POUR LE BRACCONIER ET SOU AT DE
Iceluy bracconier et son ayde auront à soigneusement garder tous chiens qui leur seront délivrés par inventoire, ensemble toutles les toilles et fillets et aultres ustensiles de la vénerie, prennant bien garde que les susdicts chiens ne se perdent ou desrobent, et aussy, que le
grain qui luy sera délivré pour la nourriture des dicts chiens ne soit bradé ou despendu inutilement, ains que le tout soit conduict le plus mesnagèrement et Gdèlement que faire se poulra. Regardera aussy de journelement estre à la chasse et au bois, tant au gros de venoison qu'aux lièvres et lapins, prennant soigneux regardt que tout ce qu'il prendra soit fidèlement rapporté à la maison au despencier, se contentant le dict bracconier de ses gaiges et abondroicts ordinaires, sans prétendre aultres émolumens ; au surplus, obéira et respectera, en tout et par tout, le maistre d'hostel comme nostre personne propre.
roua us faucoiuzb. et sou a y os.
lceluy fauconier et son ayde auront à soigneusement garder touts nos oiseaux qui leur seront délivrés par inventoire , ensemble touttes les ustensiles de la dicte fauconerie, prenant bien garde que les oiseaux ne se perdent ou desrobent, et aussy que la chair et aultres mangeailles qui leur sera donné et à luy délivré pour la nourriture des dicts oiseaux, ne soit bradé ou despendu inutilement, ains que le tout soit conduict le plus mesnagèrement et fidèlement que faire se poulra. Regardera aussy de journelement aller voler par tout où il poulra, regardant soigneusement que tout ce qu'il prendra soit fidèlement rapporté à la maison au despencier, se contentant le dict fauconier de ses gaiges, et abondroicts ordinaires, sans prétendre aultres émolumens; et, au surplus, obéira et respectera, en tout et par tout, le maistre d'hostel comme nostre personne propre.
povm US TX&BUK.
lceluy ira journelement, soit seul ou avecq le bracconier ou fauconier, aux champs, pour regarder de pouvoir tirer, fusse venoison noire ou rouge, lièvres, connins, perdrix et touttes aultres sortes de volailles, lesquels estant ainsy tirés, regardera que fidèlement le tout soit rapporté entre les mains de nostre despencier, pour estre le tout
distribué en nostre cuisine, et que sur tout iceluy n'ayt à donner ou vendre aulcune chose de ce qu'il aura tiré, à peine de chastoy; se contentant de ses gaiges, et abondroicts ordinaires, sans pouvoir prétendre aultres émolumens; au surplus, auratà obéir et respecter, en tout et par tout, nostre maistre d'hostel comme nostre personne propre.
POUR LUS LAVEHDIXRBS.
Icelles regarderont d'espargner, au plus près qu'il leur sera possible, le savon et aultres choses de leur charge. Regarderont aussy de conserver le linge de mesme, et délivreront à celle qui aura le fin linge en garde, iceluy par inventoire et retenant chez elles la reste de l'aultre linge.
Regarderont aussy que survenant les estrangers, icelles accoustrent les chambres et licts comme il convient; et, au surplus, obéiront et respecteront le maistre d'hostel, en tout et par tout, comme nostre personne propre.
roua La COXCHIBMB.
Iceluy se trouvera tous les jours à l'ouverture et closture de la porte avecq le varlet de sale et portier avecq les armes au poinct.
Regardera aussy de tenir la main, avecq le varlet de sale, que les chambres, sales, salettes, soyent nettement entretenues, et quand il y viendra quelques estrangers, il regardera de avecq le dict varlet de sale et portier, que les chambres fussent furnies de bois, cadenuict et touttes aultres choses requises et convenables.
Se contentera de son plat de viande qui luy sera ordoné à l'ordinaire par le maistre d'hostel. Prendra soigneux regardt aux meubles, lesquels luy seront donnés en charge par inventoire, et sur son récépissé pour en respondre d'iceulx ; et, au surplus, obéira et respectera, en tout et par tout, au maistre d'hostel comme à nostre personne propre.
POUR LUS LACQUAXft BT LACQUBOILB.
Il y aurai tousjours un d'iceulx de garde avecq le paige qui sera aussy de garde, tant de nuict que de jour, sans faire faillie, et les aultres n'abandoneront point la maison sans congé, ou du maistre , d'hoslel ou de l'escuier, et ce, à peine d'estre licentié. Tous les jours iceulx se trouveront tant au disner qu'au soupper, pour porter la viande, et ce, sans faulte aucune, à peine que dessus.
Se maintiendront doresnavant modestement sans bra viser, railler ou injurier l'un l'aultre , et s'auront à désister de touttes murmures et crieries pour le boire et manger et ne faire aulcun dégast, soit du feu ou aultrement , à peine de leur estre royé sur leurs gaiges et d'avoir leur congé par après; au surplus, iceulx auront à obéir et respecter le maistre d'bostel, en tout et par tout, comme à nostre propre personne, comme de mesmes feront aussy à l'escuier.
POU* LBS T&OMPBTTES.
Iceulx auront tousjours à se tenir prests à la maison pour faire et accomplir aussy tout ce qu'il leur sera ordoné ; aurat à sonner, et ce, à unze heures et demye pour le disner, et à six heures et demye pour le soupper, afin d'insinuer à nos gens de porter la viande.
Se maintiendront honestement sans boire et y vroigner , ny se mescontenteront du boire ny manger qui leur sera donné ; et au surplus, iceulx auront à obéir, en tout et par tout', le maistre d'hostel et escuier comme nostre propre personne.
PO Va LE MAISTRE PALLEFREHIBR BT AULTRES DE l/SSCUIRIE.
Iceulx prendront soigneux regardt de très-bien panser nos chevaulx, les régaleront et accomoderont comme il convient, en leur distribuant le foing, paille, aveine et aultres Courages en toutte discrétion, donnant aux grands chevaulx , doubles courtaux, hacquenées et chevaulx
de cosche, quatre picotins d'aveine par jour, et aux aultres trois.
Regarderont aussy de tenir nettement touttes les selles, brides et aultres ustensiles, sans les laisser gaster en façon du monde, et sur tout, regarderont au feu, se contentant modestement, sans aulcun murmure, soit pour le manger ou boire.
Le maistre pallefrenier viendra prendre hors des mains du grènetier, tous les matins, l'aveine qu'il fauldra pour les chevaulx; et, au surplus, ils auront à obéir et respecter le maistre d'hostel et escuier, en tout et par tout, comme nostre propre personne.
POUK LUS COSCBIBAB BT CHA&TOHS.
Iceulx auront à panser soigneusement leurs chevaulx, leur distribuant leurs fourages et aveines en toutte raison. Auront aussy soigneux regardt sur leurs cosches, chariots et harnachures de leurs chevaulx, sans rien laisser ny anéantir ny perdre.
Se tiendront aussy prests pour aller quérir les provisions et aultres choses qu'il conviendra pour nostre maison, et ce, lors que nostre maistre d'hostel leur en fera la semonce. Se contentant aussv modestement de ce qu'il leur sera donné pour boire et manger, et auront bien soigneux regardt au feu.
Tous les matins les chartons transporteront toutte la fiente et ordure qu'il y aura devant nos escuiries sur nos jardins, par touttes nos maisons et lieux où serons; et, au surplus, obéiront au maistre d'hostel et escuier, en tout et par tout, comme à nostre propre personne.
POUK LB8 MULLETIXRS.
Iceulx prendront soigneux regardt de bien panser leurs mullets, en leur distribuant les fourages et aveines comme il convient.
Se tiendront aussy prests et appareillés tousjours avecq leurs mullets, pour aller quérir les provisions de la maison, soit du bois ou autrement, selon qu'il leur sera ordonné par nostre maistre d'hostel, et
auront soigneux regardt, tant sur les basts qu'aultres ustensiles. Se maintiendront sans aulcun murmure, se contentant du boire et manger qu'il leur sera donné, regardant sur touttes choses au feu; et, au surplus, ils auront à obéir et respecter le maistre d'hostel et escuier, en tout et par tout, comme nostre personne propre.
POUR TOUT» LSI SEKVITBUBJ SERT AH S.
Iceulx regarderont de se contenir modestement, et avecq un respect, avecq leurs maistres et supérieurs de la maison, sans user nulles vilainies et yvroigneries. Regarderont aussy que quand nous irons
dehors, iceulx ayent à suivre leurs maistres, et ce, sans aulcune faulte.
Se contenteront du boire et manger qu'il leur sera donné, à peine que ceulx qui y contreviendront , on leur fera défendre la maison , et se garderont de faire du feu en leurs chambres. Adviseront aussy que, par les chandeilles ou aultrement , le feu ne vienne à s'y mettre. Apporteront la viande tant au disner qu'au soupper, comme aussy auront à la rapporter, et chascun aura à servir son maistre à la table du maistre d'hostel et escuier, et chascun leur maistre en particulier, en tout et par tout, comme nostre propre personne, sans y faire aulcune faulte, à peine d'estre chassé hors de la maison et très-bien chastiés.
Finablement voulons que tout le susdict nombre de gens, tant du conseil et chambre des comptes, domesticques tant principaulx que particuliers, ordre et règlement des tables où chascun debvra manger, et le règlement et ordre cy devant mis pour un chascun d'iceulx, selon sa charge et office, suivant lequel iceulx se debvront conduire, dont de tout ce que dessus, avecq chascun article y contenu et en dépendant, est en nostre intention, voulons et ordonons que le tout soit ponctuellement entretenu et observé par ceulx à qui il appertiendra et par celuy où ceulx qui viendront à estre nostre héritier, et aussy à qui aurons délaissé , par nostre testament, la duché d'Arschot avecq ses
baronnies, ses appertenances et dépendances, la principaullé de Chimay, la conté de Beaumont, terre et paierie d'Avesnes, la baronnie de Quiévraing et plusieurs aultres biens, à peine que sy l'un d'eulx vient à y contrevenir ou à y innover quelque chose des amendes, peines et privations, pour iceulx particulièrement mentionées par noslre testament, comme de mesmes aux testamenteurs, curateurs et exécuteurs de mon dict testament, aultant que leur peult touscher, sans y faillir en aulcune sorte que ce puisse estre.
Faict en noslre ville et maison de Beaumont, le vinlcincquiesme jour du mois de febvrier de Pannée 1606.
Charles, sire et dccq de Croy et d'Arschot.
MÉMOIRES 1)1 Dl'C DE CROY. 18
Institution et règlement de la chambre du conseil et des comptes establie par nous, Charles, sire et dooq de Groy et d'Arschot, en nostre ville et hostel de BeatiiBont, et durant la g u erre de Franoe en la ville de Mon».
Résolution de susdict Charles, sire et ducq de Croy et d'Arschot, sur l'establissement de ceulx de son conseil et de ceulx de sa chambre des comptes, et sur la conduicte de tous et quelconques ses officiers comptables et non comptables, tant de ceulx de ses terres et seignories, ses domesticques qu'aultres, tant gouverneurs, lieutenans des fiefs, baillys, prévosts, drossarts, escoulettes, maieurs, recepveurs, greffiers, sergeans et de tous aultres officiers dépendans de ses terres, seignories et domaines, comme aussy par ceulx estant superintendans de ses terres et affaires, conseillers, présidens, maistres, auditeurs, greffiers, hussiers et messagers de sa chambre des comptes, ses trésoriers et recepveurs généraulx, maistres d'hostel, contrôleurs, secrétaires, varlets de chambre, despenciers et aultres serviteurs domesticques que tous aultres, lesquels auront eu ou auront entremises, et seront comptables
suivant laquelle un ehascun se debvra régler et conduire doresnavant, tant durant nostre vivant qu'après nostre mort avecq nos héritière , sans aulcune réplicque ou redicte en conformité que l'avons particulièrement et bien expressément déclaré par nostre les ta ment, et sur les peines, multes et amendes cy après aussy bien et au loing et particulièrement déclarées, avecq la privation de leurs estats et offices, partant à tous ceulx qui ces présentes voiront ou oiront salut.
Nous, Charles , sire et ducq de Groy et d'Arschot , sçavoir faisons que, comme estant survenu par le trespas de nostre très-cher et trèshonnoré père et seigneur que Dieu absolve, messire Philippes de Croy, ducq d'Arschot, etc., sommes venu à succéder à l'entière succession de la très-illustre maison de Croy et des biens y appertenans, estant aussy, par ce mesme moien, devenu le chef tant du nom que des armes d'icelle; et comme, tant à cause des grandes charges et estais desquels sommes pourveus, tant en gouvernement de provinces, chief de gens de guerre, qu'en matière d'estat et police, comme aussy à cause des grandes maladies, desquelles sommes délenu et tourmenté, comme aussy pour les aultres occupations qu'avons, de sorte que ne pouvons ainsy assiduelement vacquer ù la direction de nos affaires particuliers, tant de nos domaines et biens, comme aussy de ceulx de nostre maison domesticque et affaires d'icelle; et comme après la mort de feu nostre susdict bon seigneur et père n'avons trouvé aulcune chambre de conseil ny des comptes fixement establie, avecq pouvoir et instructions pertinentes, comme il estoit bien nécessaire et requis pour la conduicte, règlement et exercice des estats et offices susdicts, et comme bien peult estre qu'aulcunes y en puissent avoir esté, sy esse néantmoins qu'icelles ne sont encores venues à nostre cognoissance, et craignant aussy que les anciennes ordonances et instructions qu'aulcuns de nos prédécesseurs poulrotent avoir instituées et décrétées, fussent assés obscurs suivant les usances et stils anciens et du passé, concernant tant les besoignemens des dicts comptes qu'aultremenl, sans estre mis,
esclarsi et cousché par escrit assés ouvertement, en quoy se poulroient trouver plusieurs obscurités et erreurs à nostre très-grand préjudice, celle de nostre postérité, et discontinuation des usances des stils et estats, lesquels on poulroit diversement changer ou interprester autrement; — Nous doncques, estant à ceste heure parvenu à ceste belle succession, et ne désirant point seulement la maintenir, mais de l'augmenter et faire fleurir plus que jamais , tant en perpétuelle mémoire de nous, après nostre mort, que pour le bien, proffict et utilité de nos enfans , si nous en avons, ou s'il plaisoit à Dieu nous en envoier, ou sinon pour nos successeurs et héritiers, désirant aussy, oultre ce que dessus, pour toutte chose, d'y mettre bon ordre et esclarcir tant mieulx la conduicte de ceulx de nostre conseil , de ceulx de nostre chambre des comptes, et d'aultres de nos officiers, tant de nos domaines que domesticques, avecq tout ce qui en dépendt, nous avons ordoné et statué, ordonons et statuons les poincts et articles ensuivans, pour estre iceulx observés tant de touts ceulx cy devant déclarés, tant de nostre vivant comme aussy après nostre mort, de nos enfans, sy en délaissons aulcuns, ou à faulte d'iceulx, de ceulx ausquels avons délaissé, par nostre testament, les deniers qui proviendront de la vente de tant de belles et sy principales terres, et entre aultres, de nostre principaulté de Chimay, conté de Beaumont et paierie d'Avesnes, avecq le chasteau, terre et seignorie d'Esclaibes, la baronnie de Quiévraing, leurs appertenances et dépendances, et lesquels avons aussy, par le susdict nostre testament, constitués et délaissés nos héritiers universels, et venant iceulx à mourir sans enfans, aux aultres par nous à eulx substitués, es dictes parties et biens par nostre susdict testament, afin qu'iceulx, chascun en son regardt et aullant que touscher luy peult, touschant les biens que leur délaissons, ayent à punctuelement, exactement, ù jamais, et ad infinitum, observer et faire observer tous les poincts et articles contenus et couschés par escrit, ou par Chartres de l'institution, ordre et règlement de ceulx de la chambre, tant de nostre conseil que de nos
comptes, à peine que sy iceulx ne l'observent, et, après leur mort, ne le fassent observer par leurs héritiers, qu'iceulx auront à encourir touttes les peines et privations contenues et descriples amplement par nostre susdict testament, et pour le regardt des tuteurs, testamenteurs et curateurs et exécuteurs de nostre susdict testament et pour ceulx de nostre conseil et chambre des comptes , comme aussy pour touts, nos aultres officiers, tant de nos domaines que domesticques, dès à ceste heure, pour lors quand iceulx y contreviendront ou viendront à y vouloir contrevenir , d'estre déportés de leurs charges et estât s et iceulx estre impétrables d'aultres, et les tenant dès à ceste heure pour lors déportés : premièrement doncques, ayant esté en diverses voluntés et débats du lieu ordinaire où vouldrons mettre et establir la résidence ordinaire de ceulx de nostre conseil et chambre des comptes, et après avoir eu plusieurs disputes pro et contra, et ouy plusieurs raisons alléguées de costé et d'aultre, et signament après avoir leu et meurement considéré les motifs et raisons que nous ont donné par escrit ceulx de nostre conseil estant chez nous, à la parfin nous nous sommes résolu résoulons et ordonnons que la chambre de nostre conseil et des comptes sera et se tiendra ordinairement fixe et stable en nostre ville et hostel de Reaumont, laquelle chambre sera formée et créée de six personnes, assavoir : Le premier, lequel sera superintendant de touttes les affaires et président de la susdicte chambre des comptes. Le deuxiesme sera trésorier général et maistre ordinaire des comptes de la dicte chambre. Le troisiesme sera de nostre conseil et maistre des comptes d'icelle : par devant lesquels trois premiers se vuideront touttes les plus grandes difficultés et tout ce qui sera de plus grande importance, emporte et de grande conséquence. Le quatriesme d'un auditeur et controlleur. Le cinquiesme d'un greffier et secrétaire. Et le sixiesme d'un hussier et messager ordinaire de la dicte chambre, aux gaiges et traictemens pour le superintendant de nos affaires et président de nostre chambre des comptes, de cincq cent florins par chascune année,
avecq le taulx du droict du sce) ; pour le trésorier général aussy cincq cent florins par cbascun an ; pour le maistre des comptes quatre cenl florins par chascun an ; pour l'auditeur trois cent florins par cbascun an, et pour l'hussier et messager cinquante florins par chascune année, réservant aussy pour le greffier ses droicts de dépesches particulièrement spécifiés cy après, lesquels allant dehors pour nostre service sans estre défroyés, les dicts superintendant, président et trésorier général auront quatre florins par chascun jour, et les dicts maistres, auditeurs et greffier trois par chascun jour, et l'hussier et messager un florin, et quand ils seront mandés pour nous , ils seront tenus à toutte heure d'y venir, sans pouvoir prétendre aulcunes vacations pour le sesjour qu'ils feront chés nostre personne, sinon qu'iceulx, leurs varlets et chevaulx seront défroyés par nous en nostre maison; et quand nous nous tiendrons aux dicts lieux, accordons au dict superintendant, président et trésorier général, nostre table, et au dict maistre des comptes et greffier celle de nostre maistre d'hostel. Ceulx qui seront aux susdicts lieux, et ne seront absens pour nostre service ou par comandement et licence et congé , se trouveront ordinairement et continuelement depuis les huict heures du matin jusques aux unze du mydi, et, à l'après-disner, en tout temps, depuis les deux heures jusques aux cincq heures du soir, sans y faillir, excepté les dimenches et festes comandées par l'Esglise, à peine que leurs gaiges leur seront royés à l'advenant; dont, le greffier de la dicte chambre tiendra le controlle, sur lequel le thrésorier général se conduira au payement de leurs susdicts gaiges. Durant* lequel temps et heure s'occuperont à dépescher tout ce qu'il y aura à faire, sans retarder les poursuivans, et n'y ayant de la besoigne, s'occuperont à revisiter les vieulx comptes et estats des comptables, les Chartres et munimens de nos terres et domaines , et les procès qu'avons, tant actifs que passifs, pour, en espluschant le tout bien particulièrement, regarder s'il n'y vient rien de bon à nostre proffict et à l'augmentation de nos dicts domaines ,
dont de tout ce qu'ils recouvreront et n'ayant esté descouvert par d'aultres, devant eulx leur accordons, à tous ensemble, le dixiesmc denier, ordonant au chapelain et chapelain des esglises, cloistres et chapelles des dicts lieux présens, ou aultres advenir, que les jours qu'iceulx sont tenus de dire messe en nostre dicte chapelle, iceulx l'auront précisément à célébrer à unze heures, a6n qu'iceulx de la susdicte chambre ayent la comodité d'ouïr la dicte messe devant se retirer pour aller disner, et ce, à peine de cinq patars pour chascunc fois que les dicts chapelains en seront en faulte, laquelle se recouvrera sur le revenu et bien temporel de la dicte chapelle; et comme il est plus que raisonnable que les dicts de nostre conseil et chambre des comptes, ayant vacqué à nos affaires, ayent aussy du temps pour vacquer aux leurs, nous leur accordons trente jours de vaccances par chascune année, à les prendre à la discrétion du superintendant et président, à une ou diverses fois, moiennant qu'ils ne le prennent tous ensemble, et que, pour le moins, il y ait tousjours deux d'iceulx présens avecq le greffier, si ce n'est qu'il y ait quelque cause légitime de plus loing sesjour, ou quelque chose urgente ou imposposable à leur particulier, dont ils seront tenus lors nous en advertir, pour, selon cela, en ordoner. Ordonons aussy qu'en la dicte chambre des comptes, il y ait un livre de charges, auquel seront portées et escrittes par forme de mémoire, touttes les charges et debtes que, par les comptes qui seront ouïs, l'on trouvera sur les recepveurs et aultres officiers et gens de quelque estât qu'ils soyent, c'est assavoir des charges et debtes dont on ne trouvera iceulx estre déchargés par les corrections qui en debvront estre faictes sur les dicts comptes, lesquelles corrections se feront sy avant que faire se poulra, tant en rendant et oyant les comptes, comme tost après la rendition d'iceulx, et seront par les dicts des comptes mandés les dicts officiers comptables devant leur parlement, sur lesquels seront trouvées les dictes charges pour eulx en acquitter et assiner ainsy qu'en sera faict mention cy après,
Et, en tant qu'il tousche les debtes claires, apparentes et liquides, par les clostures des comptes ou aultrement, lesquelles auront esté portées par le susdict livre des charges, comme dessus, icelles seront incontinent baillées et envoiées par cédules ou certifications de la dicte chambre ou du thrésorier général, lequel regardera, sur la partie de la dicle debte, quelle cédule en at esté faict ou baillée au thrésorier général, à tel jour et à tel an, lequel regardera de faire contraindre les dicls debteurs à luy payer les dictes debtes, et sera chargé le dict thrésorier général d'en respondre à son proschain compte à nostre proflict ; et après que le dict recepveur aura receu et rendu la dicte debte, ou qu'aultrement le dict debteur s'en sera acquitté, l'on escrivera le dict acquist en décharge de son affiniment après le reste de son compte, sur lequel il en est chargé, et que diligemment ils seront enregistrés en la dicte chambre tous mandemens, Chartres, privilèges, affaires et aultres dépesches touschant les dons, traictés, partages, assietes, aschapts, aliénations en quelque manière que ce soit , et aussy touttes les aultres dépesches et affaires quels ils soyent, qui en la dicle chambre y seront traictés et déterminés, lesquels nous peuvent touscher, et à nostre domaine et aultrement, selon que le cas le requérera.
Les susdicts gens des comptes feront aussy venir tous les comptables durant le temps qu'il leur est préfigé cy après, et à chascun d'iceulx en particulier , suivant les sepmaines et jours qui leur sont préfigés à la fin de ceste ordonance, sans en rien y excéder ny laisser venir aultre terme sur terme, afin que Ton puisse tant mieulx sçavoir s'ils reçoivent aulcune chose sur l'année ensuivante, et que l'on puisse voir leur estât clairement et qu'ils y trouvent l'ordre cy après déclaré.
Que touttes lettres closes adressantes aux dicts des comptes qui leur seront envoie en la dicte chambre , l'on escrivera par dessus le jour et l'an qu'ils les recepvront et par qui, et seront mises touttes en ordre en une liasse illec réservée, et quand nous envoierons aux dicls gens de nos comptes, par quelqu'un, des lettres de crédence par celuy
MÉMOIRES D' DfC DE CROY . 10
qui les apportera, s'il sçait escrire, luy feront signer sa crédence, ou sinon, escrivcront en sa présence sa charge et crédence, afin qu'il en soit faict foy en temps advenir.
Et en cas que, par inadvertance ou importunité des requérons ou aultrement, nous vinssions à donner aulcune chose de nostre domaine à héritage , si le don n'est advoué, passé et enregistré par ceulx de nostre dicte chambre des comptes , dès astheur pour alors , tenons iceluy de nulle valeur, et auquel effect sera mis une clause exprès aux lettres ou appostilles, de faire intériner, vérifier et enregistrer les dictes donations et grâces au registre qui reposera en nostre dicte chambre des comptes, et que note et vérification en sera faicte sur le dos des dictes lettres et apostilles du dict intérinement, à peine de nullité du dict don; et en cas que fissions dons et fourfaittures ou aultres choses qui seroient de nostre revenu ou propre domaine à héritage ou à vie ou à volunté, sy la valeur du dict don n'est contenu es dictes lettres, les dicts des comptes n'en feront l'expédition jusques à ce qu'ils seront informés de la juste valeur et vérité par les juges et officiers où les dictes fourfaittures ou aultres choses ainsy données, seront assises, et qu'ils s'informent incontinent de la valeur, renvoyant les parties avecq icelles envers ceulx de nos dicts comptes, afin que ne soyons fraudés de telles choses, et lors les dicts des comptes, en cas que la chose ou le don n'excède la valeur des choses ainsy données, le poulront passer, le vérifier et le faire enregistrer en retenant la copie du dict don, sy nostre plaisir est qu'iceluy sorte son effect, et que de ce il leur en apperre de nostre vouloir; et, en cas que la valeur de la chose ainsy donnée excédast le dict don, les dicts gens des comptes manderont aux officiers es mètes es quelles les dictes choses données seront assises, que, la valeur surpassant le dict don, les dicts gens des comptes manderont qu'ils rendent dès lors en avant en leurs comptes, et, afin de mémoire, en feront mention par leurs derniers comptes; et au cas que fissions aulcuns dons à vie, volunté
ou à temps, supposé à ceulx à qui auraient esté faicts, iceulx prinsent et tinsent les choses ainsy à eulx données par leurs mains, les dicts gens des comptes en feront faire recepte par le recepveur à qui ce regardera, et les feront reprendre en despence au nom de ceulx à qui le don sera esté faict.
Que doresnavant aulcuns comptes, registres ny lettres, puis qu'ils auront esté mis à court ou rendus en nostre dicte chambre, ne soyent prins ny portés hors d'icelle, soit pour prendre les arrests des dicts comptes, copies ou aultrement, mais seront les dicts arrests pour les dicts recepveurs ou leur commis, présens aulcuns de la dicte chambre, ou mesme baillés par les dicts auditeurs des comptes, pour mieulx sçavoir tenir secrets les dicts arrests et charges, qui poulroient estre, par adveniure, mis sur les dicts comptes, que l'on ne vouldra laisser voir ny sçavoir aux dicts comptables. Sy n'estoit touttesfois que nous désirerions voir aulcuns des dicts comptes, auquel cas les pouvons mander et faire apporter par quelqu'un exprès qu'à ce y envoierons, pour les faire rapporter après qu'en aurons faict prendre copie ou extraict, selon que les matières en seront disposées : néantmoins, pour plus grande seureté et meilleure conduicte de nos affaires, sera chargé de faire un brief extraict de leurs comptes autenticques , avecq les charges mises sur iceluy et sa closture, pour iceulx estre portatifs par tout où il nous plaira l'ordoner ; comme aussy nuls tilties originaulx ne seront transportés hors de nostre thrésorerie, fors que par extraicts et copies autenticques; mais s'il convenoit les exhiber en court ou pardevant quelques consaulx, comissaires ou gens de justice; pour vérification de quelque différent ou procès, en ce cas voulons que les dicts tiltres originaulx soyent portés par nostre messager de la dicte chambre exprès au lieu où les convient produire, pour illec en prendre copie autenticque par le greffier de la court, en la présence de la partie ou de son procureur à ce espécialement appelés, pour, ce faict, estre incontinent rapporté et remis en nostre thrésorerie et en leur lieu
accoustumé , afin que rien ne soit perdu ny diminué. Les dicts des comptes ne souffriront aussy de veoir ou visiter aulcuns comptes ou lettres rendues en la dicte chambre par aultres que par eulx et par ceulx de nostre conseil et aultres ayant sur ce pouvoir, comission ou ordonance de nous par escrit.
