CHARTE DE HENRI H
ENRY, etc., à tous ceux qui ces présentes lettres verront, salut.
Nos chers et bien-amez JuUien Gambyn et Domenge Tardessir, natifs de Fayence en Itallie, nous ont faict remonstrer en nostre conseil privé qu'ilz ont la cognoissance art et expérience de faire la vaisselle de terre façon de Venise^ qu'ilz ont praticqué mesme ledict JuUien en nostre ville de Lyon soubz Jehan Francisque de Pezaro tenant boticque en icelle de ladicte veisselle soubz Tesperance, la commodité de dreisser le trein et mestier de ladicte veisselle comme chose libre et de tout temps permise aux estrangiers apportans en nostre royaulme moyen et praticqué de quelque art ou mestier encores peu cogneu en icelluy. Ce que cognoissant le dict de Pezaro, qui a faict le dict traficq et exercice vingt ans ou plus, y ayant acquiz de grandz moyens et facultez pour estre seul en ladicte manufacture en nostre dicte ville de Lyon, nous auroit faict entendre Vinvention du dict art et mestier avoir esté par luy trouvé en nostre dict royaulme^ prétendant avoir souffert de grandz fraiz et pertes durant vingt ans quMl a exercé, comme il faict de présent, combien que à la vérité il s'y soit enrichy, et soubz ce prétexte auroit obtenu noz lettres patentes dont la coppie est cy attachée, par lesquelles nous luy avons permis exercer le dict art do potier de terre durant six ans et faict défenses à tous autres de s'entremettre du dict art et manufacture et commerce de potier de terre sans Texprez consentement dudict Pezaro, ou de sa femme s'il venoit à decedder pendant ledict temps, sur poyne de confiscation
de ladicte poterie et d'amende arbitraire, au moyen de quoy les supplians, qui ont aussy bonne et meilheur cognoissance et experiance dudict art que le dict Pezaro, et que pour décorer nostre dicte ville de Lyon sont sur le poinct de dreisser le trein et mestier dudict potier, sont privez du fruict de leur espérance et recompense de leur bonne volunté ; ce que cognoissans lesdicts conseillers et eschevins de nostre dicte ville que par telle permission leur estoit interdict ung monopolle contraire au bien public et donner moyen au dict Pezaro d'enchérir ladicte veysselle et la vendre à sa discrétion comme il a faict, en quoy il s'est enrichy, joinct que icelle permission est contraire et indigne aux libertez des foyres de ladicte ville, estans assemblés à la maison consulaire d 'icelle ville le miasme (Je ce moys de novembre, auroient advisé et délibéré nous requérir révoquer la dicte permission, accorder aux supplians et autres expérimentez au dict art et manufacture de l'exercer en ladicte ville de Lyon, en quoy oultre la décoration et proffit que tel traffict apporte la dicte veisselle sera vendue à meilleur pris et l'un à l'envy de l'aultre mettront peyne à la décorer et embellir, nous suppliant et requérant iceux exposans leur pourvoir suyvant la dicte deliberacion ; nous, de l'advis de nostre dict conseil qui a veu l'acte cy attaché contenant l'advys desdicts conseillers et eschevins prins en l'assemblée de la dicte maison consullaire et pour les considérations susdictes et autres y contenuz, avons permis, accordé et octroyé, permettons, accordons et octroyons aux dictz exposans qu'ilz puissent exercer le dict estât, art, mestier de potier de terre, doresenavant dresser train, œuvres et autres choses nécessaires audict mestier selon et ainsi que bon leur semblera, ayant la mesme liberté et faculté que les autres artisans de nostre dicte ville sans qu'ils y puissent estre troublez ne empeschez en quelque manière que ce soit au moyen des deffences pourtées par nos dictes lettres obtenues par le dict Pezaro, lesquelles comme contraires à la liberté de nos dictz subjectz et contre autres privillèges des dictes foyres et pour autres considéracions susdictes nous avons levés et ostés, levons et ostons de nostre plaine puissance et auctorité royale, faisant deffence audict de Pezaro et à tous autres qu'il appartiendra de
troubler ou empescher les dicts exposans en Texercice du dict art et mestier ou choses qui en dépendent, sur peyne d'amande arbitraire. Si donnons en mandement par ces présentes à nostre amé et féal le sieur de Mandelot, conseiller en nostre conseil privé, chevalier de nostre ordre, gouverneur et nostre lieutenant gênerai en nostre dicte ville et des pays de Lyonnoys etForestz, seneschal du dict Lyon ou son lieutenant et gens tenans le siège présidial du dict lieu et autres, nos justiciers et officiers qu'il appartiendra, que ceste nostre permission ilz facent publier et enregistrer, garder et entretenir, et du contenu joyront et useront plainement et paisiblement lesdictz exposans, sans leur estre faict ne donné aucun empeschement au contraire, car tel est nostre plaisir nour nobstant les susdictes lettres et traictes autres à ce contraires (1). Donné etc.
Nous donnons ici le curieux document que nous a transmis le conservateur des Archives du Rhône. Il établit Texistence d'une troisième fabrique de faïence lyonnaise sous Henri IT.
