FOU A LES GENTILSHOMMES DE LA CHAMBAE SBAVAJTT AUSSY DE COUFMSA

Iceluy aura à se trouver tousjours à nostre lever et à nostre couscher, et de se tenir le plus qu'il poulra auprès de nostre personne, pour nous en pouvoir ayder et servir quand nous en aurons de besoing, et aussy pour recueuillir les estrangers, et ne sera tenu d'obéir à personne qu'à nous et au maistre d'hostel.

Iceluy regardera aussy de nous donner à boire quand en demanderons, lequel nous l'ayant présenté, et cependant que beuverons, il aura à tenir l'essaye, nous donnera à boire à l'ordinaire, et par après fera rapporter le tout par un paige au buffet ; aura aussy le regardt et comandement sur la garderobe, varlet de chambre, paiges et lacquais , qui seront de garde, et en soigneux regardt qu'ils servent comme il convient, et que touts nos accoustrements et aultres choses de nostre garderobe soyent conservés et nettement entretenus.

MÉMOIRES DU DUC Dl CROY. 10

FOUR l'bscuibb t&bhciaht.

Le dict eseuier trenchant sera le plus souvent à la maison qu'il luy sera possible, et se tiendra proscbe de nous pour recepvoir de nos ordres, et lors que nous irons dehors, de venir avecq nous; tous les jours à unze heures se tiendra prest pour porter la viande le premier et nous servir en la dicte qualité à table; le soir à six heures fera le mesme, et, à la reste, regardera d'obéir au maistre d'hostel en ce qu'il luy dira pour nostre service et de nostre part.

pou* us ounuBomai.

Iceulx regarderont de demeurer à la maison le plus qu'ils poulront et de se tenir prosche de nous pour recepvoir nos ordres, et lors que nous irons dehors pour venir avecq nous; l'un d'eulx sera ordinairement de garde et se tiendra continuelement à la maison sans en bouger, pour recepvoir les estrangersqui viendront, et sçavoir ce qu'ils vouldront et demanderont pour nous en advertir ; tous les jours à unze heures iceulx se tiendront prests pour porter la viande après l'escuier trenchant, pour nous servir à table; le soir à six heures feront le mesme; à la reste, regarderont de respecter nostre maistre d'hostel et luy obéir en tout ce qu'il leur comandera de nostre part et pour nostre service.

POUR LB CHAPBLAIH.

Iceluy regardera de se tenir prest pour célébrer la messe touts les jours à sept heures du matin, et à unze heures se tiendra aussy journelement prest, et à six heures du soir, pour venir dire la bénédiction et les grâces, tant au disner qu'au soupper.

POU* LB BOCTEUK Bit MBDBCIHB.

Le dict docteur aura à se trouver journelement à nostre lever et couscher pour ordoner ce que debvrons prendre, comme aussy de

niesme au disner et soupper, afin de pouvoir voir aussy ce que beuverons et mangerons. Sera tenu aussy de soigner et panser nos servileurs domesticques , quand iceulx seront malades, sans prendre aulcun gaige ou salaire d'iceulx. Sera tenu aussy de distiller et faire faire les distillations que luy ordonerons aussy de faire pour nostre service. Aura aussy soigneux regardt sur touttes nos herbes, fleurs et plantes estantes en nostre jardin, comme aussy de touttes les eaux, huilles, distillations, confitures et aultres choses que luy donnerons en charge, dont il sera tenu nous en respondre suyvant la liste et înventoire que luy en sera donnée ; mangera à la table de nostre maistre d'hosf el et gentilshommes, de laquelle il aura a s'en contenter, et regardera aussy de se tenir le plus qu'il poulra en la maison , afin que, lors que le demanderons, il ayt à venir recepvoir nos ordres.

FOUR LES BBCRéTAI&BS.

Iceulx auront à se trouver journelement à nostre couscher et découscher pour entendre à ce que leur ordonerons, et se tiendront tout le devant disner en la maison sans en bouger, afin de faire les dépesches nécessaires, lesquelles seront faictes tant en langue italienne, espaignole, latine, allemande, flamengue que françoise, par ceulx qui les sçauront; porteront aussy la viande à table avecq nos gentilshommes, tant au disner qu'au soupper, et regarderont aussy de se tenir prest pour nous suivre quand nous irons dehors , et pour faire au surplus tout ce que leur ordonerons ou nostre maistre d'hostel en nostre nom.

Auront aussy à se trouver prests aux occasions, lesquelles, pour nostre . service, se poulront présenter, et que par ceulx de nostre conseil leur sera ordonné, comme aussy ne dépescheront aulcunes lettres d'importance sans préalablement les avoir communicquées à aulcuns de nostre dict conseil estant lés nostre personne, afin de se pouvoir régler et acccomoder selon l'ordre d'iceulx.

Tiendront de mesme registre de touts les passeports, sauvegardes el dépesehes qui se feront et dépescberont soubs nostre nom, cascliet ou sceau, pour tenir notte des droicts d'icelles et les faire distribuer à ceulx qu'il appartiendra par chascun mois comme il convient; comme de mesmes lors qu'iceulx n'auront rien à faire, et que nous ou ceulx de nostre conseil ne les employerons en rien aultre chose, ils auront à inventorier tous nos lillres, lettriages, comptes et munimens, le tout bien particulièrement, comme de mesmes auront à tenir registre et notte ù part de toultes les lettres et dépesehes qui se feront pour nostre service, suivant la date de chascun jour; comme aussy auront à clore et arresler les comptes de nos ouvrages et en tenir registre particulier; comme aussy de mesmes auront à tenir compte de nos menus plaisirs, et à la fin de chascun mois en dresser un estât pertinent, signé de nous, pour eslre délibvré à nostre trésorier général pour porter iceluy en son compte général, suivant Tordre et comandement qu'il en aura de nous.

FOVft LMB 9AIQBM.

Iceulx paiges auront tousjours à se trouver à nostre lever et couscher, et y aura l'un d' iceulx (et ce, par jour)» qui fera la garde, tant de jour que de nuict, sans nous abandonner ny peu ny poinct.

Tous les matins qui ne seront de garde, s'appresteront pour aller avecq le picqueur mesnager nos chevaulx, et le reste de la journée, iceulx se tiendront subjects auprès de nostre personne sans pouvoir sortir de la maison , n'est avecq nostre permission ou celle de nostre maistre d'hostel ou escuier, et qu'iceulx n'ayent à hanter ny fréquenter les garçons des gentilshommes, lacquais et pallefreniers, à peine de correction, l'ayant ainsy ordoné de le faire.

Se trouveront aussy tous les jours à servir la messe, l'ouïr et y assister, tenant les torses à l'élévation avecq les révérences accoustumées, comme du passé.

Iceulx auront aussy à se trouver tous , tant au disner qu'au soupper, pour y porter la viande, et auront à obéir, tant au maislre d'kostel que à l'escuier et au picqueur, en tout ce qu'ils leur ordoneront pour nostre service, à peine de correction et chastiement, et par après, .si iceulx ne veulent amender et devenir plus sages, d'estre licenciés de nostre service et renvoies sur leurs parens.

POU& LE GAKDE&OBE.

lceluy aura à se trouver tous les matins à nostre lever et tous les soirs à nostre couscher, tant pour nous ayder à accouslrer que nous désaccouslrer et dormir en nostre garderobe.

Prendra soigneux regardt sur tout ce qui luy sera par nous donné en charge, tant sur nos accoustremens ou aultres meubles estant en nostre garderobe, dont il sera tenu nous en respondre, et en prendre soing qu'ils soyent nettement entretenus, et ceulx estant rompus raccoustrés ; seront aussy tenus de demeurer en la maison et se tenir tousjours près de nous, afin de recepvoir nos comandemens ; auront aussy à porter la viande avecq les aultres, tant au disner qu'au soupper, et se tiendra aussy prest pour venir avecq nous quand irons dehors à cheval, et à piedt quand nous irons par la ville, et, au surplus, obéir à nostre maistre d'hostel et au gentilhomme de la chambre, et les respectera en tout ce qu'il luy ordoneront comme nostre personne propre pour nostre service.

POU* U» VAAX.BTB SB CHAM1&X.

Iceulx se trouveront tous les matins à nostre lever et tous les soirs à nostre couscher pour nous accouslrer et désaccoustrer, et fane tout ce que leur ordonerons et couscheront en nostre garderobe.

Regarderont de prendre soigneux regardt sur tous nos accoustre-

mens, meubles et aultres choses qui leur seront baillé en charge par inventoire, pour nous en respondre, et se tiendront à la maison pour recepvoir nos comandemens quand nous en aurons affaire; auront à pprter la viande avecq les aultres, tant au disner comme au soupper, et se tiendront prests pour venir dehors avecq nous quand nous irons à cheval, et à piedt quand nous irons par la ville, et au surplus, obéiront et respecteront le maistre d'hostel et le gentilhomme de la chambre, comme à nostre personne propre, en ce qu'il leur sera ordoné de nostre part.

POU* L'A&aBJTTIBB..