Que les auditeurs et clercqs des dicts gens des comptes, qui ont envers leurs maistres tels ou semblables sermens que les dicts envers nous, ayent semblablement, comme clercqs d'iceulx, la maniance et garde de tous les registres, exlraicts, papiers, mémoires et aultres escripts estant en la dicte chambre des comptes, comme ont les dicts maistres, sans ce que rien soit mis soubs clefs et ouvertures, dont les dicts clercqs n 'ayent semblables clefs et ouvertures qu'auront leurs maistres, mofennant qu'iceulx en respondent, afin que de tous les susdicts escripts iceulx clercqs, comme faire se doibt, en ayent plus grande mémoire quand mestier sera, et pour éviter touts soupsons. Défendons aussy que nul n'ait entrée en la dicte chambre, fors seulement les dicts des comptes, serviteurs et ministres en icelle, et les dénomés au second article précédent, et les officiers qui ont à besoigner, soit pour la rendition de leurs comptes ou aultrement, sans qu'aulcuns aultres serviteurs ou tabliers des dicts des comptes y puissent avoir entrée, ne fust pour copier, enregistrer ou faire aulcuns extraicts, en une aultre chambre où il n'y aura aultre chose sinon ce que on leur donnera à besoigner, et aussy tost qu'ils auront faict, auront à sortir de la susdicte chambre, afin qu'ils ne prennent plus grande cognoissance des affaires d'icelle.
Que sy, par aulcuns gens des dicts comptes, en faisant les corrections d' iceulx ou aultrement, estoient trouvés en iceulx des dicts comptes, avoir esté faictes par erreur de ject, calcul ou aultrement, par inadvertance ou ignorance, et non par malice évidente, celuy qui aura trouvé la dicte faulte la montrera ù celuy ou ceulx qui auront aussy ouy le dict compte, pour icelle faulte estre par iceulx amendée et corrigée, et s'il en
estoit refusant ou en trop grand dilay, le dict compte sera rapporté au bureau par devant touts ceulx de la susdicle chambre, ausquels sera montrée la susdicte faulle en présence de celuy ou ceulx qui auront ouy le dict compte, pour, par iceulx gens des comptes, estre icelle faulte corrigée comme de raison appartiendra, et sy celuy ou ceulx qui auront faict la dicte faulte n'estoient plus officiers en la dicte chambre, la dicte faulte sera corrigée par celuy qui l'aura trouvée, et s'il faisoit aulcune doubte, pour quoy de soy-mesme il ne la peult ou deult corriger, il l'apportera au bureau, et s'il estoit trouvé que la faulte fust faicte de faict apensé par fausseté et malice, tellement que chastoy y deust appartenir, ils nous en advertiront incontinent par lettres, et cependant ne fauldront de faire chastier celuy qui aura commis la faulte, s'il dépend de nous ou de nostre domaine, ou sinon le fera faire par la justice ordinaire du lieu, là où il tiendra sa résidence.
Que les ordonances par nous faictes aux articles ensuivans, oultre ce que par cestuy est ordoné, touschanl les biens espaves, estrangers, biens vagues, biens vaccans, eschéance de bastards, aubains, quints, dixiesme denier, services et relief, à cause des fiefs, confiscations des biens, amendes arbitraires, deniers à nous deux, exploicts de justice et tous aultres semblables droicts contenus es dicts articles cy dessus déclarés, soyent par les dicts gens des comptes et tous aultres qui se poulra touscher et appertenir, entretenues et accomplies, selon leur forme et teneur, sans aulcunement les laisser enfraindre, sy avant qu'îcelles ne soyent dérogantes à ceste nostre présente ordonance. Aussy tost que les dicts comptables seront déchargés, par mort ou aultrement, de leurs offices, les dicts gens des comptes manderont incontinent leurs hoirs ayant cause, ou leurs pleiges, pour compter et eulx affiner des dictes receptes, et à ce les contraindront, sy mestier est, par arrest et saisissement de leurs biens, et comettans gens rasseans a la garde d'iceulx tant que leur estât soit cogneu.
Qu'un des comptes qui aura ouy comptes de quelque officier de
justice ou receple, ne sera commis l'année ensuivante d'ouïr le compte subséquent, et voulons qu'un aultre maistre des comptes soit ordoné, afin que sy l'un, par siniplesse ou ignorance, ne faisoit son debvoir et acquit, il se puisse redresser.
Iceulx ne poulront prendre aulcuns dons ou gratuités qui leur puissent esmouvoir d'accomplir le contenu de ces présentes ordonances selon que leur serment le portent, sans nostre exprès congé, à peine d'estre chastiés et déportés.
Les susdicts ne poulront tenir fermes de nostre domaine ne y avoir part ou portion , ny aussy prendre gages ou pentions d'aultre que de nous, à peine de privation de leurs offices et estats et d'amende arbitraire.
Ne poulront aussy les susdicts des comptes tenir ou exercer aulcun office de recepte, soit de domaine ou de justice, ny avoir portion ou société avecq les recepveurs ou officiers comptables en la susdicte chambre, n'est qu'ils soyent expressément touschant ce faict dispencé de nous.
Qu'en nostre susdicte chambre des comptes le père et le fils, deux frères, oncles, nepveux, ou deux cousins germains, ne poulront estre ensemble en icelle.
Que tous les comptes qui se rendront doresnavant par devant ceulx de la dicte chambre, de quelque officier comptable que ce soit, seront tous escrits et formés en la mesme forme et manière qu'avons ordoné à chascun des dicts comptables de faire par quoyers lyés ensemble et au mesme ordre que dict est, afin qu'ils soyent nombres et cottes, pour plus aisément pouvoir faire les corrections et sçavoir sy on auroit perdu, adjousté ou osté aulcuns feuillets, depuis la présentation ou closture d'iceulx, et sans nulles rasures ou brouillures, à peine que sy iceulx faillent de comparoir au jour à eulx limité, sans trop plus que raisonable et légitime excuse, approuvée et vérifiée à l'appaisement de ceulx de nostre chambre des comptes, de cinquante florins d'amende;
sy leurs dicts comptes ne sont escrils et formés comme on leur at ordonné de l'escrire ù leurs frais et despens, leurs vaccations royées et cent florins d'amende, et en cas qu'iceulx contreviennent et ne satisfassent ù ce que leur at esté ordoné touschant le règlement de leurs offices, d'est re. déporté de leurs estats.
Qu'en la fin de chascun chapitre, tant en recepte qu'en despence, soyent jettées et illec assises les sommes de chascune monnoye, quand il y aura plusieurs monnoyes, et en la somme totale de la recepte, soyent faictes et évaluées touttes les susdictes monnoyes en florins de vînt patars pièce, et semblablement soyent faictes en la somme totale des mises et despenses, afin que les clostures des comptes se fassent, et plus en aultre monnoye.
Que les thrésoriers généraulx, particuliers ou aultres, ne seront receus à compter que, premièrement et avant toutte chose, on ayt à collationer leurs comptes, tant en recepte comme en despence, pour voir s'ils sont formés comme on leur at ordoné, lesquels, en ce cas, y ayant faulte, seront corrigés suivant leurs comptes précédens estant en la dicte chambre, ou suivant l'ordre que y avons mis, sans attendre ht closture d'iceulx comptes, afin qu'il ne soit mis en oubly.
Que les dicts gens des comptes ne souffriront mettre es comptes des dicts officiers, aulcunes parties, tant en recepte qu'en despence, ailleurs qu'en leur endroict, lieu et chapitre, afin que l'on puisse plus tost trouver les parties dictes selon la nature d'iceulx chapitres, sans les entrelasser, et mettre chascune espèce ensemble et par chapitre à part.
Que tous les dicts comptables qui auront baillé leur lettre de recepte des deniers qu'ils auront receu à cause de leur recepte, déclareront en leurs dicts comptes, sur chascune de leurs lettres, et à qui les deniers auront été payés , ensemble les aultres conditions touschant la nature de la recepte, et le tout selon la teneur de leurs dictes lettres de recepte qu'ils auront sur ce baillées.
Que doresnavant tous les recepveurs des petites et particulières
terres seront quant et quant baillys (ficelles, et seront quant et quant comptables des reliefs, droicts seignoriaulx, bastards, aubains, confiscations, mortesmains, biens espaves et trouvés et tous aultres sembla* blés droicts, en prennant certification des justices et greffiers que nuls aultres ne seront escheus, receus ny venus à leur cognoissance, durant l'année de chascun compte; qu'ils debvront exprimer quand et quel jour il comence et finie; que ceulx qui seront contenus en la dicte spécification et attestation dont sera aussy tenu registre et aulenlicquc sur les lieux par nos greffiers.
Que pour les abus qui se commectent journelement au faict de touttes sortes d'amendes ordinaires et dont nos officiers ont profficté jusques à présent, voulons aussy que les recepveurs des petites terres, qui quant et quant seront aussy baillys d'icelles, comme est déclaré cy dessus, en soyent aussy comptables, aux charges cy dessus déclarées à l'article précédent, donnant néantmoins aux dicts baillys et officiers la moictié d'icelles, desquelles en estant nos auditeurs appaisés justement, passeront la dicte moictié es mises au proffict du dict officier, et que les dicts baillys, aux extraicts et attestations qu'ils bailleront des dictes amendes aux recepveurs, debvront faire apparoir par attestation de la justice, qu'ils auront faicts leurs debvoirs de calenger et punir tous mésus et délicts, sans faveur, support ou connivence à l'endroict de personne, ou bien sans que par leur négligence et faulte, ils ayent laissé perdre aiilcuns de nos droicts es dictes amendes, à peine de rencharge sur eulx, exceptés les officiers menlionés et desquels nous ferons aussy cy après mention à l'article de la réjonction des estats.
Que touts baulx de censé que se couscheront sur les comptes particulièrement et par le menu, la première année et la dernière pour alors faire effectuer, furnir et accomplir punctuelement touttes les charges, devises et conditions d'iceulx, dont les dicts recepveurs seront tenus Tannée ensuivante apporter bonne et ample attestation de In justice couscliée au dessoubs des dicts baulx, que les fermiers auront
deuement accomply les dictes charges sans le différer davantage, ne le laisser tirer en longueur, à peine d'amende, ou aultre raisonable répréhension allencontre de celuy ou ceulx par qui telle faulte adviendrait.
Quant aux salaires des façons des comptes de tous nos recepveurs, d'aultant qu'avons ordoné que de vint ans à aullres soyent faicts les cartulaires des comptes particuliers, et par le menu, et les cartulaires renouvelles, et tous les aultres nœuf comptes abbréviés, par où les dictes façons des comptes seroient inesgales, et portant les uns plus, les aultres moins, avons taxé et taxons, pour le salaire de chascun feuillet de compte, comprins son double, trois patars du feuillet, et pourveu que les dicts comptes seront couverts de parchemin, bien escrits, et selon l'ordre qu'on leur at prescript, aultrement seront tenus de les rescrire à leurs frais et despends, et sans pouvoir compter aulcunes vaccations de tout le temps qu'ils mettront à les rescrire.
Pour le faict des comptes de la despence ordinaire de nostre maison, nostre despencier aura à exhiber sur ses comptes, de trois mois à aultre, le marché que nostre maistre d'hostel aura faict avecq les livreurs pour la chair et aultres provisions ordinaires de vivre, prenant soigneux regardt, puisqu'on paye argent contant, que l'on ait le tout à bon marché, car les dicts marchants, estant ainsy bien payés, le donneront un quart meilleur marché que quant c'est à crédit et au hazardt d'attendre longtemps après leur payement, le tout selon le règlement plus ample qu'en avons donné à nostre maistre d'hostel.
Voulons aussy que chascun compteur ait à présenter ses comptes du tout aschevés et les feuillets cottes avecq leur double, sans y rien adjouter depuis qu'il est présenté, n'est par ordonance des auditeurs et sans brouillures ny rasures, ny aultres choses suspectes, apportant une liasse pour enfiler leurs acquicts, et un bourdreau contenant le calcul des sommes, tant de la recepte que des mises, à peine de vint patars d'amende, défaillant en chascun desdicts poincts, et que les textes des comptes soyent bien narrés, meltant (ousjours la quant iesme
année des fermes, aussy les dates et substances, tant des raunimens en recepte comme en mises, ensemble la qualité des fermes en quoy icelles consistent, avecq leurs grandeurs et comprendemens, le tout bien particulièrement et amplement, de manière que par les comptes on puisse voir clairement que c'est de chascun poinct et article , sans avoir recours à aultres munimens, et aussy accomplissans touts les poincts de leurs instructions et forme des comptes, à peine de pareille amende pour chascun défault.
Que le commis pour ouyr les dicts comptes prendra par devant luy le compte précédent, lequel il visitera, et aura bon regardt qu'au compte ensuivant, qui est celuy qui aura ouy, soit respondu et satisfaict à touttes charges, debtes, quictances, souffrances et aultres affaires et remises, et ne poulra procéder à la closture du compte ensuivant sans préalablement vider et faire purger ce que dict est, sy avant que faire se poulra par le comptable, déchargeant alors le dict compte de touttes les charges purgées et celles non purgées, les mettant sur le compte ensuivant et les déchargeant sur le compte précédent, par ces mots : porté au compte séquent en tel feuillet, et touttes les dictes charges seront mises par mémoire au dernier feuillet de chascun compte.
Que touttes et quantes fois qu'aulcuns appoinctemens, a ppos tilles et arrests auront estes faicts par les dicts gens des comptes sur les comptes des dicts recepveurs, tant en recepte comme en mises ù chascun proschain compte, ils y feront respondre les dicts recepveurs, et s'il n'appert de bonne diligence et debvoirs faicts, ils chargeront iceulx de ce dont ils les debvront charger afin que rien ne soit mis en oubly.
Que nulle chose sera passée en despence des comptes, excepté les payemens des rentes fonsières, fundations et œuvres pieuses ordinaires, rentes à raschapt, pentions à vie, gaiges d'officiers et aultres despences ordinaires, sans premièrement avoir ordonance, quictance et certification requise et accoustumée.
Que sy aulcuns des dicts comptables vouloient prendre en despence
de leurs comptes quelques mises qui ne soyent ordinaires comme dessus, sans apporter ordonance ou quictance, ou par apportant ordonance sans quictance, ou quictance sans ordonance et certification requise et accoustumée, le tout leur sera royé.
Que les dicts gens de nos comptes, de leur authorité, n'alloueront aulcunes parties ou sommes de deniers deues du temps de nos prédécesseurs, sans avoir nouvelle ordonance, quictance et certification requise et accoustumée.
Que chascun des comptables susdicts, différant ou dilayant d'apporter aulcune chose en recepte de ce qu'ils doibvent faire ou qu'ils rendront le demeurant es comptes suyvant, ils ne seront à ce receus, mais les dicls des comptes les chargeront de rendre toutte la dicte somme en leurs dicts comptes, afin que la chose ne soit mise en oubly et dilay, et qu'ils soyent plus diligens de les exploiter et lever, et de ce qu'il apparera aux dicts des comptes, iceulx n'avoir leu ou receu, leur tiendront icelle partie en souffrances et suspences jusques au proschain compte ensuivant ou pour tel temps qu'il leur semblera, sy avant qu'il leur appère que nos dicts officiers n'ayent en ce abusé ou malversé, auquel cas il les feront poursuivre et garderont nostre droict, soit par appoinctement ou justice.
Que sy les dicts comptables qui sont chargés de recepvoir nostre domaine, délaissant par négligence, ignorance ou aultrement à rendre entièrement le domaine anchien, et disant qu'ils ne l'ont peu recepvoir pour cause de mortalité, stérilité, pouvreté, fuitte de guerre ou aultrement, ils ne seront pas receus à ce par les dicts gens des comptes, jusques à ce qu'il leur apparera par information deuement faicte par quelqu'un d'eulx ou leur commis, avecq les officiers et gens de loy de la mesme terre, sy besoing est, et aultres qu'iceulx y poulront appeler, et que la dicte information ait esté bien tenue et jugée en la dicte chambre des comptes, et sera icelle mise en tel lieu qu'on la puisse trouver quand mestier sera.
Que supposé que les dicts comptables apportassent ordonance et quictance que ne fust au nom d'iceluy ou de ceulx contenus au mandement, ou de procureurs suffisament fondés ayant eu pouvoir à ce, rien ne Sera alloué en compte comme dessus. Et pour ce, qu'aulcuns comptables s'efforcent de jour en jour de prendre en despence de leurs comptes, plusieurs sommes de deniers pour diverses causes, dont ils apportent ordonance et quictance, sans qu'icelles parties soyent payées réellement et de faict du tout ou en partie, mais baillent leurs contrelettres conditionées de les payer quand les deniers leur seront passés en leurs estats, et après en leurs comptes, et pour jouir des dicts deniers dilayant le plus de temps qu'ils peuvent à venir rendre leurs comptes, feront jurer par chascun des dicts comptables à la rendition de leurs dicts comptes .qu'ils ne mettent aulcune chose en iceulx qu'ils n'ayent deuement payé. Et quand ils rendront leurs comptes par commis» iceulx debvront avoir procuré espécial pour faire le dict serment, et en cas qu'il soit trouvé en leurs dicts comptes qu'aulcune partie n'auroit deuement esté payée comme dict est, les dicts des comptes contraindront les recepveurs à payer ceste somme, comme il sera trouvé qu'ils l'auront mis en leurs dicts comptes et ne l'avoir payé, et oultre ce, une amende arbitraire selon la grandeur de la dicte somme.
S'il estoit trouvé qu'aulcun comptable aura mis en la despence de ces comptes une partie deux fois, dont il se veuille couvrir d'ignorance ou inadvertence, les dicts gens des comptes les luy feront amender du double de la somme qu'il se vouldroit efforcer de prendre, ou de telle somme qu'il leur semblera à leur discrétion, quand il semblera n'estre advenu par vraye malice, ou sinon du dict double et d'une amende arbitraire.
Que sy aulcuns des dicts comptables s'efforçoient de prendre ou cscrire en la despence de leurs comptes aulcunes parties, lesquelles autrefois leur avoient esté royées en leurs comptes précédens, par faulte
d'ordonance, quictance ou aulire juste et loial tiltre et cause, sans en avoir sur ce exprès mandement, ou qu'ils n'apportent lettres qui le relièvent de la dicte radiation, les dicts des comptes leur feront amender et les contraindront à telle amende d'argent que bon leur semblera.
Que touttes et quantes fois qu'en corrigeant les dicts comptables, ils trouveront aulcun d'iceulx qui, par inadvertence ou aultrement, auront prins en despence une somme deux fois, la dicte somme sera rabattue aux dicts comptables des gaiges qu'ils prennent de nous, sans les apporter en debte, avecq une amende à la discrétion des dicts gens des comptes, et s'ils ne prennent gaige, on accroistra d'aultant leur recepte.
Que sy aulcun des dicts comptables at oublié, par inadvertence ou aultrement, à couscher en la recepte de ses comptes aulcunes parties qu'il auroit receu et dont il auroit baillé sa lettre, il l'amendera du double ou aultrement à la discrétion de nos dicts commis et gens de nos comptes, lesquels en ordoneront selon l'exigence du cas.
Que les dicts gens de nos comptes n'ayent à allouer aulcunes parties ou sommes en despence des dicts comptables à la charge de nostre thrésorier général, ny d'aultres, s'il ne leur appert premièrement de la lettre absolue d'iceluy ou de ceulx qu'on vouldroit charger , laquelle fut rendue et de faict mise en son lieu avant que l'on advoue la dicte somme, et s'il ne rendoit la dicte lettre, la dicte somme sera royée par défault d'icelle sans charger iceulx.
Que quant aulcuns comptes seront chargés de quictances et certifications, et que le comptable rapportera par son compte ensuivant les dictes quictances ou certifications, les dicts gens des comptes mettront sur la partie d'icelle charge que la dicte quictance ou certification sera rendue , et en quel lieu icelle sera enfilée pour plus tost la trouver quand besoing sera.
Que touttes quictances qui seront receues en la dicte chambre des comptes contienent et fassent mention exprès des termes et années
dont les recepveurs et officiers des receptes se vouldront ayder, sans soubs ombre de la généralité, disant de touts termes passés aulcune chose passer oultre la dicte quictance et spécialité, et ce, pour éviter aux fraudes et déceptions que l'on y poulroit commettre par stil de faire quictances ou aultrement, dont partie ne se donneroit aulcune fois de garde, ne pareillement ne passeront aulcunes quictances faictes à la discrétion de ceulx qui les escrivent, où poulront survenir des grands abus, faultes et inconvéniens.
Ordonons que tous comptables auront à tenir pleine recepte de touttes leurs parties de nostre domaine, sans les couscher par néant, n'est qu'il appert par demeures autenticques que personne n'en at riens voulu donner, les dicts recepveurs entiers de mettre en remises les parties renseignées et non receues, lesquelles remises ne seront allouées, ains royées, les tenant néantmoins en souffrances par touttes parties, là où il y at espoir d'en tirer cy après aulcun payement, soit en tout ou en partie, mais pour parties absolutement perdues, bien vérifiées à la décharge du recepveur, et que ce n'est par sa faulte ou négligence, sommes content qu'icelles soyent allouées es dicts remises absolutement.
Quant aux fraintes des grains que les compteurs tiendront en greniers, depuis la réception jusques à la vente, leur sera passé et alloué à tous esgalement le quarantiesme des bleds et le vintiesme des aveines, et des aultres grains à l'advenant.
Qu'en l'audition des comptes ne passeront chose aulcune ou quelconques en recepte, quelque petite que ce soit , sy premièrement ne leur appert de la publication de huict jours devant le passement, avecq affixion des billets es lieux les plus fameux et circonvoisins, et suffisante certification de justice, demeure et enseignemens vaillables et pertinens; et comme il y at des menues parties qui se renseignent par néant, que tous les ans elles soyent aussy publiées, ou bien quand les fermes se passent et qu'il en appère par les criées, et qu'icelles contienent certi-
fications que le recepveur aura bien et fidèlement faict ses debvoirs au passement des dictes fermes et marchandises pour nostre plus grand proffict, à peine de rencharge sur le dict recepveur.
Les dicts de nostre chambre des comptes poulront prendre pour leur audition de compte le salaire ancien et accoustumé, qui est à chascun douze patars par jour, selon les ordonances de nostre maison, pourveu qu'ils ne mettent davantage de journées qu'ils n'auront vacqué, n'est qu'ils y ayent besoigné oultre les heures cy devant ordonées, moiennant quoy seront tenus ouïr les comptes de la despence et escroix de la maison, des ouvrages et de tous aultres menus estats sans aulcuns salaires.
Voulons et ordonons très-expressément que chascun comptable ait à porter ces charges et décharges sans passer et allouer aulcunes parties de mises qui seront escheues hors du clos du compte, ains bien se poulront couscher sur les estats de l'année courante.
Quant aux vaccalions et journées de tous nos domesticques, lesquels seront à payer par nostre thrésorier général, ou, en son absence, par quelqu'un de nos secrétaires, ordonons estre passé et alloué es mises de leurs comptes les journées que leur avons ordoné cy après, pourveu que pour leurs journées et vaccations, et aussy pour leurs rations, ils seront tenus de bailler certification signée de nostre maistre d'hostel ou de celuy qui leur délivrera argent pour aller dehors, lequel tiendra note du jour de leur parte ment et de leur retour, et aussy en baillant par eulx quictance et faisant apparoir que de par nous ils ont esté comandés de faire les dicts voiages pour nostre service et non autrement.
Ordonons aussy que par touts les comptes de touts nos officiers comptables ne soyent passés et alloués nuls gaiges d'officiers, s'il n'appert des copies autenticques de leurs nouvelles comissions données de nous, et que par icelles leurs gaiges soyent expressément limités.
Ne passeront aussy nulles mises des fondations et œuvres pieuses, s'il n'appert des copies autenticques des lettres des fondations, et que les services et offices ont esté faicts et célébrés effectuelement, selon l'intention des fondateurs et bienfaicteurs.
Ne passeront aussy nulles rentes à raschapt s'il n'appert des copies autenticques des lettres de constitution et création d'icelles. Ne passeront aussy nulles rentes ny pentions viagers, s'il n'appert non seulement des dictes copies autenticques et des constitution et création d'icelles, ains aussy par bonnes attestations de la vie des personnes sur lesquelles icelles sont créées, et ce, au regardt des dictes copies pour une et la première fois tant seulement, et en après aultant de fois que mestier sera, quictance pertinente et attestation que les œuvres pieuses sont accomplies et que les dictes personnes viagères sont vivantes.
Qu'en la présence de ceulx de la dicte chambre, pour lors estant au dict lieu, seront vuidées touttes les difficultés mises en loquatur et les arrests et décisions des comptes et appoinctemens, d'aultant que pour l'audition de chascun compte bastera et suffira qu'un d'iceulx y procédera, moiennant que les difficultés qu'il y trouvera et s'y poulronl trouver auront à vuider en présence de ces confrères , et non autrement, laquelle doubte ou difficulté qu'ils poulroient trouver, en escriveront sur une feuille de papier la cause pour quoy laquelle avant la closture du dict compte sera déterminée au bureau de la dicte chambre de ceulx qui lors seront présens en la dicte ville, et s'ils sont de diverses opinions, sy sommes au dict lieu, ils nous le viendront représenter pour en avoir nostre résolution, ou sinon, nous l'envoieront par nostre messager ordinaire avecq leur advis, pour, suivant ce, en pouvoir déterminer; dont, en ayant receu nostre résolution et la dicte doubte estant résolue, celuy qui aura ouy le dict compte le clora et l'arrestera en présence du recepveur ou de son commis, ayant présenté iceluy compte et ayant passé ce qui sera de raison et dont il montrera bon et suffisant enseignement, ordonance et acquict et non aultremenl, et refusant et
MÉMOIRES DU DUC DE CROY. - 1606. m
royant tout ce dont il ne rendra les enseignemens à ce appertenanf , en la forme et manière que dict est.
Touttes et quantes fois que les officiers comptables, tant ordinaires qu'extraordinaires, viendront rendre leurs comptes, les dicls gens des comptes conteront et passeront à ceulx qui sont de noslre conseil n'estant défrayés, quatre florins parchascun jour; auxmaistresd'hostels, gouverneurs, escuiers, prévosts, baillys, drossarts et gentilshommes n'estant défrayés, trois florins par chascun jour, et estant défrayés, la despence de leurs chevaulx tant seulement; et à tous recepveurs, maieurs, greffiers, secrétaires et aultres semblables comptables, deux florins par chascun jour n'estant défrayés, et l'estant, ce qu'il fault pour leurs chevaulx ; aux despenciers, varlets de chambre, grènetiers, aux hussiers et aultres telles sortes de gens n'estant défrayés, chascun trente patars par jour, et estant défrayés, la despence de leurs chevaulx; aux lacquais, messagers et aultres de telle qualibre, pour le plus quinze patars, et moins s'ils peuvent, traictant meilleur marché avecq eulx. Et feront les dicts gens des comptes, leur devoir d'incontinent et en bonne diligence dépescher les dicts comptables, aûn de nous décharger des longues journées et vaccations, dont, touschant ce faict, enchargeons leur conscience.
Les susdicts comptes ouïs et arrestés, en fin d'iceulx seront escripls le nom et surnom de celuy ou ceulx qui l'aura ouy, ensemble les noms et surnoms de ceulx qui auront esté présens à la détermination et décision des difficultés trouvées es dicts comptes, et en cas qu'y soyons présent, de nous, par après et en nostre absence, signés par ceulx de la dicte chambre, pour le moins de ceulx estant présens, lesquelles signatures seront aussy vaillables à la décharge des compteurs que sy nous-mesme l'avions signé de nostre propre main.
Que nul de nostre dicte chambre des comptes qui, ayant père, frère, oncle, nepveu, cousin germain, ou estant en semblable degré d'affinité, officier et recepveur, comptable en la dicte chambre, ou ayant aultre
affaire en icelle, ne pou Ira estre présent à l'audition et closture de son compte, ny à la détermination et décision des difficultés trouvées en iceluy compte ou d'aultres affaires le concernant.
Sy en corrigeant et revisitant les dicts comptes , les dicts gens de nostre chambre trouvent aulcunes personnes qui ayent receu en prest aulcunes sommes de deniers pour messageries, ambassades, légations ou aultres besoignes dont ils seront tenus de compter, les dictes personnes seront incontinent et prestement mandées, et, à faulte de comparoir, contrainctes pour compter pour ce qu'ils ne sçauroient mieulx respondre que ne feront leurs hoirs.
