ORDRE ET RÈGLEMENT POUR LES TABLES DE LA MAISON
CIEH8 MAHttEAMT A LA TABLE DU 8BIGNEUA.
1 Le superintendant des affaires et président de la chambre des
comptes , 1 Le trésorier général.
VÊMOIRES ni) DUC DE CROY 15
■CtEABTT A LA TABLE DU MAISTBJB O'SOftTEL.
Le maistre cKliost el ,
L'escuier,
ta maistre des comptes ,
L'auditeur ,
ta greffier ,
Le gentilhomme de la chambre ,
Le couppier,
L'escuier trenchant ,
Les gentilshommes ,
ta chapelain ,
ta docteur ,
Les secrétaires,
Les paiges ,
ta picqueur.
TABLE DBS OFFICIERS.
Le controlleur ,
L'hussier,
Le garderobe ,
Les varlets de chambre ,
L'argentier ,
ta dispencier ,
Le crédencîer ,
Le boutellier ,
ta maistre cuisinier ,
Le maistre pastissier ,
Le boulengier ,
Le brasseur,
Le plat des lavendières, lequel leur sera porté en leur chambre.
TAMLJB DBS SE&VITBU&S.
Les trompettes , Les aydes de cuisine, Le jardinier , Les lacquais , Les pallefreniers , Le coschier , Le charton , Les mulletiers , Les bracconiers , Les fauconiers , Le tireur, Le varlet de sale , Le portier.
TABLA DBS VA&LETS.
Les serviteurs du maistre d'hostel , Geluy du président , Celuy du trésorier général, Ceulx des maistres des comptes , Geluy de l'auditeur et greffier, Celuy de l'escuier , Ceulx des gentilshommes , Et le surplus des au 1 très serviteurs.
mteLBUBBJT BT OUDKB POU* LB MAISTHB D'HOSTEL.
Premièrement, le maistre d'hostel sera soigneux de l'honneur cl proflict de son maistre, et de tenir tous les officiers et serviteurs en
paix, et d'avoir soigneux regardt que chascun officier effectue ce qu'est de sa charge particulièrement , comme sera déclaré cy après.
Sera le premier levé et le dernier cousché, et touts les matins viendra en la chambre pour entendre s'il ne luy veult rien comander pour ceste journée là; et surtout regardera que personne, depuis le plus petit jusques au plus grand de la maison, ne luy perdent le respect, les traictant néantmoins chascun selon sa qualité en toutte doulceur, et, sy aulcuns venoient à luy perdre le dict respect , ne faire aulcune démonstration par contestation , ou force, ains doulcement; et quant aux officiers en deffaillant, leur donnera congé absolut; et quant aux gentilshommes et secrétaires, en fera ses plaintes au maistre pour y adhiber le remède convenable.
Aura aussy soigneux regardt que rien ne soit transporté hors de la maison, et que les officiers n'ayent rien à emporter, perdre ou vendre des meubles et ustensiles qu'iceulx ont en charge, ny ayent aussy aultres émolumens quelconques, lesquels iceulx poulroient prétendre d'avoir de leurs offices, ains le tout sera dispensé, gardé et vendu à nostre proffict.
Fera bien estroictenient garder tous les jours de jeusne, tant en quaresme qu'au dehors d'iceluy, et les aultres jours ordonnera que les desjeuners ordinaires soyent donnés et distribués à ceulx qu'il convient, depuis les huict heures et demy, après lesquelles la boutellerie sera close et ne s'en donnera plus à personne jusques au disner, ordonant en oultre que nul n'ait à mener personne en la dicte boutellerie pour y boire ou manger, estrangers ou aultres, sy ce n'est ceulx du conseil, ou bien par le comandement exprès du dict maistre d'hostel.
Regardera aussy que touts les jours on ait à venir couvrir la table à unze heures, et porter la viande à unze heures et demy précisément, laquelle nous entendons généralement touts ceulx de la maison la debvoir porter, laissant à ces effects touts et quelconques leurs ordres et affaires que leur poulrions avoir donné, excepté ceulx de nostre
chambre des comptes et l'escuier, et regardera que soyons bien et honestement traicté y ayant estrangers, et estant seul le plus mesnagèrement que faire se poulrat.
Regardera aussy que touts les jours au soir on ait à couvrir, et a six et demy à porter la viande précisément pour le soupper avecq touts ceulx cy dénomés, en la mesme forme et manière comme cy dessus est déclaré touschant le disner.