Iceluy recepvra tout l'argent qu'il conviendra pour la despence de nostre maison, et payera tout ce que le despencier aura aschepté; fera signer touts les jours les billets de la despence avecq le despencier du maistre d'hostel, et touttes les sepmaines fera arrester son compte par le dict maistre d'hostel, et au bout du mois fera clore son compte, le faisant signer par ceulx de nostre chambre des comptes et aussy du dict maistre d'hostel, et regardera que tout soit distribué fidèlement et à nostre plus grand proffict ; se transportant en forme de controlleur, tous les jours, par la cuisine, boutellerie et aultres offices, pour regarder s'il n'y at rien qui se perde, pour en faire rapport au maistre d'hostel ; se contentera de ses gaiges sans pouvoir faire proffict d'aulcuns émolumens ; se tiendra prest pour nous accompaigner quand nous sortirons de la maison et qu'il ne sera occupé pour nostre service, et, au surplus, obéira en tout et par tout au maistre d'hostel comme à nostre personne propre.

po va le Bispssrcim ht son ayob.

Iceluy aura à tenir sa despence nette, regardant que personne n'y entre ; ascheptera tout ce qu'il convient pour la provision de nostre maison, en temps et saison pour nostre table, et d'icelle pour en pou-

voir servir les tables de nos domesticques, et ce, à nostre plus grand proflie t, livrant le tout à nos cuisiniers par poix, se contentant de ses gaiges sans pouvoir faire proffict venant la despence ny aulcuns aultres émolumens.

Et comme iceluy aurat aussy en garde les grains, sy comme le bled, aveine et aultres grains, iceluy les aura ù distribuer aux boulengiers, brasseurs et au maistrepallefrenier, en prenant acquict desdicts boulengier, brasseur et de l'escuirie, touts les jours, afin de sçavoir combien il y at de chevaulx à l'escuirie, à ce qu'on aye à rabattre les dicts chevaulx absens; fera signer et arrester du maistre d'hostel, tous les jours, les billets, au soir, de ce qu'il aura despencé, laquelle despence se fera le plus mesnagèrement qu'il sera possible, regardant aussy que personne ne se foure à sa table extraordinairement, se tiendra prest à la maison pour nous suivre quand en sortirons, obéira et respectera le maistre d'hostel comme nostre personne propre.

POUX. UB C&ÉOEHCISR.

Iceluy se tiendra subject à sa crédence et tiendra nettement toutte la vasselle, tant dorée qu'argentée, voire fins linges et aultres choses qui luy seront donnés en charge par inventoire, pour en respondre quand il sera requis de ce faire, regardant que personne n'entre en sa crédence. A unze heures du matin iceluy viendra couvrir la table pour le disner, et à six heures du soir pour le soupper , et assistera au boutellier qui versera le vin, afin que le tout soit honestement dispencé et à nostre plus grand proffict, se tiendra aussy prest pour nous accompaigner quand nous sortirons de la maison, et, au surplus, il obéira et respectera, en tout et par tout, le maistre d'hostel comme nostre personne propre.

POUX LB SOUTXLUBX.

Iceluy regardera de tenir bien nette sa boutellerie, ensemble les

ustensiles (Ficelle, tenant icelle serrée, sans permettre que personne n'y entre, ny pour boire ny pour nienger, n'est nostre maistre d'hostel et ceulx de nostre conseil.

Se tiendra prest à huict heures jusques à huict heures et demye pour desjeuner à ceulx de nostre maison.

Iceluy aura aussy à mesnager le vin, bière, pain, chandeilles et fruicts et aultres choses, donnant à la table du maistre d'hostel, au disner et soupper à chascun repas, deux lots de vin et de la bière, et du pain, selon leur conscience, se contentant de leurs gaiges, sans pouvoir faire proffict d'aulcuns émolumens ou d'aultres choses provenantes de la boutellerie, d'aultant que ne l'entendons; se tiendra prest pour nous accompaigner quand nous sortirons de la maison.

Regardera aussy de rapporter tous les jours, au maistre d'hostel, un billet véritable du vin qui sera dispencé, et gardera la lye d'iceluy et aussy celle de la forte bière, pour en pouvoir faire du brandvin. Et, au surplus, obéira an maistre d'hostel, en tout et par tout comme à nostre personne propre, car ainsy est nostre intention.

POUB, LM »OULBMaiB&.

Iceluy regardera de se rendre subject en sa boulengerie, la tenant bien nette, comme il fera ses ustensiles, n'y laissant entrer personne ny approscher sa farine, craignant qu'on y jette quelque meschanceté ou poison.

Fera signer touts les jours les billets du pain par le maistre d'hostel et aurat à faire pain blancq pour nostre table, bien bon et tendre, et le pain brun pour ceulx du mesnage, bon et proffitable ; se contentant de ses gaiges, sans vouloir faire proffict de quelque chose que ce soit provenant de sa boulengerie.