Les corrections qui seront à faire de tous les comptes se feront par les gens de nos'dicts comptes, ainsy qu'iceulx adviseront par ensemble, pour y continuelement besoigner quand on aura l'audition des comptes, et ceulx que l'on trouvera demeurés chargés soyent incontinent exécutés par le thrésorier général, à qui l'on baillera les dictes charges et debtes par certifications, pour en respondre comme dict est cy devant.
Qu'en faisant les dictes corrections, tant en recepte qu'en despence, où il sera requis de les faire, soit escrit et déclaré par quel compte et par quel feuillet sera rendu en recepte et prinse en despeqce la dicte partie, afin que l'on puisse mieulx et plus promptement trouver les faultes, sy aulcunes y en at, de non avoir esté rendu ce que chascun comptable doibt et est tenu de rendre.
Que les dicts des comptes feront d'an en an les extraicts de tous comptables de thrésorie générale et aultres particuliers qui auront receu argent, dont ils seront comptables, du thrésorier général, pour les luy délibvrer, et un double gardé pour ceulx des dicts comptes pour estre veu par iceulx, sy le dict général tient en recepte de ces charges, et par le dict général, sy les particuliers les tiennent des leurs , pour, sy on vient à y trouver faulte, recouvrer les dictes sommes avecq les amendes sur les défaillans.
Et comme il est nécessaire et de coustume de prendre en la dicte
chambre des comptes de cbascun officier comptable» de quel estât, qualibreou condition qu'il soit, bonne et senre caution, absolute et sans nulle condition ou limitation, suivant la grandeur et valeur de son office, nous voulons que la dicte ordonance et coustume soit entretenue, et que, pour les officiers desjà pourveus de leurs estats, on ayt, en dedens le quaresme proschain à venir, et, pour lors, à lu rendition de leurs comptes, faire délibvrer à un chascun de ceulx ayant donné caution de leurs lettres de la dicte caution, et regarder sy icelles sont vaillables et suffisantes ou point, pour, suivant cela, leur faire augmenter icelles au contentement de ceulx de nostre dicte chambre des comptes ; et à ceulx qui n'en ont donné, leur en faire donner en la mesme forme et manière que dict est. Et, comme par la mort de feu nostre seigneur et père, touttes les vieilles comissions sont annullées et cassées, entendons qu'à nuls des dicts officiers seront délibvrées leurs nouvelles comissions, payés leurs gaiges ny iceulx receus à serment, que pour le dict temps cy dessus déclaré ils n'y satisfassent, et que pour tous ceulx qui n'y satisferont ou n'auront moien de le faire, seront dès lors, par ceulx de nos dicts comptes, démis de leurs estats et iceulx de nous impétrables, et, quant aux officiers des terres à nous succédées par feue nostre bonne dame et mère, et de ceulx que tenons de nostre compaigne et de tous aultres qui ont maniance de nos deniers, ayant desjà leurs comissions dépeschées de nous, entendons que, pour le dict temps, ils auront à satisfaire de mesme à ce que dessus, à peine de privation de leurs dicts estats, comme dict est; et regarderont ceulx de nos dicts comptes à faire satisfaire, au poinct de la lettre, au contenu de cet article, et supposé que nos lettres de comission ne fissent mention de la dicte caution, ce néantmoins la feront bailler ceulx de nos dicts comptes, comme est dict cy dessus, et seront les dictes obligations touttes mises et enfilées ensemble, comme il at esté et est de coustume, et soit de ce, faict mémoire au comencement du premier compte de chascun comptable, et ne seront point les dictes cautions et obligations
rendues, jusques à ce que les dicts comptables auront du tout vuidé de leurs comptes de tout le temps qu'ils auront esté en service et office, et qu'ils auront payé la reste de ce qu'ils debvront, enjoindant derechef à ceulx de nos dicts comptes de prendre sy bonne caution que nous n'y puissions avoir perte ny souffrir aulcun domaige ou intéresl; et pour ceste cause, ordonons quelque somme et tauxe limité à chascun des officiers, de combien et à quelle somme leurs cautionaires seront obligés et astrainds, et les dicts de nos comptes tenus de faire furnir aux susdictes cautions, et qu'il leur appère par deues attestations qu'icelles cautions seront solventes pour les dictes sommes, faisant le tout enregistrer en un registre à part en la dicte chambre,, et nous envoiant les obligations origineles pour estre gardées en nostre thrésorie et pour les advouer ou désadvouer, dont sera tenu aussy note sur le dict registre pour la décharge des dicts de nos comptes.
Entendons et enjoignons aussy aux dicts de nos comptes de prendre bon regardt sy les cautionaires des dicts comptables diminuoient notablement de leurs biens ou venoient de vie à trespas, pour, en ce cas, contraindre les dicts comptables à nouvelle caution, comme dict est.
Voulons et ordonons aussy que chascune fois que nos lieutenans et greffiers des Gefs de chascune de nos terres, commis à la recepte de nos droicts et reliefs pour touttes icelles, feront recepte d'aulcun relief de fief à nous escheu par le trespas des héritiers d'iceulx trespassés, il soit ordoné et enjoinct aux dicts héritiers relevant les dicts fiefs de, en dedens trois mois ensuivans, bailler leurs rapports et dénombremens et récépissés précédens pour sçavoir s'ils ne sont amplifiés ou augmentés, en jurisdiction ou aultrement, à nostre préjudice ou à la diminution de nos haulteurs et seignories, et iceulx ainsy veus et visités, s'ils les trouvent justes et raisonables, sera ordoné aux dicts lieutenans et greffiers des fiefs et aultres officiers, de bailler et dépescher aux parties lettres de récépissé ; et sy on y trouve de la difficulté, seront corrigées à la raison ou délibvrées à ceulx de nostre conseil, qui ce regarderont
pour mettre le débat en justice par devant les juges qu'il appertiendra cl en attendre le jugement de droiet.
Les dicts de nos comptes feront par ceulx de nostre conseil, advocats, procureurs et solliciteurs, soustenir poursuites et défendre les droicts, procès et actions qui touschent nostre domaine, haulteur et seignorie et authorité, en leur baillant et administrant touts filtres, mémoires et enseignemens à ce servant, tant de ceulx qui sont en nos thrésories de nos Chartres qu'en nostre dicte chambre des comptes ; touttes fois, nous entendons que nuls originaulx soyent transportés hors des mains des dicts des comptes ny de nos thrésories de nos Chartres, et que Ton produise seulement les copies autenticques collationées aux dicts originaulx, partie présente et appelée sy besoing est, afin que nos dicts ne soyent perdus ou diminués , selon que cy devant en avons aussy faict mention.
Défendons aux dicts des comptes de donner à ferme perpétuele ou arrenlement aulcune partie de nostre domaine , de laquelle on aura faict compte à nostre proffict de quelque valeur qu'elle soit ; mais quand quelqu'un présentera requeste pour avoir à ferme perpétuele ou en arrentement aulcunes parties des dicts domaines, les renvoieront à nous et parce qu'aulcuns recepveurs, et aussy les dicts de la chambre, sont accoustumés de donner en ferme perpétuele bruières , courts des rues et aultres parties, desquelles auparavant rien ne se comptoit à nostre proffict, les dicts des comptes auront soigneux regardt que, par tels arrentemens, nous ou aultres ne soyent intéressés sans consentir les donner en grande quantité, et quant avecq succession de temps telles parties pouvoient venir en valeur pour en compter à nostre proffict.
Quand nous escriverons à ceulx de la dicte chambre pour avoir advis sur requestes contendans d'avoir à ferme perpétuele aulcune partie de nostre domaine , les dicts des comptes s'en informeront ou s'en feront informer par tel officier qu'il appertiendra par bons et suffisans tesinoings, sans seulement s'arrester à ceulx que les poursuivans vouldront
produire, de la grandeur, valeur et estimation de la chose demandée, de l'intérest que nous ou aultruy, pour le présent ou pour le temps advenir, poulroit avoir en accordant ou refusant la dicte requeste, laquelle information ils joindront à leur advis par lequel ils nous advertiront sincèrement et ouvertement ce qu'il leur semblera raisonable pour nostre plus grand proffict suivant leur serment, et comme ils en vouldront respondre, sy par après Ton trouve nostre proffict n'y avoir esté gardé, sans eulx pouvoir excuser sur l'advis du dict recepveur ou officier particulier, ou que par après nous aurions, avecq l advis des dicts de nos comptes, le tout agréé, ratifié et confirmé.
Les dicts des comptes feront bailler au plus hault offrant touttes fermes muables à tels termes et telles conditions que pour nostre plus grand proffict ils adviseront convenable, sans accorder fermes muables par appoinctement, sy ce n'est par nostre expresse ordonance, et que touts baulx et fermes de nos recepveurs soyent évalués et donnés en monnoyede florins de vint patars pièce, pour se conformer aux comptes, lesquels nous avons de mesme révalués à semblable monnoye de florins.
Défendons aux dicts de nos comptes de faire quictances ou modérations aux fermiers de nos domaines sans nostre ordonance expresse, excepté d'un dixiesme des fermes, d'un quart des droicts seignoriaulx et semblables droicts, après qu'ils auront esté bien appaisés qu'il y at cause raisonable de ce faire, si comme par l'occasion de guerre, fouldre du ciel ou aultre tempeste ou cas fortuit, et pour une fois seulement durant chascune ferme.
Quant on passera les fermes au plus hault offrant, sy aulcuns des dicts comptes y sont présens ou bien les officiers commis pour passer icelles, ne recepvront aulcuns pour mettre la chose à pris, n'est qu'iceluy soit raisonable et excédant du moins les deux tiers de la valeur d'icelle ferme; et quant, en oyant les comptes, ils trouveront la chose estre mise au moindre pris que dict est, en feront respondre les susdicts officiers ausquels ils royeront tous les vins et émolumens qu'ils
souloient prendre, et les feront iceulx porter à nostre proffict, considéré que leurs avons donné gaiges ordinaires et suflisans , comme se voira par chascun règlement qu'avons ordoné à chascun officier de chascune de nos dictes terres.
Que touttes fermes qui se donnent au plus hault offrant, les dicts des comptes auront à y faire apposer une condition, assavoir que nuls des officiers, seigneurs, nobles, corps de ville ou aultres non qualifiés, pour déservir personelement les dictes fermes, ne puissent mettre à pris les parties qu'on veult donner en ferme, ny aussy estre receus pour cautionaires, à peine de nous en respondre s'ils en font aultrement, et les officiers le faisant aultrement, déportés de leurs estats.
Que les dicts des comptes auront regardt que tous officiers et recepveurs comptables en la dicte chambre tiennent leurs résidences es lieux de leurs offices et les exercent et déservent en personne, et s'ils en trouvent en faulte, nous en advertiront pour en estre faict à nostre bon plaisir, à peine d'estre privés de leurs estats, s'ils n'en ont pertinente exemption de nous.
Ordonons aussy que doresnavant les offices qui se baillent par admodiation se donneront pour trois, six ou nœuf ans, selon la qualité des fermes, afin que l'on puisse trouver gens de biens qui les veuillent accepter et qui gardent nos droicts et haulteurs mieulx qu'on at faict par le passé quand on les bailloit pour moins.
Que doresnavant nuls officiers de justice ou de recepte, déservant leurs offices par admodiation, ne poulront transporter leurs offices à aultres sans nostre congé, et s'ils vont de vie à trespas durant leur service, icelleescherra vacante à nostre disposition sans que leurs vefves ou hoirs y puissent prétendre aulcun droict.
Et comme nous voulons régler touts nos offices à certains gaiges ordinaires raisonables et honestes , entendons doresnavant que tous les vins qu'ils souloient prendre sur le passement de touttes fermes muables, venditions de bois et grains, et de tous aultres quelconques
qui souioient estre au proflîct des dicts recepveurs, soyent doresnavant continués de mesme et mis aux criées, mais iceulx portés au dernier chapitre de recepte à nostre proffict, comme aussy tous arbres, cordes de laignes, raspes et fagots qu'ils souioient prendre d'office, tant les gouverneurs , lieutenans , recepveurs , greffiers , sergeans et généralement tous aultres ausquels ordonerons en argent quelque chose en récompence des dicts émolumens, assavoir sur les bois, lesquels nous appertienent seuls en propriété, et où nos subjects n'ont pouvoir d'y aller querre le bois de leurs fouaiges et maisonages, et qu'iceulx soyent exprimés, nomément à chascune criée et passement, avecq certification n'en avoir esté conditioné d'aultres, et que nulles des dictes demeures ne soyent escriptes de la main des comptables, ains des greffiers et aultres, et qu'il n'y ait en icelles aulcun brouillement, rasure ou cause de soubçon, et que des dictes demeures et touttes aultres actes de justice en soit tenu registre signé autenticque es mains de nos greffiers, pour y avoir recours en temps et lieu, à peine de déport.
Entendons aussy que la vendition de la raspe de tous nos bois à nous apperlenans seul et où nos subjects ne prennent leurs fouaiges et bois de maisonages, soit publié pour le moins quinze jours devant la passer, avecq affixion de billets, comme est dict cy dessus, et que les* portions n'excèdent un bonnier au plus, sans plus vouloir qu'on ayt à les vendre par cordes, sy ce ne soit sur les bois où avons des comparchonniers, ou ceulx où nos subjecls ont le bois de leurs bruitages et bastimens.
Voulons que tous les marteaux de nos terres soyent rendus par nos officiers et rapportés en nostre chambre des comptes et que tous iceulx soyent rompus, n'en faisant qu'un nouveau qui servira généralement par touttes nos terres ; et, afin qu'on puisse marquer en mesme temps en divers lieux ainsy et aux jours et saisons qu'on at accoustumé de marquer en chascune terre, en seront faicts deux aultres semblables
sur le mesme model, lequel marteau, venant sur le bois, sera solemnelement mis es mains du principal officier du lieu par nostre dict commis, pour le mettre es mains d'un sergeant confident, auquel sera comandé sur son serment de ne marquer un seul arbre sans le comandement de nostre dict commis, et que tous ceulx que le dict commis ordonera d'estre marqués, le soyent sans aulcun contredict, et ce, par nombre de six arbres en chascune portion ou moiens, sy ainsy se trouve estre nostre plus grand proffict, lesquels arbres estant ainsy marqués, sy c'est la coustume de les vendre sur les bois au pied de l'arbre, les debvoirs s'en feront ainsy, et que l'on ayt accoustumé de les vendre quelques jours après aux villes, on le poulra aussy ainsy faire, le tout selon que nos dicls commis et officiers trouveront convenir pour nostre plus grand service et proffict, et non aultrement.
Et, quant à la vente des grains qui seront réservés en nature et sur nos greniers par touttes nos terres et seignories, défendons à tous nos recepveurs de procéder à la vente d'iceulx, s'il n'y at un de nos commis présent, lequel commis allant en quelques provinces pour passer fermes d'importance , marquer arbres ou faire aultres debvoirs , poulra d'un mesme chemin faire procéder en sa présence à la vente d'iceulx grains, sy la saison y est commode, et ce, depuis les Pasques jusques au premier jour du mois de juilliet, le tout ainsy comme se trouvera estre nostre plus grand proffict et service, et au plus hault offrant et dernier renchérissant à trois coups de baston et plus à la chandeille, sy ce n'est qu'il ayt ordonance de nous aultrement, contenant le contraire.
Et quant à ce qui peult touscher touttes fermes muables concernant les dictes terres et aultres n'excédant les cinq cents florins par chascun an, et qui se donne ordinairement pour trois ans, se donneront par l'officier au plus hault offrant et dernier renchérisseur, en présence des aultres gens de justice, à trois coups de baston et plus à la chandeille ardante; mais quant aux fermes qui se donneront pour six ou nœuf ans et excédant la dicte somme, entendons qu'icellcs ne se
poulront vendre que ce ne soit par nostre ordonance expresse, dont les officiers des lieux nous en advertiront en temps pour y ordoner là dessus nostre bon plaisir, et d'aultant que nous désirons et avons ordoné de faire esgaler touttes les eschéances des baulx à fermes pour pouvoir expirer touttes ensemble en un mesme jour, pour, par après, icelles estre passées par nostre dict commis, tant les petites que les grandes, et d'un mesme voiage, pour éviter multiplicité de passemens, et des frais qu'à cause de ce s'engendreroient.
Que touttes rentes en grains se recepvront en nature, et plus en argent, pour estre iceulx vendus avecq les aultres, ou bien ceulx qui ne seront ainsy receus en nature par la négligence des officiers, iceulx leur seront appréciés au mesme pris de la vente qui s'en fera, comme dict est cy dessus.
Quant aux ouvrages que faisons faire en divers lieux, que rien ne soit passé es comptes de qui que ce soit, s'il n'appert d'ordonance nostre et quictance des ouvriers avecq les marchés et devises, sy aulcuns en sont faicts, et qu'il appert des relivrances pour ceulx qui s'y trouveront submis par les dicts marchés, le tout en conformité des vint et deuxiesme et vint et troisiesme article, comme est dict cv devant.
Que les dicts des comptes, venant quelque ouvrage d'importance qui debvra estre faict ou accoustré en nos maisons, chasteaux, moulins, censés et aultres places de nostre domaine, feront premièrement visiter iceulx par maistres ouvriers à ce se cognoissant, qui leur feront rapport des ouvrages qui leur sembleront nécessaire ou convenable d'estre faicts pour, en temps et saisons propres, faire les marchés et préparations requises, et que les dicts des comptes feront faire les dicts marchés par bonnes devises et au moindre fraix qu'ils poulront, sans les faire taire par journées le moins qu'il leur sera possible, et, les susdicts ouvrages faicts, on les fera bien et detiement visiter avant leur payer et donner le dernier payement.
Que les dicts marchés, avecq les acquicts et ordonances y apperte-
nans et suffisans, soyent apportés et visités aux comptes devant les passer, sans que les recepveurs ou aullres officiers poulront d'eulxmesmes faire faire aulcuns ouvrages s'ils ne sont nécessaires, n'excédant la somme de dix florins, et ce, pour éviter plus grands fraix.
Que les dicts maistres ouvriers qui visiteront les dicts ouvrages ne poulront libvrer aulcuns matériaux à ceulx qui auront prins iceulx, ny avoir part, portion ou société avecq eulx, et prendront les dicts de la chambre bon regardt que les dicts maistres ouvriers et contrôleurs se règlent comme il convient et sans y commettre aulcune fraude.
Que tous les recours et passemens de touttes nos fermes et marchandises de nos domaines se passeront pardevant les magistrats et gens de loy des villes et villaiges ausquels les dicts passemens et recours se tiendront, et pardevant hommes de fief au pais et conté de Hainault, ausquels magistrats sera payé pour chascune journée vintcincq patars à prendre à la charge des marchans pour leur homage; et quant aux droicts des criées que les recepveurs souloient prendre sur chascune vente ou portion, n'entendons et ne voulons plus estre continué, ains les récompenserons par aultre voye, mais on passera touttes fermes et marchandises, tant en grains qu'en argent, à la charge des criées dixiesme ou vintiesme, ainsy que de coustume en cbascun lieu, duquel dixiesme ou vintiesme et criées le recepveur de chascun Heu sera comptable à nostre proffict, auquel, en récompense, ordonerons quelque salaire en argent, lequel leur sera passé sur ces comptes.
Défendons aussy de plus estre mis aulcuns vins au proffict de la table sur nos dictes fermes et marchandises ; mais, pour encourager les marchans à les faire valoir, avons or do né et ordonons que pour touttes censés, moulins et marchandises d'importance, la mise à pris se fera par lettres closes, et celuy qui aura le plus offert, aura un escu d'or ou six florins à son proffict selon l'importance de la marchandise; et par après, les renchères seront limitées de vint patars chascune plus ou moins selon l'importance de la dicte marchandise; et par après, les
renchères seront limitées comme dict est, dont le renchérisseur aura le tiers à son proffict à la charge de celuy à qui le marché demeurera, auquel la première année en sera rabatu la moitié des dictes hausses en diminution de son rendage, et les aultres années riens.
Nos dictes marchandises, comme est déclaré cy dessus, seront passées à trois coups de baston, lequel baston sera tenu et frappé par l'officier comptable qui debvra respondre des deniers ; touttes fois iceluy ne poulra frapper ny donner le coup de baston absolut du dict passement sans l'expresse ordonance du dict commis, à peine de la nullité de la dicte demeure, ou bien d'aultant qu'il y at plusieurs raisons pregnantes et aultres dignes de grande considération qui depuis sont survenues, nous entendons que ceulx de nostre conseil et chambre des comptes qui seront commis et envoies de nostre part pour procéder respectivement avecq les officiers de cbascune des dictes terres, tant des fermes, bois, arbres que grains, tiendront doresnavant eulx-mesmes le baston, et plus, les officiers et recepveurs, avecq l'advis néantmoîns desquels, doneront le dernier coup et arresteront le passement pour sçavoir sy la personne à qui elle demeure sera solvente et suffisante au payement d'icelles ordonances, et plus, faire comme du passé, à peine d'en respondre.
Touschant la duché de Groy, n'y aura qu'un bailly qui, quant et quant, aussy sera recepveur de la dicte terre et duché et domaine d'icelle et de ses appertenances et dépendances, lequel viendra ordinairement rendre les comptes au premier jour du mois d'octobre respectivement de chascune année, et donnera caution de la somme de mille florins.
Touschant la duché d'Arschot , avecq ses baronnies appertenantes et dépendantes, il n'y aura qu'un officier principal en tout, lequel sera lieutenant des fiefs de toutte la dicte duché entière, et quant et quant, sera aussy drossart de la dicte duché et des baronnies d'Arschot, Bierbecq, Rotselaer et Héverlé, et aussy grand veneur de la forest de
Merdael, et délivra tenir sa demeure ordinaire en nostre ville d'Arschot, et aura à donner caution pour sa dicte entremise de la somme de mille florins, et viendra aussy rendre ses comptes pour le premier d'octobre de cbascune année.
Pour l'entremise du domaine, tant de la baronnie d'Arschot que de celle de Rotselaer, dont les terroirs et confins des dictes deux baronnies tenant ensemble , estant aussy touttes deux séchiées par delà la rivière de la Dile, il n'y aura qu'un seul recepveur pour les susdictes deux baronnies, lequel donnera pour caution la somme de trois mille florins, et sera tenu de rendre ses comptes pour le premier du dict mois d'octobre comme dessus.
Pour l'entremise du domaine et recepte, tant de la baronnie de Bierbecq, forest de Merdael que de Héverlé, dont les terroirs et confins des susdictes deux baronnies tiennent ensemble, estant aussy touttes deux séchiées par deçà la rivière de la Dile, il n'y aura aussy qu'un recepveur, lequel donnera pour caution la somme de six mille florins, lequel aussy, quant et quant, aura la superintendence et maniance de tous les ouvrages que ferons faire ou seront faicts, tant en nos dictes baronnies de Bierbecq et Hèvre (Héverlé) et forest de Merdael, leurs appertenances et dépendances, et sera tenu de rendre ses comptes au premier jour de chascun mois d'octobre.
Pour l'administration tant de la maison gisant en la ville de Brusselles, chasteau, maison, jardinages, fontaines, héritages, viviers et aultres domaines et biens qu'avons gîsans alenthour de la ville de [
Brusselles et gisans au fausbourg de Saint-Joes-ten-Hoye, estant hors fj
de la porte de la dicte ville de Brusselles, allant vers la ville de [ ;
Louvain, desquels biens il y aura un recepveur à part, lequel, quant ;
> et quant, aussy aura l'administration, gouvernement et recepte de >
tous les ouvrages, lesquels se feront par tous les dicts lieux et places,
et aura quant et quant sa demeure et sera conchierge de nostre maison
à Brusselles, dont pour caution donnera la somme de mille florins ,
lequel sera aussy tenu d'estre solliciteur et prendre à sa charge touttes les affaires qu'aurons en court, tant envers les princes, consaulx, estais de guerre, privé, finances, chambre des comptes et aultres résidens en la ville de Brusselles, comme aussy tenu de tenir la main envers nos advocats et procureurs postulans tant en la chancelerie de Brabant qu'à la court féodale, aûn que touttes les causes et affaires qu'avons aux susdicts lieux soyent accélérés et dépeschés pour celles desquelles nous en poulrons tirer proffict, et pour les aultres causes pour lesquelles on nous demande et en poulrions à venir encourir du domage d'y obvier, les retarder et empescher iceluy aultant que faire se poulra, comme de raesme sera aussy tenu de faire les mesmes debvoirs envers nos advocats et procureurs qu'avons au grand conseil de Malines, comme le tout est cy dessus déclaré et à luy ordoné de faire envers nos advocats et procureurs du duché de Brabant, lequel sera tenu de touttes ses administrations susdictes d'en rendre bon compte et en faire ses rapports pour le premier jour du mois d'octobre de chascune année.
Pour l'entremise du domaine de la principaulté de Ghimay, terre et paierie, avecq laquelle terre et domaine on y rejoindra celuy des franches et souveraines terres de Fumay et Revin, pour lesquelles terres n'y aura qu'un officier principal , lequel sera gouverneur, bailly des fiefs, des bois et de la terre et des terres susdictes, lequel y debvra tenir sa résidence et lequel debvra donner de caution , pour ses entremises, la somme de mille florins, et viendra rendre ses comptes annuelement pour le dixiesme du mois d'octobre.
Plus , il y aura un recepveur particulier pour la recepte de tous les bois dépendans des susdictes terres de leurs appertenances et dépendances, lequel sera tenu de donner pour sa caution la somme de six mille florins, et lequel sera aussy tenu de mesme de rendre ses comptes pour le dict dixiesme du mois d'octobre.
Oultre ce, il y aura encore un aultre recepveur particulier pour la
' recepte de tout le surplus du domaine et terre de la dicte principaulté et des aultres susdictes terres, lequel sera aussy tenu de donner caution de la somme de six mille florins, et lequel sera aussy tenu de venir rendre ses comptes pour le susdict dixiesme d'octobre.
Pour l'entremise du domaine de la principaulté de Porcéan, il y aura un gouverneur bailly des fiefs, des bois et de l'aultre terre, lequel tiendra sa résidence au dict lieu, et lequel sera tenu de donner caution de la somme de mille florins et venir rendre ses comptes pour le vintiesme d'octobre.
Plus, il y aura aussy un recepveur de la dicte principaulté de Porcéan et du domaine d'icelle avecq touttes ses appertenances et dépendances, lequel y debvra tenir fixe résidence et sera tenu de donner pour caution la somme de quatre mille florins, comme aussy tous les ans de venir rendre ses comptes pour le vintiesme jour du mois d'octobre, comme dict est, et sy aura aussy le soing et direction de tous les affaires et S
procès qu'avons ou aurons, tant au parlement de Paris que par tout le roiaulme de France.
Pour l'entremise du marquisauté et domaine de Mon corne! , il y aura un gouverneur bailly des fiefs, des bois et de la dicte terre, lequel debvra avoir sa résidence au dict lieu et lequel sera tenu de donner caution de la somme de mille florins, et lequel sera aussy tenu de rendre ses comptes pour le vintiesme d'octobre comme dict est.
Plus, il y aura aussy un recepveur pour manier le domaine de la dicte marquisauté et baronnie de Harchies, lequel debvra tenir sa résidence au dict lieu, et sera tenu de donner caution de quatre mille florins, comme aussy de venir rendre tous les ans ses comptes le vintiesme d'octobre comme dict est.
Pour l'entremise et gouvernement du domaine tant de la conté de Beaumont, comme aussy celuy de la baronnie de Santzelles, il y aura un gouverneur, bailly des fiefs, comme aussy de la chastelenie, massarderie et forteresse du dict Beaumont, et sera tenu de donner caution
de la somme de mille florins et de venir rendre ses comptes tous les ans au premier jour du mois de novembre.
Plus, il y aura aussy un recepveur particulier pour la recepte de tous les bois dépendans de la dicte conté de Beaumont et terre de Santzelles, leurs appertenances et dépendances, lequel quant et quant sera aussy conchierge de nostre maison de Beaumont, et lequel sera tenu de donner caution de la somme de trois mille florins et de venir tous les ans rendre »ses comptes au premier du mois de novembre comme dict est.