Aussy tost que nous serons mis à table, fera, tant durant les disners que souppers, serrer la porte, lever le pont-levis, et se fera apporter les clefs par le portier pour les garder.
Regardera aussy de choisir une place serrée pour y mettre le bois, et sur tout que personne n'ayt à faire feu, sy ne sont ceulx de nostre conseil et chambre des comptes, le maistre d'hostel, l'escuier, les gentilshommes, chapelains, docteurs et secrétaires, et quelques-uns des principaulx officiers de nostre maison , auxquels il sera délivré honestement et par discrétion du bois par le varlet de sale, sans aulcune superfluité.
Ordonera les tables en conformité de Tordre et règlement qu avons mis cy devant , regardant que les gentilshommes soyent honestement traictés, et les aultres mesnagèrement, à laquelle table des gentilshommes on aura à leur donner touts les jours à chascun repas deux lots de vin, regardant, oultre ce, que personne n'ayt à se fourer es susdictes tables, sinon ceulx cy dessus déclarés, et les gentilshommes et paiges des seigneurs ayant mangé avecq nous, estant néantmoins iceulx gentilshommes et point aultrement, et quant aux aultres tables leur sera donné de la moyenne bière.
Prendra soigneux regardt que nuls officiers ny prennent ny profli tient d'aultres émolumens ou proffict, sinon de leurs gaiges et des dons que les estrangers leur feront, se partant de nostre maison, après y avoir esté logés.
Regardera aussy soigneusement que nous, sortant hors de la maison,
soyons suivis de touts gens, et regardera aussy que tous les officiers ayent à observer touttes les ordres que leur avons enchargés et les conditions sur lesquelles les avons acceptés en service, à peine de privation d'iceluy et du congé des officiers, dont le double en sera tousjours donné au susdict maistre d'hostel pour le faire entretenir, afin qu'iceulx ne prétendent cause d'ignorance.
Et comme nous faisons nostre demeure et fixe résidence en nostre cbasteau de Beaumont, là où retiendrons la provision de nostre bois, de nostre grain, tant bled qu'aveine, foin, paille et aultres, et aussy qu'au dict Beaumont y ferons nostre bassecourt pour y avoir touttes choses nécessaires pour le mesnaige, aura aussy soigneux regardt que tout soit prins à proffict, en diminution de nostre despence, dont à ces fins aura à prendre boulengier pour cuire nostre pain, et brasseur pour brasser nostre bière, et surtout regardera qu'en chascune saison des mois de l'année, et aux temps les plus propres, et que touttes choses sont à meilleur marché, qu'il aye à faire faire nos provisions, tant d'espices, vins, bœure, bœuf, moutons, que touttes aultres choses requises et nécessaires pour un mesnaige , dont à ces fins que pour nostre ordinaire, nostre trésorier général luy furnira sans aulcune faulte touts les premiers jours des mois, la somme de mille florins; regardera aussy de choisir un bon bracconier et un tireur, et un fauconier et un tendeur, tant pour nous pourveoir ordinairement de volaille, comme aussy de touttes sortes de venoison.
Le dict maistre d'hostel aura aussy à s'ayder et faire nostre plus grand proffict des fruicts, herbes et aultres choses provenantes de nos jardins pour la comodité de nostre cuisine, entendant aussy que lors que ferons festins ou banquets publicques, et que quand nostre maistre d'hostel portera le baston, que touts et quelconques nos officiers et serviteurs, tant de nos terres, domesticques qu'aultres, ayent à porter la viande, excepté cculx de nostre conseil qui s'assisent à nostre table.
Finablement regardera à tout ce qu'il poulroit estrc de nostre plus
grand service et profliel, selon la bonne confidence qu'avons en luy, entendant que tous ayent à luy obéir et respecter en ce qu'il leur ordonnera pour noslre plus grand service, comme à noslre personne propre.
pou* l'escuxbr.
Premièrement, regardera que quant nous irons dehors en quelque Heu ù cheval, que touts nos gens, depuis le premier jusques au dernier, sans aulcune exception, ayent à eslre touts à cheval devantque montions, et ce, en nous attendant, et que nos trompettes ayent à sonner boulteselle et à cheval, par touts les lieux où que serons, sauf où les princes et les gouverneurs généraulx de ces Pais-Bas seront.
Regardera aussy de tenir les paiges en crainte et discipline, en leur donnant le fouet sans connivence lorsqu'ils mésuseront en quelque chose, afin qu'iceulx puissent estre mieulx morigerez et conduicls que du passé, comme à jeunes enfans gentilshommes et gens de bien appertient. Et regardera qu'iceulx soyent continuellement près de nostre personne et espécialement un de garde, tant de nuict que de jour.
Et comme plusieurs murmures et insolences se comettent par les lacquais, et n'entendant qu'iceulx ayent à se gouverner de telle façon, iceluy aura à se tenir sur bride, leur ordonnant que continuelement iceulx ayent à se trouver près de nous pour faire ce qu'il leur sera ordoné, et sy par cas d'adventure iceulx ne l'obéissoient, nous luy donons pouvoir de les licentier sans user d'aultre chastoy, et aura l'un des dicts lacquais sa garde tant de nuict que de jour, en dormant de nuict devant la porte de nostre chambre.
Prendra aussy soigneux regardt que nos pallefreniers, mulletiers, coschiers, ayent ù panser leurs chevaulx et mullets comme il convient, et regardera qu'on évite d'aller sy souvent au marischal et sellier, et qu'on ayt bon soing des ustensiles de l'escuirie, lesquelles seront déli-
vrées au picqueur, et regardera que nostre escuirie soit tousjours furnie de paille, foing et aveine, et que les dicts fourages soyent honestement distribués, regardant que rien ne soit emporté ou desmanué.
Regardera aussy que le dict picqueur ait à façonner nos chevaulx touts les matins, y menant les paiges estant de garde.
Prendra aussy soing que tout ce que dessus s'effectue sans aulcune contradiction, et que dessus tout, il oste les murmures et disputes ordinaires, tant pour le manger qu'aultrement d'iceulx , à peine de les licentier incontinent.
Entendant aussy que le picqueur aura à luy obéir en ce qu'il luy ordonera pour l'escuirie, et après le dict picqueur, aura comandement sur touts nos pallefreniers et aultres de l'escuirie.
Que touts les mois il ferat faire les billets du sellier, esperonnier, marischal et aultres livreurs de l'escuirie, lesquels estant arresté avecq ceulx de nostre conseil il les aura à signer.
Que tous les jours il aura à faire mener par nos chariots toutte la Gente dans nos jardins pour la délivrer à nostre maistre pallefrenier, et de là à nostre jardinier, et ce, pour tous les lieux où serons de nos maisons aux champs; et quand serons à la ville de Brusselles, il fera mener la dicte fiente en nostre jardin, hors de la porte de Louvain, à Sainct-Joos-ten-Hoye.
Le maistre pallefrenier sera tenu chascun jour de rapporter au dict escuier le nombre des picotins d'aveine qui seront esté dispensés, en déduisant les chevaulx absens, dont iceluy escuier debvra faire tenir note, pour puis après confronter le tout avecq la recepte de l'aveine contre celuy qui aura la charge de distribuer les dictes aveines et aultres grains.
FOUR LE PICQUEUR.
Iceluy aura à obéir à l'escuier en tout ce qu'il luy comandera de nostre part, et après luy, il aura à comander ù touts ceulx de l'escuirie.
Regardera en oultre que nos pallefreniers, mulletiers, coschiers et au lires de l'escuirie ayent à bien soigneusement panser nos chevaulx en leur distribuant leurs fourages, comme il convient, et qu'aux grands chevaulx, doubles courtaux, hacquenées et chevaulx de eosche, soyent donné quatre picotins d'aveine par chascun jour, et aux aultres trois.
Regardera aussy que les selles, brides et aultres harnachures de nostre escuirie soyent tousjours espoussetées et nettement gardées, et qu'aulcune despense superflue ne se' fasse, sinon quand il en sera de besoing, en accoustrages de selles, brides et aultres ustensiles de la dicte escuirie, et aussy en ferrages de chevaulx.
Que touts les matins, au point du jour, il picquera nos chevaulx selon qu'il le trouvera convenir, menant avecq luy un paige ou deux pour le moins, pour les apprendre et façonner comme il convient. Et , au surplus, fera son mieulx en tout ce qui concerne le faict de la dicte escuirie à nostre plus grand proffict, honneur et service, et aura à obéir à l'escuier en ce qu'il luy comandera.