Aura à ayder et assister le crédencier et boutellier quand ils en auront de besoing, et au surplus, aura à obéir au maistre d'hostel

MÉMOIRES DU DUC DE CROY. — !60o. *29

en tout et par tout, et le respecter comme nostre personne propre.

FOUR UB BRASSSUK.

Iceluy regardera que personne n'aye à entrer en sa brasserie, où il se rendra subject, craignant quelque inconvénient de feu ou aultrement, à quoi il prendra soing. Brassera de forte bière pour nostre bousche, de la bonne pour ceulx de nostre conseil et maison, et de la petite pour les varlets, et ce, en telle quantité comme il luy sera ordoné par nostre maistre d'hostel, et comme pour nostre plus grand proffict on trouvera convenir.

Rendra compte des brassins et grains que luy seront délibvrés, et se contentera de ses gaiges, sans pouvoir faire proffict d'aulcune chose provenante de la brasserie ; aydera et assistera aux boutelliers et cadenciers, quand ils en auront affaire, et obéira et respectera le maistre d'hostel, en tout et par tout, comme nostre propre personne.

POUR. LB MAISTRZ CUIflINIBR BT AULTRBS CUISINIERS.

Iceluy sera le premier et le dernier en sa cuisine, regardera qu'iceulx qui sont en desoubs luy ayent à tenir leur cuisine et ustensiles d'icelle bien nettes.

Regardera que personne n'entre en sa cuisine, n'est lors que Ton viendra à la viande, et aussy il prendra regardt qu'aulcun ne fouille ny tousche en aulcuns plats et viandes; et lors que mangerons en nostre chambre, il regardera que personne ne tousche les plats qu'on nous donnera que luy, craindant quelque poison ou meschanceté, et se contentant de ses gaiges, sans pouvoir faire proffict d'aulcuns émolumens ou choses provenantes de la cuisine. Regardera aussy, en retirant les viandes, de les distribuer à nostre plus grand proffict, et retirer les susdictes viandes en nostre despence comme il convient ; et, à la reste, obéira et respectera, en tout et par tout , le maistre d'hostel comme nostre personne propre.

130 MÉMOIRES DU nUC DE CROY. - 1605.

POUR LB MAISTRB PAftTXSSIBR.

Iceluy se tiendra subjeet à sa pastisserîe et cuisine, la tenant bien nette, comme il aura à faire de mesme de ses ustensiles, regardant que personne n'entre dedens sa pastisserie; et se contentant de ses gaiges, sans faire proffict d'aulcunes choses provenantes d'icelle pastisserie, et quand nous aurons compaignie, advisera de besoigner en nos pastisséries, avecq le plus grand proffict néantmoins qu'il poulra, et, au surplus , obéira et respectera , en tout et par tout , le maistre d'hostel comme nostre personne propre.

POU» LB JAKBXBIB&.

Iceluy se tiendra subjeet en son jardin le tenant bien net, ses arbres et hayes bien couppées et lyées, regardant que personne, sans congé, n'entre au dict jardin, et se contentant de ses gaiges, et des herbes et frutets (après avoir entièrement livré les herbes pour nostre cuisine, ce qu'il luy fault et largement, sans qu'il nous faille rien aschepter dehors), le surplus, iceluy le poulra vendre à son proffict, sans pouvoir prétendre aultres profficts ny émolumens, et, au surplus, obéira et respectera, en tout et par tout, au maistre d'hostel comme à nostre personne propre.

POUB LB VABLBT DB SALB.

Iceluy sera le premier décousché pour aller nettoyer et ramonner touttes les chambres, sales, salettes, et le dernier cousché, afin de pouvoir adviser que les chandeilles ou restats des feus ne puissent apporter nuisance ny grever en aulcune façon la maison. Au disner et au soupper, il portera la mande de la viande qui proviendra de nostre table pour servir à celles des gentilhommes, réservera les relicats des dictes tables estant bons, et délivrera la reste aux pauvres; aura regardt qu'à la table de nostre maistre d'hostel, aultres personnes ne

s'y fourent sans le sceu d'iceluy; et rapportera le vin qui restera de nostre table à celle du dict maistre d'hostel et gentilshommes, recueillera tout le suif et boults des chandeilles pour les délivrer à nostre despencier, pour en faire le plus grand proffict que faire se poulra, et sur tout soignera qu'à la salette il y ait assés de bancqs et escabeaux pour ceulx qui se debvront mettre à table.

Regardera que, les matins, les fenestres soyent ouvertes pour ayrer la salette et places, lesquelles il tiendra bien nettes et polyes. Et, au surplus, obéira et respectera, en tout, nostre maistre d'hostel comme à nostre personne propre.