Oultre ce, il y aura aussy un aultre recepveur particulier pour la recepte de tout le surplus du domaine, tant de la dicte conté de Beaumont que de la baronnie de Santzelles, leurs appertenances et dépendances, lequel sera tenu aussy de donner caution pour la somme de trois mille livres, comme aussy de rendre, tous les ans, ses comptes le premier de novembre.
Pour l'entremise de loutte la conté de Senegliem, de la baronnie de Lislers, des seignories de Saint- Venant, Malanoy, Quemes, Gaesbeke, Briesne (?), leurs appertenances et dépendances, comme aussy de tous les biens qu'avons gisans dedens les limites du pais et conté d'Arthois, il y aura un gouverneur, bailly des Gefs et des bois et de touttes les susdictes terres, lequel sera tenu de donner caution de la somme de mille florins et de venir rendre son compte tous les ans pour le dixiesme de novembre.
Plus, il y aura un recepveur pour touttes les susdictes terres avecq leurs appertenances et dépendances, comme aussy pour tous les biens qu'avons gisans au païs et conté d'Arthois, lequel sera tenu de tenir illec sa fixe résidence en nostre ville de Lislers, au chasteau de Malanoy, lequel poulra mettre un commis en dessoubs luy pour l'ayder à pourveoir tant mieulx aussy exercer la recepte de la conté de Seneghem, de ses appertenances et dépendances, lequel sera tenu de donner caution pour la somme de six mille florins, comme aussy de tous les
ans de venir rendre ses comptes le dixiesme du mois de novembre, comme aussy sera tenu de prendre à sa charge et de tenir la main envers tous nos advocats et procureurs résidens tant en Arras, Saint- Omer, et postulans aussy au conseil provincial du pais et conté d'Àrthois, afin que touttes les causes et affaires que nous avons pendans pardevant ceulx du conseil, villes et aultres sièges subalternes, soyenl accélérés et dépeschés pour celles desquelles nous en poulrons tirer proffict, et pour les aultres causes par lesquelles on nous demande et en pourions tirer du domage d'y obvier, les retarder et empescher iceluy aultant que faire se poulra.
Quant au domaine et revenu de la visconté de Nieuport, pour estre iceluy fort peu ou quasi nul, iceluy sera remis et rejoinct avecq la recepte de la baronnie de fièvres. *
Quant au domaine et revenu de la visconté de Grandreng, pour estre contigu et voisin et comme dépendant de celuy de la conté de Beaumont, iceluy sera aussy rejoinct et remis avecq la recepte de la dicte conté de Beaumont.
Pour l'entremise et gouvernement tant de la baronnie, terre et pais de Bèvres, des biens qu'avons gisans tant allenthour de la ville d'Axelles qu'aux quatre mestiers de Flandres et pour tous les aultres qu'avons au susdîct pais et conté, il y aura un grand bailly tant des bois, des fiefs que des susdictes terres, leurs appertenances et dépendances, lequel sera tenu de donner pour caution la somme de mille florins, de venir rendre ses comptes au vintiesme jour du mois de novembre, et de tenir au dict Bèvres fixe résidence.
Plus, il y aura aussy un recepveur pour touttes les susdictes terres, leurs appertenances et dépendances, lequel aura sa résidence au chasteau de Bèvres, et, quant et quant, sera aussy conchierge d'iceluy; lequel sera tenu de donner caution pour la somme de trois mille florins, et de venir rendre ses comptes tous les ans pour le vintiesme de novembre, comme aussy sera tenu de prendre à sa charge et de tenir la main
MÉMOIRES DfT DUC DE CROY. 23
i78 MÉMOIRES DIT DUC DE CROY. - 1606.
envers nos advocats et procureurs résidens en la ville de Gand et postulans au conseil provincial de Flandres et du dict pals et conté, afin que touttes les causes et affaires que nous avons pendans par devant ceulx tant du dict conseil que des aultres villes et sièges subalternes du dict pals, pour celles desquelles nous en poulrions tirer du
proffict, de les accélérer et advancer, et pour les aultres causes à l'occasion desquelles nous poulrions venir à en avoir du domaige, d'y obvier, les retarder et empescher aultant que faire se poulra.
Pour l'entremise et gouvernement tant de la baronnie , terre et seignorie de Comines, de la baronnie, terre et seignorie de Halevin, des villaiges et seignories de Roncq, Lauwe (?), Wartembecq, Poultrain, Wevelgem et Morsele, comme aussy de tous les aultres biens qu'avons, tant gisans en la chastelenie de Lisle que de tous les aultres provenans des maisons de Halevin et Comines, il y aura un grand bailly, tant des fiefs que des terres susdictes et de touttes leurs appertenances et dépendances, lequel debvra tenir fixe résidence aux dicts lieux et sera tenu de donner caution pour la somme de mille florins, et aussy de venir tous les ans rendre ses comptes pour le vinliesme de novembre.
Plus, y aura aussy un recepveur pour touttes les susdictes terres, leurs appertenances et dépendances, lequel aura sa résidence en nostre chasteau de Comines, et il sera illec nostre conchierge, et lequel sera tenu de donner caution de la somme de six mille florins, et aussy de venir rendre ses comptes tous les ans, le vintiesme jour du mois de novembre, comme dict est.
Comme aussy sera tenu de prendre à sa charge et de tenir la main envers nos advocats et procureurs résidens en la ville et chastelenie de Lisle et y postulans, afin que touttes les causes et affaires que nous avons pendans pardevant iceulx , pour celles desquelles nous en poulrions tirer du proffict, qu'icelles soyent accélérées et advancées, et pour les aultres à l'occasion desquelles nous poulrions venir à en recépvoir
du domaige, d'y obvier et les retarder et empescher aultant que faire se poulra.
Pour l'entremise et gouvernement des baronnies, terres et seignories de Quiévraing, Wallers, Blaton, Quevaucamp, Wadelencourt, Grandglise, Feignies et Naast, avecq touttes leurs appertenances et dépendances, lequel debvra tenir fixe résidence au dict Quiévraing, de laquelle terre et de touttes les susdictes déclarées, il y aura un prévost et bailly des fiefs, des bois et des dictes terres, de leurs appertenances et dépendances, et sera tenu de donner, pour sa caution, la somme de mille florins, et de venir tous les ans rendre ses comptes au premier jour du mois de décembre.
Plus, il y aura un recepveur particulier pour la recepte de tous les bois dépendans de touttes les terres susdictes, leurs appertenances et dépendances, lequel debvra tenir sa résidence en nostre maison de Wallers, sera tenu de donner caution pour la somme de quatre mille florins, et de venir tous les ans rendre ses comptes au premier de décembre, comme dict est.
Oultre, il y aura encore un aultre recepveur particulier pour la recepte de tout le surplus du domaine de touttes les terres et seignories susdictes et de touttes leurs appertenances et dépendances, lequel aura sa demeure au chasteau de Quiévraing, et illec sera aussy, quant et quant, conchierge, et sy sera tenu de donner pour sa caution la somme de quatre mille florins et de venir aussy tous les ans rendre ses comptes au premier jour du mois de décembre susdict.
Pour l'entremise et gouvernement des baronnies, terres, seignories et paieries d'Avesnes, Estroeng, la Cauchie, Esclèbes, Neufville, Croix et Fontaine-au-Bois, avecq touttes leurs appertenances et dépendances, il y aura un grand bailly des fiefs , des bois , et prévost de touttes les terres susdictes et de tout ce qui dépend d'icelles, lequel aura pour sa demeure et se debvra tenir en la ville d'Avesnes; il sera tenu de donner caution pour la somme de mille florins et de venir
rendre ses comptes tous les ans pour le dixiesme de décembre.
Plus, il y aura un recepveur particulier pour la recepte de tous les bois dépendans de touttes les susdictes terres et de leurs apperlenances et dépendances, lequel aura sa demeure au chasteau d'Esdèbes, duquel, quant et quant, il sera conchierge; et sera tenu de donner pour caution la somme de six mille florins, et de venir tous les ans rendre ses comptes au dixiesme de décembre comme dict est.
Oultre ce, il y aura aussy un recepveur particulier pour la recepte de tout le surplus du domaine de touttes les terres et seignories susdictes et de touttes leurs appertenances et dépendances, lequel sera tenu de donner pour sa caution la somme de six mille florins, et de venir tous les ans rendre ses comptes au susdict dixiesme jour de décembre.
Tous les recepveurs de touttes les terres qu'avons situées au pais et conté de Hainault, et chascun d'iceulx en son particulier, et suivant, chascun d'iceulx, que leurs offices, charges et entremises s'extendent, seront chascun d'iceulx tenus de prendre à leur charge et de tenir la bonne main envers nos advocats et procureurs, résidens tant en la ville de Mons que postulans tant à la haulte court et audience, comme aussy pardevant les aultres villes et juges subalternes du pals et conté de Hainault, afin que touttes les causes et affaires que nous avons pendans pardevant iceulx, pour celles desquelles nous en poulrions tirer quelque proffict, qu'icelles soyent accélérées et advancées, et pour les aultres à l'occasion desquelles nous poulrions venir à en avoir du domaige, d'y obvier, les retarder et empescher aultant que faire se poulra.
Pour avoir les gaiges, traictemens, salaires et émolumens, tant pour estre chevalier de l'ordre, du conseil d'estat, capitaine d'une compaignie d'ordonance de cinquante hommes d'armes, lieutenant gouverneur, capitaine général et grand bailly du pais et conté de Hainault, que des aultres charges, tant générales que particulières, lesquelles avons eues et poulrons encore avoir, iceulx gaiges et traictemens, salaires et émolumens, se payent parle recepveur général des finances, thrésorier général
des guerres, recepveur générai du domaine du pais et conté de Hainault, recepveur des aydes des estats du dict pais, le premier clercq du bailliage, le clercq tenant le compte, le clercq féodal et le clercq de la compaignie d'hommes d'armes, avecq lesquels conviendra de traicter, et leur donner jour à ces fins tant pour en recepvoir les payemens, que pour en faire avoir les décomptes requis, et ouïr les comptes d'iceulx estant comptables pour le premier jour du mois de décembre de chascun an.
Le thrésorier général aura tousjours à tenir ses comptes prests pour les rendre, les faire clore et arrester pour le premier jour du mois de janvier de chascune année, revisitant diligemment tous les estats, lesquels iceluy aura à rendre par chascun mois de Tannée précédente, louschant toutte son entremise, hors de tous lesquels il aura à former son compte général de toutte icelle année à l'audition duquel on aura à entendre touts les ans durant le susdict mois de janvier, lequel pour sa caution sera tenu de donner la somme de dix mille florins, monnoye d'Arthois.
Quant aux comptes des maistres d'hostels, secrétaires, varlets de chambre, despencier et de tous les aultres domesticques , on aura à procéder à l'audition de leurs comptes, tous les mois à la fin d'iceulx, sans laisser esjamber l'un compte sur l'aultre, dont ceulx ayant la maniance, tant des ouvraiges, menus plaisirs et touttes aultres choses extraordinaires, seront tenus de donner trois mille florins de caution, et le despencier mille.
Quant à l'aschapt du parchemin , papier , encre, cyre, plumes et cordeaux, nous voulons que sy longtemps que serons pourveu du gouvernement et grand bailliage du pais et conté de Hainault, que le tout soit prins de l'office du dict gouvernement comme de mesme et de tout temps en at esté usé de mesme par les gouverneurs. Mais n'estant plus pourveu du dict gouvernement, qu'alors à ce que dessus y soit furni aux despens de nostre particulier, le plus mesnagèremenl néantmoins que faire se poulra, dont le payement de ces parties sus-
dictes s'en auront à faire touts les mois par nostre thrésorier général.
Les greffiers et secrétaires poulront prendre pour un appoinctement sur requeste six patars, et pour la grosse deux patars.
Pour lettres de pardon, pour la dépesche deux florins dix patars, pour le scel deux florins dix patars, pour la grosse un florin, et, s'il y en at plusieurs, le double; pour un simple pardon, pour la dépesche un florin cincq patars, pour le scel un florin dix patars, pour la grosse dix patars, et, s'il y en at plusieurs, le double.
Pour une lettre sur requeste, pour la dépesche un florin cincq patars, pour le scel quinze patars, et pour la grosse cincq patars.
Pour une commission de gouverneur, bailly, prévost, drossart, escoutette et recepveur et semblables offices, pour la dépesche six florins, pour la dépesche du scel trois florins, et pour la grosse une livre, et, s'il y en at plusieurs, le double.
Pour une lettre de rémission d'homicide, de rappel de ban perpétuel, pour la dépesche six florins, pour le scel quatre florins dix patars, et pour la grosse un florin dix patars, et, s'il y at plusieurs supplians, chascun aura à en payer sa part, mesme s'il y at deux ou trois hommes tués, chascun suppliant aura pour aultant de divers droicts.
Pour une chartre de légitimation, franche foire, marché hebdomadal, commission et confirmation de privilèges pour pais, villes et bourgaiges, pour la dépesche douze florins, pour le scel nœuf florins, et pour la grosse trois florins.
Pour collations de prébendes, chanesies, pour la dépesche deux florins dix patars, pour le scel six florins, et pour la grosse un florin.
Pour la collation de chapelles, vicariats, personats et cousteries, pour la dépesche deux florins cincq patars, pour le scel trois florins, et pour la grosse quinze patars.
Pour la permutation des curés, pour la dépesche deux florins dix patars, pour le scel quatre florins, et pour la grosse quinze patars.
Pour la dépesche d'un acte de commission, soit par provision ou
aaltrement, de petites receptes, greffes et aultres semblables offices de semblable importance ou moindre, pour la dépesche trois florins, pour le scel trois florins, et pour la grosse un florin.
Pour le penningeldt de l'audition de tous les comptes d'importance à la charge des officiers comptables, excédant la valeur de six mille florins par an, six florins, pour .ceulx de cincq mille florins, cincq florins, pour ceulx de quatre mille florins, quatre florins, pour ceulx de trois mille florins, trois florins, pour ceulx de deux mille florins, deux florins, pour ceulx de mille florins, un florin, et pour ceulx de cincq cents florins et endessoubs, dix patars.
Les susdictes gens tant du conseil que des comptes, superintendant des affaires, président, conseilliez thrésorier général, maistre des comptes, auditeurs, greffiers et controlleurs, secrétaires, hussier et messager de la dicte chambre qui auront voix en icelle, comme cy devant est dict, seront tenus de jurer , d'observer léalement et de tout leur pouvoir, ces présentes ordonances en touts leurs poincts et articles, sans aucunement les enfraindre ou permettre qu'icelles soyent enfraintes en quelque sorte et manière que ce soit.
« Je N., dénomé en ceste commission, jure et promets par ceste et par mon serment solemnelement que je seray toutte ma vie fidel, léal et obéissant serviteur à monseigneur le ducq de Croy et d'Arschot, comme aussy d'exercer et déservir bien et léalement et deuement les estais de N., dont Son Excellence at esté servie de m'honnorer et pourveoir, et ne traicteray jamais par malice ou aultre voye indirecte aultre chose au préjudice et déservice d'iceluy, ains regarderay d'accomplir en tout et par tout, avecq les aultres de la susdicte chambre, les poincts portés en l'érection et institution d'icelle, en conformité de ma susdicte commission. Àinsy m'ayde Dieu et tous ses saincts. »
Le dict superintendant et président, tant de nos affaires que de nostre chambre des comptes, sera aussy tousjours, quant et quant, le premier de uostre conseil et garde de noz sceaulx, aux gaiges de cincq cents
florins de vint patars pièce par chascun an, avecq les profficts et émolumens cy dessus déclarés par ceste présente institution, mangeant à nostre table et estant auprès de nostre personne en nostre maison défroyé luy, deux serviteurs et deux chevaulx.
La deuxiesme personne de la dicte chambre du conseil et des comptes sera, après le dict superintendant de nos affaires et président déclaré cy dessus, le second de nostre conseil, premier maistre de nos comptes el nostre thrésorier général, aux gaiges et traictemens de cincq cents florins par an ; iceluy mangera et s'assira à nostre table, et sera aussy défroyé de la personne d*un serviteur et deux chevaulx.
Là troisiesme personne de la dicte chambre, après les susdictes deux personnes cy dessus dénomés, sera deuxiesme maistre des comptes de nostre dicte chambre, aux gaiges de trois cents florins par an ; iceluy aussy, estant en nostre maison, sera défroyé, mangeant avecq nostre maistre d'hostel, avecq un serviteur et un cheval.
La quatriesme personne de la dicte chambre des comptes, après les susdicts, sera l'auditeur et controlleur, aux gaiges de deux cents florins par chascune année; mangera à la table de nostre maistre d'hostel, sera aussy sa personne défroyée en nostre maison avecq un serviteur et un cheval.
La cincquiesme et dernière personne de la dicte chambre sera le greffier et secrétaire, aux gaiges de cent florins par chascune année; sa personne sera aussy défroyée en nostre maison , mangera aussy à la table de nostre maistre d'hostel, aura aussy les droicts et émolumens de greffier et secrétaire ordoné cy devant au capittre des salaires de ceste présente institution; iceluy sera aussy défroyé en nostre maison avecq un serviteur et un cheval.
Touttes lesquelles susdictes personnes nous voulons qu'à ladvenir et après nostre mort, iceulx seront pourveus des estais susdicts à l'exclusion de touts aultres, continuant iceulx à servir fidèlement et comme il convient, et selon nostre volunté déclarée tant par nostre
testament, que ceste présente institution, ayant à monter de degré en degré, et qu'iceulx soyent tousjours préférés à tous huîtres aux provisions des estats cy dessus déclarés touschant nostre dicte chambre du conseil et des comptes.
Pour servir à ceulx de la dicte chambre, il v aura un hussier et messager, lequel aura pour gaiges ordinaires cinquante florins par chascun an, et vint patars par jour allant dehors, et estant défroyé soit en nostre maison ou aultrement, tant par nous que par aultre, et desquels il sera envoie en voiages avecq luy par nous, dont alors il se debvra contenter de ses gaiges annuels à luy ordonés cy dessus.
Qui font tous les poincts et articles, lesquels nous avons icy escript de nostre main, afin qu'iceulx ayent à tousjours demeurer à nos successeurs en perpétuele mémoire de nous, comme instituteur de la dicte chambre du conseil et des comptes, et ce, pour nostre postérité à laquelle nous comandons et enjoignons très-expressément, comme aussy de mesrae à touts nos officiers, tant de nos terres domeslicques qu*aultres, que de tous nos subjects et aultres estant dessoubs nostre obéissance, aultant qu'à chascun d'eulx touscher luy peult, que touttes icelles ordonances et tout le contenu en ces présentes ils ayent à tenir, garder et observer inviolablement ; et à tousjours et à tous les susdicts de nostre conseil et de nostre chambre des comptes et à tous aultres ausquels le contenu de ceste présente institution poulra touscher, tant officiers de nos terres, domesticques qu'aultres, que premièrement, iceulx ayent à faire signifier à tous nos officiers et recepveurs à qui ce regardera ou à qui il touschera, quant aux poincts et articles qui leur poulront concerner et poulront touscher leurs offices ou entremises, afin que par eulx ny par aulcun d'eulx ne soit faict ou exécuté chose au contraire, ou par eulx estre prétendu cause d'ignorance, faisant le tout enregistrer en la dicte chambre de nostre conseil et des comptes, comme est de coustume de faire, sans aulcun contredict ou empeschement, à peine que ceulx qui ne le feront et viendront à y contrevenir,
mémoires on nrc DU CROY. 24
seront déportés de leurs estats et offices, et sy nos héritiers, testamenteurs, curateurs et exécuteurs de nostre testament ne le faisoient ainsv punctuelement observer de la privation entière contenue par nostre testament, car tel est nostre plaisir et dernière volunté, en vertu de quoy nous avons signé ceste de nostre nom.
Faict, ordoné, conclud el arresté, advoué et signé par nous, en nostre ville et conté de Beau mont, le vint-cincquiesrae jour du mois de febvrier de Tannée 1606.
Charles, sire et ducq de Croy et d'Arschot.
Instruction générale selon laquelle nous entendons que tous oeulx tant de nostre conseil que chambre des comptes auront à se régler } pour dresser les reglemens et ordonanoes générales qu'avons ordoné et oomandé de mettre de nostre vivant ou d'estre mises après nostre mort, par touttes nos terres en pratieque et exécution.
Nous Charles, sire et premier ducq de Croy et quatriesme d'Arschot, etc. 9 voulons et ordonons à touts ceulx qui à ce seront députés et commis de nostre part de nostre vivant, comme aussy de mesmes à toute ceulx lesquels après nostre mort seront députés et commis de nos testamenteurs, curateurs et exécuteurs, de dresser une description la plus ample et particulière qu'il sera possible et rédiger, le tout par escript sur un quoyer de papier escript à demy paige plié par le milieu, afin qu'en marge il y ait moien d'annoter tout ce que nous trouverons bon et convenable, de tout ce entièrement en quoy consistent touttes nos terres et seignories pour conserver à la mémoire de la postérité touttes les choses les plus remarquables pour la garde du droict, tant des biens d'esglise et fundations pieuses que de nos droicts, haulteurs et prééminences, et aussy des choses qui touschent à la communaulté de chascun
lieu, soit ville, bourgaige, vilkiiges ou hameaux, ce que debvra estre déclaré fidèlement et voluntairement, comme aussy véritablement, tant par les esclésiasticques, officiers, magistrats et des aultres plus anciens et notables des dicts lieux , lesquels en sçauront mieulx à parler et en auront meilleure cognoissance , afin que le tout estant deuement faict, vérifié, signé et approuvé, soit le tout rapporté en nostre thrésorie et illec conservé et gardé à tousjours pour y pouvoir avoir recours en cas de besoing, et aussy pour éviter qu'après une guerre, mortalité ou dépopulation, plusieurs choses ne soyent enfraintes et mises eu perpétuele oubliance.
Premièrement doncq, convient en chascun lieu spécifier la qualité de la place et de la terre, sy c'est une ville fermée ou un bourg fermé, fortifié ou ouvert, ou bien sy c'est un villaige à closchier, un secours ou hameau à nous appertenant ou dépendant tant de nos duchés , principautés, marquisautés, contés, viscontés, baronnies, paieries, terres et seignories, tant haultaines, moiennes que basses, avecq quelle justice et en quel lieu ou province icelles sont assises ou dépendans.
Secondement, tiendront bien particulièrement note de l'antiquité, quant et comment et par quelle alliance, succession ou donation, aschapt ou aultrement icelles sont parvenues à la très-illustre maison de Croy, de quels tiltres icelles sont érigées, honorées et décorées, avecq les plus remarquables et honnorables authorités, prérogatives et prééminences qu'il y at par touttes les dictes terres, le tout bien particulièrement et spécificquement, afin que le tout puisse estre bien particulièrement annoté et descript.
Spécifieront bien particulièrement touttes les particuliarités des solemnités et cérémonies observées à nostre joieuse entrée, lors qu'avons prins possession des dictes terres, depuis qu'icelles nous sont succédées et escheues par le décès de feu de glorieuse mémoire monseigneur le ducq d'Arschot, nostre bon père, sçavoir, à quelle heure, jour, mois et an la dicte joyeuse entrée s'est faicte, et en quelle sorte et
manière y avons esté le bien venu et bonnorablement receu de tous nos subjects; sy iceulx sont venus au devant de nous en armes, le magistrat, le clergé, avecq croix et confanons; sy iceulx nous ont conduict à l'esglise, chanté le Te Deum laudamus, décoré l'esglise, les rues et la maison où ils nous ont donné le banquect ; quels dons et présens les subjects nous ont faicts à nostre dicte joyeuse entrée; combien de temps iceulx nous ont défroyés ; avecq touttes les aultres semblables circonstances et particuliarités ; sy aux villes et chasteaux on nous at présenté les clefs; quelles harengues nous ont esté faictes par le clergé, le magistrat ou aultre, soit en latin, françois ou flameng; quelle responce nous leur avons donnés et en quelle langue. Si iceulx nous ont preste quelque serment, et nous réciprocquement à eulx, pour le maintiens ment des collèges, des cbanoisnes ou aultrement; en quels mots, sorte et manière, le tout s'est passé; avecq quelle allégresse et démonstration de joye faicte et démonstrée par le peuple, soit par cris et exclamations publicques, sonneries et bastelages de closches, de tambours, fifres, trompettes, haultbois ou violons; sy où il y at artillerie on l'at déchargée, comme de mesmes les harquebouses à crocque; sy, estant le peuple en armes, iceulx ont faict quelques salves d f harquebousades, avecq leurs enseignes desployées; en quel nombre; et touttes semblables particuliarités, sans y rien obmectre, comme aussy quels seigneurs, prélats, gentilshommes et principaulx personnaiges y ont assisté de leur présence.
Regarderont de faire spécifier et énarrer touttes les parties de nostre domaine, tant de la recepte ordinaire que du gouvernement, bailliage des terres, des fiefs, des bois, de la cbastelenie, maerie, massarderie, fortresse, et de touts les aultres droicts dépendans de nostre domaine et nous appertenans.
Premièrement, s'il y at maison d'hostel, chasteau, tour ou demeure pour le seigneur, comme elle est bastie, de quelle estoffe, en quel lieu, ruminent et de quoy icelle est couverte, s'il y at du plomb, combien
de plans il y at, de sales, antichambres, chambres, garderobes, haultes et basses, galleries, pasles, cuisine, bouteilleries, caves, offices, greniers, escueries, bassecourt, granges, estables, donjon, pont-levis, forliGcations, garnisons, jardins, fossés, portes, coulombiers, conchiergerie et tout ce qui en dépend, le tout le plus particulièrement que faire se poulra.
Quels meubles il y at en icelles places à nous appertenans, et de quelle sorte et estoffe; de quelle grandeur et comprendement sont les dictes maisons, hostel ou chasteau, avecq les héritages en dépendans. Sy l'officier ou le conchierge en at la jouissance; s'il y at chapelle castrale fondée de quelques biens par nos prédécesseurs, d'en faire la mesme description, tant du bastiment, ornement, nom, eage, qualité et demeure du recteur ou chapelain qui est pourveu de la dicte chapelle que de touttes aultres circonstances et particuliarités et dépendances.
Combien de messes on y doibt par sepmaine, à quel jour et heure, sy icelles sont dictes ou poinct, sans y rien obmectre, et sy nous sommes collateur d'icelle ou poinct. S'il n'y at poinct de maison d'hostel ou chasteau entier à nous appertenant. S'il n'y at nulles vieilles ruines, marques de vieilles maisons ou chasteaux démolis à nous appertenans, et s'il y reste des matériaulx desquels on en poulroit faire proffict, de quelle grandeur est leur comprendement, de telles places, donjon, bassecourt, singles, fossés, jardins, pastures, prairies, terres laborables, vignobles et aultres choses en dépendantes, sçavoir, sy en chascun lieu tout le comprendement est en masse en général , qui en jouist et profficte, avecq touttes les aultres particuliarités qui en dépendent.
Combien de rentes fonsières et seignoriales nous appartienent, tant en argent, à quelle monnoye et à quoy le tout revient par chascun an, à quel terme, jour du payement, icelles escheuent.
Sçavoir de mesmes les rentes fonsières en chappons, pouilles, oisons, pigeons, sy touttes les susdictes espèces sont deues en nature ou par priserie.
Sçavoir le mesme des renies fonsières deues en cyre, espices, œufs, huiles et de tout aultres telles sortes d'espèces, sy icelles sont aussy deues en nature ou par priserie.
Sçavoir le mesme des rentes fonsières deues en froment, soille, espeaultre, a veine, à quelle mesure et sy icelles sont deues en nature ou par priserie.
Sçavoir quelles fermes muables et droicts en icelle nous appertienent et en quoy cbascune d'icelles consistent.
Sy comme la ferme des attelages et hayonages.
Le mesme de celles des mesurages des grains.
Le mesme du droict de poix et ballance.
Le mesme des droicts des revenderies communes.
Le mesme des droicts des tonlieux par touttes denrées et marchandises.
Le mesme du droict des esvarts des pourceaux.
Le mesme du droict de la trouvée des mouches à miel.
Le mesme touscbant les droicts des maltotes, afforages de vin et de bière.
Le mesme touschant le droict du berlen.
Le mesme touschant le droict des estaulx des bouschiers.
Le mesme touschant le droict du tripot et jeu de paulme.
Le mesme touschant le droict winaiges.
Le mesme touschant les droicts des tonlieux , tant par eau que par terre.
Le mesme touschant le droict des mesuraiges de bois et aultres sortes de marchandises.
