ET PREMIEREMENT DE LA DOVLEVR
Entre tous les symptomes des fiéures, il n’y a point de si frequent et de plus importun que la douleur :
c'est pourquoy nous la mettons icy au premier rang. Or ladouleur qu apporte la fiéure est principalement, ou à la teste, ou à l’estomach , ou au ventre, ou aux lombes , ou aux cuisses et aux iambes.
Pour la douleur de teste, peu de febricitans en sont exempts, et s’attache particulierement aux temples, au front, et au deuant de la teste: celle qui vient au sommet et derriere de la teste ou à l’entour desoreilles venant plutost d’autre cause que non pas de la fiéure. Au reste, la fiéure donne la douleur de teste. par le moyen des fumées et vapeurs qui sortans du foyer de la fiéure contenu dans la premiere ou deuxiéme ‘region du corps, sont portées au cerueau par les veines et arteres et autres conduits.
Quand ceste douleur est legere, elle ne merite pas que l’on fasse autres remedes que ceux que l’on donne pour la fiéure : mais si elle est importune et violente, aprés les clysteres et les saignées, on pourra faire quelques remedes topiques, frottant Les tempes et le front d’oxyrhodinum preparé auec huile rosat, et la 7. ou 8. partie de vinaigre: ou bien on prendra quatre onces d’eau rose, vne once de fueilles de saule ou de fleurs de violles et de nenuphar , six drachmes de vinaigre
rosat, le blanc d’vn œuf, qu’on agite- ;
raet meslera ensemble, pour faire vn frontal à mettre sur lesdites parties.
LE VINGTIÈME LIVRE
Que si ces chosés ne suffisent à appaiser la douleur, on peut raser la teste et la frotter souuent dudit oxyrhodinum, ou mettre dessus vn linge trempé en eau de rose, de plantain,de betoine , de morelle, et autres de pareilles vertus. Quelques vns aiment mieux se seruir de cest onguent, preparé auec deux onces d'huile violat et de nenuphar, vne once et demie d’huile tirée de la semence de courge, vne once de suc de laictue et de morelle, auec vn peu de cire pour luy donner corps. Que si le malade ne peut endurer les choses liquides ny moüillées , on luy fera ce frontal sec, prenant:
