PACTE

Du lundi XXVIPjour du moys d'avril l'an mil iiiic et seze, ou chasteau de Bastide Saint Anthoine, à Paris.

Par devant vénérables seigneurs et maistres

Jaque Trousseau, archediacre

Pierre Doger,

Jehan Day,

Richart Bourgoys,

Hugues Grimaud, ) chanoines de Paris.

Guillaume Fedeau,

Girard Machet,

Jehan Charreton,

Et maistre Pierre Joseph, conseiller et adjoint esleu par lesdis sei» gneurs.

APPENDICES

conseillers du Roy nostre dit seigneur.

(L 7), Assistens avec eulx par l'ordonnance du Roy nostre sire révérends pères en Dieu

l'arcevesque de Bourges

l'evesque de Lisieux,

l'evesque de Lusson,

Presens avec les dessusnommez maistre Robert Maçon, chancellier de la Royne, et maistre Regnault Belin, trésorier de la Sainte Chapelle de Bourges,

A esté attaint maistre Nicole d'Orgemont, doyen de Tours et chanoine de Paris, prisonnier illec de mardi derrainement passé, lequel après serement par lui fait et que par ledit maistre Pierre Joseph, esleu et ordonné quant ad ce par lesdis chanoîn^cs ae Paris, aians pleine puissance de leur chapitre comme par lectres patentes seelleez de leur seel capitulaire est pleinement apparu ausdis seigneurs, lui ot esté aucunement et en gênerai touchié de l'assemblée et conspiracion dont question est.

Requis quant vint premièrement à sa congnoissance le fait de ladicte conspiracion, dit qu'il est vray que le mercredi d'avant le jour de Pasques derrenierement passé, lui estant en l'église de Paris à heure de la grant messe et que on chantoit la Passion, vint à lui qui parle un escuier d'un seigneur nommé Harpedenne, chevalier, qui le venoit quérir pour disner avec ledit chevalier ; lequel chevalier avoit semons et convié lui qui parle de disner avec lui ce jour par quinze jours devant, pourquoy lui qui parle s'en vint en son hostel ou cloistre de Paris, et despoulla son habit de l'esglise, et fist orine, et après ce, comme il vouloit monter sur sa mule, vinrent à lui deux hommes, desquelx il ne congnoissoit l'un par nom ne aultrement, et l'autre avoit nom maistre Regnault, comme il a depuis sceu, mais lors il l'appelloit Robert, pour ce que lui qui parle n'avoit aucune mémoire de son nom ; toutes fois il le congnoissoit parce que par avant et pieça il l'avoit veu demourer avec le chancellier de Bourgoigne auquel qui parle ledit maistre Regnault présenta unes lectres closes, disant telles parolles : « Monseigneur vous salue ». Auquel maistre Regnault lui qui parle demanda quel seigneur, et ledit maistre Regnault respondi à lui qui parle que c'esloit monseigneur de Bourgoigne. Adonc lui qui parle print lesdictes lectres, demandant \ audit maistre Regnault s'il y avoit aucune haste, lequel maistre Regiault respondi à lui qui parle que non, et que c'estoyent seulement lectrns de créance. Adonc lui qui parle ploya icelles lectres et les mist en sa manche, pour ce qu'il le convènoit partir hastivement pour aler disner avec ledit cheualier.

Dit oullre lui qui parle que après ycelui disner, il retourna en son hostel oudit cloistre, et comme il feust heure de aler ouir le service de ténèbres à l'église Saint Jehan le Rond, lui qui parle voulant aler audit service, changa et print aultre robe que celle qu'il avoit portée au disner, en laquelle despouUant, se recorda desdictes lectres que ledit maistre Regnault lui avoit baillez devant disner, et les prist en la manche de la robe qu'il laissoit, et les ouvrist et lust, et se esmerveilla lui qui parle que en ycelles lectres n'avoit aucun signe ne du seigneur

MMkMBrikwa

APPENDICES

contredire ou empescher la dicte besongne ou résisté contre l'entreprinse, que yceulx eussent esté prins ou tuez.

Il dist aussi, sur ce requis, qu'il tient et croit que yceulx de ladicte entreprinse avoyent intencion de fere venir ledit duc de Bourgoigne à Paris pour et ad fin qu'il gouvernast et pourveust aux besongnes, et si dit que quant on lui a parlé des besongnes et mesmement du gouvernement des finances et que ceulx qui en parloyent disoyent qu'elles estoient mauvaisement gouvernéez et qu'ilz n'estoyent que XI ou que XII qui les gouvernoyent, il qui parle conferma aux diseurs ces choses.

Interrogué s'il tient et croit que ledit monseigneur de Bourgoigne venu à Paris, la chose deust estre mieulx gouvernée, dit qu'il tient et croit en sa conscience que non, et qu'elle seroit encores pis qu'elle n'est, et que ledit seigneur de Bourgoigne en sa personne n'est pas sages, qu'il ne scet parler, et ne se conseille pas par sages hommes.

(f . 6 vo) Interrogué qu'il entend par les bons bourgoys qui devoyent aler devers le Roy, dit qu'il entend que ce feussent les marchans de Paris.

Interrogué lui qui parle se à son advis le dessusnommé Vaubrisset et aultres qui avoyent entreprins de conduire la besongne le faisoyent à bonne intencion et pour le bien du Roy et de son royaulme, di ces paroles : Je scay bien que non, mays le font pour retourner en leurs ofjïcis du temps passé, et dominer y et par tengence de ces parcialitez qui estoyent.

Interrogué se quant on lui avoit parlé de la dicte assemblée et de l'eure d'icelle, il auoit point dit qu'il y seroit, et le premier à cheval, dit que non.

Interrogué se à ceulx qui lui parlèrent de ladicte assemblée par plusieurs foys il blasma point ladicte assemblée et le fait dessusdit, dit en vérité que non.

Copia confessionis magistki Nicolai de Ordeomonte, prisionahii ad Bastidam Sancti Anthonii Parisiensis, coram dominis suis judicibus