Le mesme touschant le droict des chaussées.
Le mesme touschant le droict des chastelains et mayeries.
Le mesme touschant le droict des carrières de pierres, mines de fer, ardoizes ou d'aultres espèces.
Le mesme touschant le droict du chypiage et tourage, et générale-
ment de lous tels ou aultres semblables droicts qui nous appertienent, en quoy iceulx droicts consistent en touttes leurs circonstances et particuliarités, sans y rien obmectre.
Sçavoir de mesme quels droicts de bourgeoisies, soignies ou pourfoings nous appertienent en argent par chascun bourgeois, manant et habitant, à quel jour et terme le tout bien particulièrement; comme de mesmes on fera pour les bourgeoisies ou pourfoings qui nous sont aussy deues, tant en chappons, pouilles, froment, espeaultre, soille, aveine, comme de mesmes en touttes telles sortes d'espèces desquelles icelles seront deues.
Sçavoir sy on compte deux vefves pour un bourgeois, sy les maieurs, eschevins, sergeans en sont exempts ou poinct, et s'ils ont lettre d'icelle exemption, ou bien sy elle est soubs nostre bon plaisir et jusques à nostre rappel.
Sçavoir s'il y at des corvées de chevaux et de bras d'hommes ou de femmes en mars ou en aoust à fauscher et fener les fôings, waiens et semblables corvées, le tout bien particulièrement; et sçavoir s'il y at des bourgeoisies sur les charues, bestes chevalines, bœufs et aultres bestes brayantes, sçavoir sy on compte deux bœufs pour un cheval, combien ils doibvent, à quel jour, sy c'est en argent, en grains ou en quelques aultres espèces, le tout le plus particulièrement et spécifiquement que faire se poulra.
Sçavoir s'il y at des terres espillées, mises à labeur, qui se donnent en ferme sans estre comprinses aux voiages ordinaires des censés, d'en faire note; combien de pièces, combien icelles contienent, ou elles sont situées; sy elles sont bonnes ou mauvaises, encloses de hayes vifvesou mortes ou de fossés, s'il y at du bois croissant, ballots et touttes les aultres particuliarités.
Sçavoir quels dismes et terraiges doibvent touttes les terres labourables et prairies, à qui et combien, le tout bien particulièrement.
Sçavoir s'il y at des jardins, pastures ou herbaiges non comprinses
avecq les censés, d'en faire aussy la description des situations, haboulls, grandeurs, clostures, bois croissant, arbres à fruicts, jardins de cuisine et touttes aultres semblables particuliarités, sçavoir qui en jouist, soit en ferme ou pour émolument d'office.
Sçavoir aussy s'il y at des prés non comprins avecq les censés, d'en faire aussy de mesme la description des situations, grandeurs, haboults, noms et touttes particuliarités, s'ils sont à fœur ou à waien, ou bien s'ils sont communs incontinent après la Sainct Jehan ou la Sainct Pierre, quant la première despouille est emportée; sy les dicts prés sont flottis ou poinct, s'ils sont enclos de rivières, de fossés ou de hayes, s'il y at des ballots ou aultres bois croissant dessus, s'ils sont subjects à inondations, s'il seroit besoing de les amender de fosseries, et de touttes aultres semblables particuliarités.
Sçavoir s'il y at des censés à nous appertenantes, une ou plusieurs, comment on les nomme, où elles sont assises, quels édifices il y at, de maisons, granges, estables, portes, coulombier, fournil, brasserie et tous aultres semblables édifices et bastimens, de quelle estoffe ou matière ils sont faicts, de quoy ils sont couverts, combien de chambres et quelle commodité il y at, de quelle grandeur et comprendement, sy les édifices sont joindans ensemble, et sy la court est close et fermée de murailles, fossés et de hayes,' et de touttes aultres particuliarités et circonstances.
Sçavoir s'il y at des jardins despendant des dictes censés, combien ils sont grands, comment on les nomme, s'il y at des arbres à fruicts, combien et de quelle espèce, s'il y at d'aultres bois croissant , hayes vifves, clostures de fossés, murailles, palissades ou mortes hayes, et touttes semblables particuliarités.
Sçavoir s'il y at des sengles, pastures, aneaux, bosqueteaux, prairies et touttes aultres semblables, d'en faire la mesme et particulière description, comme il est dict cy dessus.
Sçavoir combien de terres il y at à la première roye, en combien de
pièces, en quelle cousture, comment icelles se nomment, combien elles contienent, sy elles sont encloses de fossés ou de hayes vifves, s'il y at du bois croissant, ballots à teste, et touttes aultres semblables particuliarités.
Sçavoir faire et exécuter le mesme touscbant la seconde roye.
Sçavoir faire et exécuter le mesme touscbant la troisiesme roye.
Sçavoir sy les susdictes terres sont bien et deuement labourées, assemencées et fumées comme les terres voisines, et selon que les fermiers sont tenus et obligés de faire par leurs baulx à ferme.
Sçavoir combien de charues il y at en chascune des dictes censés.
Sçavoir combien de bestes chevalines et poulins qu'il y at.
Sçavoir combien de bestes à cornes, tant vasches à laict que de balles, il y at.
Sçavoir combien de moutons et aultres blanches bestes il y at.
Sçavoir sy le fermier paye quelque chose, oultre le gros de son rendaige, à qui, combien, quant et comment et pourquoy.
Sçavoir sy telles censés sont molestées des soldats, de quelles cornpaignies, garnisons et aultrement, afin d'y pouvoir estre par nous remédié.
Sçavoir sy les édifices sont bien entretenus, s'ils sont bons ou entiers, ou bien vieulx et caduques, et touttes aultres semblables parliculiarités sans y rien obmettre.
Sçavoir s'il y at des moulins à eau ou à vent, quels édifices il y al, de quelle estoffe, comment, de quoy ils sont couverts, combien de places et de comodités il y at, sur quelle rivière ils sont assis, s'il y at divers tournans à mouldre froment, soile, escourre, espeaultre qu'on appelle escoussière, ou bien pour mouldre les brais des brasseurs.
S'il y at des tournans à huile , à escorche, à fouler draps, à scyer bois, à nettoyer armes, à faire pouldre de canon et à tous aultres semblables usaiges, et sy nos armoiries sont au pignon ou au devant d'iceulx moulins.
Sçavoir sy les susdicts moulins sont banaux ou point, et s'ils ont tousjours de l'eau assés, sy les roues sont à pots, sy le hault de l'eau est bon, et semblables particuliarités,
Sçavoir s'il y at des estables et aultres édiGces pour la comodité et demeure du mosnier.
Sçavoir sy le mosnier jouist de quelque jardin, pastures, prés ou terres labourables comprinses en la ferme, d'en faire la mesme description, comme des aultres cy devant.
Sy le fermier paye quelque rente ou aullre chose à nostre décharge au pardessus de son rendaige, à qui, quant et combien, pourquoy, et touttes aultres sortes de particuliarités.
Sçavoir s'il y at un biés avecq un clier pour prendre anguilles et poissons, et s'il y at des grandes ventilleries, avecq les aultres particuliarités.
Sçavoir s'il y at des viviers, combien ils sont grands, s'ils sont plains d'eau, bien entretenus ou remplis de boussins à nattières, ou réduicts en relais ou prairies ou terres labourables, ou sy les estangs, buses, ventailles et semblables choses sont bien entretenus.
Sçavoir s'il y at des pescheries à nous appertenantes, sur quelles rivières elles sont situées, combien icelles sont larges, combien de longueur s'extend leur jurisdiction, sy elles portent basteaux ou point, quelles authorités et préminences nous y avons, en quoy les dictes pescheries consistent, quelles sortes de poissons on y prendt.
Sçavoir sy en icelles il y at droict de portenaige pour, avecq pontons et barques, mettre touttes choses oultre la rivière, et touttes aultres semblables particuliarités.
Sçavoir s'il y at droict de troncqs ou de chesnes pour y arrester les basteaux, et touttes semblables circonstances.
Sçavoir s'il y at des ruisseaux à escrevisses, truittes et semblables poissons.
Sçavoir s'il y at des pescheries aux fossés du chasteau et de la ville
ou de la censé réservées par nous : brief, ne riens obmetire de tout ce qui concerne les eaues et pescheries.
Sçavoir s'il y at des bois, comment ils se nomment, combien de parties ils font, combien ils contienent, combien il y at de tailles, comment on les nomme, quelle raspe il y croist, de quelle espèce de bois, à quel eage on les couppe, combien de bonniers on y couppe tous les ans, combien ordinairement vault chascun bonnier, combien de cordes de laigne procèdent de chascun bonnier, de quelle gauge, grandeur sont les dictes cordes, comme de mesme les fascheaux, combien de fagots peuvent procéder de chascun bonnier, de quelle gauge, grosseur et longueur, combien de chesnes il y at à peu près sur chascun bonnier, de quelle grosseur, valeur et importance ils sont, ou bien s'il y at des faulx et aultrcs blancqs bois de haulte fustaye, et combien de monstres on at accoustumé de vendre tous les ans.
Sçavoir en quel temps et en quelle saison on at accoustumé vendre la dicte raspe, en quel temps on la couppe, à quel jour de payement, en quelle monnoye on paye, combien les portions sont grandes, les raies des sergeans sont longues et larges, combien de fasseaux et fagots il en provient.
Sçavoir en quel lieu se faict la vente et les particuliarités qu'on y observe.
Sçavoir s'il y at des blancqs bois et fouraiges et s'ils appertienent a l'officier principal pour émolument d'office.
Sçavoir s'il y at paisson glandée pour la nourriture des pourceaux, sy elle adresse souvent, sy icelle vault beaucoup, combien de porcqs l'on y peult mettre et combien qu'on paye pour chascune place, et sy les marchans ont accoustumé d'abbatre un beau chesne pour sçavoir sy la paisson est adressée ou poinct, sçavoir qui profficte du dict chesne et sy les dicts fermiers peuvent faire parcq et enfermer leurs porcqs de nuict sur les dicts bois.
Sçavoir s'il y at pesnaiges et herbaiges au dict bois pour pesnager et
herbager les bestes & cornes et chevalines, et combien qu'on paye de chascune besle.
Sçavoir sy les subjects ont quelque privilège ou aisance sur les dicts bois, en quoy iceulx privilèges consistent, et d'iceulx en prendre copie autenticque.
Sçavoir de mesme à quel jour, saison ou mois on at accouslumé à marquer les chesnes, sy on les vendt au pied de l'arbre le mesme jour qu'on les marque ou bien après estre marqués, sy on faict publier le jour préfix de la vente à quelque certain compétent jour ensuivant, en quelle ville, bourgaige ou villaige ou en quel lieu on faict la dicte vente, à quel jour de payement et à quelle monnoye, et touttes les particularités qu'on y observe, et s'il reste à trois coups de baston ou à l'extinction de la cbandeille.
Sçavoir combien de bestiaux les officiers, censiers ou fermiers de moulins, maieurs et sergeans forestiers et aultres ont accoustumé de mettre sur les dicts bois, sur quelles tailles, de quel eage, et touttes aultres semblables particuliarités, sans y rien obmettre, négliger ou oublier.
Sçavoir sy les dicts bois sont voisins à d'aultres bois, s'ils sont bornés et limités de pierres ou de marques bastantes, ou clos de rivières, de fossés, de hayes, de ponts, planches, barrières et touttes aultres semblables particuliarités.
Sçavoir s'il y at un hermitaige, comment il est basti, quels édifices, chapellette et touttes ses particuliarités, sy il y at hermitte ou point.
S'il n'y at nuls prés, viviers et estangs dedens les susdicts bois.
Sçavoir sy les susdicts bois nous appertienent seul ou bien sy quelqu'un d'aultre y at part, combien, à qui et comment.
Sçavoir sy nous avons par touttes les susdictes terres haulte justice, moienne ou basse.
Sçavoir s'il y at quelques rivières, ruisseaux, filets et courans d'eau, fontaines, et aultres semblables particuliarités.
Sçavoir s'il y at des forges à forger fer, affinoirs, fonderie et marteau, en quel Heu icelles sont, à qui icelles appartienent, quel édifice il y at, fortifications, garnisons et aultres semblables particuliarités, sans y rîen obmettre.
Sçavoir s'il y at des faudres cendrières, sy on y besoigne de touttes sortes de marchandises de bois, sy comme latteaux , touttes sortes de bois, de sente et de soyerie, platteaux de bois, escuelles, paillots et semblables utensiles.
Sçavoir s'il y at des grangs chemins réaulx passans au travers ou parmy les dicts bois vers où iceulx conduisent, et touttes aultres choses remarquables, le plus particulièrement que foire se poulra.
Sçavoir s'il y at abondance de venoison, cerfs, sangliers, chievreux, lièvres, lapins, pouilles, faisans, cocqs de bruières, grues, grottes, beccasses, hairons, oisons sauvages, canars, perdrix, aires d'oiseaux de proye, sy comme autours, espriviers, tiercelets et touttes aultres sortes de bestes sauvages de chasse, tenderie et vollerie.
Sçavoir s'il y at des franches garennes privilégiées.
Sçavoir s'il y at bracconier, trompe, chiens de chasse, filets, harnais et tout l'esquipaige qui convient pour la chasse du gros et des bestes rousses et noires, et touttes semblables circonstances.
Sçavoir s'il y at des abbayes voisines, censés et aultres maisons ansquelles on at accoustumé de nourrir les chiens de chasse pour nostre service quand il nous plaist prendre le plaisir de la dicte chasse.
Sçavoir sy par toutte la dicte terre il n'y at nulles aultres garennes ny lapins, et s'il n'y at belle chasse au lièvre et à la perdriserie sur les terres labourables, campaignes et aultres endroicts, et sy telle chasse est baillée à ferme, sy l'officier en jouist ou sy le seigneur la retient à soy.
Sçavoir sy en la dicte terre il y at droict de bastards, confiscations, aubain, mortemains ou meilleurs catels, biens espaves trouvés et abandonnés dont on ne cognoist le propriétaire, et lesquels nous
doibvent appertenir, comme aussy de faire de mesme touschanl le faict des amendes, comme par cy après sera plus amplement déclaré.
Sçavoir aussy sy en la dicte terre il y at plusieurs fiefs qui s'en relièvent et quels droicts de reliefs et droicts seignoriaulx qu'ils en payent, tant sur les fiefs que sur les terres, cottières et censueles, sy c'est le cincquiesme, dixiesme, quatorziesme, ou combien et comment, et sy le relief est pareil à la rente , ou bien sy on paye double rente, ou bien de trois années Tune, qu'on appelle relief à mercy : le tout bien amplement et le plus particulièrement que faire se poulra.
Sçavoir aussy s'il y at droict d'entrée ou d'issue, combien et comment tout se doibt practiquer et entendre.
Sçavoir sy on ne faict nulles ventes par contracts personnels au préjudice de nos droicts, sans avoir prins la saisine et investure réelle en la court et par devant les hommes tenant de nous.
Sçavoir sy le greffier tient registre des dicts contrats, et touttes semblables particuliarités concernant les dicts droicts seignoriaulx et relief.
Sçavoir sy les justices de chascune des dictes terres ne doibvent leurs certifications contenant qu'ils ne sçavent aultre chose que ce qui est spécifié en la dicte déclaration et besoigné et signé de leurs mains.
Touts lesquels debvoirs et particuliarités se doibvent rédiger par ordre, sans les mettre pesle-mesle ny confusément , et premièrement, de sçavoir sy le seigneur n'at nuls aultres droicts, biens, revenus, tiltres, authorités, préminences, haulteurs, souverainetés et aultres choses semblables qui luy poulront compéter et appertenir, dont cy dessus n'est faict aulcune mention, pour le tout eslre déclaré fidèlement et par ordre, et le tout estr^ rédigé par escript.
Par après conviendra faire description de la ville ou bourgaige, en quelle sorte ou manière elle est, sy elle est fermée de muraille en forme ronde, quarré ou triangle ou aultrement, combien à peu près icelles conlienent de bonniers ou de mesures entre les murailles, s'il y at des
bollvercqs ou point, comment iceulx se nomment, de quelle sorte iceulx sont bastis, combien de tours il y at allenthour des dictes murailles , comment icelles se nomment, sy icelles sont de bricques, de pierres de taille ou d'aultre espèce de murailles, sy icelles sont couvertes de tieulles ou d'ardoises et s'il y demeure quelqu'un.
Combien de portes il y at en la dicte ville, comment icelles se nomment, comment icelles sont basties, combien de ponts levis, griels, cbesnes de fer, portes, tapeculs, corps de garde et aultres édifices, quelles tours il y at aux dictes portes avecq leurs particuliarités, sy elles sont rondes ou quarrées, sy elles sont couvertes ou point, sy les murailles sont haultes, hors de péril d'escalade, leurs parapets de murailles ou de gazons, s'il y at des bresches, palissades, casemates et choses semblables.
Et s'il y at bon rampart de terre, de quelle largeur et haulteur, s'il est environné de fossés plains d'eau ou sans eau, de quelle largeur et profundeur, s'il y at contrescarpes de murailles ou de bois avecq tenues d'eau, ou ventailles ou aultres semblables conduicts d'eau, ou bien sy la ville est assise en un fond, en une plaine ou sur une montaigne, rosche ou semblable chose, et sy icelle est unie ou pendante, si icelle est comandée de quelque montaigne ou aultre semblable circonstance, combien de corps de garde il y at sur les ramparts, comment iceulx sont édifiés et bastis et combien de haubettes y at pour les sentinelles, combien de pièces d'artillerie de bronze, de quelle espèce, mortiers, pettars et pièces de fer, chambres, harquebouzes à crocq, picques, armes, pouldres, balles, mesches et touttes aultres choses semblables, munitions de guerre, en quel lieu icelles sont mises, qui en at la charge et touttes semblables particuliarités , siîi f at garnison et combien de soldats et qui est leur commandeur, combien de bourgeois y at portant armes, s'il y at capitaine de bourgeois, sergeans-majors et aultres chiefs de la garde, combien d'hommes il y at de jour et de nuict de garde, et combien de jours chascun bourgeois est en garde selon leur tour, corn-
bien de sentinelles on pose de nuict allenthour de la ville, combien de rondes on laid, et toultes telles choses semblables. En combien d'escadres ils sont répartis pour estre tout allenthour des ramparts, comme aussy au corps de garde dedens la ville, et sy chascun sçait son rendezvous, pour éviter désordre et confusion en cas d'allarme ; s'il y at un guet de jour et de nuict sur le belfroy, tour ou closchier, pour sonner la closche en cas d'allarme, et le toxin de jour, avecq una banderole, pour montrer ceulx qui y arrivent tant à cheval qu'à pied ; sy on ouvre et ferme les portes avecq tambours sonnans et avecq hallebardes de garde ordinaire pour accompaîgner les clefs et les porter et rapporter, et sy le gouverneur at seul les dictes clefs en sa possession, ou bien sy le magistrat y at quelque authorité.
Sçavoir s'il yatuneesglise collégiale ou paroschiale, une ou plusieurs; de quels matériaux la dicte esglise est bastie, soit de bricques, pierres blanches ou noires, taillées ou non taillées, sy icelle est couverte de tieulles ou d'ardoizes ou de plomb, sy le closchier est de pierre.ou de bois, couvert d'ardoizes, s'il y at une flesche au dict closchier ou poincl, avecq la beaulté et magnificence d'icelles esglises, combien declosches il y at au dict closchier et s'il y at du battelaige des dictes closches pour sonner touttes sortes de himnes et chansons; s'il y at une horloge sonnant les heures, demy heures et quart d'heures avecq une belle montre et quadrant par dehors pour montrer l'heure; deschiffrant et spécifiant touttes les particularités de la susdicte esglise.
S'il y at une belle et rischc table d'autel au grand autel du chœur, environnée de clostures de cuivre ou aultres, s'il y at un grand chandelier de cuivre et un estaplau de cuivre pour chanter l'Évangile.
S'il y at un rische et magnificque doxal, comment faict et en quelle sorte, de quelle matière, et touttes aultres semblables partîculiarités , comme aussy de mesme s'il y at un rische et honnorable repositoire du Sainct Sacrement, comment et de quelle estoffe et en quelle sorte il est basti, comme aussy s'il y at des belles fourmes, un beau reves-
20â MÉMOIRES DU DUC DE CROY. - HiOtt.
taire, des carolles allenlhour du chœur, oratoire pour le seigneur et dame.
S'il y at une croisée et sy le closchier est au milan de la dicte croisée ou bien à l'entrée de la nef, s'il y at un beau crucifix avecq les images de la Vierge Marie et de sainct Jehan, sy l'esglise est vaussée et eslevée sur pilliers et aullrement, s'il y at deux chapelles aux deux costés du chœur et comment icelles se nomment, combien y at d'autels en toutte l'esglise et s'ils sont enfermés ou poinct, et à l'honneur de quel sainct et saincte; s'ils sont honnorablemenl et rischement décorés et ornés de magnificques tables d'autels, d'images ou aullres ornemens ; s'il y at des orgues et un organiste, s'il y at des belles et magnificques voirières avecq les armoiries de nos prédécesseurs ou d'aullres armoiries remarquables ou effigies de seigneurs et dames ; s'il y at des fonts de baptesme, comment ils sont couverts ou de cuivre ou d'aultre chose, en quel lieu iceulx sont enclos ou poinct, sy la cementière est parmy l'esglise ou bien à part en quelque aultre lieu, s'il y at des sépultures honnorables, anticques et de marques de nos prédécesseurs ou d'aultres, ce qu'il y at escript allenlhour d'icelles sépultures, sur pierres ou sur cuivre, sy icelles sont eslevées, en quel lieu icelles sont, de quelle forme et en quelle manière, ou bien sy le cœur et entrailles de quelques seigneurs ou dames y sont enterrés, et aultres semblables particuliarités, comme de mesme de tout ce qu'il y al en la cementière.
Sçavoir aussy quel sainct ou saincte est patron et patronesse de la dicte esglise et de quel diocèse est la paroisse, sçavoir à quel jour et mois se solemnise la dédicace, procession et semblable solemnité.
Sçavoir s'il n'y at qu'un pasteur ou bien s'il y en at deux, comment le dict pasteur se nomme, s'il est prestre religieux ou séculier, quel évesque, seigneur ou prélat est collateur de la dicte cure. S'il y at doyen , prévost ou semblable dignité esclésiastique et qui confère la dicte dignité, sy c'est le pape, le roy, l'évesque, prélat ou le seigneur temporel, sçavoir l'eage et qualité des dicts prévost, doyen et cha-
noisnes, sçavoir s'il y at un chapitre et collège d'iceulx, combien de prébendes plaines ou demies, combien de chanoisnes, leurs noms, eages, qualités et lieux de leurs résidences.
Sçavoir sy nous sommes fundateur de la dicte esglise, chanesies et si nous conférons absolutement les susdictes chanesies et bénéfices, ou bien s'il y at seulement la présentation au droict alternatif allencontre de Sa Saincteté ou Majesté ou de l'évesque, le tout bien particulièrement.
Sçavoir aussy combien de chapelains et gens d'esglise et habitués il y at et combien de prestres, et sy l'on faict l'office en musique, et sçavoir sy l'on chante matines, vespres et touttes les aultres heures du jour et à quel usage, s'il y at touts les jours grande messe, à quelle heure, et sy tous les jours on y célèbre beaucoup de messes, et s'il y at une messe du jour fondée et à quelle heure, s'il y at belle dévotion du peuple, adonné à servir Dieu, et s'il y at des confréries de dévotion, sy comme du vénérable Sainct Sacrement et aultres semblables, déclarant particulièrement et par le menu les choses les plus remarquables des dictes confréries et à quoy les confrères sont tenus» quelles solemnités iceulx font à l'esglise, s'ils sont accoustrés d'une mesme couleur, s'ils portent quelque marque ou enseigne allant à la procession et touttes semblables circonstances; bailler par inventoire tous les meubles, joiaulx d'or et d'argent et tous les ornemens de la dicte esglise appertenans à la paroische ou aux chanoisnes et chapitre pour estre mis en nostre thrésorie, pour y avoir recours et éviter qu'on n'y commecte larcin et sacrilège, ou que par les suittes de la guerre iceulx soyent diminués ou perdus et les papiers bruslés ou diminués de mesmes.
Sçavoir quel patrimoine, biens et revenus appertienent ù la dicte esglise paroschiale en fonds d'héritaige, rentes, dismes et aultres choses asseurées, oultre les aulmosnes, pourchas et bienfaicts des gens de bien, en quoy iceulx consistent, en quel lieu, ce qu'ils vaillent par an, en
quelle espèce d'argent, plumes ou grains en nature, et sçavoir aussy sy tous les ans on commect un ou deux margliseurs et mambours de la dicte esglise, et combien de ministres des platelets, qui les commect, à qui iceulx prestent le serment, pardevant qui iceulx rendent leurs comptes, sy nostre officier principal y est, comme leur supérieur, pour y garder le droict de la dicte esglise, en qualité du seigneur fondateur d'icelle.
Sçavoir à qui appertienent les dismes et terraiges, en quoy ils consistent et ce qu'ils vaillent par chascun an.
Sçavoir aussy qui est tenu d'entretenir la grosse closche, le chœur et aultres parties de l'esglise, furnir ornemens et choses semblables, donner portion canonique au pasteur en respect de la jouissance des dictes dismes ou aultrement en quelle manière que ce soit ou puisse estre, et sy les subjects sont tenus de mener les dismes et terraiges en la grange du fermier, et touttes aultres semblables particuliarités.
Sçavoir sy les autels et chapelles avant dictes sont fondées de quelque patrimoine, en quoy iceluy consiste, ce qu'il vault par an, qui en jouist, s'il y at des chapelains ou recteurs qui le possessent.
Sçavoir aussy qui est collateur des dictes chapelles, sy c'est nous ou quelque aultre, le tout bien particulièrement.
Sçavoir aussy en quoy consiste la doyenne, prévosté ou dignité , esclésiastique avant dicte et ce qu'icelle vault par an, comme aussy de mesme en quoy consiste chascune prébende et chanesie pleine ou deniy, ce qu'icelles vaillent par an, sy icelles sont submises à résidence pédale, ou sy les absens jouissent des fruicts aultant que les présens, à quoy les dicts esclésiastiques et bénéfices sont subjects, combien de messes par sepmaine, et touttes semblables particuliarités.
Sçavoir s'il y at maisons chanoniales privilégiées, s'ils ont cave au vin, et sy on peult boire iceluy sans maltote et cellier du chapitre, sy les dicts chanoisnes ont justice et seignorie, s'ils ont officiers, baillys, sergeans et gens de justice, haulte, moyenne et basse.
Sçavoir en quels lieux et sur quoy la dicte seignorie s'extend, s'ils
ont massier portant une niasse d'argent, sy iceulx ont des enfans de choeur, de quelle couleur iceulx sont veslus, rouge, verdt ou autrement.
Sçavoir s'il y at un maistre de chantres et bonne musique, sy nostre officier principal est appelle et présent aux comptes du dict chapitre, et sy iceulx ne sont tenus de quelque recognoissance vers nous comme seigneur fundateur, pour le moins quand nous y sommes en personne oyant la messe, nous portant l'eau béniste, baillant à baiser le livre du Saint Évangile, donner à baiser la paix et sur la fin de la messe donner à baiser le corporal, avecq derechef donnant l'eau béniste, nous faisant le plus d'honneur qu'il» poulront en la dicte qualité du seigneur fundaleur, nous faisant mettre tappis, careaux et ce qui en dépendt.
Sy l'officier principal y est aussy respecté et pour le moins s'il vat le premier a l'offrande et à la procession, représentant la personne de son maistre, et en préférence des aultres gentilshommes vassaulx; s'il y at un siège en l'esglise pour le seigneur et, en son absence, pour son dict officier, dedens le chœur et au lieu le plus honnorable, et sy, quand on porte le vénérable Sainct Sacrement en la procession , tous les magistrats et tous les dîcts confrères y assistent en toutte révérence, comme il convient, et avecq torses et flambeaux ardans en grand nombre, et sy on faict porter le pasle au dessus le dict vénérable Sainct Sacrement par les gentilshommes et plus notables, comme il convient.
