DES AIDES DE LA DOVLEVR FAITE D'INTEMPERATVRE SANS MATIERE

Il ya des douleurs aux iointures qui se font d’intemperature sans matiere, ce qui n’aduient pas souuent :

toutesfoisie l’ay experimenté sur moymesme il y a enuiron de dix à douze ansi.

Estant en hyuer en mon estude, vn

1 Je rappelle que ce texte est de 1575.

vent coulis me donna sur la hanche senestre, lequel ie ne sentois alors, à cause que la vertu imaginatiue estoit occupée à l'estude : puis me voulant leuer, il me fut impossible de me pouuoir soustenir debout : et auois vn sentiment de douleur si extreme et intolerable, qu’il me seroit impossible la descrire, sans aucune apparence d’intemperature, ny de tumeur au sens de la veuë. Lors force me fut me faire mettre dedans le lit : et considerant que le froid (qui est du tout ennemy des parties nerueuses!) estoit cause de ma douleur, me fis appliquer plusieurs linges chauds dessus :

et neantmoins qu'ils fussent fort chauds, ie ne sentois qu'à peine la chaleur sur l’endroit de ma douleur, tant estoit l’intemperature grande :

et és autres parties voisines ie la sentois si bien qu’elle me brusloit, iusques à me faire leuer des vessies. D’auantage ie fis appliquer des sachets remplis d’auoine et de mil fricassés ensemble, et imbus de vin vermeil :

pareillement autres fois y faisois appliquer vessies de bœuf, dans lesquelles y auoit de la decoction d'herbes resolutiues, et n’estoient qu’à demy pleines, à fin qu’elles adherassent mieux sur le lieu de la douleur.Autres fois y faisois appliquer vne escuelle de bois creuse, presque remplie de cendres chaudes, et par dessus de la sauge, rosmarin et rue vn peu pistés : puis ladite escuelle estoit couuerte et enueloppée d’vn linge, sur lequel on iettoit eau de vie, de laquelle sortoit vne vapeur humide qui donnoit grand allegement à ma douleur. Autres fois y faisois appliquer la mie dvn gros pain tout recertement tiré du four, arrousée d’eau de vie et

1 Hippocrates, Æph. 18. liu. 5. — À, P,

enueloppée dans vne seruiette : semblablement me faisois appliquer aux pieds des bouteilles de térre remplies d’eau boüillante, à fin qué l’intemperature fust plus amplement corrigée, d'autant que la chaleur de ce remmede peut se communiquer au cerueau, pour la rectitude des nerfs. Ceste extreme douleur me dura enuiron vingt quatre heures; et fut cessée par les remedes susdits {,

Il y a encore yne autre espece d'humeur excrementitieux , lequel pour estre de substance fort deliée et subtile, ne se peut voir à l'œil, qui s'appelle fuligineux, à cause qu’il est semblable au noir qui s'engendre de la fumée d’vne lampe ; lequel estänt accompagné de serosité virulente, passe partout, faisant des extremes douleurs ; tantost à vne partie ; tantost à Pautre, ne demandant qu’à sortir: partant luy faut ouurir la porte en quelque sorte que ce soit, ou par application de ventouses et cornets, et scarifications, où par vesicatoires el cauteres.