DÉLIBÉRATION CONSULAIRE DU 23 FÉVRIER

« Sur la requeste de Sebastien Griffo, marchant genenoys (génois), faiseur d'ouvrages de terre et aultres pour servir de veysselle, disant et remonstrant qu'il feroit voulentiers sa résidence continuelle en ceste dicte ville, et y attireroit et feroit la dicte manufacture de terre, laquelle se soulloit apporter en ceste dicte ville du pays d'Itallye pour vendre et débiter aux habitans de la dicte ville et du royaume. A ce que, pour le prouffict, décoration et melioration de la dicte ville, il pleust aus dits sieurs conseillers et consulat luy donner ayde et faveur à ce qu'il peust

(2) Bibliothèque impériale. Fonds Dupuy, n» 637, folio 90 recto.

vivre et s'entretenir en la dicte ville faisant la dicte manufacture. Et pour ce le faire tenir privillegié , franc et exempt de tous emprunptz, octroiz et impostz, entrées, yssues, gabelles et aultres subsides de ville, qu'il plaîroit au dict consulat declairer, pourluy donner moyen de s'entretenir et supporter les charges et grandes despences qu'il luy conviendra faire faisant les dicts ouvrages et manufacture de terre. Avoir amplement délibéré par les dicts sieurs conseillers, actendu que c'est l'augmentation et décoration de la dicte ville d'y avoir gens de tous estatz et mestiers , et que la dicte manufacture est nouvelle en ceste ville et au royaulme de France. Pour ces causes et aultres bonnes considérations à ce mouvant le consulat, a esté ordonné et accordé avec le dict Griffo, présent et acceptant, le tenir franc, quicte et exempt, durant deux ans prochain venant, à compter du jour et dacte (date) des présentes , de tous aydes, subsides, gabelles et aultres droictz et debvoirs accoustumez lever en ceste dicte ville, pour raison d'icelle manufacture, mesmes de l'entrée du vin pour huict battes (mesure de liquides) pour chacun an, durant les dictz deux ans que le dict Griffo sera tenu, comme il a promis et promect, besoigner et ouvrir actuellement en ceste dicte ville et y attraire la dicte manufacture et ouvraige de terre , et pour ce faire venir en ceste dicte ville des ouvriers du pays d'Ytallie et prendre des enfans de l'haulmosne (de l'aumône générale ou charité) pour faire besoigner es dictz ouvraiges de terre, à ce que par cy après la dicte manufacture soit entretenue en ceste dicte ville ».

(Actes consulaires de la ville de Lyon, BB 621, f°* ISS-S-i.)

4601 — Paris, imp. Ch. Jouaust, r. S.-Honoré, 338.