Sçavoir s'il y at quelque cloistre ou couvent de religieux ou de religieuses et de quel ordre, sy tel couvent est dedens ou dehors la ville, comment iceluy est basti , combien il y at d'édifices, s'ils sont couverts de tieulles ou d'ardoizes, s'il y at esglise ou chapelle, closches, ornemens, autels, fundations, orgues, et touttes aultres particuliarités, comme cy dessus est déclaré touschant l'esglise paroschiale, combien de religieux ou religieuses il y at, quels biens ou revenus ils ont, en quoy iceulx consistent, ce qu'ils vaillent par an, quels procureurs et recepveurs l'on y commecl, pardevant qui ils rendent leurs comptes,
quels jardinaiges etcomodités il y at, et touttes semblables circonstances et particularités tout ainsy par le menu, comme il est cy devant dict touschant le collège des chanoisnes.
Sçavoir s'il y at une esçole fondée de quelques biens et revenus, s'il y at quelques bastimens et édifices en la dicte escole, s'il y at chapelle en icelle, comment iceulx édifices sont faicts, combien de chambres, places et comodités il y at, quels ornemens at la dicte chapelle, quels biens et revenus, qui en jouist, ce qu'ils vaillent par an et en quoy iceulx consistent.
Sy la dicte chapelle est à la collation du seigneur, s'il y at un bon maistre en l'escole, sy on y enseigne la langue latine à la jeunesse, et touttes semblables particuliarités.
S'il y at un hospital édifié, de maison, chapelle et aultres édifices fondé de quelques biens et revenus, en quoy iceulx biens consistent, ce qu'ils vaillent par an, en quoy on l'emploie, quels ministres, recepveurs et administrateurs l'on commect au gouvernement des dicts biens, pardevant qui iceulx comptes se rendent, et touttes semblables particuliarités cy devant dictes.
S'il y at une maladrie édifiée et bastie comme dessus pour les lépreux, en faire la mesme description en touttes ses particuliarités, sans y riens obmettre.
S'il y at une table des pauvres ou du Sainct-Esprit édifiée et fondée des biens au proflict des pauvres, en sera faicte la mesme description en touttes ces circonstances, comme il est déclaré cy dessus.
Sçavoir aussy sy les biens des dictes fundations pieuses sont deuement administrés et employés selon les intentions des fondateurs, et sy les terres, prés, grains et aultres semblables biens d'esglise et des dictes fundations sont passés au plus offrant, sans que quelque officier ou aultre personne d'authorité en fasse son proflict particulier au détriment du publicq, pour y mettre l'ordre qu'il convient, tant à faire valoir les dicts biens que à les mesnager et emploier en choses méritoires, sans
permettre nulles mengeries, buveries ou ivroigneries sur les dicls biens, par qui ny pour quelle cause que ce soit.
Sçavoir aussy sy on est diligent de faire rendre les comptes tous les ans et purger le relicat par ceulx qui les doibvent, sans faveur, suport ny connivence allendroit de personne.
Sçavoir quelles comodités on donne tous les ans aux prédicateurs stationaires, aux advens et caresme, et quels prédicateurs et de quel couvent et ordre iceulx sont accoustumés d'y estre receus, chascun à leur tour, et de ce qui en dépendt, et comment on procède à l'élection, acceptation ou refus de tel prédicateur se présentant.
Sçavoir s'il y at fundation de femmes vefves ou de béguignaige édiGé de maisons et demeures, quelles comodités et quels biens icelles ont, et touttes semblables particuliarités comme dessus.
S'il y at quelque fundation d'abbaye, en sera faicte aussy une particulière description, comme il est dict cy dessus, des chanoisnes et couvens des religieux ou religieuses.
S'il y at quelques fundations d'obits ou aultres choses semblables fundées par nos prédécesseurs, en sera aussy faicte particulière description.
S'il y at quelque chapelle sur la cementière ou aultre lieu dehors ou dedens la ville, bourgaige, villaige ou hameau, en quel lieu que ce soit, en sera faicte la mesme description, comment icelles sont basties, quels ornemens il y at, quelles messes on y dict ou poinct, quels biens ou revenus il y at, en quoy iceulx consistent, ce qu'ils vaillent par an, qui en jouist, à quelles charges, et sy le seigneur en est collateur ou poinct, et touttes semblables circonstances.
S'il y at des croix de pierre , de bois ou bien quelques repositoirs d'images sur la dicte cementière, sy comme le Jardin d'Olivet et aultres semblables représentations, images, Dieu de pitié ou Ecce homo ou aultres semblables, on en fera notte, comme de mesme s'il y en avoit sur les rues et chemins dedens ou dehors la ville, ou s'il y at quelque
fameuse dévotion ou pèlcrinaige, à l'honneur de quel sainct ou saincte.
Sçavoir en la dicte ville, bourgaige, villaige ou hameau combien de rues îlyat, comment icelles se nomment, combien elles sont larges et longues, sy elles sont privées de chaussée ou poinct, en tout ou en partie.
Sçavoir combien de maisons, mesnaiges et feus il y at en tout, tant petites que grandes, pauvres que risches, sans y rien excepter, sy icelles sont joindantes les unes des aullres, comme aux grandes villes, sy icelles sont basties de pierres, bricques ou bois, couvertes de tieulles ou d'ardoizes.
S'il y at des boulicques de touttes sortes de marchandises.
S'il y at maison de ville pour accomoder le magistrat et la justice , quels édifices et bastimens il y at, combien de chambres et comodités, de quelle estoffe sont les dicts édifices, de quoy iceulx sont couverts, s'il y at belles voirières, armoiries et conchiergerie en la dicte maison, s'il y at bretecque pour publier tous les placcarts du prince et aultres comandemens et ordonnances publicques du seigneur et des particuliers exploicts de la justice.
Sçavoir s'il y at une closche pour assembler le peuple, édifices de halle au bledt et aultres grains, comment et en quelle sorte icelle est bastie, s'il y at édifices pour la bouscherie, avecq leurs partîculiarités et circonstances comme dessus.
S'il y at maison et édifice pour le poix de la ville ou quelque aultre bastiment servant au publicq.
S'il y at place grande et spatieuse pour le marché, tant pour y mettre les hayons des merciers que pour le marché aux grains, marché aux fillets et toilles, marché au campenaige, marché aux poissons, marché aux bestes et de touttes aultres semblables marchandises , s'il y at des franches festes, combien de fois l'an, à quel jour, combien de franchise dure, sy on y plante et dresse l'aigle pour démontrer la dicte franchise et touttes semblables particuliarités et circonstances ; s'il y vient beaucoup de marchans est rangers, de quel lieu et de quelle marchandise y
abonde le pins, s'il y at jours de marchés ordinaires par sepmaine, une ou deux fois, à quels jours et heures le dict marché se tient, s'il y at des francqs marchés tous les mois, quelle franchise il y at, et semblables circonstances.
S'il y at touttes sortes de mestiers comme en une bonne ville, sy les dicts mestiers sont réglés avecq franchises et privilèges, comme aux bonnes villes , s'ils ont doyens, conestables et semblables supérieurs , quels droicts l'on paye pour y entrer et estre admis aux dicts mestiers, à quoy, combien et comment, soit pour enfans de maistres ou estrangiers, combien d'années d'apprentissage pour estre receu aux dicts mestiers, et touttes semblables particuliarités, et sy, au jour de la procession, les dicts mestiers ne font porter quelques marques et enseignes, comme aux bonnes villes, chascun selon son reng et ordre.
Quelles amendes, loix, statuts il y at touschant les diitfs mestiers, quel revardt et Visitation il y at, tant sur la chair aux bouscheries, pain aux boulengiers, vin et bière aux taverniers, et touttes aultres semblables denrées, afin d'obvier à touttes fraudes, désordres et inconvéniens qui poulroient advenir par la malice d'aulcuns faisant leur proffict particulier injustement et au préjudice de la république; comme de mesme pour la visition des pots, poix, aulnes, mesures et aultres choses, comme aussy pour la Visitation des fours, brasseries, cheminées et touttes choses dangereuses contre le péril de feu.
Sçavoir s'il y at provision de seaulx, eschelles, havets et grauvets pour assister, le cas advenant du dict péril du feu, et quelles gens sont tenus d'y assister et s'il y at bon ordre pour secourir l'un l'aultre, pour coupper et estaindre le feu et éviter plus grands inconvéniens.
Sçavoir aussy à quelle mesure on vendt la bière et vin, à quelle aulne on vendt les draps, toilles et tout ce qui se vendt par aulne, combien de poix et de quelle grandeur, à quel poix on y mesure, combien d'onzes pour la livre et combien de sixaines pour l'onze, à quelle mesure aux grains, tant au blé que pour l'aveine, combien de rasières, en
combien de parties la rasière se divise, comment on nomme les dictes parties et petites mesures pour la différence des noms qu'il y at en chascun lieu.
Sçavoir sy touttes les dictes mesures sont esgales à celles de la ville capitale de la province ou de la bonne ville plus proschaine, et quelle différence il y at, combien de livres peult peser une rasière de blé ou aveine, en quelle quantité un homme en peult porter, deux ou trois montées de hault sur un grenier.
Sçavoir quelle mesure aux héritages, comment on les nomme, sy ce sont niuys, bonniers ou rasières ou mencaudées, mesures aux cent arpens, ou journaulx, et sy la mesure est esgale pour les prés, terres laborables et bois, ou s'il y at quelque distinction, tant des noms que des grandeurs.
Sçavoir aussy combien de mencaudées au bonnier, combien de verges à la mencaudée, combien de piedts pour la verge, combien de pouces pour le piedt, et touttes semblables circonstances.
Sçavoir aussy s'il y at des confréries d'arbalestriers, arschiers ou arquebusiers; s'ils ont des Chartres, privilèges, en avoir la copie; s'ils ont maisons, édifices, jardins, buttes, roy, conestables, officiers, collier d'argent doré avecq le papegay, enseignes, tambours, fifres, quels jours iceulx tienent pour faire un nouveau roy, quelle solemnité on y observe, les banquets qu'on y faict, et touttes semblables circonstances.
Sçavoir sy telle ville ou place est fort anticque et réputée, du nombre des villes de la province appelée aux estats, y ayant sa voix ou opinion aultant que les aultres et en quel reng et degré, s'ils sont médiocres ou derniers entre les dictes villes.
Sçavoir sy c'est une chastelenie, prévosté ou bailliage, et dessoubs de quel chief-Iieu ils sont cottisables, contribuables en touttes tailles ordinaires et extraordinaires.
Sçavoir sy c'est un grand passage de touttes marchandises, s'il y at beaucoup d'hosteleries en la ville, comment on les nomme, ce qu'il y pendt pour enseigne, combien de chevaulx on peult accomoder en chas-
cune des dictes hosteleries, tavernes ou cabarels, et touttes semblables particuliarités.
Sçavoir combien de fauxbourgs, combien de hameaux , de maisons de mesnaige et de feux, combien de censés, combien de charues il y al, et en dessoubs la dicte ville et paroisse, combien de villages à closchier il y atdépendans de la dicte ville, gouvernemens, chastelenies, prévostés ou bailliages, soit qu'iceulx appertienent au seigneur ou bien à des gentilshommes particuliers, voisins ou aultrement.
Or, ayant ainsy particulièrement rédigé par escript tout ce qui est de la république d'icelle ville, convient aussy spécifier quel magistrat et justice il y at au gouvernement et administration de la police d'icelle ville et corps de république.
Premièrement, se mettra par escript le nom, surnom, eage et qualité et demeure du gouverneur, drossait, prévost et bailly et officier principal de la dicte ville, bourgade ou village, sy tel officier at accoustumé d'avoir comission d'aultre que du dict seigneur, et s'il at besoing de quelque comission du prince ou du gouverneur et capitaine général de la province.
Sçavoir aussy de mesme le nom, surnom, eage, qualité et demeure du recepveur d'icelle ville, bourgaige, village ou terre.
Sçavoir s'il y at un lieutenant général, son nom, surnom, eage, qualité et demeure, et s'il y at un lieutenant particulier de mesme.
Sçavoir s'il y at un prévost à part, s'il y at un maieur de mesme, sy Testât est à vie ou s'il se renouvelle tous les ans ou quant il plaist au maistre.
Sçavoir s'il y at sept eschevins, les noms, surnoms, eages, qualités et demeures d'iceulx, sy les dicts eschevinages sont à vie ou s'ils se renouvellent tous les ans, à quel jour; quelle cérémonie, solemnité et usance on at accoustumé d'observer au renou vêlement du dict magistrat, le tout le plus particulièrement que faire se poulra, sans y rien
obmettre, comment ils sonl choisis, en quels mots ils prestent leur serment, et sy iceulx sermens sont enregistrés.
Sçavoir s'il y at diverses greffiers, tant de l'eschevinage , prévosté ou bailliage des fiefs ou des bois, leurs noms, surnoms, eages et qualités et demeure, comme aussy combien de sergeans de justice il y at, leurs noms, surnoms, eages, qualités et demeures.
Sçavoir combien d'hommes de fiefs ou déservans qu'il y at pour juger et donner sentence de touttes les causes et matières qu'il y at en la court féodale, leurs noms, surnoms, eages, qualités et demeures.
Sçavoir quelle coustume on y observe et sy icelles sont conformes à la coustume générale de la province ou bien s'il y at des coustumes locales et particulières desrogantes à la générale , et en prendre copie.
Sçavoir s'il y at des édicts et statuts en la dicte ville, faicts et donnés par nos prédécesseurs et en prendre copie, et s'il ne convient renouveler iceulx et y adjouter ou y diminuer ce que l'on voira estre nécessaire et expédient, et s'il n'est loisible au seigneur du dict lieu d'ordoner telles loix, édicts, statuts et police, qu'iceluy voira estre expédiens et nécessaires pour le bien de la chose publicque et en bailler les lettres et Chartres, les faire publier, garder et observer, comme il convient , et sur les peines et amendes attribuées au seigneur hault justicier, par les loix, Chartres ou coustumes générales de la dicte province, du consentement de tout le peuple, pour la meilleure direction de toutte la république.
Sçavoir quelle judicature ont les maieurs et eschevins, s'ils ont seulement la cognoissance des matières fonsières, des déshérences et adhéritances, et à quel chef-lieu iceulx ont leur ressort es dictes matières et de quelles coustumes ils usent.
Sçavoir sy les déshéritances et adhéritances se font par la tradiction du baston, quelles solemnités on y observe, quelle semonce et conjure le maieur faict, quel jugement les eschevins y donnent par suitte paisible de tous leurs confrères, en quels mots el en quels termes les dictes
œuvres de loy se font, combien d'eschevins il fault pour avoir nombre de loy compétent.
Sçavoir si les personnes se peuvent déshériter par procureur ou s'il fault nécessairement qu'ils y soyent en personne.
Sçavoir aussy quelle faculté il y at en matière de retraite, soit en puissance seignoriale pour 1^ seigneur ou par proximité lignagière du parent du vendeur, et en dedens combien de jours se doibt faire la dicte retraite, et s'il fault nantir or ou argent, et sy le plus habile retrayant est préféré au plus proschain héritier qui, par après, poulroit prétendre la dicte retraicte, et sy le seigneur est privé de la faculté de retraicte seignoriale, après qu'il at receu et traicté de ces droicts seignoriaulx, , ou que la saisine et adhéritance est desjà donnée sans l'avoir receue et retenue es mains du maieur.
Sçavoir en quel cas ladhéritance se donne et baille à une tierce personne prins par mambours.
Sçavoir quel authorité les susdicts maieurs et eschevins ont sur les bourgeois et en quelles causes et matières, et sy pardevant eulx on plaidoye quelques procès et actions civiles ou criminelles, ou bien sçavoir sy telles causes et procédures se démènent par devant les hommes de fief.
Sçavoir sy iceulx ont cognoissance et judicature de tous crimes quels énormes qu'ils soyent, mesme de crime de lèze-majesté divine et humaine, de confiscation de corps et de biens.
Sçavoir sy en matière de crime il y at appel ou point, et sy le dict gouverneur, bailly, prévost et hommes de fiefs jugent par arrest absolutement et sans la dicte voye d'appel, et au cas qu'il y ait appel, de sçavoir par devant quel juge supérieur le dict appel se reliève et décide, an bene vel maie judicalum sit, et s'il y at ultérieur appel plus oultre, soit en cas de grief ou bien a minima, comme aussy de mesme en touttes matières civiles et actions réelles ou personelles.
Sçavoir aussy s'il y at un procureur fiscal ou d'office pour démesner
touttes les causes fiscales, dresser les interrogats, escrîtures et aultres pièces contre les criminels, prendre conclusion contre eulx et estre leur partie adverse au nom du fisque, ou bien sy tels debvoirs se font par baillys, prévosts ou officiers principaulx de justice.
Sçavoir comme on procède aux interrogatoires d'un tel criminel, comme de mesme par les récollemens et confrontations des tesmoings contre luy ouys pour remarquer les confessions, dénégations, variations et touttes les circonstances servantes à la charge ou décharge du dict criminel et sçavoir à quels conseillers on met le procès en conseil devant donner sentence.
Sçavoir s'il y at prisons criminelles, fortes gayoles, bou veaux, chambres fortes, fers, chaisnes et tous aultres instrumens propres pour seurement garder les prisonniers criminels, quels édifices il y at, combien de chambres et de places, s'il y at un sippier résident sur le lieu pour avoir soing et respondre des dicts prisonniers criminels et civils, s'il y at quelque prison à part pour les bourgeois détenus pour debtes.
S'il y at un pilory et carcant sur le marché ou aultre place publique, et s'il y at gibbet, où il est assis, s'il est de pierre ou de bois, à combien de pilliers, et touttes semblables circonstances dépendant du faict de la dicte haulte justice.
Sçavoir s'il y at une belle court ou siège de plaix, s'il y at grand nombre de procès, s'il y at beaucoup d'advocats et de procureurs postulans au dict siège, en quel lieu se tienent les plaix, s'il y at grand nombre de procès, à quels jours, sy c'est à huictaine, quinzaine, quels dilais il y at devant respondre au péremptoire de chascune instance ou incident de cause.
Sçavoir s'il y at un scel aux causes privilégiées et quelles armoiries il y at dessus, s'il est d'argent ou de cuivre, s'il est grand ou petit, s'il y at contrescel ou point, sy le seigneur peult renouveller iceluy scel ou point, sy la ville at des armoiries particulières et quelles elles sont, comment les comissions sont données pour lous exploicts de justice,
comment l'on procède à l'exécution des biens d'un debteur, sy une simple cédule est exécutoire sur les corps et biens d'un débiteur, sy les sergeans peuvent exploiter, adjourner, faire significations, arrests et semblables debvoirs, sans avoir comission signée et scellée, et en quelles mains est le susdict scel, sy l'on scelle de cire vermeille ou verde, et semblables particuliarités.
Sçavoir s'il y at un siège à part pour les fiefs, en faire note, comment, en quelle sorte et manière le tout se comporte, comme dict estcy dessus.
Sçavoir combien de fiefs il y at tenu de la dicle terre, comment ils senomment, en quoy iceulx consistent, avecq les noms, surnoms, eages, qualités et demeures des propriétaires d' iceulx. *
Sçavoir s'ils ont relevé ou bien s'ils sont en faulte de relief et combien de temps il y at que les derniers possesseurs sont morts, quelles cérémonies et solemnités qu'on use pour recepvoir un vassal feudal à relief, quelle remontrance verbale faict le dict vassal ou quelqu'un de sa part, en quels termes, mots et substance.
Sy iceulx ont servi de dénombrement et s'ils en ont lettres de récipissé, et touttes aultres semblables particuliarités. des dicts fiefs; s'il doibt oster l'espée et les espérons à teste nue, se mettre en genoux, baiser le seigneur ou son lieutenant feudal, de quelle façon le dict seigneur ou lieutenant le reliève, quelles parolles il fault dire, quel serment de fidélité se faict, en quels mots et substance, et s'il dict le dict serment après le greffier de mot à mot, ou bien comment et en quelle manière le tout se doibt faire, quel droict de relief il y at pour un fief siège ou fief ample, combien de camberlage, combien de salaires et frais de la court feudale pour le bailly, hommes de fiefs, greffier, hussier et semblables, en dedens combien de jours et de temps, après le trespas du dernier propriétaire, l'héritier est tenu d'avoir relevé son fief, quelle peine et amende il y at quand le dict relief n'est faict en dedens le susdict temps, et combien de jours après le relief est deu le dénombrement.
Sçavoir aussy sy les gens d'esglise et les femmes sont receus à Taire serment de ûdélité et homaige, et s'il ne convient estâblir homme déservant en leur lieu, comme de mesme pour tous pupilles et héritiers en bas eage, sy le père et la mère ne peuvent relever au lieu de leurs enfans, ou bien sy le peuvent relever, et aux lieux de leurs noms propres y mettre le nom d'un de leurs enfans ou apparent héritier, pensant gaigner et couvrir un relief qui escherra après leur trespas, el au cas contraire, survenant* tel héritier apparent, s'ils ne sont tenus relever la seconde fois, et aultant de fois que le cas y eschée, et combien ils payent pour le serment de fidélité.
Sçavoir aussy sy un homme déservant paye aultant que le propriétaire, si, tel homme déservant venant de vie à trespas, on doibt incontinent en bailler un aultre el luy faire prester semblable serment, aultant de fois que le cas eschée.
Sçavoir en quel cas le vassal feudal fourfaict son fief, lequel est confiscable au proffict de son seigneur supérieur, s'il estdeu un banquet, qu'on appelle en Arthois bienvenue, à ses pères et compaignons tenant semblables fiefs, comme aussy quels droicts seignoriaulx il y at pour le douare d'une femme, combien pour un arrentement, et touttes semblables particuliarités, quels droicts seignoriaulx il y at en cas de vente des dicts fiefs ou bien pour une hypothèque, combien d'hommes qu'il fault pour faire œuvre de loy ou pour donner sentence.
Sy en la dicte court feudale se traictent aultres affaires ou procès que ceulx procédant des matières de fief, le tout le plus particulièrement que faire ce poulra.
S'il est deu droict d'ayde au seigneur et en quel cas il est deu pour les vassaulx, et sy les dicts vassaulx ne doibvent judicature en la court du* seigneur à leurs despens pour touttes matières crimineles et civiles, sans rien pouvoir prétendre à la charge du dict seigneur, et sy les solemnités qu'on use en matière de déshéritance et adhéritance des fiefs, le tout bien particulièrement, comme il est dict cy devant sur
semblables debvoirs des héritages censuels de main ferme et cotteries, comme de mesme touschant la faculté de la retraicte de mainfermes, de cotteries et retraicte seignoriale ou lignagière, le tout le plus particulièrement et amplement que faire se poulra, sans y rien obmettre, et sçavoir sy on se peult déshériter de fief par procureur ou point, ou bien de relever aussy par procure.
Sçavoir s'il y at une court ou siège à part du bailly des bois et par devant quels juges, s'il y at dos marchans jurés ou sy ce sont les eschevins ou les hommes de fief, en quelle sorte et manière le tout se comporte bien particulièrement, comme il est dict cy dessus des aultres sièges de judicattire.
Sçavoir quelle confiscation, fourfaictures et amendes arbitraires, ordinaires et extraordinaires qu'il y at.
Sçavoir ce que fourfaict un homicide, sy un cheval ou une aultre beste tuoit quelqu'un.
Sçavoir quelle confiscation ou amende il y au roi t, comme de mesme sy quelqu'un touschoit, enlevoit ou emportoit le corps d'une personne morte sur les rues, homicidée, nyée, ou par quelque autre accident survenu, sans que premièrement la justice ait visité et sauvé le dict corps mort et donné congé aux parens et amys du défunct de l'emporter.
Sçavoir combien d'amende il y at pour une blessure de sang et playe ouverte, en quel cas et en quel lieu les amendes redoublent, sy comme de nuict, un jour de franche fesfe, dédicace, procession et aultres jours privilégiés ou bien en lieu privilégié, et semblables circonstances.
Quant il y at affollure ou tresplanure, sy l'amende en est plus grande, et combien on paye pour avoir dégaignée son espée, faire semblant de frapper, esmouvoir querelle, soit en danse ou aultre part, pour donner coups de poings, injures, blasphèmes ou aultre semblable mésus, comme de jetter pierres et aultrement offenser son proschain et perturber le repos (lublicq, boire en tavernes et cabarets durant le sainct
MÉMOIRES DIT lire DE CROY. 2*
service divin es jours de fesles et dimenches, durant la messe ou les vespres, ou bien de hazeter, jouer à la paulme, boule ou aultre exercice publicq , donnant scandai à son proschain.
Sçavoir aussy combien Ton paye pour avoir abbatu ou desrobé un chesne, un estallon, un baston de bois et touttes aultres semblables choses, comment on prise le domaige et restaure, généralement et spécialement ; quelles amendes il y at pour tous aultres cas qui peuvent advenir, quelles sont les verdes loix et amendes des champs, sy l'amende du fol appel appertient au seigneur et combien icelle porte.
Sçavoir s'il y at des courts et justices subalternes, dont les appeaux vienent en la court et justice du seigneur, quels sont les droicts des clains, quints, demy quints, en quel cas iceulx sont deus et pour quelle cause et par quy, sy le debteur payant en dedens sept jours et sept nuicts est exempt des dicts droicts et sy iceulx sont à la charge du créditeur, quels sont les exploits des sergeans et les droicts de peines de lettres, quelles obligations sont les plus valides, celles passées par devant maieurs, eschevins, hommes de fiefs ou notaires et tesmoings, sy icelles sont exécutables par tous les pais, par quelle voye Ton procède sur les fonds d'héritages pour avoir payement des rentes fonsières et seignoriales, sy on y va par plainctes, saisissemens ou aultrement, sy tous les meubles trouvés sur les héritages saisis ne sont tenus au payement des debtes et arriérages des dictes rentes, encores qu'iceulx soyent appertenans à quelqu'un qui ne doibt les dictes rentes, luy entier d'avoir son recours ou bon luy semblera.
Comment l'on procède pour évincer un héritage et le remectre à la table et domaine dudict seigneur à faulte des dictes rentes non payées, combien de criées il faut faire, combien de plaix généraulx ou particuliers il fault tenir devant de pouvoir obtenir sentence d'éviction.
Sçavoir sy la dicte éviction at lieu et s'il n'y at placcart au contraire; s'il y at placcart par lequel tous les rentiers sont quictes en payant les trois dernières années tant seulement. *
MEMOIRES DU DUC DE CltOY. — 1606. 219
Sy le vassal peult prescrire contre son seigneur, et en quel cas, et combien d'années il fault pour acquérir droict de prescription entre présens ou absens.
Sçavoir à quel eage un jeusne homme est émancipé ou une jeusne fille, pour pouvoir librement disposer de son bien.
Quels hussiers et sergeans de courts supérieures peuvent exploicter sur nos terres, sy iceulx ne sont tenus de demander congé au seigneur ou à son principal officier, devant pouvoir exploicter sur sa terre.
Sçavoir lesquels sont tenus de demander comission d'attasche en vertu de clause réquisitoire d'un au lire juge.
Sçavoir en quelle cause l'opposant est tenu de nantir la somme prétendue, auparavant pouvoir alléguer ses défences ny estre receu à opposition, et sy les deniers du seigneur ne sont plus privilèges qu'aultres debtes, sy le sergeant peult exploicter en vertu du rolle signé du recepveur pour les vendaiges et payemens des fermes et marchandises des domaines du seigneur, et toulles semblables particuliarités et ce qui concerne l'administration de la justice.
S'il y at des plaix généraulx ou particuliers, et combien de fois l'an, à quels jours, et ce que l'on y traicte, et sy les dicts plaix ne se peuvent tenir sans la présence du bailly et s'il n'y peut commettre lieutenant.
Sçavoir quels biens et revenus il y at appertenans à la dicte ville, corps et communaulté, en quoy ils consistent, soit afforages, maltotes, imposts, tailles et aultres choses semblables, combien le tout vault et porte par an, et en quoy on l'employé.
Sçavoir s'il y at massart et recepveur à ce commis, par devant qui il rendt ses comptes, et sy le tout est bien et deuement administré et gouverné, s'il y at des bourguemaistres ou aultres officiers commis par la susdicte ville.
Sçavoir sy le seigneur du lieu est seul seigneur des rues, chemins et wanffais, sy personne ne peult picquer ou haider sans congé du seigneur
2âO MÉMOIRES DU DUC DE CROY. - 100G.
ou de son officier, ne peull aussy advancer sur l'héritage, baslimenl ou édifice, sur les dictes rues sans congé et sans payer rente annuelle de recognoissance , comme de mesme pour percer entrées d'eau sur rues ou fossés à brasser ou aullre usage, sy on peull asseoir bancqs, bailles ou pendre tableaux en air sur les rues sans le dict congé , à peine d'amende, ny aussy pouvoir tirer sablon, argille ou pierres sur les dictes rues sans pareil congé et à peine d'amende ; comme de mesme de tirer lerre, potasse, faire tailleries, chaufours, bricquetries et semblables choses sur les dictes rues sans pareil congé, à peine d'amende comme il est dict cy dessus, s'il n'y at nuls aullres semblables droicts et sy personne n'ai empriiis sur iceulx au préjudice du seigneur.
