INCIPIT EPITAPHIUM

Quem tibi, Carnotis, concessit Fons bonitatis,

Doctrine fluvium duplicis egregium,

Pontificum sidus, Fulbertus, fulgidus actu,

Vestis pauperibus victus et assiduus,

En clausus jacet hic , factus de pulvere pulvis ,

Et prestolatur surgere cum reliquis.

Virtutum cultor, viciorum mortificator ,

Auxiliante Deo, perstitit a puero.

Bis denos annos atque unum dimidiumque,

Virgo Maria, tue prefuit ecclesie.

Ingressurus erat Phebus post lumina septem Taurum, cum mestum deseruit populum.