour l’église ou service divin comme dit est, sans ce que soubz umbre dudit deffault de sa nativité nous ou noz successeurs y puissions ou doyons demander ou reclaimer aucun droit ou temps avenir non obstans quelzconques constituçons, ordonnances, statuz, droitz, usaiges et coustumes à ce contraires, et sans ce quil soit tenu de faire autre déclaracion ou spécificacion de ses pere et mere desquelz nous sommes assez advertiz et dont pour certaines causes à ce

Ê Original fro CETON UNIVERSITY

nous mouvans nous ne voulons autre declaracion estre faicte. Et sans ce que ledit suppliant notre conseiller soit pour ce tenu paier a nous ou a nosdits successeurs aucune finance ores ou pour le temps avenir, laquelle finance, Nous pour la louenge et recommandacion de ses vertuz, mérites et services dessusdits lui avons de notre graice donnee remise et quictee, donnons quictons et remectons par ces mesmes présentes voulans quil en soit du tout tenu quicte et paisible si donnons en mandement a nos amés et feaulx les gens de nos comptes et trésoriers a Paris et a tous nos autres justiciers et autres officiers ou a leurs lieuxtenans présens et avenir et à chacun deulx si comme à lui appartiendra que de notre grace, legitimacion, don, octroy et quictance facent, seuffrent, plaissent ledit suppliant notre conseiller, ses hoirs et successeurs joir et user plainement et paisiblement sans les travailler, molester ou empescher aucunement au contraire non obstant quelzconques ordonnances faictes ou à faire lesquelles ne voulons préiudicier à leffect et vertu de ces présentes et non obstant aussi quelzconques lettres, mandements ou deffences à ce contraire. Et afin que ce soit chose ferme et estable à tousiours nous avons fait mectre notre scel à ces mesmes presentes sauf en autres choses notre droit et dautruy en toutes. Donné à Paris ou mois de septembre de lan de grace mil CCCC soixante et ung et de notre règne le premier aussy. Signé par le Roy, les sires de Croy, Dulace, de Hennoir, grands pairs. IBourre visa.