Sçavoir quelles comodités et aisances communes il y at appertenant a la ville, bourgade ou villaige, tant pour la nouriture de leurs bestiaux comme aultremenl, soyenl tries, chemins, terres vagues, bruières, bayes, prés, pastures, marescaiges et bois, ensemble quels droicts ont les subjects sur les bois du seigneur au proffict de leurs communautés.
Sçavoir aussy s'il y at des prés communs après la première dépouille emportée où les propriétaires ne peuvent despouiller les waiens ou wimeaux, déclarant particulièrement enquoy lessusdictes communautés consistent, en combien de pièces, où icelles sont situées et gisantes, avecq leurs noms, grandeurs, qualilés et comprendemens, combien de bois et de quelle nature, tant pour la raspe que en haulte fustaye, avecq certiGcation expresse n'y en avoir non plus ny nuls aultres que ceulx qui soyenl spécifiés.
Sçavoir aussy sy on at vendu, alliéné, chargé ou engaigé aulcunes des dictes aisances, et quels droicts seignoriaulx ou recognoissance en sont deues au seigneur, sy telles aliénations sont faictes du sceu et consentement d'icelle, le lout bien amplement et particulièrement, sans y rien obinettre, ny receler les grandeurs, valeurs et importances des dictes communes et aisances.
Sçavoir sy les chesnes et arbres croissant sur les dictes aisances et
communes n appert îenent au seigneur, el sy les bourgeois y peuvent louscher et les abbatre sans demander congé.
Sçavoir aussy en chascun lieu et distinctement à part et par ordre combien de chemins il y al, comment on les nomme, avecq spécification à peu près de leur largeur et longueur, sy iceulx sont grands chemins royaulx, chaussées ou chemins particuliers.
Sçavoir aussy sy le seigneur at seignorie sur touts les dicts chemins, combien d'arbres, chesnes, tillieux, ormeaux, obleaux, poupliers, saulx et touttes aultres espèces de bois de haulte fuslaye il y at croissans sur les dictes rues, chemins, tries et warissaix et en quel lieu iceulx sont, le tout bien particulièrement, avecq certification que les dicts arbres appertienent au seigneur et qu'il n'y en at nuls aultres que ceulx qui seront déclarés et spécifiés, les faisant remarquer et compter par les sergeans, en faisant faire rapport sur leur serment, ensemble de quelle valeur et importance les susdicts arbres peuvent sembler estre par estimation.
Sçavoir combien de ponts, planches, rivières, baricades, fermetures, passages et aultres semblables choses il y at en chascun lieu, sy les dicts ponts sont de pierres ou de bois et à la charge de qui est l'entretenement d'iceulx, et sy on y cœuille ou liève quelques droicts de tonlieu par terre ou par eau, à qui appertient le dict droict, en quoy iceluy consiste, ce qu'il vault par an, et semblables circonstances.
Sçavoir sy les hayes et bois avant dicts on y faict des essarts pour y semer grains à la façon du pais d'Ardenne, quels droicts de terraige et recognoissance iceulx donnent, ce que le seigneur en tire et doibt avoir et sur quels bans ou terres, spécifiant les limites et séparations d'entre deux villaiges et seignories , sans les laisser empiéter les uns sur les autres, et sçavoir s'il y at des bornes ou aultres choses de marque faisant les susdictes séparations et entredeux.
Sçavoir sy nous sommes seul seigneur par touttes nos terres, et semblables particularités; sy les seigneurs particuliers n'ont empiété sur nos droicls et authorités, sy iceulx seigneurs particuliers n'ont vendu
quelques parties du gros de leur fief, sans eu avoir payé les droicts seignoriaulx à nostre préjudice.
Sçavoir aussy les tailles tant ordinaires qu'extraordinaires qui se payent, s'il y at des maisons et endroicts, ruines, des mesnaiges, feux, censés, charues, hommes portant armes, et quels ilsesloient en bon temps.
Sçavoir aussy s'il y at aultres seignories particulières enclavées, quelles icelles sont, combien il y en at, à qui ils appertienent, de qui icelles sont tenues, quelle justice , quels droicts, haulteurs et préminences ils ont en chascun lieu à nostre exclusion, et quelle authorité et puissance nous avons ou debvons avoir sur iceulx, s'ils sont nos vassaulx ou point, et toultes semblables particularités.
Sçavoir sy les dicts seigneurs particuliers résidens sur les lieux, plus amateurs d'amplifier leurs seignories et jurisdictions, n'ont empiété et emprins, petit à petit et de longue main, sur nos droicts et authorité, tant en faict de chasse, vollerie, perdriserie, garennes de lapins, pescheries, planteries d'arbres sur les chemins, abbat et emport des vieulx arbres, receu des saisines et adhéritances, avecq les droicts seignoriaulx qui nous doibvent appertenir, s'attribuant quelque tiltre en la seignorie, en l'esglise, en la ville ou bourg, au villaige ou aultres lieux qui ne leur appertient point, sy comme de porter nom de la seignorie, se vanter et dire fundateur de l'esglise, faire Visitation des pots et mesures, ouyr les comptes de l'esglise et de la paroische, faire payer quelques droicts, créer maieurs, gens de loy, officiers, sergeans, tenir court et siège des plaix, s'attribuer la haulte justice et moienne là où il doibt seulement avoir la basse et fonsière, et semblables choses, pour du tout nous en faire fidel rapport et advertissement par affirmation et expurgation de leur serment, afin de tant mieulx y pouvoir garder nos droicts.
Sçavoir aussy sy les susdicts gentilshommes particuliers et nos vas* saulx n'ont, passé vint ou trente ans en çà, vendu, aliéné ou donné en rente et surcens quelque partie du gros de leurs fiefs, soyent manoirs, jardins, prés, pastures, viviers ou bois, et, de ce, en avoir tiré quelque
somme notable de deniers à leur proffict, dont les droicts seignoriaulx nous estiont deus, lesquels néantmoins peuvent avoir esté recelés soubs ombre que les dicts vassaulx ont réservé quelques petites renies avecq la seignorie sur telles parties vendues, pensant par tels moiens que les dicts droicts seignoriaulx doibvent deinourer confus et estains en eulx, ce que néantmoins seroit en fraude et préjudice de nos droicts, dont luy en sera faicte advertance pour y garder les droicts du seigneur.
Sçavoir quelles tailles ordinaires et extraordinaires on paye en chascun lieu pour le prince souverain et les estais de la province, prévosté ou bailliage supérieur, pour les aydes ordinaires, impositions, contributions, chariots, charettes, chevaulx de munitions, pionniers, soldats, entretenances et garnisons, mengeries des soldats, dons et présens pour se conserver, et aultres semblables mauvais fraix, combien le tout porte bien par an en chascun lieu.
Sçavoir aussy s'il y at des endroicts ruinés par la guerre, des maisons bruslées et des lieux abandonnés et déserts , spécifiant quels estoient les dicts lieux en bon temps, combien de mesnages, de feus, de censés, charues, d'hommes portant armes et touttes semblables particuliarités, et ce qui reste pour le présent.
En quoy les justices, manans et habitans de chascune de nos terres et lieux nous feront grand et signalé plaisir de vouloir supporter par portion les fraix que les susdicts commis feront et les fraix qui s'engendreront à faire la dicte besoigne, laquelle sera aultant avantageux aux dictes communaultés pour la garde de leurs droicts comme avons pour les nostres.
Or, ayant ainsy aschevé la susdicte description, conviendra satisfaire à tous les poincts et articles suivans, excepté aux terres là où desjà on at faict les dicts debvoirs.
Convient et voulons que chascun officier, sy comme gouverneurs, drossarts, grands baillys, prévostés, lieutenant des fiefs, bailly des terres et des bois, leurs lieutenans généraulx et particuliers, recep-
veurs, maieurs, greffiers, chastelains, conchierges, sergeans, lanfl de justice que des bois, procureurs d'office et tous aullres officiers ayant comission de nous ou de nos principaulx officiers, ayent à bailler copies autenticques de leurs coulissions et retenues, instructions, inventaires, récépissés et tous aultres semblables enseignemens.
Leur feront aussy délibvrer une déclaration entière et véritable de tous les gaiges, vins, profficts et émolumens qu'ils tirent à cause de leurs dicts estais, tant à noslre charge que sur nos dictes fermes et marchandises, comme aussy à la charge des parties, en quoy iceulx consistent, ce qu'elles vaillent par an, à qui, quant et combien, pourquoy, comment et en quelle sorte ils ont accoustumé jouir des dicts gaiges, profficts, émolumens, vins ordinaires et extraordinaires, sans y rien obmettre, affirmant par expurgation de leur serment n'avoir rien d'aultre que ce qu'ils auront spécifié en leurs dictes déclarations, signées de leurs mains, comme de mesme feront les magistrats, hommes de fiefs et aultres tirant quelque comodité, gain et proffict de leurs offices dépendans de nous.
Les dicts officiers et magistrats, sans en nuls excepter, auront à eulx expurger par serment s'ils n'ont en leur possession aulcuns meubles, papiers, leltriages, registres, cartulaires, comptes, acquicls, dénombremens, récépissés, inventaires et aultres semblables documens à nous appertenans, afin d'incontinent rendre et restituer iceulx par bon et pertinent inventaire et bailler leur récépissé de ceulx desquels ils auront de besoing, et qu'iceulx retiendront pour l'exercice de leurs charges, après néantmoins que nous aurons le tout veu, et s'ils n'en ont nuls, sçavoir s'ils ne sçavent ou cognoissent personne qu'ils ayent, retienent ou recèlent aulcuns au désceu de nous et contre nostre intention, soit des vieulx officiers ou bien leurs vefves, enfans ou héritiers et généralement de tous aultres, afin de nous en advertir pour les recouvrer et retirer de leurs mains par amitié ou par voye de justice en cas de refus, ou bien de sçavoir s'il y at des produisis et demeurés
en quelques fais de vieulx procès pendans au clou, en quel lieu, court et siégé, ou bien es mains d'aulcuns de nos procureurs et advocats, aux villes principales et chef-lieu de chascune province, leurs vefves, enfans ou héritiers, comme est déclaré cy dessus ; ensemble de déclarer encore, par le dict serment, s'ils ne sçavent que personne ait emprins, retenu ou recelé injustement aulcuns de nos biens, meubles ou immeubles, droicts et actions, comme aussy sy aulcuns nous ont faict aulcuns tort ou préjudice à nos haulteurs et préminences , comme aussy de mesme sy personne d'entre eux n'at entre leurs mains aulcuns deniers extraordinaires, dont ils sont encore comptables et à nous responsables.
Sçavoir aussy s'ils ne sçavent aulcuns marchés contractés, baulx de censés à longues années, arrentemens et aultres choses semblables avoir esté faicts par nous ou nos prédécesseurs, après trente ans en çà, en quoy y at lésion ou préjudice et matière de prétendre la rescition et cassation d'iceulx; de tels marchés etcontraclsfaulx et obreptissement obtenus pour nous, en faire fidelle advertance, auxquels sera donné le vin qui fera icelle, soit en publicq ou en secret, par quoy ceulx qui auront à parler de telles choses et ne le vouldront dire devant les aultres pour crainte de mauvais gré, poulront venir faire la dicte déclaration à ceulx de nostre conseil estant lez nostre personne.
Sçavoir aussy quels dons et présens les subjects, manans et habitans de chascune de nos terres, nous ont faict depuis l'année 1584 jusques à maintenant, à combien iceulx dons et présens revienent tous ensemble, en quelles années iceulx ont esté faicts et es mains de qui les deniers ont esté comptés, avecq semblable certiGcation, par expurgation de serment, n'en avoir esté faict nuls aultres que ceulx qui seront par eulx déclarés et spécifiés.
Sçavoir aussy s'il n'y at nuls aultres bénéfices à nostre collation, soit chanesies, cures, chappelles ou aultres semblables que ceulx qui seront cy devant déclarés et spécifiés en chascun lieu, avecq semblable affirmation de n'en sçavoir nuls aultres.
Sçavoir aussy quand on passe les fermes et marchandises, soyent petites fermes muabies, terres labourables, prés, censés, moulins, viviers, pescheries, raspes, chesnes, blancqbois, brohons, paissons, pesnaiges, herbaiges, pasturaiges, vendilions des grains et touttes aultres marchandises quelconques; combien l'on met et conditionne à la charge des marchans sur chascune portion, oultre le pris principal, à payer argent comptant.
Sçavoir combien au recepveur pour son droict de criée, combien pour billets d'attasche, combien pour l'homage de la justice ou de chascun homme de fief présent, combien pour les obligations, combien pour les salaires et gaiges du recepveur, sy c'est le dixiesme ou vintiesme denier, combien pour le sergeant, combien pour le proffict de la table pour le disner, combien de lots de vin et combien de vin extraordinaire des offices, et semblables circonstances, et combien de vin on laisse boire pour les baudisseurs et metteurs à pris : le tont à la vérité et sans aulcun recèlement ou couverture, avecq certifications des justices des susdicts lieux n'en avoir esté prins ny conditionés nuls aultres que ceulx qui seront contenus en la dicte déclaration.
Sçavoir aussy s'il y at aulcuns procès concernans les susdictes terres qui nous touschent, soit en demandant ou en défendant, par devant quels juges iceulx sont leurs mérites, estats, progrès et tout ce qui en dépendt, pour de tout nous en donner advertance, comme aussy s'il n'y at aultres choses de quoy les susdicts officiers et magistrats trouvent convenir de nous en advertir, ou qu'il y ait quelque dispute ou difficulté entre eux, laquelle ne se peult décider que par nostre ordonance, touschant les authorités et préminences des dicts officiers, veuillant emprendre les uns sur les aultres ou interprester leurs instructions au préjudice d'aultruy, iceulx poulront du tout en faire ample narration, pour y estre par nous ordoné ainsy comme trouverons le mieulx convenir pour nostre plus grand service, la concorde et union des susdicts officiers.
Premièrement doncques, iceulx narreront tout ce qui dépendt de la ville» feront le mesme des faulsbourgs d'icelle et de chascun d'iceulx à part, comme de mesme aux hameaux de dessoubs et dépendans de la paroische, de la ville ou villaige, en Taisant le mesme de chascun hameau à part.
Puis après ils commenceront aux plus apparens villages dépendans soit de la duché, principaulté, marquisauté, conté, baronnie, paierie, terre et seignorie, gouvernance, chastelenie, prévosté ou bailliage, ville, bourgade ou villaige, de narrer tout ce qu'il y at au dict villaige, sans y rien mettre de ce qui est en un aultre lieu.
Secondement, de faire le mesme du second villaige en touttes les particuliarités de l'esglise, paroische, nombre de maisons, mesnaiges, feux, hameaux, censés, charues, combien d'hommes portant armes , quelles singularités, spécifiant les rues, chemins, arbres, communes, aisances, revenus, charges, tailles, rentes, fermes muables, bourgeoisies, terres, prés, censés, moulins, viviers, pescheriès, bois, chasses, garenne, vollerie, droicts de confiscation, bastards, aubains, biens espaves, amendes, quints et demy quints, peine de lettres, sergeans, mortesmains, droicts seignoriaulx, relief, combien de fiefs il y at, et touttes semblables particuliarités spécifiées sur l'article de la ville, comme aussy de tout ce qu'il y aura aux villaiges.
Tiercement, de faire le mesme du troisiesme villaige et conséquentment de tous les aultres villaiges, hameaux, ressorts et enclavemens dépendans de la dicte terre, soit qu'il y en ait grand nombre ou petit, le tout selon Tordre cy dessus descrit, et le plus particulièrement que faire ce poulra, aymant mieulx qu'une chose soit dicte et répétée deux fois ou trois que d'estre obmise ou négligée, parce qu'en voulons sçavoir touttes les dictes particuliarités de touttes nos terres; et que les dictes besoignes soyent closes, signées et arrestées par les dicts officiers et justiciers , affirmant par expurgation de leurs sermens avoir déclaré le lout fidèlement et à la vérité et de ne sçavoir rien d'aultre que ce qui
â» MÉMOIRES DU DUC DE CKOY. — 1606.
sera spécifié et mis par escript au susdict besoigné, sur tous les articles demandés et interrogatoires portés par ceste instruction, dont leur en sera faicte lecture et leur donné le tout bien particulièrement à entendre. Toutte laquelle instruction et ordre susdicte, avecq tous les articles y contenus et en dépendons, entendons que le tout soit punctuelement entretenu, accomply et observé par ceulx à qui il appertiendra et tout pour ceulx qui viendront à hériter, estre nos héritiers et à qui aurons délaissé nostre duché de Groy et d'Arschot , principaullé de Ghimay , conté de Beaumont, terre et paierie d'Avesnes, baronnie de Quiévraing et aultres terres, à peine, sy iceulx vienent à y contrevenir, point faire ny accomplir, observer ny exécuter ceste présente instruction en tous ses poincts et articles, de la privation pour iceulx mentionée par nostre testament , comme aussy de mesme pour nos tuteurs , testamenteurs , curateurs et exécuteurs, aultant qu'il leur peult touscher de mesme.
Faict, ordoné, conclud, ar resté, ad voué et signé de nostre nom et par nous en nostre ville et conté de Beaumont, le vintcincquiesme jour du mois de febvrier de Tannée mil six cent six.
Charles, sire et ducq de Croy et d'Arschot.
Testament, ordonanoe et dernière votante de nous, Charles, tire et premier dueq
de Groy et quatrième d'Anchot.
Au nom de Dieu le Père, le Fils et le Sainct-Esprit , ainsi soit-il. Comme c'est une chose notoire et commune ù touttes personnes en général et à chascun en particulier qu'il fault une fois mourir, et qu'il n'y at rien plus incertain en ce présent monde que l'heure d'icelle, je me suis résolu» estant en bonne santé et entière disposition tant de corps que d'esprit, de disposer des biens qu'il at pieu à ce bon Dieu de me prester, eslargir et donner en ce misérable monde, et ce, le plus justement et équitablement qu'il m'at esté possible, et ce, en vertu des octrois que j'en ay eu de feu Sa Majesté Philippes deuxiesme de ce nom, roy des Espaignes, mon souverain seigneur et prince naturel, iceulx passés tant en son conseil privé, en date du premier jour du mois de juin de l'année 1587, comme aussy en sa chancellerie de Brabant, en date aussy du premier jour du mois de juin de l'année mil cinq cent
quatre-vint et huicl, et aussy en vertu d'un aultre octroi, depuis encore par nous obtenu en la dicte chancellerie, donné en la ville de Brusselles , le quinziesme jour du mois d'octobre de Tannée mil cinq cent nonante-sept , sy avant néantmoins et m'aydant aultant des susdicts octrois qu'iceulx sont à l'advantaige et intention de ce présent testament, ordonance et dernière volunté et point aultrement.
Qui me faict doncques résouldre, comme par ce présent testament je me résouls, parlant en vérité et sans aulcune feintise ou simulation, non plus ny moins que la personne qui est au lict mortel et à l'article de la mort, afin que prenant au ciel avecq Dieu mon repos, je ne laisse en terre mes bons parens et amis en aulcun trouble, dissention, procès, querelles, inimitiés ou mauvaise volunté les uns avec les aultres, à déclarer ce que s'ensuit.
Nous, Charles, sire et premier ducq de Croy et quatriesme d'Arschot, prince du Sainct-Empire, de Chimay et Porcéan, marquis de Moncornet, conte de Beaumont et de Seneghem, visconte deGrandreng et de Nieuport, baron de Bierbecq, Rotselaer et Héverlé, Bèvres, Comines, Halevin, Lillers, Wallers, Quiévraing, Blaton, Estroeng, Santselles et Harchies, seigneur de la terre et paierie d'Avesnes, Lauve (Leuse), Roncq, Saint-Venant, Mallanoy, Quevaucamp, Feignies, Croix, Fontaine, Neufville, Esclaibes, Naast, Agimont et Orchimont, et, par la grâce de Dieu, seigneur des franches et souveraines terres de Fumay et Revin, grand Chamberlain et séneschal héréditable du pais et duché de Brabant, premier pair, lieutenant gouverneur, capitaine général du pais et conté de Hainault, chevalier de l'ordre de la Thoison d'or, du conseil d'estat, chef et capitaine général d'une bende d'ordonance de cinquante hommes d'armes.
Ayant de pure et franche volunté, durant l'année mil cinq cent quatrevint et quatre, et sans aulcune cotitraincte et force armée ou aultrement, remis et faict remettre es mains de Sa Majesté Catholique Philippes deuxiesme de ce nom, roy des Espaignes, les villes de Bruges et de
Damme, avecq le pais et terroir du Francq, gisant au pals et conté de Flandres, principale cause, subject et ouverture de la réduction et rendition de la -reste des aultres villes du dict païs et conté de Flandres point seulement, mais aussy de la pluspart de celles du païs et duché de Brabant,
Durant Tannée mil cincq cent quatrevint et cincq, j'ay tousjours continuelement suivy, assisté et servy a monsieur le prince de Parme, durant les emprises, camps, sièges des villes, tant importantes de Malines et Brusselles, et continué tousjours à iceluy de la ville d'Anvers et au combat tant furieux de la contredicque de Cavestein, envers Stabroucb, jusques à la prinse et rendition d'icelle ville.
Durant l'année mil cincq cent quatre-vint et six, j'ay aussy suivy le dict seigneur prince de Parme au camp et siège de la ville et chasteau de Lescluse en Flandres, auquel siège et durant iceluy j'ay comandé et eu la charge des compaignies d'ordonance des Pais-Bas qui y estiont.
Durant l'année mil cincq cent quatre-vint et sept, j'ay aussy esté avecq le susdict prince de Parme aux emprises, sièges et renditions des villes de Venloo et Nuys, au païs de Couloigne, en Allemaigne.
Durant l'année mil cincq cent quatre-vint et huict, cependant que le susdict prince de Parme se pensoit embarquer avecq l'armée de Sa Majesté Catholicque vers le roiaulme d'Angleterre, je fus pourveu de la compaignie d'ordonance de quarante hommes d'armes, de laquelle avoil esté honoré feu messire Robert de Melun , marquis de Roubaix , tué qu'il fust sur l'estocade de la rivière de l'Escault, au siège de la ville d'Anvers, et fus aussy, durant la mesme année, envoie, commis et constitué par le susdict prince de Parme Alexandre Farnese, lieutenant gouverneur et capitaine général de tous les Pais-Bas et conté de Bourgoigne au nom de Sa Majesté Catholicque, chef des trouppes pour aller avecq icelles au pais d' Allemaigne , au secours de monsieur l'électeur et archevesque de Couloigne, Ernest de Bavière, avecq sept compaignies d'hommes d'armes, assavoir : celles des ducq d'Arschot, conte du Rœulx,
conte d'Aremberghe, marquis de Havrecq, marquis de Renty, conte de Boussu et de Heoin ; dix compaignies de chevaulx légers, assavoir : celles de Georges de Crecya, lequel comandoit à touttes les aultres, du marquis Bentivoglio , Francisco de Monte , don Joan de Cordua, don Philippes de Robes, don Joan Moreo, don Octavio d'Aragon, George Basté, Joan Gamera de Contreras et Joan de Pradilla ; deux mille Italiens piétons soubs la charge et conduicte du seigneur Carolo Spinella, cavallier néapolitain ; trois mille piétons lorains soubs la charge du seigneur de Sainct-Balmont, cavallier lorain; deux coille piétons haults allemans soubs la charge du colonel Eckembecq, cavallier alleman ; cincq cents aultres Allemans soubs la charge du colonel Taxis, cavallier des Pais-Bas ; mille Liégeois piétons soubs la charge du colonel Dans, cavallier liégeois; seize pièces d'artillerie, tant canons que demy canons, sans les aultres pièces de campaignë, avecq tout son train et officiers à l'advenant, comme aussy le train et attirail des vivres et de la hazienda, avecq tout le reste des officiers d'un camp formé de mesmes, et ce, avecq le tiltre de général du dict camp, ayant porté la cornette générale despliée derrière moy et en abbatu tous les estendars, cornettes, guidons et enseignes, avecq les capitaines, avecq leurs entières compaignies montantes et demeurantes en garde devant ma maison; et ayant aussy receu tous les aultres honneurs, prérogatives, préminences, authorités et comandemens qu'à un général d'armée convient et apper tient; ayant aussy, avecq la susdicte armée, faîct et exécuté touttes les actes et hostilités de guerre, lesquels se peuvent faire , exploicter et exécuter , tant en siège de villes et forts bastus , assaulx donnés, secours empeschés par plusieurs fois d'estre exécutés, de sorte qu'à la parfin, les deux forts qui estoient de l'aultre costé de la rivière du Rhin, passant icelle au mi tan, et la ville de Bonne qui estoit de l'aultre costé d f icelle, se sont rendus et remis entre mes mains, lesquelles villes et forts, par après, j'ay remis entre les mains du susdict prince de Parme, au nom de Sa dicte Majesté Calholicque, laquelle peu
de temps après m'ordona de les faire rendre et restituer, comme luy appertenant, les dictes places au susdict électeur de Couloigne, lequel y fist mettre incontinent telle garnison qu'il voulut.
Durant l'année mil cincq cent quatre-vint et nœuf, j'ay aussy assisté, suivy et servy le susdict prince de Parme, tant à la court que par lous les lieux où iceluy prince at esté et sesjourné, comme aussy par tous les voiages faicts par iceluy prince en ceste présente année.
Durant l'année mil cincq cent nonante, j'ay esté déclaré général des hommes d'armes et compaignies d'ordonances des Païs-Bas, lesquels Brent le voiage avecq le susdict prince de Parme (lors à cause de la mort de son père devenu ducq), allant pour secourir la ville de Paris, serrée et pressée qu'icelle estoit par le roy de France Henry quatriesme et toutte son armée, laquelle le susdict ducq de Parme fit retirer arrière de la dicte ville de Paris et la secouru!, ayant auparavant assiégé et prins par assault les villes de Laigny et Corbeil; n'ayant jamais abandonné, quant ù ma personne et tout ce qui en dépendt, le dict seigneur ducq de Parme, durant tout le dict voiage ny durant touttes les factions et actions susdictes, jusques à ce qu'après avoir iceluy rompu son armée, il s'en est retourné au Pais-Bas.
Durant Tannée mil cincq cent nonante et un, j'ay esté encore derechef commis et institué chef et général des compaignies d'ordonances des Païs-Bas, lesquelles allèrent avecq le susdict ducq de Parme au roiaulme de France au secours de la ville de Rouan, ville capitale et principale du pais de Normandie, laquelle aiissy le susdict roy de France tenoit fort pressée et serrée et laquelle aussy le susdict ducq de Parme secourut et délivra du camp du dict roy, après avoir en allant prins et battu la ville et chasteau de Neufchastel, par après la ville de Codebecq sur la rivière de Seine, et par après, en retournant, après avoir, par le moien d'un pont faict , repassé la rivière de Seine avecq toutte son armée, prins les villes d'Esperné et Ghasteau-Thieri. .
Durant l'année mil cincq cent nonante-deux , retourné qu'il fust le
■ ÉHOIBES DO DOC DE GBOY. 50
susdict ducq de Parme, blessé et malade du susdict voiage qu'il avoit faict au roiaulme de France, ayant secouru la ville de Rouan où l'avois tousjours suivy, servy et assisté, j'ay tousjours continué d'avoir esté et demoré auprès de sa personne jusques à sa mort, laquelle arriva en la mesme année en la ville d'Arras métropolitaine du pais et conté d'Artliois, au très-grand ennuy et infini regret de tout le monde.
