POUR LE PORTIER

Iceluy sera tous les matins, en esté à quatre heures et en hyver ù sept, levé. Il viendra quérir les clefs de la porte en nostre chambre, se tiendra le surplus de la journée à sa porte avecq ceulx de la garde , et ayant les armes au poinct, ouvrira et serrera icelle, ne laissant entrer aulcun estranger, sauf ceulx de cognoissance, et au disner et au soupper, il portera les clefs entre les mains de nostre maistre d'hostel, pour en estre faict comme nous luy avons ordoné, et regardera que rien ne se transporte hors de la maison, tant de boisson, victuailles que d'aultres choses ; aydera et assistera les varlels de sale, tant pour porter la mande de viandes, le bois, pour les chambres, que servir les gentilshommes et officiers comme aultreinenl; et, au surplus, obéira et respectera, en tout et par tout, à nostre maistre d'hostel comme à nostre personne propre.