Durant Tannée mil cincq cent nonante-trois , lors gouvernant par provision les Pals-Bas et conté de Bourgoigne messire Pierre Ernest, conte de Mansfeldt, j'ay esté pourveu du dict feu Roy Catholicque des Espaignes, de Testât de lieutenant gouverneur, capitaine général du pais et conté de Hainault et ville de Valenchienes, et fus aussy au mesme temps chef et commis, colonel d'un régiment d'infanlerie wallone de vint enseignes contenant quatre mille hommes. <*
Durant Tannée mil cincq cent nonante-quatre, lors estant lieutenant gouverneur et capitaine général de tous les Pais-Bas et conté de Bourgoigne, monseigneur Ernest, archiducq d'Àustrice, j'ay accordé et pacifié, par son comandement, les soldats tant wallons qu'italiens qui s'estoient amutinés, saisis et fortifiés au bourg de Pont, situé sur la rivière de Sambre, place au pals et conté de Hainault dépendant de mon gouvernement, et par ce moien le pais fust conservé des ruines, pilleries, mengeries, dégasts et feus apparens.
Durant Tannée mil cincq cent nonante-cincq , lors gouvernant par provision les Pais-Bas et conté de Bourgoigne le conte de Fuentes, messire Pierre Enricques, j'ay aydé et assisté le dict seigneur conte, tant avecq mon conseil, cavallerie, infanterie, artillerie, chariots, vivres, deniers et munitions que je luy ay faict avoir des villes et de ceulx de mon gouvernement, en telle sorte qu'encore que ce fust contre Tadvis de plusieurs de ceulx du conseil, ce néantmoins il at assiégé et prins par assault les villettes et chasteaux du Chastelet et de Dorlens; et de la défaicte de la plus part de la noblesse françoise, tant des provinces et pais de Champaigne, Picardie et Normandie, comme aussy depuis de
la prinse et rendition de ceste tant importante et principale ville et citadelle de Cambra y et pais de Cambresis '.
Durant Tannée mil cincq cent nonante-six , je suis devenu par la mort advenue de feu mon bon seigneur et père, en Italie, en la ville de Venise, l'onziesme jour du mois de décembre de Tannée 1595, et parvenu à la totale succession de la maison de Croy, pour laquelle occasion j'ay esté toulte la dicte année empesché à tenir les deuils, faire les obsèques et pourveoir aux affaires de la susdicte maison, sans avoir peu vacquer ny aller avecq monseigneur le cardinal Albert, archiducq d'Austrice, aux sièges et prinses qu'il at faict, durant la dicte année, des villes et chasteaux de Calais, par force et assault, et d'Ardres par appointement .
Durant Tannée mil cincq cent nonante-sept, à l'occasion de la défaicte et emprisonnement advenu de messire Harcq de Rye, marquis de Warembon , chevalier de Tordre , gouverneur et capitaine général du pais et conté d'Arthois, j'ay esté commis et constitué en sa place, durant son emprisonnement, par le susdict seigneur cardinal, gouverneur et capitaine général du pais et conté d'Arthois, ensemble, quant et quant, général de l'armée de feu Sa Majesté Catholicque, laquelle s'opposoit, au susdict pais, à celle du Roy Très-Chrestien, entrée qu'elle estoit au dict pais soubs la conduicte et comandement de monsieur le marischal de Biron. Ayant receu, durant la susdicte charge, les mesmes honneurs appertenans à un général d'armée (excepté la cornette desplyée derrière moy, comme je Tavois eue et portée durant Tannée mil cincq cent quatre-vint et huict, lors que j'estois général de l'armée de feu Sa Majesté Catholicque au pais d'Alleraaigne, au siège et prinse de la ville de Bonne sur le Rhin, comme j'avois eu auparavant et telles qu'à un vray et légitime général d'armée compète et apper tient), ayant préservé le susdict pais d'Arthois, sans perte d'une seule place, et, au contraire, j'ay faict retourner le susdict marischal de Biron, avecq toutte son
1 Et Vay aidé dans la défaite.... comme amsy depuis dans la prinse....
armée, au roiaulme, repassant la rivière de Somme à sa courte honte, sans avoir faict aulcuns progrès.
Durant Tannée mil cincq cent nonante-huict, j'ay esté avecq le susdict seigneur cardinal au secours qu'iceluy pensoit donner à la ville d'Amiens, métropolitaine de la province de Picardie, au roiaulme de France, lors assiégée par le roy Très-Chrestien Henry quatriesme ; j'ay aussy esté, durant la mesme année, commis et dénomé le premier député pour aller au roiaulme de France vers le susdict Roy Très-Chrestien en la ville de Paris, pour recepvoir d'iceluy le serment sur l'accomplissement et entrelenement des articles de la paix, arrestée et conclute peu auparavant, en la ville de Vervin, entre les susdicts Roys Catholicque et Très-Chrestien et le ducq de Sçavoye. Ayant aussy assisté, durant la mesme année , comme seul ducq et premier seigneur des Païs-Bas , à l'assemblée générale des estais du pais et duché de Brabant et des députés des aultres provinces des Païs-Bas, ensemble en la ville de Brusselles à la résignation du susdict Païs-Bas, qu'a faict d'iceulx lors le feu roy d'Espaigne Philippes deuxiesme de ce nom à sa fille aisnée Isabella Clara Eugenia, infante des Espaignes, et à l'acceptation d'iceulx pais qu'en at faict, au nom de la dicte infante et de sa part, Son Alteze monseigneur Albert, archiducq d'Austrice, gouverneur des Païs-Bas, son futur mary.
Durant l'année mil cincq cent nonante-nœuf, j'ay assisté à l'illustrissime cardinal André d'Austrice, durant le temps qu'il at gouverné tous ces Païs-Bas et conté de Bourgoigne, en absence de Sa dicte Alteze l'archiducq Albert, lequel estoit allé en Espaigne, comme aussy de mesme j'ay servy et assisté Leurs Altezes, le susdict archiducq Albert et Isabelle, infante des Espaignes, sa femme, aux entrées et sermens qu'iceulx ont faicts comme prince et princesse des susdicts Païs-Bas aux provinces et villes d'iceulx. J'ay aussy esté dénomé par le susdict feu Roy Catholicque Philippes deuxiesme de ce nom, la mesme année et peu devant sa mort, chevalier de l'ordre de la Thoison d'or et capitaine
de la compaignie d'ordonaoce de cinquante hommes d'armes, de laquelle feu mon bon seigneur et père, de son vivant, en estoit pourveu. J'ay aussy de mesme et durant la mesme année esté, de par Leurs Altezes, créé et faict de leur conseil d'estat et de guerre.
Durant la mesme année mil six cent, j'ay continuelement assisté, par ordre et comandement exprès de Leurs dictes Altezes, aux estais généraulx des Païs-Bas et en leur assemblée se faisant en la ville de Brusselles, envers lesquels (après la défaicte qu'eust Sa dicte Alteze au pals et conté de Flandres, entre les villes d'Oostende et de Nieuport par le conte Maurice de Nassau, comandant au camp des Provinces unies) mes bons debvoirs envers iceulx furent tels, qu'en moins d'un jour je procuray et sollicitay tant que touttes les susdictes provinces accordarent à Leurs susdictes Altezes promptement plus de trois cent milles florins, et, par après, leur accordarent encore l'entretenement et payement de trois mille chevaulx, hommes d'armes et dix mille hommes de piedt, wallons de ces Païs-Bas, pour servir ordinairement aux champs en Champaigne, de huict aultres mille piétons servant pour estre mis et demeurer en garnisons, de deux cent cinquante chariots et de deux cent cinquante milles florins par an, pour ayder à subvenir pour l'entretenement de la despence de la maison de Leurs susdictes Altezes, ce que n'ayant esté accepté par icelles et ayant esté refusé, les estats se sont séparés sans rien faire.
Durant l'année mil six cent et un, voiant que plusieurs estoient d'advis et conseilloient à Sa dicte Alteze d'aller assiéger la ville d'Oostende, port de mer, située au pais et conté de Flandres, veuillant gaigner icelle en luy serrant ses havres et advenues des eaux de la mer, et les coroodités que la dicte ville pouvoit recepvoir par ceste comodité et advenue pour, par ce moien, empeschant d'y plus pouvoir entrer ou sortir ny vivres, ny munitions, ny aultres choses nécessaires pour se pouvoir plus maintenir et, par ce moien, contraindre ceulx gardant et estant en garnison dedens icelle de se rendre, je ne voulus lors faillir à
mon debvoir (pour avoir faict fortifier la plus grande partie de la dicte ville, lors qu'en l'année mil cincq cent quatre- vint et quatre, je comaadois au païs et conté de Flandres) de donner à cognoistre à Son Alteze la difficulté que je voyois de vouloir assiéger ceste place, pensant de la gaigner par le moien susdict, sy Ton n'estoit maistre et supérieur de force en la mer, ce que Sa dicte Alteze n'estoit, ny aussy par aultre voye , sy ce n'estoit qu'à l'abordée et perdant quelque bon nombre d'hommes, on se fist maistre de leur contrescarpe et que, quant et quant, en passant oultre, on l'abastit et taschat-on, sans donner temps à l'ennemy de se fortifier, de l'expugner et prendre par force. Qu'aultrement et y allant par aultre voye, j'oserois bien asseurer que sy Dieu n'y mettoit la main miraculeusement, qu'icelle, de plusieurs années, n'en viendroit à bout, et que, partant, Sa dicte Alteze en recepvroit peu d'honneur, ains, au contraire, beaucoup de domage et déservice, ce que pour ma décharge, estant chevalier de l'ordre, de son conseil d'estat et gouverneur capitaine général d'une de ses principales provinces, je luy avois bien voulu remonstrer devant qu'icelle vinsse à s'embarquer davantage en ce faict : sur quoy Sa dicte Alteze n'y ayant voulu prendre esgardt, s'y est engagée et at assiégé la dicte ville, dont aussy Sa dicte Alteze est demeurée devant la dicte ville, l'ayant assiégée et sans l'avoir peu prendre devant l'espace et terme de trois années, au bout desquelles, après avoir esté pressée, comme j'avois déclaré cy dessus, icelle s'est aupresme rendu et en est-on devenu maistre, qui at esté cause que durant je n'ay suivy Sa dicte Alteze au dict siège.
Durant l'année mil six cent et deux , voiant Sa dicte Alteze le dict siège de la ville d'Oostende aller à la longue, la grande perte de gens, et des principaulx, qu'elle y faisoit journelement sans y rien profficter, et combien ses ennemis, de tous costés, se faisoient forts pour se mettre en campaigne et l'assaillir de plusieurs costés, icelle manda à tous ceulx de son conseil d'estat de venir en la ville de Gand la trouver, dont je fus du nombre, afin de par ensemble adviser les moiens pour pouvoir
empescher aux ennemis leurs desseins, et quant et quant, pour pourveoir à la conservation générale de tous les Pais-Bas, lesquels périclitoient fort : suivant quoy, fut unanimement dict et résolu par ceulx de son dict conseil d'estal, qu'ils ue trouvoient aultre meilleur moien ny remède, sinon de au plus tost mettre en praticque les résolutions et articles conceux, advisés et arrestés du temps de feu monseigneur l'archiducq Ernest, son frère, cependant qu'il gouvernoit ces Pais-Bas, par les archevesques, évesques, chevaliers de Tordre, gouverneurs de provinces, chefs des armées et trouppes, et de ceulx de ses consaulx d'estat, privé et finances, comme aussy d'accepter de mesmes la dernière offre et présentation faicte à icelle par ses estais généraulx, déclarée cy dessus de l'exécuter et la mettre en praticque incontinent, et que sans cela iceulx prévoyoient bien que le tout iroit plustost en empirant qu'aultrement, ce que néantmoins par les estrangers et aultres n'aymant le pais ny le service de leurs princes, ains plustost leur particulier que le général, fut empesché, en telle sorte que Sa dicte Âlteze n'exécuta rien de tout ce qu'on luy avoit conseillé.
Durant l'année mil six cent et trois, s'estant le conte Maurice de Nassau, avecq le camp et forces des Provinces unies et alliénées de l'obéissance de leurs princes, planté devant la ville de Bois-Ie-Ducq avecq intention de la blocquer et prendre, et estant Sa dicte Alteze résolue d'aller au secours de la dicte ville en personne, et m'ayant comandé de la suivre et servir en ce voiage, je l'ay faict fort voluntairement et punctuelement, ayant eu durant le susdict voiage, estant logé en la susdicte ville de Bois-le-Ducq, ma maison percée avecq plus de trente-deux coups de canon, dont mes cabinets, ma garderobe et chambre, voires mon propre lict, n'en ont esté exempts, dont à la par fin, ayant Son Alteze mis dedens la dicte ville aultant de garnison que bon luy at semblé, l'ennemy s'en est retiré avecq son camp et, deux jours après, Son Alteze, avecq son armée, s'est retirée de mesme en la ville de Brusselles.
Durant Tannée mil six cent et quatre, d'aultant que Son Alteze n'est bougée de la ville de Brusselles, je n*ay aussy faict aultre chose, sinon d'avoir tousjours esté auprès de sa personne, la suivy, servy et obéy en tout ce qu'icelle m'at comandé, ayant aussy en son nom et par son comandement très-exprès et absolut.
Durant Tannée mil six cent et cincq, receu en la ville de Brusselles, avecq tous les grands d'Espaigne, chevaliers de Tordre, chef des armées, généraulx de la cavalerie, mareschaulx de camp et tous les seigneurs et gentilshommes de la court, le conte Derfort et millort Egmont, ambassadeurs envoies de la part du roy de la Grande-Bretaigne vers Leurs Altezes, pour recepvoir d'icelles le serment touschant l'observation des articles de la paix, peu auparavant contractée ent^e iceulx ; m'ayant aussy Sa dicte Alteze comandé de demeurer, honnorer et caresser en son dict nom les susdicts ambassadeurs, durant tout le temps qu'iceulx demeuroient en sa court et ville de Brusselles, et ce, tant aux audiences publicques, aux sermens prestes, aux banquets, course de la bague et du faquin, au combat de piedt que Son Alteze maintint, que par touttes les aultres festes et actes publicques qui s'y sont faictes, mesme aussy à leur parlement, de les reconduire de la mesme façon comme je lesavois receus hors de la ville de Brusselles, ce que j'ay, Dieu soit loué, tout exécuté, vôtres les traicté, fort magnifiquement en ma maison, avecq tous les seigneurs de la court, le tout au gré et contentement de Leurs Altezes.
Et comme le 18 du mois d'apvril de cesle mesme année il at pieu à ce bon Dieu de, par la mort de Marie de Brimeu, contesse de Meghen, ma femme, advenue en la ville de Liège, me délibvrer de la captivité des peines et travaulx qu'avois enduré avecq icelle l'espace de 25 ans et jusques à sa mort, mort, dis-je, qu'elle at faicte et finie de contraire religion à la mienne, et de me remettre en liberté et en estât de me pouvoir remarier, voiant doncques et considérant que j'estois le dernier de ma maison, et qu'en morant sans délaisser génération légitime, ma
dicte maison, par ce moien, tombante en quenouille comme elle faisoit, esloit perdue, et que tant de beaux biens et grands tiltres fussent parvenus à entrer et parvenir en une aultre famille et maison, je me suis, par la licence et despence, tant de Sa Saincteté, de Sa Majesté Catholicque et de mes princes Leurs Altezes l'archiducq et l'infante, comme aussy de mesme de l'Empereur, Roys Très-Chrestien et de la Grande- Bretaigne, que de plusieurs aultres princes et potentats d'AUemaigne, France et d'Italie, ausquels j'ay cest honneur et d'appertenir et d'estrc parent, comme aussy de tous mes aultres parens et alliés, résolu de me remarier avecq madamoiselle Dorothée de Croy, fille aisnée de messire Charles Philippes de Croy, marquis de Ilavrecq, mon oncle, et dame Diane de Dominait in, contesse de Fontenoy, sa femme, dont pour la bonne affection que portons à la dicte damoiselle à présent duchesse de Croy et d'Arschot, nostre très-chière et bien-aymée compaigne, et ayant assés considéré sa bonne nourriture, son tendre eage, son bon naturel, la crainte qu'elle at de Dieu, et depuis veu et esprouvé aussy ses louables vertus, son honnorable maintien et ses bons comportemens, et aussy la grande espérance, voires l'asseurance qu'avons qu'icelle continuera de plus en plus aux louables vertus et comportemens susdicts, et aussy qu'icelle nous aymera, honnorera, complaira et respectera unicquement, comme une vraye femme est tenue de faire envers un bon et fidel mary, comme j'espère et l'ay désiré demeurer toutte ma vie, j'ay bien voulu, devant estre préoccupé de mort, comme j'ay déclaré cy dessus, de faire mon testament et ordonance de dernière volunté et intention comme il s'ensuit ' :
Sçavoir doncques faisons que, ne désirant décéder intestat et sans délaisser disposition testamentaire et dernière volunté de touttes mes duchés, principaultés , marquisautés , contés, viscontés, baronnîes, paieries, terres, seignories et de tous mes aultres biens quelconques,
Voyez plus haut. pp. 73, 75, 99, 107, etc.
de quelle condition ou nature qu'iceulx soyent et lesquels il at pieu à ce bon Dieu nous prester et eslargir en ce misérable monde, avons faict et déclaré, comme faisons et déclarons, nostre présent testament et dernière volunté comme il s'ensuit, laquelle nous voulons val loir et subsister en la meilleure forme et manière, comme selon le droict canon est escrit, ensemble le civil peull avoir effect, soit par voye de testament, codicil, donation pure ou causa mortis, disposition de dernière volunté ou aultre quelconque que de droict poulra mieulx valloir ou selon coustume subsister, nonobstant aulcunes aultres loix, coustûmes ou statuts aulcunement contraires à ceste nostre dernière volunté, ausquelles avons, aultant qu'en nous est, dérogué et déroguons par cestes, ordonant que la présente disposition soit exécutée en tous ses poincts et articles selon sa forme et que de droict, loix, coustume ou aultrement faire se peult, et tant en partie qu'en tout et par forme de légat et d'institution d'héritier où ceste seroit requise et nécessaire, et sy de tous poincts, au moins en ce qui poulra subsister.
Premièrement, rendant nostre ame à Dieu le Créateur, et le suppliant vouloir recepvoir icelle au nombre des bienheureux, par l'intercession de la très-glorieuse Vierge Marie et de tous les benoists anges, archanges, patriarches, apostres, marlirs, docteurs, confesseurs, vierges, saincts et sainctes de paradis, et de tous les esleux et bienheureux qui y sont, et en particulier monsieur sainct Charles, nostre patron et duquel portons le nom, comme aussy par la participation de touttes les bonnes œuvres et prières, desquels, de nostre vivant, avons participé, et après nostre mort pouvons encore participer et participerons avecq la grâce de Dieu, et ce, en vertu aussy des bulles qu'en avons obtenues de nostre vivant et notamment de ceulx de l'ordre des Chartroux, icelle à nous octroyée au cloistre de la grande Chartreuse, le 4 me jour du mois de may de l'année mil cincq cent nonante-sept; de celle de l'ordre des Capuschins, à nous donnée par leur général en la ville de Brusselles, le quinziesme jour du mois d'aoust de l'année mil cincq nonante-hutct ; de celle
de Tordre de Sainct-François en général, comme aussy detouttesaùltres que pouvons et poulrons encore avoir d'aultres ordres et monastères.
Secondement, voulons et ordonons que nostre corps soit enterré au cloistre des Célestins à Hèvre, joindant la ville de Louvain, iceluy fondé et dotté par nos prédécesseurs» lequel nostre corps, vint et quatre heures après que serons mort , voulons qu'il soit ouvert et que nostre cœur et entrailles en soyent tirés dehors pour iceulx estre mis aux esglises, lesquelles cy après seront par nous déclarées et dénomées, laissant le faict de l'embaumement à la discrétion tant de nostre très-chère et bien-aymée compaigne que des testamenteurs, curateurs et exécuteurs de ce présent testament de le faire faire ou poinct, ainsy qu'iceulx pour le meilleur trouveront convenir, lequel corps ainsy esvidé, on aura à accoustrer avecq nos meilleurs et plus beaux habits, avecq nostre manteau et couronne ducale, lequel on mettra dessus le beau lict de champ et dessoubs le plus beau dosseret qu'ayons, avecq six torsches et aultant de chandeilles allenthour, la croix et le bénitoir d'argent avecq l'eau bénisle et six prestres avecq leurs souplis allenthour du dict lict, priant Dieu ; lequel nostre corps on aura ainsy à laisser à portes ouvertes et à la veuede tous ceulx qui y vouldront venir, par l'espace de vint et quatre heures. Et, pour faire démonstrer et cognoistre à un chascun combien ceste vie mundaine et mortelle est briefve et transitoire, et que les honneurs, grandeurs, pompes et richesses de ce monde ne sont qu'une ombre et misère et qu'icelles se passent et s'esvanouissent comme le vent, lesquelles néanlmoins meinent leurs maistres et disciples qui les ensuivent, à une mort et damnation éternelle, pleine de peines, tourmens et regrets, je veux et ordonne très-expressément que, après les susdictes vint et quatre heures expirées, mon dict corps soit désaccoustré hors des risches accoustremens, tentures de lict de champ et dosseret, ausquels il avoit esté mis, et qu'iceluy soit derechef réaccoustré en habit et vestement de capuschin, et qu'ainsy vestu et accoustré, iceluy soit mis sur de l'estrain, avecq un gros oreillier de
canevas soubs nostre teste, dedens une couscbette de bois, laquelle on fera faire exprès à ces fins avecq nostre crucifix de bois entre nos deux mains, deux chandeilles dedens deux chandeliers de bois, et de l'eau béniste dedens un commun bénistier, avecq deux chartroux, deux capuschins et deux cordeliers, lesquels seront continuelement en prières et oraisons auprès d'iceluy nostre corps, et ce, aussy par l'espace d'aultres vint et quatre heures entières, aussy à portes ouvertes et à la veue de tous ceulx qui y vouldront entrer, et jusques environ les cincq heures après midy, qu'aurons fout le dict temps esté en ceste esquipage que dessus est dict; et que lors, au mesme estât et ainsy accoustré à face descouverte, soyons porté par les susdicts six religieux chartroux, capuschins et cordeliers en terre et jusques à la cave-fosse de l'esglise, dedens laquelle avons ordoné que nostre dict corps soit enterré ; là où serons mis, dedens un cercœuil de plomb, en la cave du susdict monastère, dessoubs le lieu où cy après avons ordoné d'y faire nostre sépulture, avecq les prières et cérémonies ordinaires de l'esglise et d'aultres qu'on poulra faire encore pour le salut de nostre ame, désirant et requérant à nostre femme que, venant icelle à mourir, elle se vœuille faire enterrer auprès de nous.
Voulons aussy que nos six sepmaines ayent à se tenir, et ce, en nostre ville et maison de Beaumont, auquel lieu, en cas que vinssions à mourir ou en quelque aullre lieu que ce fusse, quelle distance il y eust et mesme sy par cas fortuit de guerre, ou fussions mis en terre, ou enseveli aultre part, voulons, que nostre dict corps soit transporté et enterré au dict cloistre des Célestins à Hèvre, après qu'au lieu où serons trespassé on aura, aultant qu'humainement faire se poulra, touschant l'accoustrage et désaccoustrage de nostre corps, observé ce qu'avons ordoné cy dessus, entendant que tous nos serviteurs domesticques que délaisserons à l'heure de nostre mort, seront tenus d'accompaigner iceluy nostre corps jusques à sa sépulture, lesquels seront tous accoustrés de dœuil de bon drap, comme dr mesme seront accoustrés tous
cetilx de nostre conseil et chambre des comptes, tous les principaulx officiers de nos terres, assavoir : gouverneurs, drossaiis, prcvosts, baillys et recepveurs, tous nos advocats et procureurs et agens, à charge que chascun d'iceulx sera tenu de nous faire dire et chanter vigile et messe de Requiem pour le salut de nostre ame, et aussy voulons qu'au jour de nostre enterrement et service, lequel voulons qu'il soit faict sur nostre corps ou sépulture au susdict cloistre desCélestins à Hèvre, qu'y soyent aussy accoustrés en dœuil de fort gros drap, aultant de pauvres qu'avons délaissé d'années, à l'heure de nostre mort et non plus, lesquels debvront chascun porter une torse ardante avecq nos armoiries, ausquels et à chascun d'iceulx sera donné, le mesme jour, pour une fois tant seulement en aulmosne, et aussy afin qu'iceulx prient Dieu pour nostre ame, la somme de six florins, ne désirant, au reste, qu'aulcune aullre pompe soit faîcte, ny despences superflues, à noslre service et funérailles, sinon que nostre dict corps soit enterré et nostre dîct service faict, dict et célébré honestement, avecq toutte modestie, prières et oraisons pour nostre ame, comme est dict cy dessus, et qu'annuelement les religieux du dict cloistre ou aultres en leurs places et lieux, s'ils ne se trouvent en nombre compétent, moiennant que ce soit en la mesme esglise et dessus nostre sépulture et cave où serons enterré, seront tenus de dire et chanter vigile et grand'messe, avecq un sermon qui se fera au mitan d'icelle, en nostre mémoire et commisération, tous les jours que serons trespassé, auquel cloistre de Hèvre, nous luy donnons et fondons tous les ans, le mesme jour, la somme de cent florins, et à chascun religieux du dict cloistre, qui personelement y assisteront et y seront le mesme jour, aussy annuelement un escu d'or en espèce, et au prédicateur qui fera le sermon, aussy tous les ans six florins, comme le mesme jour sera fondé et donné annuelement à cent pauvres, tant de nostre duché d'Arschot, des baronnies de Bierbecq, Rotselaer que de Hèvre, dépendantes de la dicte duché et à nuls aultres, et à chascun d'iceulx pauvres, un florin, afin qu'iceulx ayent aussy à
prier Dieu pour nostre ame. Voulons aussy qu'au susdit! cloistre, sur l'autel de la chapelle où serons enterré, soit faicle, dicte et fondée tous les jours une basse messe à nostre intention, à cincq patars chascune, laquelle se debvra dire tous les jours, comme dict est, sur l'autel de la chapelle dedens laquelle avons ordoné d'y estre faicte nostre sépulture dedens laquelle nous serons enterré et enseveli, avecq le Miterere, De Profundis et les collectes des trespassés, tant pour nostre ame que pour celles de nos prédécesseurs, père et mère, et de tous nos bons parens trespassés.
Et comme nous avons donné au susdict cloistre de Hèvre la mesdaille de l'empereur Ârcadius, laquelle at esté trouvée endessoubs le grand obélisque de Rome, lequel le pape Sixte-le-Quint at faict transporter, et laquelle mesdaille le susdict pape avoit donnée à feu mon bon seigneur et père avecq les pardons et gaing de plénière indulgence à tous ceulx qui la porteraient, comme de mesme aussy tous les jours et veilles des festes de l'invention et exaltation de Sainte Croix, à tous ceulx qui, dignement confessés et communies, visiteront l'esglise où la dicte mesdaille reposera, laquelle du depuis nous avons faict encasser en une petite ciboire d'argent doré, nous voulons qu'icelle mesdaille ait tousjours à appertenir et demeurer au susdict cloistre des Célestins ù Hèvre, et tousjours estre et reposer sur l'autel et chapelle où nous serons enterré, faisant observer à ceulx du dict cloistre tous les jours susdicts bien exactement la susdicte feste et décoration de la susdicte mesdaille et des grandes indulgences accordées et concédées à icelle, suivant leur forme et teneur, et selon le contenu des bulles qu'on at impétré du susdict pape touschant icelles, conGrmées et imprimées ù Louvain par la licence de l'archevesque de Mal in es, et qu'en la mesme conformité la susdicte mesdaille soit de mesme de tous honnorée, estimée, respectée et révérée, comme dict est.
Quant à nostre sépulture, nous entendons qu'icelle soit mise et posée à la chapelle du cloistre de Fièvre, à main gauche du chœur, tout au milieu
d'icelle, et qu'icelle soit faicte, mise et posée suivant que Robert de Not, nostre tailleur d'images, demeurant en la ville d'Anvers, at emprins de faire et de mettre en la dicte chapelle, derrière laquelle sera faict une petite cave derrière la dicte sépulture, pour y mettre nostre corps après nostre mort, laquelle sera couverte d'une lame de cuivre au dessus de laquelle y aura taillée et gravée nostre représentation et effigie au vif accoustrée en capuschin et escript allentbour :
CAROLIJ8 A CROY,
NBPBR OCX CROY ET AR8GHOTI EX MAGNA PROGEltlE NATUS,
flUlfC PGTREDO TERRAS ET GIBUS VERNICCLOROM,
OBIIT lit DOMINO,
EXPECTA1V3 RESURRECTIOPTEM MORTUORCM,
TALI DIE ET ARlfO.
